റോയൽ എൻഫീൽഡിന്റെ കളികൾ ഇനി സിംഗപ്പൂരിലും; രാജ്യത്ത് പ്രവർത്തനങ്ങൾ ആരംഭിച്ച് ഇന്ത്യൻ നിർമ്മാതാക്കൾ

പുതിയ ഇന്റർ‌സെപ്റ്റർ 650, കോണ്ടിനെന്റൽ GT 650, ഹിമാലയൻ, ക്ലാസിക് എന്നിവയുൾപ്പെടെ റോയൽ എൻ‌ഫീൽഡ് മോട്ടോർസൈക്കിളുകളുടെ മുഴുവൻ ശ്രേണിയും പുതിയ റോയൽ എൻ‌ഫീൽഡ് സിംഗപ്പൂർ സ്റ്റോർ പ്രദർശിപ്പിക്കുന്നു.

റോയൽ‌ എൻ‌ഫീൽ‌ഡ് സിംഗപ്പൂർ സ്റ്റോറിൽ‌ മോട്ടോർ‌ സൈക്കിളുകൾ‌ക്കായുള്ള റോയൽ‌ എൻ‌ഫീൽ‌ഡിന്റെ ജെന്യുവിൻ ആക്‌സസറികൾ‌, കൂടാതെ വസ്ത്രങ്ങൾ‌, റൈഡിംഗ് ഗിയർ‌ ശ്രേണികൾ‌ എന്നിവയുമുണ്ട്.

650 ഇരട്ടകൾ ബ്രാൻഡിന്റെ ആഗോള അഭിലാഷങ്ങൾക്ക് നേതൃത്വം നൽകിയപ്പോൾ, അപ്ഡേറ്റ് ചെയ്ത ഹിമാലയൻ, പുതിയ മീറ്റിയോർ 350 എന്നിവയും ആഗോള ഉൽ‌പ്പന്നങ്ങളായി സ്ഥാനം പിടിച്ചിട്ടുണ്ട്, ഇവ ഏഷ്യൻ മോട്ടോർ സൈക്കിൾ യാത്രക്കാരുടെ ആവശ്യങ്ങൾക്ക് അനുയോജ്യമാകും. മീറ്റിയോർ 350 സിംഗപ്പൂരിൽ ഇതുവരെ ലോഞ്ച് ചെയ്തിട്ടില്ല.

റോയൽ എൻഫീൽഡിന് മിഡ്-സൈസ് മോട്ടോർസൈക്കിൾ വിഭാഗത്തിൽ ഒരു ആഗോള നേതാവായി സ്വയം സ്ഥാപിക്കാനുള്ള ആഗ്രഹത്തോടെയാണ് പ്രവർത്തിക്കുന്നത്.

ഇതിനായി ഏഷ്യയിലുടനീളം തങ്ങളുടെ ശൃംഘല വികസിച്ചുകൊണ്ടിരിക്കുകയാണ്, ഇന്ത്യയ്ക്ക് ശേഷം ലോകത്തിലെ ഏറ്റവും വലിയ മോട്ടോർ സൈക്കിൾ വിപണികളിൽ ടാപ്പ് ചെയ്യുക എന്നതാണ് കമ്പനിയുടെ ലക്ഷ്യം.

ഇന്ത്യയിലുടനീളം വിൽപ്പന വർധിപ്പിക്കുന്നതിൽ ശ്രദ്ധ കേന്ദ്രീകരിച്ച റോയൽ എൻഫീൽഡിന് ഇപ്പോൾ ജപ്പാൻ, ഇന്തോനേഷ്യ, ഫിലിപ്പീൻസ്, കംബോഡിയ, തായ്‌ലൻഡ് എന്നിവിടങ്ങളിലും പ്രവർത്തനം നടത്തുന്നുണ്ട്.

തായ്‌ലൻഡിൽ ഒരു പുതിയ ഫാക്ടറി ആരംഭിക്കാൻ ബ്രാൻഡ് പദ്ധതിയിട്ടിട്ടുണ്ട്, ഇത് മേഖലയിലെ മറ്റ് രാജ്യങ്ങളിലേക്കുള്ള കയറ്റുമതിയുടെ കേന്ദ്രമായി മാറും. വിയറ്റ്നാമിലെയും ഇന്തോനേഷ്യയിലെയും മോട്ടോർ സൈക്കിൾ തീവ്രമായ വിപണികൾ ഉൾപ്പെടെയുള്ള വിപണികളിലേക്ക് ഇവിടെ നിന്ന് മോഡലുകൾ എത്തും. അർജന്റീനയിലെ ഫാക്ടറിക്ക് ശേഷം റോയൽ എൻഫീൽഡിനായുള്ള രണ്ടാമത്തെ വിദേശ പ്ലാന്റാണ് തായ്‌ലൻഡ് ഫാക്ടറി.

റോയൽ എൻഫീൽഡിന് തായ്‌ലൻഡിൽ 36 ഷോറൂമുകളുണ്ട്, കൂടാതെ വിയറ്റ്നാം, ഫിലിപ്പീൻസ്, മലേഷ്യ, ഇന്തോനേഷ്യ എന്നിവയുൾപ്പെടെ മറ്റ് ASEAN (അസോസിയേഷൻ ഓഫ് സൗത്ത് ഈസ്റ്റ് ഏഷ്യൻ നേഷൻസ്) രാജ്യങ്ങളിൽ നിർമ്മാതാക്കൾ പ്രവർത്തനം ആരംഭിച്ചു.

മോട്ടോർസൈക്കിൾ വിൽപ്പനയുടെ ലോകത്തിലെ ഏറ്റവും വലിയ വിപണിയായ ആഭ്യന്തര വിപണിയിൽ നിന്നാണ് ബ്രാൻഡിന്റെ വിൽപ്പനയുടെ സിംഹഭാഗവും എത്തുന്നത്, റോയൽ എൻഫീൽഡ് മേഖലയിലെ മറ്റ് ശക്തമായ മോട്ടോർ സൈക്കിൾ വിപണികളിലും തങ്ങളുടെ സാന്നിധ്യം വിപുലീകരിക്കാൻ ശ്രമിക്കും.