Just In
- 1 hr ago മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ
- 3 hrs ago 7 പേർക്ക് പോകാവുന്ന ഹ്യുണ്ടായിയുടെ ഫാമിലി എസ്യുവിക്ക് 55,000 രൂപ വിലക്കുറവ്, വിട്ടാലോ ഷോറൂമിലേക്ക്
- 4 hrs ago സ്വന്തമായി ബൈക്കില്ലെങ്കിലും ലോകത്തെവിടെയും ബുള്ളറ്റിൽ ചുറ്റിക്കറങ്ങാം; എങ്ങനയെന്ന് എൻഫീൽഡ് പറഞ്ഞു തരും
- 5 hrs ago ചലാൻ കിട്ടിയത് വൈകിയാണെന്ന് കരുതി സമാധാനിക്കാൻ വരട്ടെ, എംവിഡി മാമൻമാർ പറയുന്നത് കേട്ടോ
Don't Miss
- Movies അച്ഛന്റെ കൂടെ സംസാരിക്കാനോ പുറത്ത് പോകാനോ അനുവാദമില്ലായിരുന്നു; ബ്രേക്കപ്പിന്റെ സമയത്ത് മരണം; സൗഭാഗ്യ
- Sports IPL 2024: 9 പന്തില് 28, സ്ട്രൈക്ക് റേറ്റ് 311! കത്തിക്കയറി ധോണി; പക്ഷെ ആരാധകര്ക്ക് നിരാശ
- Lifestyle വെറും ദോശയല്ല, ബ്രേക്ക്ഫാസ്റ്റിന് ഇനി ഹെല്ത്തി എഗ്ഗ് ദോശ
- News 'നിങ്ങളുടെ മുത്തശ്ശി പിടിച്ച് ജയിലിലിട്ടിട്ടുണ്ട് ഒന്നര വർഷം', രാഹുൽ ഗാന്ധിയോട് പിണറായി വിജയൻ
- Finance ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി
- Travel കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും
- Technology വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
വിശാഖപട്ടണത്തും പ്രവര്ത്തങ്ങള്ക്ക് തുടക്കം കുറിച്ച് Revolt; 2022 ഓടെ 60 പുതിയ നഗരങ്ങളിലേക്കും
വൈസാഗില് (വിശാഖപട്ടണം) തങ്ങളുടെ ആദ്യത്തെ റീട്ടെയില് സ്റ്റോര് തുറക്കുന്നതായി പ്രഖ്യാപിച്ച് ഇലക്ടിക് വാഹന നിര്മാതാക്കളായ റിവോള്ട്ട് മോട്ടോര്സ്. കമ്പനിയുടെ ആന്ധ്രാപ്രദേശിലെ ആദ്യത്തെ സ്റ്റോറും ഇന്ത്യയിലുടനീളമുള്ള 15-ാമത് റീട്ടെയില് സ്റ്റോറുമാണ് ഇതോടെ പ്രവര്ത്തനം ആരംഭിക്കുന്നത്.
2022 തുടക്കത്തോടെ കൊല്ക്കത്ത, ചണ്ഡീഗഡ്, ലഖ്നൗ, NCR എന്നിവയുള്പ്പെടെ 60 പുതിയ നഗരങ്ങളില് പ്രവേശിച്ച് വില്പ്പന ശൃംഖല വിപുലീകരിക്കാനും റീട്ടെയില് സാന്നിധ്യം കൂടുതല് ശക്തമാക്കാനും കമ്പനിക്ക് പദ്ധതിയുണ്ട്. ഇത് സംബന്ധിച്ച പ്രഖ്യാപനങ്ങള് നേരത്തെ തന്നെ കമ്പനി വെളിപ്പെടുത്തുകയും ചെയ്തിരുന്നു.
2021 ഒക്ടോബറില് റിവോള്ട്ട് മോട്ടോര്സ് ബെംഗളൂരു, ജയ്പൂര്, സൂറത്ത് എന്നിവിടങ്ങളില് റീട്ടെയില് സ്റ്റോറുകള് ആരംഭിച്ചിരുന്നു. 70 നഗരങ്ങളിലായി റിവോള്ട്ട് RV400 ഇലക്ട്രിക് മോട്ടോര്സൈക്കിളിനുള്ള ബുക്കിംഗ് പ്രഖ്യാപിക്കുകയും ചെയ്തിട്ടുണ്ട്.
എല്ലാ പുതിയ റിവോള്ട്ട് സ്റ്റോറുകളും പ്രധാന നഗരങ്ങളിലുടനീളം റീട്ടെയില് പങ്കാളികള് സ്ഥാപിക്കും. പുതിയ കേന്ദ്രങ്ങള് കമ്പനിയുടെ വില്പ്പന പോയിന്റുകളായി പ്രവര്ത്തിക്കുക മാത്രമല്ല, ഉപഭോക്താക്കള്ക്ക് വാഹനം അനുഭവിക്കാനും ഡിസൈന്, ചാര്ജിംഗ് പ്രക്രിയ, ചാര്ജിംഗ് പോയിന്റുകളുടെ ഇന്സ്റ്റാളേഷന് എന്നിവയിലൂടെ കടന്നുപോകാനും അവസരം നല്കും.
ടെസ്റ്റ് റൈഡിന് ശേഷം ഉപഭോക്താക്കള്ക്ക് അവരുടെ റൈഡിംഗ് പാറ്റേണുകള് മനസ്സിലാക്കാനും ഇവിടങ്ങളില് സാധിക്കുമെന്നും കമ്പനി വ്യക്തമാക്കുന്നു. റിവോള്ട്ട് മോട്ടോര്സ് അതിന്റെ മുന്നിര RV400-ന് വാങ്ങുന്നവരില് നിന്ന് അതിശയകരമായ പ്രതികരണത്തിനാണ് സാക്ഷ്യം വഹിക്കുന്നത്.
ഇത് ഓരോ തവണയും വില്പ്പന തുടങ്ങി മിനിറ്റുകള്ക്കുള്ളില് വിറ്റുതീരുകയും ചെയ്യുന്നു. ഇതിനുപുറമെ, കമ്പനി അതിന്റെ ഉപഭോക്താക്കള്ക്കായി വികസിപ്പിച്ച കോണ്ടാക്റ്റ്ലെസ് അനുഭവം ഉയര്ത്തുന്നതിനും നല്കുന്നതിനും AI-യെ പ്രയോജനപ്പെടുത്തുന്നു. നിലവില് ബെംഗളൂരു, ജയ്പൂര്, സൂറത്ത്, ഡല്ഹി, മുംബൈ, പുനെ, ചെന്നൈ, അഹമ്മദാബാദ്, ഹൈദരാബാദ് എന്നിവിടങ്ങളിലാണ് ബ്രാന്ഡ് പ്രവര്ത്തിക്കുന്നത്.
റിവോള്ട്ടിന്റെ മുന്നിര മോഡലായ RV400 ഇലക്ട്രിക് മോട്ടോര്സൈക്കിള് 3 kW (മിഡ് ഡ്രൈവ്) മോട്ടോറുമായിട്ടാണ് വരുന്നത്. 72 V, 3.24 kWh ലിഥിയം-അയണ് ബാറ്ററി 85 കിലോമീറ്റര് വേഗത വരെ കൈവരിക്കാന് മോഡലിനെ പ്രാപ്തമാക്കുന്നു.
ബൈക്ക് ലൊക്കേറ്റര്/ജിയോ ഫെന്സിംഗ്, സ്ക്രീനില് ഒരു ടാപ്പിലൂടെ മാറ്റാവുന്ന ഇഷ്ടാനുസൃതമാക്കിയ ശബ്ദങ്ങള്, പൂര്ണ്ണമായ ബൈക്ക് ഡയഗ്നോസ്റ്റിക്സ്, ബാറ്ററി നില, റൈഡുകളിലെയും കിലോമീറ്ററുകളിലെയും ചരിത്രപരമായ ഡാറ്റ തുടങ്ങിയ കണക്റ്റിവിറ്റി സവിശേഷതകള് വാഗ്ദാനം ചെയ്യുന്ന MyRevolt ആപ്പ് വഴി ബൈക്ക് പ്രവര്ത്തിപ്പിക്കാം.
റിവോള്ട്ട് ഇലക്ട്രിക് ബൈക്കിന്റെ ബാറ്ററി സ്വാപ്പ് ചെയ്യുന്നതിന് അടുത്തുള്ള റിവോള്ട്ട് സ്വിച്ച് സ്റ്റേഷന് കണ്ടെത്താനുള്ള ഓപ്ഷനും ഈ ആപ്പില് കമ്പനി സജ്ജീകരിച്ചിട്ടുണ്ട്. റിവോള്ട്ട് ഇലക്ട്രിക് ബൈക്കില് മൂന്ന് റൈഡിംഗ് മോഡുകളും ഉണ്ട് - ഇക്കോ, നോര്മല്, സ്പോര്ട്ട് - ഓരോന്നും റൈഡിംഗ് ശൈലിക്കും ഡ്രൈവറുടെ ആവശ്യങ്ങള്ക്കും അനുയോജ്യമാണ്.
സമാനതകളില്ലാത്ത റൈഡിംഗ് അനുഭവം നല്കുന്നതിനായി റിവോള്ട്ട് RV400-ല് അപ്സൈഡ് ഡൗണ് (USD) ഫോര്ക്കുകളും പിന്നില് പൂര്ണ്ണമായും ക്രമീകരിക്കാവുന്ന മോണോഷോക്കും ഉണ്ട്. റിവോള്ട്ട് RV400 ഉപഭോക്താക്കളില് നിന്ന് ശക്തമായ പ്രതികരണമാണ് ലഭിക്കുന്നത്. ഇത് ഇപ്പോള് നിരവധി തവണ വില്പ്പന ആരംഭിച്ച് മിനിറ്റുകള്ക്കുള്ളില് വിറ്റുതീര്ന്നതും വാര്ത്തകളില് ഇടംപിടിച്ചിരുന്നു.
RV400 -നൊപ്പം RV300 എന്നൊരു മോഡലിനെയും കമ്പനി അവതരിപ്പിച്ചിരുന്നു. എന്നാല് RV400 -ന് ആവശ്യക്കാര് കൂടുതല് എന്ന് മനസ്സിലാക്കായി കമ്പനി, ഈ മോഡലിന്റെ ഉത്പാദത്തിലാണ് നിലവില് കൂടുതല് ശ്രദ്ധ നല്കുന്നത്. അതേസമയം വൈകാതെ തന്നെ RV300-ന് പകരം താങ്ങാവുന്ന വിലയില് പുതിയൊരു മോഡലിനെ ഈ വിഭാഗത്തിലേക്ക് എത്തിക്കാനും കമ്പനിക്ക് പദ്ധതികളുണ്ട്.
മണിക്കൂറില് 85 കിലോമീറ്ററാണ് RV400-ന്റെ ഉയര്ന്ന വേഗത. ഇക്കോ മോഡില് ഒറ്റ ചാര്ജില് 156 കിലോമീറ്റര് പരമാവധി ക്ലെയിം ചെയ്യാവുന്ന റേഞ്ചുള്ള ഇക്കോ, സിറ്റി, സ്പോര്ട് എന്നീ മൂന്ന് റൈഡിംഗ് മോഡുകളില് ഇത് വാഗ്ദാനം ചെയ്യുന്നു. സിറ്റി, സ്പോര്ട് മോഡുകള് ഒറ്റ ചാര്ജില് യഥാക്രമം 120 കിലോമീറ്ററും 90 കിലോമീറ്ററും റേഞ്ച് വാഗ്ദാനം ചെയ്യുന്നു.
15A സോക്കറ്റ് ഉപയോഗിച്ച് ബാറ്ററി പൂര്ണ്ണമായും ചാര്ജ് ചെയ്യാന് ഏകദേശം 4.5 മണിക്കൂര് വരെ സമയം എടുക്കുമെന്നും കമ്പനി അറിയിച്ചു. ഫീച്ചറുകളുടെ കാര്യത്തില്, ഹെഡ്ലാമ്പ്, ടെയില് ലാമ്പ്, ടേണ് ഇന്ഡിക്കേറ്ററുകള് എന്നിവയ്ക്കായി എല്ലാ-എല്ഇഡി ലൈറ്റിംഗും ഇത് വാഗ്ദാനം ചെയ്യുന്നു.
MyRevolt ആപ്പ് ഉപയോഗിച്ച് മാറ്റാന് കഴിയുന്ന സിമുലേറ്റഡ് എക്സ്ഹോസ്റ്റ് നോട്ടുകളാണ്, കൂടാതെ യാത്രയ്ക്കിടയിലും സ്വിച്ച് ഓണ് അല്ലെങ്കില് ഓഫ് ചെയ്യാം. മോട്ടോര്സൈക്കിളിന്റെ റിമോട്ട് സ്റ്റാര്ട്ട്/സ്റ്റോപ്പ് പ്രവര്ത്തനക്ഷമമാക്കുന്ന സൈ്വപ്പ് ടു സ്റ്റാര്ട്ട് എന്ന പുതിയ ഫീച്ചര് അടുത്തിടെ ഇതിന് ലഭിച്ചിരുന്നു.
ഇന്ത്യാ ഗവണ്മെന്റിന്റെ പുതുക്കിയ FAME II സബ്സിഡികള് കാരണം RV400-ന്റെ വില അടുത്തിടെ 28,000 രൂപ കുറച്ചിട്ടുണ്ട്. 90,799 രൂപയാണ് (എക്സ്ഷോറൂം) ഇപ്പോള് വില.
ഡല്ഹി ആസ്ഥാനമായുള്ള ഇവി സ്റ്റാര്ട്ടപ്പ് റിവോള്ട്ട് RV1 എന്ന പേരില് കൂടുതല് താങ്ങാനാവുന്ന ഇലക്ട്രിക് മോട്ടോര്സൈക്കിള് അവതരിപ്പിക്കാന് ഒരുങ്ങുകയാണെന്നും റിപ്പോര്ട്ടുകളുണ്ട്.