2022 ജൂലൈ മാസത്തെ വില്‍പ്പന കണക്കുകളുമായി Hero; വില്‍പ്പന കണക്കുകള്‍ ഇതാ

എന്നിരുന്നാലും, കമ്പനിയുടെ കയറ്റുമതിയില്‍ 40.86 ശതമാനം ഇടിവുണ്ടായി, 2022 ജൂലൈയില്‍ കയറ്റുമതി ചെയ്ത 14,896 യൂണിറ്റുകളെ അപേക്ഷിച്ച് കഴിഞ്ഞ വര്‍ഷം ഇതേ മാസത്തില്‍ കയറ്റുമതി ചെയ്ത 25,190 യൂണിറ്റുകളുമായി താരതമ്യം ചെയ്യുമ്പോഴാണ് ഈ ഇടിവ് കാണാന്‍ സാധിക്കുന്നത്.

ബ്രാന്‍ഡിന്റെ മൊത്തത്തില്‍ (ആഭ്യന്തര + കയറ്റുമതി), ഒരു വര്‍ഷം മുമ്പ് ഇതേ മാസത്തെ 4,54,398 യൂണിറ്റുകളെ അപേക്ഷിച്ച് 4,45,580 യൂണിറ്റ് വില്‍പ്പനയില്‍ 1.94 ശതമാനം ഇടിവ് രേഖപ്പെടുത്തി. വരും മാസങ്ങളില്‍ വില്‍പ്പന വര്‍ധിക്കുമെന്ന പ്രതീക്ഷയിലാണ് കമ്പനി ഇപ്പോള്‍.

'രാജ്യത്തിന്റെ മിക്ക ഭാഗങ്ങളിലും സാധാരണ മണ്‍സൂണും വരാനിരിക്കുന്ന ഉത്സവ സീസണും തുടര്‍ന്നുള്ള കാര്‍ഷിക വിളവെടുപ്പും വികാരങ്ങളെ പോസിറ്റീവായി നിലനിര്‍ത്താനും കൂടുതല്‍ ആക്കം കൂട്ടാനും സഹായിക്കുമെന്ന് പ്രതീക്ഷിക്കുന്നുവെന്നാണ് കമ്പനി പറയുന്നത്.

വില്‍പ്പന വര്‍ധിപ്പിക്കുക എന്ന ലക്ഷ്യത്തോടെയാണ് നിര്‍മാതാക്കള്‍ അടുത്തിടെ, പരക്കെ പ്രചാരത്തിലുള്ള മോട്ടോര്‍സൈക്കിളായ എക്‌സ്പള്‍സ് 200 4V-യുടെ എക്സ്‌ക്ലൂസീവ് റാലി എഡിഷനും സൂപ്പര്‍ - പവര്‍, സൂപ്പര്‍ - മൈലേജ്, സൂപ്പര്‍ - എന്ന ട്രിപ്പിള്‍ വാഗ്ദാനവുമായി വരുന്ന ക്യാന്‍വാസ് ബ്ലാക്ക് എഡിഷനിലെ ഏറ്റവും പുതിയ സൂപ്പര്‍ സ്പ്ലെന്‍ഡറിന്റെ ഏറ്റവും പുതിയ പതിപ്പും പുറത്തിറക്കിയിരുന്നു.

ഒരു വര്‍ഷം മുമ്പ് വിറ്റ 4,24,126 യൂണിറ്റുമായി താരതമ്യപ്പെടുത്തുമ്പോള്‍, അതേ മാസം, കമ്പനിയുടെ മോട്ടോര്‍സൈക്കിള്‍ വില്‍പ്പനയില്‍ 0.66 ശതമാനം ഇടിവ് രേഖപ്പെടുത്തി 4,21,288 യൂണിറ്റായി. ഒരു വര്‍ഷം മുമ്പ് വിറ്റ 30,272 യൂണിറ്റുമായി താരതമ്യപ്പെടുത്തുമ്പോള്‍ അതിന്റെ സ്‌കൂട്ടര്‍ വില്‍പ്പന 19.75 ശതമാനം ഇടിഞ്ഞ് 24,292 യൂണിറ്റുകള്‍ വിറ്റു.

2022 ഏപ്രില്‍ മുതല്‍ ജൂലൈ 2022 വരെയുള്ള കാലയളവില്‍ 18,35,773 യൂണിറ്റുകള്‍ വിറ്റു, ഒരു വര്‍ഷം മുമ്പ് ഇതേ കാലയളവില്‍ വിറ്റ 14,78,905 യൂണിറ്റുകളെ അപേക്ഷിച്ച് കമ്പനി 24.13 ശതമാനം ഉയര്‍ച്ച രേഖപ്പെടുത്തി.

അതേസമയം സൂപ്പര്‍ സ്പ്ലെന്‍ഡറിന് പുതിയൊരു വേരിയന്റിനെ അവതരിപ്പിക്കുന്നത്. ബ്രാന്‍ഡ് നിരയിലെ ജനപ്രീയ മോഡലുകളില്‍ ഒന്നാണ് സൂപ്പര്‍ സ്പ്ലെന്‍ഡര്‍. പുതിയ വേരിയന്റ് അവതരിപ്പിക്കുന്നത് വഴി വില്‍പ്പന വരും മാസങ്ങളില്‍ വര്‍ധിപ്പിക്കാമെന്ന പ്രതീക്ഷയിലാണ് നിര്‍മാതാക്കള്‍ ഇപ്പോള്‍.

കമ്പനി 2 വേരിയന്റുകളിലായി സൂപ്പര്‍ സ്പ്ലെന്‍ഡര്‍ 125 ക്യാന്‍വാസ് ബ്ലാക്ക് എഡിഷന്‍ അവതരിപ്പിച്ചിട്ടുണ്ട്. ഇതിന്റെ ഫ്രണ്ട് ഡ്രം ബ്രേക്ക് വേരിയന്റിന് 77,430 രൂപയും (എക്‌സ്‌ഷോറൂം ഡല്‍ഹി), ഫ്രണ്ട് ഡിസ്‌ക് ബ്രേക്ക് വേരിയന്റിന് 81,330 രൂപയുമാണ് (എക്‌സ്‌ഷോറൂം ഡല്‍ഹി) വില.

സാധാരണ പതിപ്പില്‍ നിന്നും കുറച്ച് കോസ്‌മെറ്റിക് മാറ്റങ്ങള്‍ മാത്രമാണ് പുതിയ വേരിയന്റിലും കമ്പനി അവതരിപ്പിക്കുന്നത്. ഹെഡ്‌ലാമ്പ് കൗള്‍, ഫ്രണ്ട് ഫെന്‍ഡര്‍, ഫ്യുവല്‍ ടാങ്ക്, സൈഡ് ബോഡി പാനലുകള്‍, പിലിയന്‍ ഗ്രാബ് റെയിലുകള്‍ എന്നിവയുള്‍പ്പെടെ മുഴുവന്‍ മോട്ടോര്‍സൈക്കിളിലും നടപ്പിലാക്കുന്ന ഒരു ബ്ലാക്ക് പെയിന്റ് സ്‌കീമാണ് ഹീറോ സൂപ്പര്‍ സ്പ്ലെന്‍ഡറിനായുള്ള പുതിയ ക്യാന്‍വാസ് പതിപ്പ് അവതരിപ്പിക്കുന്നത്.

ഈ ബോഡി പാനലുകള്‍ക്കെല്ലാം യാതൊരു തരത്തിലുമുള്ള ഗ്രാഫിക്സും ഇല്ല, ഇന്ധന ടാങ്കില്‍ 'സൂപ്പര്‍ സ്പ്ലെന്‍ഡറിന്റെ' 2D ലോഗോകള്‍ ഉണ്ട്. ഇതുകൂടാതെ, സൂപ്പര്‍ സ്പ്ലെന്‍ഡറിന്റെ രണ്ട് വേരിയന്റുകളിലും സ്റ്റാന്‍ഡേര്‍ഡായി ലഭ്യമായ ഫൈവ് സ്പോക്ക് അലോയ് വീലുകള്‍ പോലും ബ്ലാക്ക് നിറത്തിലാണ്. എന്നിരുന്നാലും, ഇവിടെ എഞ്ചിന്‍ പൂര്‍ണ്ണമായും ഗ്രേ തീമിലാണ് വാഗ്ദാനം ചെയ്യുന്നത്.