Click it and Unblock the Notifications
Splendor 125 നിരയിലേക്ക് പുതിയ വേരിയന്റുമായി Hero; അവതരണം ഉടന്
നിലവില് ഇന്ത്യയില് ഏറ്റവുമധികം വില്ക്കുന്ന മോട്ടോര്സൈക്കിള് ബ്രാന്ഡാണ് ഹീറോ മോട്ടോകോര്പ്പ്. കമ്മ്യൂട്ടര് മോട്ടോര്സൈക്കിളുകളുടെ എക്കാലത്തെയും ജനപ്രിയമായ സ്പ്ലെന്ഡര് സീരീസാണ് ഹീറോയുടെ വില്പ്പനയെ മുന്നോട്ട നയിക്കുന്നത്.
മിക്കവാറും എല്ലാ മാസവും വില്പ്പന വര്ദ്ധിച്ചുകൊണ്ടിരിക്കുന്നതിനാല് സ്പ്ലെന്ഡര് ശ്രേണി വികസിപ്പിക്കുന്നതില് ബ്രാന്ഡ് പ്രത്യേക ശ്രദ്ധ നല്കുന്നുവെന്ന് വേണം പറയാന്. ജനപ്രിയമായ സ്പ്ലെന്ഡര് ശ്രേണിയില് 125 സിസി എഞ്ചിന് സംയോജിപ്പിക്കുന്നതിന്റെ ഭാഗമായി, ഹീറോ സൂപ്പര് സ്പ്ലെന്ഡര് 125 എന്നൊരു മോഡലിനെ അവതരിപ്പിച്ചു.
എന്തായാലും ബ്രാന്ഡിന്റെ ഈ ഫോര്മുല സ്പ്ലെന്ഡര് സീരീസ് വില്പ്പന കൂടുതല് വര്ദ്ധിപ്പിച്ചുവെന്ന് പറയുന്നതാകും ശരി. സൂപ്പര് സ്പ്ലെന്ഡറിന് 125 സിസി എഞ്ചിന് ലഭിക്കുമ്പോള്, സ്പ്ലെന്ഡര് പ്ലസിന് 100 സിസി എഞ്ചിനാണ് ലഭിക്കുന്നത്. സ്പ്ലെന്ഡര് iSmart 110-ന് 110 സിസി എഞ്ചിനും കമ്പനി വാഗ്ദാനം ചെയ്യുന്നു.
ഇപ്പോള് വില്പ്പന വീണ്ടും ഉയര്ത്തുന്നതിന്റെ ഭാഗമായി സ്പ്ലെന്ഡര് സീരീസിലേക്ക് പുതിയൊരു വേരിയന്റ് കൂടി അവതരിപ്പിക്കാനുള്ള ഒരുക്കത്തിലാണ് നിര്മ്മാതാക്കള്. ഇത് വ്യക്തമാക്കുന്ന ഒരു ടീസര് ചിത്രവും കമ്പനി പങ്കുവെച്ചിട്ടുണ്ടെന്ന് വേണം പറയാന്.
ടീസറില് കൂടുതല് വിശദാംശങ്ങള് ഒന്നും തന്നെ കമ്പനി വെളിപ്പെടുത്തുന്നില്ല, എന്നിരുന്നാലും ഈ വരാനിരിക്കുന്ന പതിപ്പ് ഒരു ബ്ലാക്ക ഫിനിഷാണ് അവതരിപ്പിക്കുകയെന്ന് സൂചന നല്കുന്നു.
കമ്പനി ഇതിനകം തന്നെ 100 സിസി സ്പ്ലെന്ഡര് പ്ലസിന്റെ ഓള്-ബ്ലാക്ക് പതിപ്പ് വാഗ്ദാനം ചെയ്യുന്നു, അത് യഥാക്രമം ഫ്യുവല് ടാങ്കിലും സൈഡ് പാനലിലും യഥാക്രമം ഹീറോ, സ്പ്ലെന്ഡര് പ്ലസ് ലോഗോകള്ക്കൊപ്പം ബ്ലാക്ക് ബേസ് പെയിന്റും വാഗ്ദാനം ചെയ്യുകയും ചെയ്യുന്നു.
കോസ്മെറ്റിക് മാറ്റങ്ങള് മാത്രമാകും ഈ പതിപ്പില് ഉണ്ടാകുക. സൂപ്പര് സ്പ്ലെന്ഡര് 125-ന്റെ ഈ പുതിയ പതിപ്പ് സ്റ്റാന്ഡേര്ഡ് വേരിയന്റില് നിന്നുള്ള മെക്കാനിക്കല് സവിശേഷതകളും ഹാര്ഡ്വെയറും നിലനിര്ത്തും.
അതിനാല്, ഈ പുതിയ വേരിയന്റിന് 7,500r pm-ല് 10.7 bhp കരുത്തും 6,000 rpm-ല് 10.6 Nm പീക്ക് ടോര്ക്കും നല്കുന്ന 124.7 സിസി സിംഗിള്-സിലിണ്ടര്, എയര്-കൂള്ഡ് എഞ്ചിന് തന്നെയാകും കാണാന് സാധിക്കുക. 4 സ്പീഡ് ഗിയര്ബോക്സില് നിന്ന് വ്യത്യസ്തമായി 5 സ്പീഡ് ഗിയര്ബോക്സാകും ഈ വേരിയന്റിന് ലഭിക്കുക.
ഇതുവരെ അഞ്ച് വ്യത്യസ്ത കളര് ഷെയ്ഡുകളിലാണ് സൂപ്പര് സ്പ്ലെന്ഡര് നല്കിയിരുന്നത്. ഗ്ലേസ് ബ്ലാക്ക്, ഡസ്കി ബ്ലാക്ക്, നെക്സസ് ബ്ലൂ, ഹെവി ഗ്രേ, സിബി റെഡ് എന്നിവയായിരുന്നു അവ. എന്നാല് മുമ്പ് നല്കിയ രണ്ട് ബ്ലാക്ക് ഷേഡുകളും മോണോടോണ് ബ്ലാക്ക് ആയിരുന്നില്ല. ആ മോഡലുകള്ക്ക് ആക്സന്റ് നിറങ്ങളും ധാരാളം ഗ്രാഫിക്സും ഉണ്ടായിരുന്നു.
എഞ്ചിന് സ്റ്റാര്ട്ട്/സ്റ്റോപ്പ് ഫീച്ചര് പ്രവര്ത്തനക്ഷമമാക്കുന്നതിലൂടെ ദൈനംദിന യാത്രകള് പരിസ്ഥിതി സൗഹൃദവും വാലറ്റ് സൗഹൃദവുമാണെന്ന് i3S ടെക് ഉറപ്പാക്കുന്നു. ഉപയോക്താക്കള്ക്ക് i3S തടസ്സമായി തോന്നിയാല് അത് ഓഫ് ചെയ്യാനും ഹീറോ അനുവദിക്കുന്നുണ്ടെന്നതാണ് മറ്റൊരു സവിശേഷത.
180 mm ഗ്രൗണ്ട് ക്ലിയറന്സുള്ള ഡയമണ്ട് ഫ്രെയിമാണ് സൂപ്പര് സ്പ്ലെന്ഡര് ഷാസി, മോട്ടോര്സൈക്കിള് നീളമുള്ള സീറ്റ് വാഗ്ദാനം ചെയ്യുന്നു. ഇത് ഡിസ്ക്, ഡ്രം വേരിയന്റുകളില് ലഭ്യമാണ്.
മുന്വശത്ത് 240 mm ഫ്രണ്ട് ഡിസ്ക് ബ്രേക്ക് ലഭിക്കുന്നു. സൂപ്പര് സ്പ്ലെന്ഡറിന് പിന്നില് 130 mm ഡ്രം ബ്രേക്കും CBS സാങ്കേതികവിദ്യയും ലഭിക്കുന്നു. പിന്നില് 90/90-18 ടയര് ഉള്ള 18 ഇഞ്ച് വീലുകളാണ് ഇതിന് ലഭിക്കുന്നത്.
ഇതിന് യുഎസ്ബി ഫോണ് ചാര്ജറും അനലോഗ്-ഡിജിറ്റല് ഇന്സ്ട്രുമെന്റ് കണ്സോളും ലഭിക്കുന്നു. 77,000 മുതല് 81,000 രൂപ വരെ വിലയുള്ള, നിലവിലുള്ള വേരിയന്റുകളേക്കാള് അല്പം കൂടുതലാണ് പുതിയ ഓള് ബ്ലാക്ക് വേരിയന്റ് വിലകള്. നിലവില്, ഇത് ഹോണ്ട CB ഷൈന് 125, ഹീറോയുടെ സ്വന്തം ഗ്ലാമര് 125 എന്നിവയുമായിട്ടാണ് വിപണിയില് മത്സരിക്കുന്നത്.
അടുത്തിടെയാണ് സ്പ്ലെന്ഡര് പ്ലസ് നിരയിലേക്ക് Xtec എന്നൊരു വേരിയന്റിനെ കമ്പനി അവതരിപ്പിക്കുന്നത്. 72,900 രൂപ വിലയിട്ടിരിക്കുന്ന ഈ മോഡലിലേക്ക് കുറച്ച് നവീകരണങ്ങള്കൂടി കമ്പനി കൊണ്ടുവരികയും ചെയ്തിട്ടുണ്ട്.
കൂടുതല് ഉപഭോക്താക്കളെ, പ്രത്യേകിച്ച് ചെറുപ്പക്കാരായ ആളുകളെ തങ്ങളിലേക്ക് അടുപ്പിക്കുന്നതിനുവേണ്ടി കൂടി ലക്ഷ്യമിട്ടുള്ള ഫീച്ചറുകളാണ് ഈ വേരിയന്റില് കമ്പനി അവതരിപ്പിച്ചിരിക്കുന്നതെന്ന് വേണം പറയാന്.
ബ്ലൂടൂത്ത് കണക്റ്റിവിറ്റി തന്നെയാണ് ഈ മോട്ടോര്സൈക്കിളിന്റെ ഹൈലൈറ്റ്. ബ്ലൂടൂത്ത് കണക്റ്റിവിറ്റിയുള്ള ഫുള് ഡിജിറ്റല് മീറ്റര്, കോള് & എസ്എംഎസ് അലേര്ട്ട്, RTMI (റിയല് ടൈം മൈലേജ് ഇന്ഡിക്കേറ്റര്), കുറഞ്ഞ ഇന്ധന സൂചകം, എല്ഇഡി ഹൈ ഇന്റെന്സിറ്റി പൊസിഷന് ലാമ്പ് (HIPL), എക്സ്ക്ലൂസീവ് ഗ്രാഫിക്സ് തുടങ്ങിയ സവിശേഷതകള് വാഗ്ദാനം ചെയ്യുന്നുവെന്ന് വേണം പറയാന്.
Continue with Google