2021-22 സാമ്പത്തിക വര്‍ഷം Honda വിറ്റത് 38 ലക്ഷം ഇരുചക്ര വാഹനങ്ങള്‍; കയറ്റുമതിയിലും വര്‍ധനവ്

ഈ മികച്ച വില്‍പ്പന കണക്കില്‍ 3,09,549 യൂണിറ്റുകള്‍ ആഭ്യന്തര വിപണിയിലേക്ക് അയച്ചതായി കമ്പനി റിപ്പോര്‍ട്ട് ചെയ്തു. മറ്റ് രാജ്യങ്ങളിലേക്ക് മൊത്തം 11,794 യൂണിറ്റുകള്‍ കയറ്റുമതി ചെയ്യുകയും ചെയ്തു.

ഫെബ്രുവരി മാസത്തെ അപേക്ഷിച്ച് ആഭ്യന്തര വില്‍പ്പന 8.3 ശതമാനം വര്‍ദ്ധിച്ചെങ്കിലും കയറ്റുമതിയില്‍ 56.2 ശതമാനം ഇടിവ് രേഖപ്പെടുത്തി, മൊത്തത്തിലുള്ള വില്‍പ്പന വളര്‍ച്ച മുന്‍ മാസത്തെ അപേക്ഷിച്ച് 2.8 ശതമാനമായി കുറയുകയും ചെയ്തിട്ടുണ്ട്.

അതേസമയം 2021-22 സാമ്പത്തിക വര്‍ഷത്തില്‍ 37,99,680 യൂണിറ്റുകളുടെ വില്‍പ്പനയുമായി 58 ശതമാനം വളര്‍ച്ച രേഖപ്പെടുത്തിയതായും HMSI അറിയിച്ചു. ഈ കണക്കില്‍ നിന്ന് മൊത്തം 34,68,828 യൂണിറ്റുകള്‍ ഇന്ത്യന്‍ വിപണിയില്‍ വിറ്റു, ബാക്കി 3,30,852 യൂണിറ്റുകള്‍ കയറ്റുമതി ചെയ്തുവെന്നുമാണ് കമ്പനി ഇപ്പോള്‍ അറിയിച്ചിരിക്കുന്നത്.

2021-22 സാമ്പത്തിക വര്‍ഷത്തിലാണ് തങ്ങള്‍ 5 കോടി ഉപഭോക്താക്കളെ സ്വന്തമാക്കിയത്. അതുകൊണ്ട് തന്നെ ഈ സാമ്പത്തിക വര്‍ഷം ഒരു പ്രത്യേക കാലയളവായിരുന്നുവെന്നാണ് ഹോണ്ട മോട്ടോര്‍സൈക്കിള്‍ & സ്‌കൂട്ടര്‍ ഇന്ത്യ പ്രൈവറ്റ് ലിമിറ്റഡിന്റെ സെയില്‍സ് ആന്‍ഡ് മാര്‍ക്കറ്റിംഗ് ഡയറക്ടര്‍ യാദ്വിന്ദര്‍ സിംഗ് ഗുലേരിയ അഭിപ്രായപ്പെട്ടത്.

ഇത് ഹോണ്ടയോടും ബ്രാന്‍ഡിനോടും ഉള്ള ഇന്ത്യയുടെ സ്‌നേഹത്തിന്റെയും വിശ്വാസത്തിന്റെയും സാക്ഷ്യമാണ്. ഒരു കോടിയിലധികം ഉപഭോക്താക്കളെ കൂടുതല്‍ സന്തോഷിപ്പിച്ചുകൊണ്ട്, ഹോണ്ടയുടെ ഷൈന്‍ ബ്രാന്‍ഡ് 125 സിസി സെഗ്മെന്റില്‍ അതിന്റെ നേതൃത്വം വീണ്ടും ഉറപ്പിച്ചിരിക്കുന്നു.

''അന്താരാഷ്ട്ര വിപണികളില്‍ ഹോണ്ടയുടെ കയറ്റുമതി കഴിവുകള്‍ അണ്‍ലോക്ക് ചെയ്തുകൊണ്ട്, തങ്ങള്‍ ശക്തമായ പോസിറ്റിവിറ്റിയുമായി മുന്നോട്ട് പോകുന്നത് തുടരുകയാണ്. വരുന്ന സാമ്പത്തിക വര്‍ഷത്തില്‍ ഉയര്‍ന്ന വളര്‍ച്ചാ പാതയാണ് തങ്ങള്‍ പ്രതീക്ഷിക്കുന്നതെന്നും യാദ്വിന്ദര്‍ സിംഗ് ഗുലേരിയ പറഞ്ഞു.

രാജ്യത്തുനിന്നുള്ള കയറ്റുമതി ആരംഭിച്ചിട്ട് ഏകദേശം 21 വര്‍ഷം പിന്നിട്ടതായി ഹോണ്ട വ്യക്തമാക്കിയിരുന്നു. ഈ 21 വര്‍ഷത്തെ പ്രവര്‍ത്തനത്തില്‍ 30 ലക്ഷം യൂണിറ്റുകള്‍ കയറ്റുമതി ചെയ്യാന്‍ സാധിച്ചെന്നും ഹോണ്ട കഴിഞ്ഞ മാസം പ്രഖ്യാപിച്ചിരുന്നു.

ഹോണ്ട ടൂ വീലേഴ്‌സ് ഇന്ത്യ 2001-ല്‍ അതിന്റെ ആദ്യ മോഡലായ ആക്ടിവയിലൂടെ കയറ്റുമതി ആരംഭിച്ചു. 2016-ല്‍ ഹോണ്ടയുടെ ക്യുമുലേറ്റീവ് കയറ്റുമതി ചരിത്രപരമായ 15 ലക്ഷം കടന്നപ്പോള്‍, അടുത്ത 15 ലക്ഷം കയറ്റുമതി കഴിഞ്ഞ 5 വര്‍ഷത്തിനുള്ളില്‍ മാത്രമാണ് ചേര്‍ത്തത്.

''ആഗോള കയറ്റുമതിയില്‍ ഹോണ്ടയുടെ കാല്‍പ്പാട് വിപുലീകരിക്കുന്നതില്‍ HMSI-യുടെ നിരന്തരമായ ശ്രമങ്ങളുടെ ഉജ്ജ്വലമായ സാക്ഷ്യമാണ് ഇത്തരം നാഴികക്കല്ലുകള്‍ എന്ന് ഹോണ്ട മോട്ടോര്‍സൈക്കിള്‍ & സ്‌കൂട്ടര്‍ ഇന്ത്യ പ്രൈവറ്റ് ലിമിറ്റഡ്, മാനേജിംഗ് ഡയറക്ടര്‍, പ്രസിഡന്റ് & സിഇഒ അറ്റ്‌സുഷി ഒഗാറ്റ പറഞ്ഞു.

കഴിഞ്ഞ വര്‍ഷം ഗുജറാത്തിലെ വിത്തലാപൂര്‍ പ്ലാന്റില്‍ തങ്ങളുടെ ആഗോള എഞ്ചിന്‍ ഉല്‍പ്പാദന ലൈന്‍ ഫ്‌ലാഗ് ഓഫ് ചെയ്തു, അങ്ങനെ കയറ്റുമതി ശേഷി കൂടുതല്‍ ശക്തിപ്പെടുത്തി. വികസിത വിപണികളിലേക്ക് തങ്ങള്‍ കൂടുതല്‍ ചുവടുവെക്കുമ്പോള്‍, കയറ്റുമതി വിപുലീകരണത്തില്‍ തങ്ങള്‍ പുനഃസ്ഥാപിച്ച ശ്രദ്ധ HMSI-യെ ഒരു 'ലോകത്തിന്റെ നിര്‍മ്മാണ ഹബ്' ആകുന്നതിന് ഒരു പടി കൂടി അടുപ്പിക്കുന്നു.

അതേസമയം, കഴിഞ്ഞ രണ്ട് പതിറ്റാണ്ടിനിടെ കയറ്റുമതിയിലൂടെ 30 ലക്ഷത്തിലധികം ഇരുചക്രവാഹന ഉപഭോക്താക്കളെ ഹോണ്ട സന്തോഷിപ്പിച്ചിട്ടുണ്ടെന്ന് ഹോണ്ടയുടെ സെയില്‍സ് ആന്‍ഡ് മാര്‍ക്കറ്റിംഗ് ഡയറക്ടര്‍ യാദ്വീന്ദര്‍ സിംഗ് ഗുലേരിയ പറഞ്ഞു.

ഡിയോ സ്‌കൂട്ടറിന്റെ നേതൃത്വത്തില്‍ തങ്ങള്‍ സ്‌കൂട്ടറുകളും മോട്ടോര്‍സൈക്കിളുകളും ഉള്‍പ്പെടെ കയറ്റുമതി പോര്‍ട്ട്‌ഫോളിയോ വിപുലീകരിക്കുന്നു. ഉയര്‍ന്ന നിലവാരവും കാര്യക്ഷമതയും സ്ഥാപിക്കുന്നതിന്, ആഗോള നിലവാരവുമായി പൊരുത്തപ്പെടുന്നതിന്, HMSI 2021-ല്‍ ഒരു സമര്‍പ്പിത വിദേശ ബിസിനസ് വെര്‍ട്ടിക്കല്‍ ഉയര്‍ത്തിയെന്നും അദ്ദേഹം പറഞ്ഞു.

അതേസമയം ആഭ്യന്തര വിപണിയില്‍ മോഡലുകളുടെ വില വര്‍ധനവ് ഹോണ്ട പ്രഖ്യാപിക്കുകയും ചെയ്തിട്ടുണ്ട്. അസംസ്‌കൃത വസ്തുക്കളുടെ വില കുത്തനെ വര്‍ധിച്ചതും ഇന്ധന വില കുതിച്ചുയരുന്നതുമാണ് വില വര്‍ധനവിന് കാരണമായി കമ്പനി ചൂണ്ടിക്കാട്ടുന്നത്.

വില വര്‍ധന 2022 ഏപ്രില്‍ മുതല്‍ പ്രാബല്യത്തില്‍ വന്നുവെന്നും മോഡലിനെ ആശ്രയിച്ച് 741 രൂപ മുതല്‍ 1,371 രൂപ വരെയാണ് ഉയര്‍ന്നിരിക്കുന്നതെന്നും ഹോണ്ട അറിയിച്ചു. ഹീറോ മോട്ടോകോര്‍പ്പിന് ശേഷം 2022 മാര്‍ച്ചില്‍ ഏറ്റവും കൂടുതല്‍ വിറ്റഴിക്കപ്പെടുന്ന രണ്ടാമത്തെ ഇരുചക്രവാഹന നിര്‍മ്മാതാക്കളാണ് ഹോണ്ട. ഹീറോയും തങ്ങളുടെ മോഡലുകളില്‍ വില വര്‍ധനവ് നടപ്പാക്കിയിട്ടുണ്ട്.