വമ്പന്‍ പദ്ധതികളുമായി Bajaj; Pulsar N150 അരങ്ങേറ്റത്തിനൊരുങ്ങുന്നു

കഴിഞ്ഞ കുറച്ച് മാസങ്ങളായി, പുതിയ എന്‍ട്രി ലെവല്‍ സ്പോര്‍ടി കമ്മ്യൂട്ടര്‍ പൊതു റോഡുകളില്‍ കാണപ്പെടുന്നുണ്ടെങ്കിലും, ലോഞ്ചിനെ സംബന്ധിച്ച് ബജാജ് ഇതുവരെ ഔദ്യോഗിക സ്ഥിരീകരണം ഒന്നും തന്നെ നല്‍കിയിട്ടില്ല.

ബജാജ് അടുത്തിടെ പുതിയ തലമുറ പള്‍സര്‍ ശ്രേണി വിപുലീകരിച്ചിരുന്നു. കഴിഞ്ഞ വര്‍ഷം, ബജാജ് പള്‍സര്‍ N250, F250 എന്നിവ ഒരു പുതിയ ഡിസൈന്‍ ഭാഷയുമായി അവരുടെ പ്രാദേശിക അരങ്ങേറ്റം നടത്തി, അവയ്ക്ക് ഒരു പുതിയ ട്യൂബുലാര്‍ ഷാസിയാണ് അടിവരയിടുന്നത്. കുറച്ച് മാസങ്ങള്‍ക്ക് മുമ്പ്, ഇത് പള്‍സര്‍ N160 ലേക്ക് വിപുലീകരിച്ചു, ഇന്ത്യയിലും ഇതിന് മത്സരാധിഷ്ഠിത വിലയുണ്ട്.

വരാനിരിക്കുന്ന പള്‍സര്‍ N150, N160-ന് താഴെയായിരിക്കും ഇടംപിടിക്കുകയെന്നാണ് പ്രതീക്ഷിക്കുന്നത്. കൂടാതെ ഒരു പില്യണ്‍ സുഖമായി കൊണ്ടുപോകാന്‍ കഴിയുന്നതും ഇന്ധനം ലാഭകരവുമായ ഒരു സ്പോര്‍ട്ടി ലുക്കിംഗ് മോട്ടോര്‍സൈക്കിള്‍ വാങ്ങാന്‍ ആഗ്രഹിക്കുന്ന ഉപഭോക്താക്കളെ ആകര്‍ഷിക്കുന്ന വിധമായിരിക്കും ഇതിന്റെ വരവും.

പള്‍സര്‍ N160-ന് ഉപഭോക്താക്കള്‍ക്കിടയില്‍ മികച്ച സ്വീകാര്യത ലഭിച്ചിട്ടുണ്ടെന്നും മൊത്തം രണ്ട് ആവര്‍ത്തനങ്ങളില്‍ N150 ലഭ്യമാക്കാമെന്നും ശ്രദ്ധിക്കേണ്ടതാണ്. ബജാജ് പള്‍സര്‍ N150-യുടെ ഒരു പ്രധാന നേട്ടം, ബാഹ്യമായി കാണുമ്പോള്‍ N250, N160 എന്നിവയുമായി ഇതിന് ധാരാളം സാമ്യമുണ്ട് എന്നതാണ്.

എന്നിരുന്നാലും, യമഹ FZ V3, സുസുക്കി ജിക്‌സര്‍ 155, ടിവിഎസ് അപ്പാച്ചെ RTR 160 2V, ഹോണ്ട യൂണികോണ്‍ തുടങ്ങിയവയ്ക്കെതിരെ മോട്ടോര്‍സൈക്കിളിനെ ആക്രമണാത്മകമായി സ്ഥാപിക്കാന്‍ ചെലവ് ചുരുക്കല്‍ നടപടികള്‍ ഉണ്ടാകുമെന്നും റിപ്പോര്‍ട്ടില്‍ പറയുന്നു.

ബജാജ് പള്‍സര്‍ N150-ന് ഏകദേശം 1.07 ലക്ഷം രൂപയായിരിക്കും എക്സ്‌ഷോറൂം വില വരുന്നത്. കൂടാതെ നിലവിലുള്ള പള്‍സര്‍ 150-ല്‍ കാണുന്നതുപോലെയുള്ള ഹെഡ്‌ലാമ്പ് ഡിസൈന്‍ തന്നെയാകും ഇതിനും ലഭിക്കുക. മാത്രമല്ല, വരാനിരിക്കുന്ന മോഡലിന് അടിവരയിടാന്‍ N160-ല്‍ ഉപയോഗിച്ചിരിക്കുന്ന ട്യൂബുലാര്‍ ഫ്രെയിം ട്വീക്ക് ചെയ്യാനും 160-ല്‍ നിന്ന് പവര്‍ട്രെയിന്‍ നേടാനും കഴിയും.

സ്പ്ലിറ്റ് ഗ്രാബ് റെയിലുകള്‍, അണ്ടര്‍ബെല്ലി എക്സ്ഹോസ്റ്റ് യൂണിറ്റ്, ഇരട്ട എല്‍ഇഡി ടെയില്‍ലൈറ്റുകള്‍, ഹാലൊജന്‍ ഹെഡ്‌ലാമ്പ്, ഹാലൊജന്‍ ടേണ്‍ സിഗ്‌നലുകള്‍, മിഡില്‍ സെറ്റ് ഫുട്പെഗ് പൊസിഷനിംഗ്, നേരായ ഹാന്‍ഡില്‍ബാര്‍ പൊസിഷനിംഗ്, ടെലിസ്‌കോപ്പിക് ഫ്രണ്ട് ഫോര്‍ക്കുകള്‍, റിയര്‍ മോണോഷോക്ക് സസ്പെന്‍ഷന്‍, സെമി ഡിജിറ്റല്‍ ഇന്‍സ്ട്രുമെന്റ് ക്ലസ്റ്റര്‍ എന്നിവയാണ് മറ്റ് ഹൈലൈറ്റുകള്‍.

N160-യില്‍ നിന്നുള്ള ഫീച്ചറുകള്‍ തന്നെയാകും N150-ലേക്കും കമ്പനി കൊണ്ടുവരിക. ഈ വര്‍ഷത്തിന്റെ തുടക്കത്തിലാണ് കമ്പനി പഴയ പള്‍സര്‍ NS160-യെ മാറ്റി പുതിയ പള്‍സര്‍ N160 എന്നൊരു മോഡലിനെ വിപണിയില്‍ എത്തിക്കുന്നത്. ഡ്യുവല്‍-ചാനല്‍ എബിഎസ് സംവിധാനം നല്‍കുന്ന സെഗ്മെന്റിലെ ആദ്യ മോട്ടോര്‍സൈക്കിള്‍ കൂടിയായിരുന്നു ഇത്.

പുതിയ സിംഗിള്‍ സിലിണ്ടര്‍, ടു-വാല്‍വ് 164.8 സിസി എഞ്ചിനാണ് N160 -ക്ക് കരുത്ത് പകരുന്നത്. ഈ യൂണിറ്റ് 16 bhp കരുത്തും 15 Nm പീക്ക് ടോര്‍ക്കും വാഗ്ദാനം ചെയ്യുന്നു. 1.22 ലക്ഷം രൂപ മുതല്‍ 1.27 ലക്ഷം രൂപ വരെയാണ് ഈ മോഡലിന്റെ എക്‌സ്‌ഷോറൂം വില.