FTR 1200 ശ്രേണി പരിഷ്കരിച്ച് ഇന്ത്യൻ മോട്ടോർ‌സൈക്കിൾ

FTR ശ്രേണിയിൽ മോട്ടോർസൈക്കിളുകളായ FTR, FTR S, FTR R കാർബൺ, FTR റാലി എന്നിവ ഉൾപ്പെടുന്നു. അപ്‌ഡേറ്റ് ചെയ്ത ശ്രേണി ഈ വർഷാവസാനം ഇന്ത്യൻ വിപണിയിൽ അവതരിപ്പിക്കാൻ സാധ്യതയുണ്ട്.

പുതിയ അപ്‌ഡേറ്റിനൊപ്പം, പുതിയ ടയറുകളുമായി ബൈക്ക് കൂടുതൽ റോഡ് ഫ്രണ്ട്ലിയായി മാറി. ഈ നിർദ്ദിഷ്ട അപ്‌ഡേറ്റ് യൂറോപ്യൻ വിപണി നിന്നുള്ള ഉപഭോക്താക്കളുടെ ആവശ്യപ്രകാരമായിരുന്നു.

FTR റാലിക്ക് പുറമെ മറ്റെല്ലാ മോഡലുകൾക്കും പുതിയ 17 ഇഞ്ച് കാസ്റ്റ്-അലുമിനിയം വീലുകൾ നൽകിയിട്ടുണ്ട്, ഇത് റോഡ് കേന്ദ്രീകരിച്ചുള്ള സ്റ്റിക്കി മെറ്റ്സെലർ സ്പോർടെക് ടയറുകളുമായി വരുന്നു.

25 ഡിഗ്രിയിൽ സ്റ്റീപ്പർ റേക്ക് ആംഗിളും ബൈക്കിന് ലഭിച്ചിട്ടുണ്ട്, ഇപ്പോൾ ട്രെയിൽ 99.9 mm ആണ്. ഇതിൻഫലമായി, സീറ്റിന്റെ ഉയരം 36 mm കുറച്ചിട്ടുണ്ട്, മുമ്പത്തെ ബൈക്കിന് സീറ്റ് ഉയരം വളരെ ഉയർന്നതാണെന്നത് കണക്കിലെടുക്കുമ്പോൾ ഇത് സ്വാഗതാർഹമാണ്.

ഇതിനുപുറമെ, പ്രോ-ടേപ്പർ ഹാൻഡിൽബാറുകൾ ഇപ്പോൾ 40 mm നീളം കുറച്ചിരിക്കുന്നു. ഈ അപ്‌ഡേറ്റുകളെല്ലാം ഹാൻഡ്‌ലിംഗിന്റെ കാര്യത്തിൽ ബൈക്കിനെ കൂടുതൽ ചടുലവും ഫ്ലുയിഡിക്കുമാക്കുന്നതിനായി നിർമ്മാതാക്കൾ വ്യക്തമാക്കുന്നു.

പൂർണ്ണമായും ക്രമീകരിക്കാവുന്ന ഫ്രണ്ട്, റിയർ സസ്‌പെൻഷൻ, സിലിണ്ടർ നിർജ്ജീവമാക്കുന്ന സാങ്കേതികവിദ്യ, അപ്‌ഡേറ്റുചെയ്‌ത എഞ്ചിൻ മാപ്പ് എന്നിവ മോട്ടോർസൈക്കിളിലെ മറ്റ് അപ്‌ഡേറ്റുകളിൽ ഉൾപ്പെടുന്നു

1,203 സിസി V-ട്വിൻ എഞ്ചിൻ ബൈക്കിൽ തുടരുന്നു. ഈ ലിക്വിഡ്-കൂൾഡ് യൂണിറ്റ് 6,000 rpm -ൽ 123 bhp കരുത്തും 120 Nm torque പുറപ്പെടുവിക്കുന്നു.

ബാഹ്യ രൂപകൽപ്പനയും സ്റ്റൈലിംഗ് അപ്‌ഡേറ്റുകളും കണക്കിലെടുക്കുമ്പോൾ, ബൈക്കിന് പുതിയ പെയിന്റ് സ്കീമുകളും കമ്പനി നൽകുന്നു. പുതിയ കളർ ഓപ്ഷൻ FTR സീരീസിന്റെ ബാഹ്യരൂപത്തിന് പുതുമ നൽകുന്നു.