ലോകത്തിൽ വെറും 100 യൂണിറ്റുകൾ മാത്രം; ലിമിറ്റഡ് എഡിഷൻ RC 8C സ്പോർട്സ് ബൈക്കുമായി കെടിഎം

മോട്ടോർ സൈക്കിൾ ഒരു ബെസ്‌പോക്ക് സ്റ്റീൽ ട്യൂബുലാർ ചാസിയിൽ സ്ഥാപിക്കുകയും 890 ഡ്യൂക്ക് R സോഴ്‌സ്ഡ് എഞ്ചിനിൽ നിന്ന് പവർ എടുക്കുകയും ചെയ്യുന്നു. 889 സിസി, ലിക്വിഡ്-കൂൾഡ്, എട്ട് വാൽവ്, പാരലൽ-ട്വിൻ എഞ്ചിനാണ് മോട്ടോർസൈക്കിളിന്റെ ഹൃദയം. ഇത് 126 bhp കരുത്ത് പുറപ്പെടുവിക്കുന്നു.

പുതിയ കെടിഎം 8C കമ്പനിയുടെ റേസ് ബൈക്കിന്റെ വളരെ അടുത്ത പ്രതിഫലനമായിരിക്കും, അതോടൊപ്പം മോട്ടോർ സൈക്കിൾ പരിപാലിക്കാൻ ഒരു സ്പെഷ്യലിസ്റ്റ് റേസ് ടീം ആവശ്യമില്ലെന്ന് കമ്പനി അവകാശപ്പെടുന്നു. ഹൈ-ടോർക്ക് പ്രൊഡക്ഷൻ എഞ്ചിനുമായി എത്തുന്ന ബൈക്ക് പൂർണ്ണമായും കൈകൊണ്ടാണ് നിർമ്മിച്ചിരിക്കുന്നത്.

കെടിഎം RC 16-പ്രചോദിത കാർബൺ കെവ്‌ലർ റീ-ഇൻഫോർസ്ഡ് GRP ബോഡി വർക്കാണ് മോട്ടോർസൈക്കിളിന് ലഭിക്കുന്നത്. റേസർ ഷാർപ്പ് രൂപത്തിനുപുറമെ, എയറോഡൈനാമിക് വിംഗ്‌ലെറ്റുകൾ റേസിംഗ് ടാർമാക്കിൽ കൂടുതൽ ഡൗൺഫോഴ്‌സും ഗ്രിപ്പും സംഭാവന ചെയ്യുന്നു.

ഇന്റഗ്രേറ്റഡ് ഡാറ്റ റെക്കോർഡിംഗിനൊപ്പം അഞ്ച് ഇഞ്ച് TFT ഡിസ്പ്ലേ ഇതിന് ലഭിക്കും. മോട്ടോർസൈക്കിളിൽ AIM MXS 1.2 RACE ഡാഷ്‌ബോർഡ് ഡാറ്റാ ലോഗറിനൊപ്പം വരുന്നു, ഒപ്പം ഇന്റഗ്രേറ്റഡ് GPS ഫംഗ്ഷൻ നേടുകയും ചെയ്യുന്നു.

ക്വിക്ക്-റിലീസ് ടാങ്ക്, ബോഡി പാനലുകൾ, ഭാരം കുറഞ്ഞ ഡിമാഗ് വീലുകൾ, പിറെല്ലി SC1 റേസ് സ്ലിക്ക് ടയറുകൾ എന്നിവയാണ് ബൈക്കിന്റെ മറ്റ് പ്രധാന സവിശേഷതകൾ.

ബൈക്കിലെ സസ്‌പെൻഷൻ കിറ്റിൽ 43 mm WP APEX പ്രോ 7543 ക്ലോസ്ഡ് കാർട്രിഡ്ജ് ഫ്രണ്ട് ഫോർക്കുകൾ ഉൾപ്പെടുന്നു, അവ WP APEX പ്രോ 7746 റിയർ മോണോ ഷോക്കും നൽകുന്നു.

ബ്രേക്കിംഗിനായി, മുൻവശത്ത് ബ്രെംബോ സ്റ്റൈലമ ക്യാലിപ്പറുകളുള്ള ഇരട്ട 290 mm ഡിസ്കുകളും പിന്നിൽ ബ്രെംബോ ടു-പിസ്റ്റൺ ക്യാലിപ്പറുള്ള 230 mm റോട്ടറും ഉപയോഗിക്കുന്നു.