Click it and Unblock the Notifications
മെയ്ഡ് ഇന് ഇന്ത്യ ഇലക്ട്രിക് ക്രൂയിസര് ബൈക്കുമായി Aarya; കമാന്ഡര് ഡിസംബറില് എത്തും
ഗുജറാത്ത് ആസ്ഥാനമായുള്ള ഇലക്ട്രിക് ഇരുചക്ര വാഹന നിര്മ്മാതാക്കളായ ആര്യ ഓട്ടോമൊബൈല്സ് ഇലക്ട്രിക് ക്രൂയിസര് മോട്ടോര്സൈക്കിളായ കമാന്ഡര് ഇന്ത്യന് വിപണിയില് അവതരിപ്പിക്കുന്നു. 2022 ഡിസംബറില് മോഡല് ലോഞ്ച് ചെയ്യുമെന്നാണ് പ്രതീക്ഷിക്കുന്നത്.
ഇന്ത്യയിലെ ഇലക്ട്രിക് വാഹന വിപണി ഇന്ന് വളര്ച്ചയുടെ പാതയിലാണ്. ഇലക്ട്രിക് സ്കൂട്ടറുകളും ബൈക്കുകളും ഇതിനോടകം വിപണിയില് സജീവമായിരിക്കുകയാണ്. ഇതിനോടൊപ്പം വൈദ്യുതിയില് പ്രവര്ത്തിക്കുന്ന ക്രൂയിസര് മോട്ടോര്സൈക്കിളുകളും ഉടന് കളംപിടിക്കും.
ആധുനിക ഫീച്ചറുകളോടെ വരുന്ന ആര്യ കമാന്ഡര് ഇലക്ട്രിക് ബൈക്ക് ന്യായമായ വിലയില് ലഭ്യമാക്കുമെന്നാണ് കമ്പനി പറയുന്നത്. വരാനിരിക്കുന്ന ഇലക്ട്രിക് മോട്ടോര്സൈക്കിളിന്റെ ടീസര് ചിത്രം ആര്യ പുറത്തുവിട്ടു.
അതില് വൃത്താകൃതിയിലുള്ള ഹെഡ്ലാമ്പ്, ടിയര്ഡ്രോപ്പ് ആകൃതിയിലുള്ള ഇന്ധന ടാങ്ക്, ഇരട്ട സീറ്റ് എന്നിവ നമുക്ക് കാണാന് സാധിക്കും. ആര്യ കമാന്ഡറിന് 4.4 kWh ലിഥിയം-അയണ് ബാറ്ററിയും 3000W 72V മോട്ടോറും കരുത്ത് പകരുമെന്നാണ് കമ്പനി ഔദ്യോഗികമായി പ്രസ്താവനയിലൂടെ അറിയിച്ചത്. 4-5 മണിക്കൂറിനുള്ളില് ബാറ്ററി പൂര്ണ്ണമായി ചാര്ജ് ചെയ്യാന് കഴിയും. വരാനിരിക്കുന്ന ഇലക്ട്രിക് ക്രൂയിസര് മോട്ടോര്സൈക്കിള് ഇന്ത്യന് വിപണിയില് 8 കളര് ഓപ്ഷനുകളില് വാഗ്ദാനം ചെയ്യുമെന്ന് കമ്പനി പറയുന്നു.
'എല്ലാ പ്രായക്കാര്ക്കും ഗ്രൂപ്പുകള്ക്കുമായി ഇവി ബൈക്കുകള് നിര്മ്മിക്കാനും ഇന്ത്യയിലുടനീളം താങ്ങാനാവുന്നതും നിലവാരമുള്ളതുമായ ഇവി അടിസ്ഥാന സൗകര്യങ്ങള് വികസിപ്പിക്കാനുമുള്ള കാഴ്ചപ്പാടാണ് ആര്യക്കുള്ളത്. കമാന്ഡര് ഒരു ചവിട്ടുപടിയെന്ന നിലയില് എത്രയും വേഗം ഞങ്ങളുടെ ലക്ഷ്യത്തിലെത്തുമെന്ന് ഞങ്ങള് പ്രതീക്ഷിക്കുന്നു' ആര്യ ഓട്ടോമൊബൈല്സ് ഡയരക്ടര് തുഷാര് ഛഭയ പറഞ്ഞു.
ഇലക്ട്രിക് വാഹനങ്ങളോ അവയുടെ ഘടകങ്ങളോ നിര്മ്മിക്കുമ്പോഴോ വില്ക്കുമ്പോഴോ സര്ക്കാര് മാര്ഗ്ഗനിര്ദ്ദേശങ്ങള് പാലിക്കാന് തങ്ങള് ഇവി നിര്മ്മാതാക്കളോട് അഭ്യര്ത്ഥിക്കുന്നതായും അദ്ദേഹം കൂട്ടിച്ചേര്ത്തു.
ആര്യ ഗ്രൂപ്പ് ഓഫ് കമ്പനീസിന്റെ ഭാഗമായി തങ്ങളുടെ വാഹനങ്ങളും ഉപകരണങ്ങളും ഇറക്കുമതി ചെയ്യുന്നതിനുപകരം ഇന്ത്യയില് തന്നെ നിര്മ്മിച്ച് അസംബിള് ചെയ്തുകൊണ്ട് കേന്ദ്ര സര്ക്കാറിന്റെ മെയ്ക്ക് ഇന് ഇന്ത്യ ക്യാമ്പയ്നെ ആര്യ ഓട്ടോമൊബൈല് പിന്തുണയ്ക്കുന്നു. ഇവി ബൈക്ക് നിര്മാണത്തിന്റെ കാര്യത്തില് ഇന്ത്യയെ സ്വയംപര്യാപ്തരാക്കാനാണ് ആര്യ ഓട്ടോമൊബൈല്സ് ലക്ഷ്യമിടുന്നത്. എല്ലാ ഉപഭോക്താക്കളെയും തൃപ്തിപ്പെടുത്തുന്നതിനായി അതിന്റെ എല്ലാ സേവന പങ്കാളികളുമായി ചേര്ന്ന് പ്രവര്ത്തിക്കാനും കമ്പനി ലക്ഷ്യമിടുന്നു.
അടുത്തിടെ മറ്റൊരു ഇന്ത്യന് സ്റ്റാര്ട്ടപ്പായ അള്ട്രാവയലറ്റ് തങ്ങളുടെ ഹൈപെര്ഫോമന്സ് ഇലക്ട്രിക്ക് ബൈക്കായ F77-ന്റെ കൂടുതല് വിവരങ്ങള് വെളിപ്പെടുത്തിയിരുന്നു. ഇലക്ട്രിക് മോട്ടോര്സൈക്കിളിന്റെ പ്രൊഡക്ഷന് ട്രൈല് ആരംഭിച്ചതിന് പിന്നാലെയാണ് ബൈക്കിനെക്കുറിച്ചുള്ള പുതിയ വിവരങ്ങള് കമ്പനി പുറത്തുവിട്ടിരിക്കുന്നത്.
ഈ വര്ഷം നവംബര് 24-നാണ് അള്ട്രാവയലറ്റ് F77 ലോഞ്ച് ചെയ്യുന്നത്. ഒക്ടോബര് 23 മുതല് 10,000 രൂപയ്ക്ക് ബൈക്ക് ബുക്കിംഗ് ചെയ്യാം. ഇ-ബൈക്കിന്റെ ഫസ്റ്റ് എക്സ്പീരിയന്സ് സെന്റര് ബെംഗളൂരുവിലായിരിക്കുമെന്നും ഘട്ടം ഘട്ടമായി വില്പ്പന വിപുലീകരിക്കുമെന്നും ബൈക്ക് നിര്മാതാവ് പറഞ്ഞു.
ഈ ഇവി ഗണ്യമായ ഭാരം കുറഞ്ഞ ഫ്രെയിമിലാണ് നിര്മ്മിക്കുന്നതെന്നാണ് ഇലക്ട്രിക് ബൈക്ക് നിര്മാതാവ് അവകാശപ്പെടുന്നത്. ഇത് മികച്ച ഹാന്ഡ്ലിംഗ് ഉറപ്പാക്കുകയും അതേ സമയം വളരെ ചടുലമായ ഡ്രൈവിംഗ് വാഗ്ദാനം ചെയ്യുകയും ചെയ്യും. മോട്ടോര്സൈക്കിളിന്റെ രേഖാചിത്രങ്ങളും പ്രോട്ടോടൈപ്പുകളും വിവിധ ഓണ്ലൈന് മാധ്യമങ്ങളില് പ്രത്യക്ഷപ്പെട്ടിട്ടുണ്ട്.
ലോഞ്ച് കഴിഞ്ഞാല് ഇന്ത്യയില് നിന്ന് പുറത്തിറങ്ങുന്ന ഏറ്റവും അഗ്രസീവ് ഇലക്ട്രിക് മോട്ടോര്സൈക്കിളായി F77 മാറും. 2019-ലെ പ്രോട്ടോടൈപ്പുമായി താരതമ്യപ്പെടുത്തുമ്പോള്, ചേസിസ് പൂര്ണ്ണമായും പുനര്രൂപകല്പ്പന ചെയ്തിട്ടുണ്ട്. ബാറ്ററി പായ്ക്ക് ഫ്രെയിമിന് താഴെയായി നല്കിയിരിക്കുന്നു. ബാറ്ററി ഇപ്പോള് നീക്കം ചെയ്യാനാവില്ല.
പാസ്സീവ് എയര് കൂളിംഗ് ഉപയോഗിച്ച് ഹീറ്റ് മാനേജ്മെന്റില് നിര്മ്മാതാവ് ഫലപ്രദമായി പ്രവര്ത്തിച്ചതായി പറയപ്പെടുന്നു. അള്ട്രാവയലറ്റ് നോണ്-റീമൂവബിള് ബാറ്ററികളിലേക്ക് മാറിയതിന്റെ പ്രധാന കാരണം റേഞ്ച് മെച്ചപ്പെടുത്തുക എന്നതായിരുന്നു. അലൂമിനിയം കെയ്സില് 21,700 ലിഥിയം-അയണ് സെല്ലുകളുണ്ട്. ഇത് F77-ന്റെ ടോപ്പ് വേരിയന്റില് 10.5 kWh ഉപയോഗിക്കാവുന്ന ശേഷിയിലേക്ക് വിവര്ത്തനം ചെയ്യുന്നു. ഇന്ത്യന് ഡ്രൈവിംഗ് സൈക്കിള് (ഐഡിസി) പ്രകാരം അള്ട്രാവയലറ്റ് എഫ് 77 ന് ഇപ്പോള് 307 കിലോമീറ്റര് റേഞ്ച് ഉണ്ട്.
ഹൈ പെര്ഫോമന്സ് ഇലക്ട്രിക് മോട്ടോര്സൈക്കിളില് 33.52 യവു പരമാവധി കരുത്തും 90 ചാ പീക്ക് ടോര്ക്കും ഉല്പ്പാദിപ്പിക്കുന്ന ഇലക്ട്രിക് മോട്ടോറുമുണ്ട്. 2.9 സെക്കന്ഡില് പൂജ്യത്തില് നിന്ന് 60 കിലോമീറ്റര് വേഗത കൈവരിക്കാനും 7.5 സെക്കന്ഡില് പൂജ്യത്തില് നിന്ന് 100 കിലോമീറ്റര് വേഗത കൈവരിക്കാനും ഇതിന് കഴിയും. മണിക്കൂറില് 147 കിലോമീറ്ററാണ് ഇതിന്റെ ടോപ് സ്പീഡ്.
ഫുള് എല്ഇഡി ഹെഡ്ലൈറ്റുകള്, ടെയില് ലൈറ്റുകളും ടേണ് ഇന്ഡിക്കേറ്ററുകളും, ഇന്സ്ട്രുമെന്റ് ക്ലസ്റ്ററായി വലിയ കളര് ടിഎഫ്ടി ഡിസ്പ്ലേ, 3 റൈഡിംഗ് മോഡുകള്, കണക്റ്റിവിറ്റി ഫീച്ചറുകളുള്ള ഇന്റഗ്രേറ്റഡ് ഇ-സിം, 9 ആക്സിസ് ഐഎംയു, ഷോക്ക് ആന്ഡ് ഇംപാക്ട് സെന്സറുകള് തുടങ്ങിയ ഫീച്ചറുകള് F77 വാഗ്ദാനം ചെയ്യും. 3-4 ലക്ഷം രൂപക്കിടയിലാണ് അള്ട്രാവയലറ്റ് എ77 ഇലക്ട്രിക് മോട്ടോര്സൈക്കിളിന്റെ വില പ്രതീക്ഷിക്കുന്നത്.
Continue with Google