യൂറോപ്യൻ വിപണിയിൽ പുത്തൻ ശ്രേണി ടയറുകൾ അവതരിപ്പിച്ച് ടിവിഎസ്

ഈ ശ്രേണിയിൽ ആദ്യമായി സമാരംഭിക്കുന്ന ഉൽപ്പന്നം യൂറോഗ്രിപ്പ് ബീ കണക്റ്റ് സ്കൂട്ടർ ടയറുകളാണ്, ഇത് ഭാവിയിൽ 40 വ്യത്യസ്ത വലുപ്പങ്ങളിൽ വരെ ലഭ്യമാക്കാനുള്ള പദ്ധതികൾ ബ്രാൻഡിനുണ്ട്.

ഇറ്റലിയിലെ മിലാനിൽ ടിവിഎസ് ശ്രീചക്രയുടെ പ്രൊഡക്ട് ഡിസൈൻ ആന്റ് ഡവലപ്മെന്റ് സെന്റർ സ്ഥാപിച്ച ശേഷം ടിവിഎസ് ആരംഭിച്ച ആദ്യ ടയറാണിത്.

യുറോഗ്രിപ്പ് ബീ കണക്റ്റ് ശ്രേണിയിൽ ഏത് ഉപരിതലത്തിലും ഡൈനാമിക് പ്രകടനം വാഗ്ദാനം ചെയ്യുന്ന ഒരു ആധുനിക ഡിസൈനും സവിശേഷമായ പാറ്റേണും പഞ്ചർ റെസിസ്റ്റൻസ് സാങ്കേതികവിദ്യയും സമഗ്രമായ നിയന്ത്രണവും യാത്രാ സുഖവും മികച്ച മൈലേജും നൽകുന്നുവെന്ന് കമ്പനി പറയുന്നു.

യൂറോപ്യൻ റൈഡറിന്റെ ആവശ്യങ്ങൾ കണക്കിലെടുത്ത് യൂറോപ്യൻ റോഡുകൾക്കും അവസ്ഥകൾക്കും അനുയോജ്യമായ പുതിയതും ആവേശകരവുമായ ടയറുകൾ തങ്ങൾ വികസിപ്പിച്ചെടുത്തിട്ടുണ്ട് എന്ന് ടിവിഎസ് ശ്രീചക്രയുടെ ഇറ്റാലിയൻ സെന്ററിലെ മാർക്കറ്റിംഗ് മാനേജർ ആൻഡ്രിയ ബിയാഞ്ചി മില്ലെല്ല പറഞ്ഞു.

ഇറ്റലിയിലെ മിലാനിലുള്ള തങ്ങളുടെ പ്രൊഡക്ട് ഡിസൈൻ ആൻഡ് ഡവലപ്മെന്റ് ടീമിന്റെ സാങ്കേതിക വൈദഗ്ധ്യവും ഒപ്പം ഇന്ത്യയിലെ തങ്ങളുടെ ടീമിന്റെ എക്സ്പീരിയൻസും യൂറോഗ്രിപ്പ് ബീ കണക്റ്റ് സ്കൂട്ടർ ടയർ ശ്രേണി യൂറോപ്പിലെയും ലോകത്തിന്റെ വിവിധ ഭാഗങ്ങളിലെയും സ്കൂട്ടർ യാത്രക്കാർക്ക് ആനന്ദകരമാകുമെന്ന് അദ്ദേഹം കൂട്ടിച്ചേർത്തു.

യൂറോപ്പിൽ അവതരിപ്പിച്ച പുതിയ ഉൽ‌പ്പന്നങ്ങൾ‌ ഇന്ത്യ റീപ്ലസ്മെന്റ്‌ മാർ‌ക്കറ്റിലും ടിവി‌എസ് ശ്രീചക്ര വിതരണ ശൃംഖല സ്ഥാപിച്ച എല്ലാ രാജ്യങ്ങളിലും വിപണിയിലെത്തിക്കുമെന്ന് സെയിൽ‌സ് & മാർ‌ക്കറ്റിംഗ് EVP പി. മാധവൻ പറഞ്ഞു.

ഈ ടയറുകൾ ത്രെഡ് പാറ്റേൺ, കോംപൗണ്ട് & പ്രൊഫൈൽ എൻഡുറൻസ് എന്നിവ ഉൾപ്പെടുന്ന ഒന്നിലധികം പരിശോധനകൾക്ക് വിധേയമാവുന്നു എന്ന് അദ്ദേഹം കൂട്ടിച്ചേർത്തു.

ഓരോ പ്രോട്ടോടൈപ്പിനും യൂറോപ്യൻ റേസ് ട്രാക്കുകളിലും റോഡുകളിലും ഇൻഡോർ, ഔട്ട്‌ഡോർ എന്നിവ കർശനമായ പരിശോധനാ നടപടിക്രമത്തിന് വിധേയമാക്കുന്നു, കൂടാതെ നിർമ്മിച്ച ഓരോ ടയറും വിപണിയിൽ എത്തുന്നതിനുമുമ്പ് കർശനമായ ഗുണനിലവാര നിയന്ത്രണങ്ങളിലൂടെ കടന്നുപോകുന്നു എന്നും മാധവൻ വ്യക്തമാക്കി.