ഒരു മര്യാദ വേണ്ടേ കമ്പനിക്കാരേ; നിന്ന് അങ്ങ് കത്തുവാണല്ലോ

കഴിഞ്ഞ ദിവസം ഒരു വീട്ടിൽ പാർക്ക് ചെയ്തിരുന്ന ഒരു ഇലക്ട്രിക് സ്കൂട്ടർ ഉടമ വീട്ടിലെത്തി പാർക്ക് ചെയ്തതിന് രണ്ട് മണിക്കൂറിന് ശേഷം കത്തിനശിച്ചു. സ്കൂട്ടറിന് ഒരു വർഷം പഴക്കമുണ്ട് എന്നാണ് അറിയാൻ സാധിച്ചത്, ഡിസംബർ 15 നാണ് അവസാനമായി ചാർജ് ചെയ്തതെന്നും പകുതി ചാർജ് ബാക്കിയുണ്ടെന്നും ഉടമസ്ഥൻ പറയുന്നു

തെലങ്കാന ആസ്ഥാനമായുള്ള പ്യുവർ ഇവിയാണ് ഇ-സ്കൂട്ടർ നിർമ്മിച്ചത്. 1.8 kWh പോർട്ടബിൾ ബാറ്ററി പാക്കിൽ വരുന്ന മോഡലിന്റെ പേര് ഇ പ്ലൂട്ടോ എന്നാണ്. ഉടമയെ മറ്റ് താമസക്കാർ അറിയിച്ചതിനെ തുടർന്ന് 20 മിനിറ്റോളം വെള്ളം ഒഴിച്ചതിന് ശേഷമാണ് തീ നിയന്ത്രണവിധേയമാക്കിയത്. 92,000 രൂപയുടെ നിക്ഷേപമാണ് മിനിറ്റുകൾക്കുള്ളിൽ കത്തി നശിച്ചു. സ്കൂട്ടറിന് 5 വർഷത്തെ വാറന്റി ലഭിക്കുമെങ്കിലും, ഈ സാഹചര്യത്തിൽ ഇത് ഉപയോഗപ്രദമാകുമോ എന്ന് വ്യക്തമല്ല. 85 കിലോമീറ്റർ ദൂരപരിധിയും മണിക്കൂറിൽ 25 കിലോമീറ്റർ വേഗതയുമാണ് ഇപ്ലൂട്ടോയ്ക്കുള്ളത്.

കഴിഞ്ഞ നാല് മാസത്തിനിടെ മുംബൈക്ക് സമീപമുള്ള വസായ്-വിരാർ ബെൽറ്റിൽ ഇത്തരത്തിൽ മൂന്നാമത്തെ ഇ-സ്കൂട്ടർ തീപിടിത്ത സംഭവമാണ്. നേരത്തെയുള്ള മൂന്നെണ്ണത്തിൽ, രണ്ട് സംഭവങ്ങളിലായി ഇ-സ്കൂട്ടറുകളുടെ നീക്കം ചെയ്യാവുന്ന ബാറ്ററികളാണ് തീപിടിക്കുകയും പൊട്ടിത്തെറിക്കുകയും ചെയ്തത്. ഉടമ പറയുന്നതനുസരിച്ച്, അദ്ദേഹം തന്റെ സ്കൂട്ടറിന്റെ ബാറ്ററി 3 മണിക്കൂറിൽ കൂടുതൽ ചാർജ് ചെയ്തിട്ടില്ല, നിലവിൽ നിർമ്മാതാവിനെതിരെ പോലീസിൽ പരാതി നൽകാനുള്ള നടപടിയിലാണ് അദ്ദേഹം.

ഇന്ത്യൻ ഭൂപ്രദേശവും കാലാവസ്ഥയും കണക്കിലെടുത്ത് വാഹനത്തിന്റെ പ്രവർത്തനക്ഷമതയിലേക്കും പ്രായോഗികതയിലേക്കും കടന്ന ബാറ്ററി പാക്കും മുഴുവൻ എഞ്ചിനീയറിംഗും ചെയ്തിട്ടുണ്ട് എന്നാണ് കമ്പനി അവകാശപ്പെടുന്നത്. ഇതിനായി, ePluto 7G അതിന്റെ നിർമ്മാണത്തിന്റെ അടിസ്ഥാന ഘട്ടങ്ങളിൽ നിന്ന് വ്യത്യസ്ത പരിതസ്ഥിതികളിൽ പരീക്ഷിച്ചതുമാണ്.പ്യുവർ ഇവിക്ക് നിലവിൽ പ്രതിമാസം 2,000 യൂണിറ്റുകൾ നിർമ്മിക്കാനുള്ള ശേഷിയുണ്ട്.

2 മാസം മുൻപാണ് ഇത് പോലെ തന്നെ ഒരു ഇലക്ട്രിക് സ്കൂട്ടറിന് തീപിടിച്ചത്. ഒരു ഇലക്ട്രിക് സ്‌കൂട്ടറിന് തീപിടിച്ചതിനെ തുടര്‍ന്ന് റൈഡര്‍ സ്‌കൂട്ടറില്‍ നിന്ന് ചാടി രക്ഷപ്പെടുകയായിരുന്നുവെന്ന് പോലീസ് ഉദ്യോഗസ്ഥര്‍ പറഞ്ഞു. ഇലക്ട്രിക് സ്‌കൂട്ടറിന് തീപിടിച്ചതിന്റെ വീഡിയോ ഇന്റര്‍നെറ്റില്‍ വൈറലായി. ഉത്തര്‍പ്രദേശിലെ നോയിഡയിലെ സെക്ടര്‍ 78-ന് സമീപമാണ് സംഭവം. ഡെലിവറി ബോയ് ഓടിച്ച ഇലക്ട്രിക് സ്‌കൂട്ടറിനാണ് തീപിടിച്ചതെന്ന് പൊലീസ് ഉദ്യോഗസ്ഥന്‍ പറഞ്ഞു. നോയിഡയിലെ സെക്ടര്‍ 80ലെ ബിഗ് ബാസ്‌ക്കറ്റ് സ്റ്റോറില്‍ ഡെലിവറി ബോയ് ആയി ജോലി ചെയ്യുകയാണ് ചന്ദ്രപ്രകാശ്.

നോയിഡയിലെ സെക്ടര്‍ 78ലെ പ്രധാന റോഡില്‍ വെച്ചാണ് സംഭവം. ഇലക്ട്രിക് സ്‌കൂട്ടറിന് തീപിടിച്ചതിന് പിന്നാലെ ഓടിക്കൊണ്ടിരുന്ന വാഹനത്തില്‍ നിന്ന് ചാടിയാണ് അയാള്‍ സ്വന്തം ജീവന്‍ രക്ഷിച്ചത്. വിവരമറിഞ്ഞ് ഫയര്‍ഫോഴ്സ് എത്തി തീയണച്ചു. എന്നാല്‍ അപ്പോഴേക്കും സ്‌കൂട്ടര്‍ കത്തിനശിച്ചിരുന്നു. ഇന്ത്യന്‍ വിപണിയില്‍ ഇലക്ട്രിക് ഇരുചക്ര വാഹനങ്ങളും വാണിജ്യ വാഹനങ്ങളുമാണ് ഇവി വിപ്ലവം നയിക്കുന്നത്. നിലവില്‍ ഇന്ത്യന്‍ ഇവി വിപണിയില്‍ ഇലക്ട്രിക് ഇരുചക്രവാഹനങ്ങള്‍ക്ക് ഒരു പ്രധാന പങ്കുണ്ടെങ്കിലും ആവര്‍ത്തിച്ചുള്ള തീപിടുത്തങ്ങള്‍ ഇലക്ട്രിക് വാഹനങ്ങളുടെ സുരക്ഷാ മാനദണ്ഡങ്ങളെക്കുറിച്ച് ചോദ്യങ്ങള്‍ ഉയര്‍ത്തുന്നു.

മാസങ്ങൾക്ക് മുൻപ് ഇലക്ട്രിക് സ്‌കൂട്ടര്‍ ബാറ്ററി പൊട്ടിത്തെറിച്ച് 7 വയസ്സുകാരന്‍ മരിച്ചിരുന്നു. മഹാരാഷ്ട്രയിലെ പാല്‍ഘറിലെ വസായ് പ്രദേശത്ത് ഞായറാഴ്ചയാണ് സംഭവം. വീട്ടില്‍ ചാര്‍ജ് ചെയ്യുന്നതിനിടെ ഇലക്ട്രിക് സ്‌കൂട്ടറിന്റെ ബാറ്ററി പൊട്ടിത്തെറിച്ച് ഷബീര്‍ ഷാനവാസ് എന്ന കുട്ടിയാണ് മരിച്ചത്. ബാറ്ററി മാത്രം മാറ്റി പ്രത്യേകം ചാര്‍ജ് ചെയ്യാവുന്ന രീതിയായിരുന്നു ഷബീറിന്റെ പിതാവിന്റെ ഇവിക്ക്. സാധാരണ രാത്രിയില്‍ വീട്ടില്‍ വരുമ്പോള്‍ വാഹനത്തിന്റെ ബാറ്ററി വിച്ഛേദിച്ച് ചാര്‍ജ് ചെയ്യാന്‍ വെയ്ക്കാറുണ്ട്. രാവിലെ അത് അഴിച്ചുമാറ്റി വാഹനത്തില്‍ ഘടിപ്പിച്ച ശേഷം യാത്രചെയ്യാറാണ് പതിവ്.

പതിവ് പോലെ പിതാവ് ബാറ്ററി ചാര്‍ജിലിട്ടു. അതേ മുറിയില്‍ 7 വയസ്സുള്ള കുട്ടിയും മുത്തശ്ശിയും ഉറങ്ങി. എന്നാല്‍, പുലര്‍ച്ചെ 4.10ഓടെ മുറിക്ക് പെട്ടെന്ന് തീപിടിച്ചു. ഉടന്‍ തന്നെ അയല്‍വാസികള്‍ എത്തി തീ അണച്ച് ഇരുവരെയും ആശുപത്രിയിലെത്തിച്ചെങ്കിലും 70 ശതമാനം പൊള്ളലേറ്റ കുട്ടി അവിടെ വെച്ച് മരിച്ചതായി ഡോക്ടര്‍മാര്‍ പറഞ്ഞു. മുത്തശ്ശിയെ ആശുപത്രിയിൽ പ്രവേശിപ്പിച്ചിരുന്നു. ബാറ്ററി പൊട്ടിത്തെറിച്ച ഇലക്ട്രിക് സ്‌കൂട്ടര്‍ ഏത് കമ്പനിയുടേതാണെന്ന കാര്യം വ്യക്തമല്ല.

ഇലക്ട്രിക് വാഹനങ്ങള്‍ക്കും ബാറ്ററികള്‍ക്കും തീപിടിക്കുന്നതിനെ തുടര്‍ന്ന് സര്‍ക്കാര്‍ പുതിയ മാനദണ്ഡങ്ങള്‍ നടപ്പിലാക്കിയിരുന്നു. അതനുസരിച്ച്, ഇലക്ട്രിക് വാഹനങ്ങളില്‍ പ്രത്യേക നിയന്ത്രണങ്ങള്‍ പാലിച്ച് നിര്‍മ്മിക്കുന്ന ബാറ്ററികള്‍ മാത്രമേ ഉപയോഗിക്കാവൂ എന്ന് വ്യക്തമാക്കിയിട്ടുണ്ട്. ഒക്ടോബര്‍ ഒന്നു മുതല്‍ ഈ നിബന്ധനകള്‍ പ്രാബല്യത്തില്‍ കൊണ്ടുവരാനായിരുന്നു കേന്ദ്ര സര്‍ക്കാര്‍ തീരുമാനിച്ചിരുന്നത്. എന്നാല്‍ ഇത് 2 മാസമായി വൈകുകയാണ്. പുതിയ നടപടിക്രമം അനുസരിച്ച് ഡിസംബര്‍ ഒന്നാണ് അവസാന തീയതി. എന്നാൽ ഇതുവരെ ഈ കാര്യത്തിൽ ഒരു തീരുമാനമായിട്ടില്ല