Just In
- 9 hrs ago തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച
- 12 hrs ago ഓഫ്റോഡ് പ്രേമികളേ ഇതിലെ, പുത്തൻ റാങ്ലർ ഫെയ്സ്ലിഫ്റ്റിലെ ഹൈലൈറ്റുകൾ ഇവയൊക്കെ
- 13 hrs ago പുതിയ എസ്യുവിക്ക് 20 കി.മീ മൈലേജ്! ആളുകള് ഇനി ക്യൂ നില്ക്കാന് പോകുന്നത് മഹീന്ദ്ര ഷോറൂമിന് മുന്നില്
- 13 hrs ago മോഡലിംഗും ഡാൻസുമാണ് പാഷൻ, 23-ാം വയസിൽ ഡ്രീം കാർ സ്വന്തമാക്കിയ സുന്ദരിയെ അറിയുമോ?
Don't Miss
- Sports IPL 2024: സ്റ്റബ്സാണ് ഡല്ഹിയുടെ 'റിയല് ഹീറോ', ആ സേവാണ് കളി മാറ്റിയത്! കിടിലന് ഫീല്ഡിങ്
- News ലോക്സഭ തിരഞ്ഞെടുപ്പ്; കേരളം നാളെ ബൂത്തിലേക്ക്.. ഇന്ന് നിശബ്ദ പ്രചരണം, 4 ജില്ലകളിൽ നിരോധനാജ്ഞ
- Movies നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്'
- Lifestyle ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം
- Technology DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ
- Finance ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി
- Travel ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
വില്പ്പന വര്ധിപ്പിക്കുക ലക്ഷ്യം; സൂറത്തിലും ഡീലര്ഷിപ്പ് തുറന്ന് Revolt
ഇലക്ട്രിക് ഇരുചക്ര വാഹന നിര്മാതാക്കളായ റിവോള്ട്ട് മോട്ടോര്സ് തങ്ങളുടെ 14-ാമത് റീട്ടെയില് സ്റ്റോര് ഇന്ത്യയില് പ്രവര്ത്തനം ആരംഭിച്ചതായി പ്രഖ്യാപിച്ചു. സൂറത്തിലെ അവരുടെ ആദ്യത്തെ സ്റ്റോറും ഗുജറാത്ത് മേഖലയിലെ രണ്ടാമത്തേതുമാണ് ഇതെന്നും കമ്പനി വ്യക്തമാക്കി.
ഇതോടെ, രണ്ടാഴ്ചയ്ക്കുള്ളില് റിവോള്ട്ട് രാജ്യത്തുടനീളം അതിന്റെ മൂന്നാമത്തെ റീട്ടെയില് സ്റ്റോറാണ് തുറന്ന് പ്രവര്ത്തനം ആരംഭിച്ചിരിക്കുന്നത്. ഗുജറാത്ത് സര്ക്കാര് നടപ്പാക്കിയ ഇലക്ട്രിക് പോളിസി പ്രകാരം, 20,000 രൂപ വരെ അധിക സബ്സിഡി സംസ്ഥാനം വാഗ്ദാനം ചെയ്യുന്നു, ഇത് മോട്ടോര് സൈക്കിളിനെ ഉപഭോക്താവിന് കൂടുതല് താങ്ങാനാവുന്നതാക്കുകയും ഇവി ദത്തെടുക്കല് പ്രക്രിയ ത്വരിതപ്പെടുത്തുകയും ചെയ്യും.
ഉപഭോക്തൃ ആവശ്യം നിറവേറ്റുക എന്ന ലക്ഷ്യത്തോടെ, 2022-ന്റെ തുടക്കത്തില് കൊല്ക്കത്ത, ചണ്ഡിഗഡ്, ലഖ്നൗ, ഡല്ഹി എന്നിവയുള്പ്പെടെ ഇന്ത്യയിലെ 61 പുതിയ നഗരങ്ങളില് പ്രവേശിച്ച് വില്പ്പന ശൃംഖല വിപുലീകരിക്കാനും റീട്ടെയില് സാന്നിധ്യം ശക്തിപ്പെടുത്താനും കമ്പനിക്ക് പദ്ധതിയുണ്ട്.
ബ്രാന്ഡിന്റെ മുന്നിര RV400-ന്റെ ബുക്കിംഗ് ഇവിടെ തുറക്കുകയും ചെയ്തു. ഇലക്ട്രിക് മോട്ടോര്സൈക്കിള് കാത്തിരിക്കുന്ന 70 നഗരങ്ങള്ക്കും ഉപഭോക്താക്കള്ക്കും ഇപ്പോള് www.revoltmotors.com എന്ന കമ്പനി വെബ്സൈറ്റ് വഴി അവരുടെ സ്വന്തം റിവോള്ട്ട് മോട്ടോര്സൈക്കിള് ബുക്ക് ചെയ്യാനും സാധിക്കും.
എല്ലാ പുതിയ സ്റ്റോറുകളും പ്രധാന നഗരങ്ങളില് ഉടനീളം റീട്ടെയില് പങ്കാളികള് സ്ഥാപിക്കും. റിവോള്ട്ട് ബൈക്കുകളുടെ ഡിമാന്ഡിലെ കുതിച്ചുചാട്ടത്തില്, പുതിയ സ്റ്റോറുകള് ഇന്ത്യ കേന്ദ്രീകൃതവും ചെലവ് കുറഞ്ഞതുമായ നവീകരണങ്ങളില് ശ്രദ്ധ കേന്ദ്രീകരിക്കും. അത് ഇന്ത്യയെ സ്വയംപര്യാപ്തമാക്കുന്നതിന് അനുസൃതമായി ഇലക്ട്രിക് മൊബിലിറ്റിയുടെ വളര്ച്ചയ്ക്ക് കാരണമാകുമെന്നും റിപ്പോര്ട്ടില് പറയുന്നു.
പുതിയ കേന്ദ്രങ്ങള് കമ്പനിയുടെ വില്പ്പന കേന്ദ്രങ്ങളായി പ്രവര്ത്തിക്കുക മാത്രമല്ല, ഉപഭോക്താക്കള്ക്ക് വാഹനം എക്സ്പീരിയന് ചെയ്യാനും ഡിസൈന്, ചാര്ജിംഗ് പ്രക്രിയ, ചാര്ജിംഗ് പോയിന്റുകളുടെ ഇന്സ്റ്റാളേഷന് എന്നിവയിലൂടെ കടന്നുപോകാനും അവസരം നല്കും.
ടെസ്റ്റ് റൈഡിന് ശേഷം ഉപഭോക്താക്കള്ക്ക് അവരുടെ റൈഡിംഗ് പാറ്റേണുകള് മനസ്സിലാക്കാനും കഴിയും. ''തങ്ങളുടെ ആദ്യത്തെ റീട്ടെയില് സ്റ്റോര് സൂറത്തിലും രണ്ടാമത്തേത് ഗുജറാത്ത് മേഖലയിലും തുറക്കുന്നതില് തങ്ങള്ക്ക് സന്തോഷമുണ്ടെന്ന് പ്രഖ്യാപനത്തെക്കുറിച്ച് സംസാരിച്ച റിവോള്ട്ട് മോട്ടോര്സിന്റെ സ്ഥാപകന് രാഹുല് ശര്മ്മ പറഞ്ഞു.
റിവോള്ട്ട് മോട്ടോര്സിന്റെ യാത്ര വളരെ പ്രതിഫലദായകമാണ്, വരും വര്ഷങ്ങളില് വലിയ നാഴികക്കല്ലുകള് കൈവരിക്കാന് തങ്ങള് മികച്ച നിലയിലാണ് പ്രവര്ത്തിക്കുന്നതെന്നും അദ്ദേഹം പറഞ്ഞു. തങ്ങളുടെ നിലവിലെ വില്പ്പന ശൃംഖല ഒരു ആക്രമണാത്മക വേഗതയില് വിപുലീകരിക്കുകയാണ് നിലവില് ചെയ്യുന്നത്.
തങ്ങളുടെ ബൈക്കുകള് പുറത്തിറക്കാന് തുടങ്ങിയതു മുതല് ഉപഭോക്താക്കളില് നിന്നുള്ള അമിതമായ ഡിമാന്ഡും കേന്ദ്രത്തിലെയും സംസ്ഥാനങ്ങളിലെയും സര്ക്കാരുകളില് നിന്നുള്ള പ്രോത്സാഹജനകമായ പ്രതികരണവും മികച്ച ചുവടുവെയ്പ്പാണ് നല്കുന്നത്.
തങ്ങളുടെ പുതിയ വില്പ്പന ശൃംഖല, രാജ്യത്തുടനീളമുള്ള ഈ ശക്തമായ ഓര്ഡര് ബാങ്കിനെ സഹായിക്കുകയും ഇവി വിപ്ലവത്തില് ഞങ്ങളെ കൂടുതല് സഹായിക്കുകയും ചെയ്യും. റിവോള്ട്ട് Intellicorp-ല്, ഞങ്ങളുടെ ഉപഭോക്താക്കള്ക്ക് മികച്ചതും സുരക്ഷിതവുമായ ഇ-മൊബിലിറ്റി സൊല്യൂഷനുകള് നല്കാന് തങ്ങള് പ്രാപ്തരാണെന്നും അദ്ദേഹം വ്യക്തമാക്കി.
റിവോള്ട്ട് മോട്ടോര്സ് അതിന്റെ മുന്നിര RV400-ന് വാങ്ങുന്നവരില് നിന്ന് അതിശയകരമായ പ്രതികരണത്തിനാണ് സാക്ഷ്യം വഹിച്ചത്. ഇത് ഓരോ തവണയും വില്പ്പന തുടങ്ങി മിനിറ്റുകള്ക്കുള്ളില് വിറ്റുതീര്ന്നതും വാര്ത്തകളില് ഇടംപിടിച്ചിരുന്നു.
ഇതിനുപുറമെ, കമ്പനി അതിന്റെ ഉപഭോക്താക്കള്ക്കായി വികസിപ്പിച്ച കോണ്ടാക്റ്റ്ലെസ് അനുഭവം ഉയര്ത്താനും മെച്ചപ്പെടുത്താനും AI-യെ പ്രയോജനപ്പെടുത്തുന്നു. നിലവില് ബെംഗളൂരു, ഡല്ഹി, മുംബൈ, പൂനെ, ചെന്നൈ, അഹമ്മദാബാദ്, ജയ്പൂര്, ഹൈദരാബാദ് എന്നിവിടങ്ങളിലാണ് ബ്രാന്ഡ് പ്രവര്ത്തിക്കുന്നത്.
RV400 മോഡല് 3KW (മിഡ് ഡ്രൈവ്) മോട്ടോറുമായിട്ടാണ് വരുന്നത്. 72V, 3.24KWh ലിഥിയം-അയണ് ബാറ്ററി 85 km/h വേഗത കൈവരിക്കാന് കഴിയും. നിരവധി സവിശേഷതകളോടെയാണ് മോട്ടോര്സൈക്കിളിനെ കമ്പനി അവതരിപ്പിച്ചിരിക്കുന്നത്.
ബൈക്ക് ലൊക്കേറ്റര്/ജിയോ ഫെന്സിംഗ്, സ്ക്രീനില് ഒരു ടാപ്പിലൂടെ നിങ്ങള്ക്ക് മാറ്റാവുന്ന ഇഷ്ടാനുസൃതമാക്കിയ ശബ്ദങ്ങള്, പൂര്ണ്ണമായ ബൈക്ക് ഡയഗ്നോസ്റ്റിക്സ്, ബാറ്ററി നില, റൈഡുകളിലെയും കിലോമീറ്ററുകളിലെയും ചരിത്രപരമായ ഡാറ്റ തുടങ്ങിയ കണക്റ്റിവിറ്റി സവിശേഷതകള് വാഗ്ദാനം ചെയ്യുന്ന MyRevolt ആപ്പ് വഴിയും ബൈക്ക് പ്രവര്ത്തിപ്പിക്കാം.
കൂടാതെ റിവോള്ട്ടിന്റെ ബാറ്ററി സ്വാപ്പ് ചെയ്യുന്നതിന് ഏറ്റവും അടുത്തുള്ള റിവോള്ട്ട് സ്വിച്ച് സ്റ്റേഷന് കണ്ടെത്താനുള്ള ഓപ്ഷനും ആപ്പില് കമ്പനി വാഗ്ദാനം ചെയ്യുന്നു. ഇക്കോ, നോര്മല്, സ്പോര്ട്ട് എന്നിങ്ങനെ മൂന്ന് റൈഡിംഗ് മോഡുകള് RV400-ല് കമ്പനി അവതരിപ്പിക്കുന്നു.
ഈ ഒരോ മോഡുകളും റൈഡിംഗ് ശൈലിക്കും ഡ്രൈവറുടെ ആവശ്യങ്ങള്ക്കും അനുയോജ്യമാണ്. കൂടാതെ, സമാനതകളില്ലാത്ത റൈഡിംഗ് അനുഭവം നല്കുന്നതിനായി അപ്സൈഡ് ഡൗണ് (USD) ഫോര്ക്കുകളും പിന്നില് പൂര്ണ്ണമായി ക്രമീകരിക്കാവുന്ന മോണോ ഷോക്കും ഇലക്ട്രിക് മോട്ടോര്സൈക്കിളില് കമ്പനി വാഗ്ദാനം ചെയ്യുന്നു.