Dio സ്പോര്‍ട്സ് എഡിഷന്‍ അവതരിപ്പിച്ച് Honda; വില 68,317 രൂപ

2022 ജൂണില്‍ 2,85,691 യൂണിറ്റുകള്‍ വിറ്റഴിച്ച ഹോണ്ട, ഹീറോയ്ക്ക് ശേഷം രാജ്യത്ത് ഏറ്റവുമധികം വിറ്റഴിക്കപ്പെടുന്ന രണ്ടാമത്തെ ടൂ-വീലര്‍ ബ്രാന്‍ഡാണ്. ബ്രാന്‍ഡ് നിരയില്‍ ആക്ടിവയ്ക്ക് പിന്നില്‍ രാജ്യത്ത് ഏറ്റവും കൂടുതല്‍ വിറ്റഴിക്കപ്പെടുന്ന മോഡലാണ് ഡിയോ.

ഇതിന്റെ വില്‍പ്പന വര്‍ധിപ്പിക്കുക എന്ന ലക്ഷ്യത്തോടെയാണ് ഇപ്പോള്‍ ഹോണ്ട, ഡിയോ സ്പോര്‍ട്സ് എഡിഷന്‍ വിപണയില്‍ എത്തിച്ചിരിക്കുന്നത്. ഉത്സവ സീസണില്‍ കൂടുതല്‍ ഉപഭോക്താക്കളെ തങ്ങളിലേക്ക് അടുപ്പിക്കാനാണ് കമ്പനി ലക്ഷ്യമിടുന്നത്. പ്രത്യേകിച്ച് ചെറുപ്പക്കാരായ ഉപഭോക്താക്കളെ ലക്ഷ്യമിട്ടാണ് ഈ മോഡലിനെ എത്തിച്ചിരിക്കുന്നത്.

ആക്ടീവ എന്ന പരമ്പരാഗത സ്‌കൂട്ടറിനു പകരം ഡിയോ ഒരു മികച്ച ബദലായിരുന്നു. എന്നാല്‍ പുതിയ ഡിയോ സ്പോര്‍ട്സിനൊപ്പം, ഹോണ്ട കുറച്ചുകൂടി സ്വാഗ് ചേര്‍ക്കുന്നുവെന്ന് വേണം പറയാന്‍. ഡിയോ സ്പോര്‍ട്സ് ഒരു ലിമിറ്റഡ് എഡിഷനാണ്.

രണ്ട് നിറങ്ങളിലാണ് ഈ പ്രത്യേക പതിപ്പ് എത്തുന്നത്. സ്ട്രോണ്‍ഷ്യം സില്‍വര്‍ മെറ്റാലിക് വിത്ത് ബ്ലാക്ക്, സ്പോര്‍ട്സ് റെഡ് വിത്ത് ബ്ലാക്ക്. ഈ രണ്ട് നിറങ്ങളും സ്റ്റാന്‍ഡേര്‍ഡ് & ഡീലക്‌സ് വേരിയന്റുകളില്‍ വാഗ്ദാനം ചെയ്യുന്നു. യുവാക്കളെ ലക്ഷ്യമിട്ട്, ആക്രമണാത്മകവും സ്പോര്‍ടിയുമായ വൈബ് ഉപയോഗിച്ച് യുവാക്കള്‍ക്കുള്ള ശൈലിയില്‍ വിപ്ലവം സൃഷ്ടിക്കാനാണ് ഹോണ്ട ഇതുവഴി ആഗ്രഹിക്കുന്നതും.

സാധാരണ പതിപ്പില്‍ നിന്നും, ഡിയോ സ്‌പോര്‍ട്‌സിന് കുറച്ച് കോസ്‌മെറ്റിക് മാറ്റങ്ങള്‍ ലഭിക്കുന്നു. മാറ്റങ്ങള്‍ പരിശോധിക്കുകയാണെങ്കില്‍, ബോഡി പാനലുകളില്‍ ഇതിന് പുതിയ രസകരവും യുവത്വമുള്ളതുമായ ഗ്രാഫിക്‌സ് ലഭിക്കുന്നുവെന്ന് വേണം പറയാന്‍.

ഇരട്ട ഷോക്കറുകള്‍ക്കുള്ള പിന്‍ സസ്പെന്‍ഷന്‍ സ്പ്രിംഗുകള്‍ ഇപ്പോള്‍ ചുവപ്പ് നിറത്തിലാണ് നല്‍കിയിരിക്കുന്നത്. എന്നിരുന്നാലും സസ്‌പെന്‍ഷന്‍ ഹാര്‍ഡ്‌വെയര്‍ ഒന്നുതന്നെയാണ്. ലൈനിലെ അടുത്ത മാറ്റം ഡീലക്‌സ് വേരിയന്റിന് മാത്രമേ ബാധകമാകൂ, അതാണ് പുതിയ 5-സ്‌പോക്ക് അലോയ് വീലുകള്‍.

നേരത്തെ ഡിയോ ഡീലക്‌സ് വേരിയന്റുകളില്‍ ഗോള്‍ഡ് നിറത്തിലുള്ള സ്റ്റീല്‍ വീലുകളാണ് ലഭിച്ചിരുന്നത്. ഇത്തരത്തിലുള്ള കുറച്ച് കോസ്‌മെറ്റിക് മാറ്റങ്ങള്‍ വരുത്തി എന്നതൊഴിച്ചാല്‍, എഞ്ചിനില്‍ മാറ്റം ഒന്നും തന്നെ ഇല്ലെന്ന് വേണം പറയാന്‍.

മെക്കാനിക്കലായി, ഡിയോ സ്പോര്‍ട്സ് നിലവില്‍ വില്‍പ്പനയിലുള്ള മോഡലിന് സമാനമാണ്. ഡീലക്‌സ് വേരിയന്റിലെ അലോയ് വീലുകള്‍ ഒഴികെ എഞ്ചിന്‍, സൈക്കിള്‍ ഭാഗങ്ങള്‍ ഒരുപോലെയാണ്.

8,000 rpm-ല്‍ 7.65 bhp കരുത്തും 4,750 rpm-ല്‍ 9 Nm പവറും നല്‍കുന്ന 110 സിസി സിംഗിള്‍ സിലിണ്ടര്‍, ഫ്യൂവല്‍ സിപ്പിംഗ് പെട്രോള്‍ എഞ്ചിനാണ് ഇതിന് കരുത്തേകുന്നത്. ഈ എഞ്ചിന് ഹോണ്ടയുടെ പ്രൊപ്രൈറ്ററി eSP സാങ്കേതികവിദ്യയും (മെച്ചപ്പെടുത്തിയ സ്മാര്‍ട്ട് പവര്‍ & ഇലക്ട്രോണിക് സ്റ്റെബിലിറ്റി പ്രോഗ്രാം) ലഭിക്കുന്നു.

ഹോണ്ട ഡിയോയ്ക്ക് 160 mm ഗ്രൗണ്ട് ക്ലിയറന്‍സ് ലഭിക്കുന്നു, ഭാരം 105 കിലോ മാത്രം. ഇന്റഗ്രേറ്റഡ് ഡ്യുവല്‍ ഫംഗ്ഷന്‍ സ്വിച്ച്, എക്സ്റ്റേണല്‍ ഫ്യുവല്‍ ലിഡ്, പാസിംഗ് സ്വിച്ച്, സൈഡ് സ്റ്റാന്‍ഡ് ഇന്‍ഡിക്കേറ്റര്‍ (എഞ്ചിന്‍ കട്ട്-ഓഫ് ഉള്ളത്) എന്നിവ ഉള്‍പ്പെടുന്നു.

മുന്‍വശത്ത് ടെലിസ്‌കോപ്പിക് സസ്‌പെന്‍ഷനാണ് നല്‍കിയിരിക്കുന്നത്. ഒരു സ്പോര്‍ടി സ്‌കൂട്ടറിലെ ശ്രദ്ധേയമായ ഒഴിവാക്കല്‍ ഒരു ഓപ്ഷനായിപ്പോലും ഡിസ്‌ക് ബ്രേക്കുകളുടെ അഭാവമാണ്.

മികച്ച ഇന്ധനക്ഷമതയ്ക്കായി 3-സ്റ്റെപ്പ് ഇക്കോ ഇന്‍ഡിക്കേറ്ററിനൊപ്പം ഇക്വലൈസറും 3-സ്റ്റെപ്പ് ക്രമീകരിക്കാവുന്ന പിന്‍ സസ്പെന്‍ഷനും ഉള്ള കോമ്പി-ബ്രേക്ക് സിസ്റ്റവും (CBS) ഇതിന് ലഭിക്കുന്നു.

വിലയുടെ കാര്യത്തില്‍, ഹോണ്ട ഡിയോ സ്പോര്‍ട്സ് ലിമിറ്റഡ് എഡിഷന്‍ വില ആരംഭിക്കുന്നത്, അടിസ്ഥാന സ്റ്റാന്‍ഡേര്‍ഡ് ട്രിമ്മിന് 68,317 രൂപ മുതലാണ്. ടോപ്പ്-സ്‌പെക്ക് ഡീലക്സ് വേരിയന്റിന് 73,317 രൂപയാണ് വില. എല്ലാ വിലകളും എക്‌സ്‌ഷോറൂം വിലകളാണെന്ന് കമ്പനി വ്യക്തമാക്കുന്നു.

എല്‍ഇഡി ഹെഡ്‌ലൈറ്റുകള്‍, എല്‍ഇഡി DRL-കള്‍, അലോയ് വീലുകള്‍ എന്നിവ ഡീലക്സ് വേരിയന്റിന് മാത്രമുള്ളതാണ്. ഹീറോ പ്ലെഷര്‍ പ്ലസ്, ടിവിഎസ് സ്‌കൂട്ടി സെസ്റ്റ് 110, ടിവിഎസ് ജൂപ്പിറ്റര്‍ 110, ഹോണ്ടയുടെ സ്വന്തം ആക്ടിവ തുടങ്ങിയ 110 സിസി സ്‌കൂട്ടറുകളുമായി ഡിയോ സ്‌പോര്‍ട്‌സ് വിപണിയില്‍ മത്സരിക്കുന്നത്.

പുതിയ കളര്‍ ഓപ്ഷനുകള്‍ക്കൊപ്പം, മാറ്റ് ആക്സിസ് ഗ്രേ മെറ്റാലിക്, കാന്‍ഡി ജാസി ബ്ലൂ, സ്പോര്‍ട്സ് റെഡ്, വൈബ്രന്റ് ഓറഞ്ച് എന്നിങ്ങനെ നാലു നിറങ്ങളിലാണ് സ്റ്റാന്‍ഡേര്‍ഡ് പതിപ്പ് കമ്പനി ലഭ്യമാക്കിയിരിക്കുന്നത്.

അതേസമയം ഡീലക്‌സ് പതിപ്പിനൊപ്പം മാറ്റ് സാന്‍ഗ്രിയ റെഡ് മെറ്റാലിക്, ഡാസില്‍ യെല്ലോ മെറ്റാലിക്, മാറ്റ് ആക്സിസ് ഗ്രേ മെറ്റാലിക് എന്നീ കളര്‍ ഓപ്ഷനുകളും കമ്പനി വാഗ്ദാനം ചെയ്യുന്നു.