eFTR Hooligan; നേക്കഡ് ലുക്കിൽ പുത്തൻ ഇലക്ട്രിക് ബൈക്ക് അവതരിപ്പിച്ച് Indian Motorcycle

കാലിഫോർണിയ ആസ്ഥാനമായുള്ള ഇലക്ട്രിക് സൈക്കിൾ നിർമ്മാതാക്കളായ സൂപ്പർ 73 -മായി സഹകരിച്ചാണ് ബ്രാൻഡ് ഈ ഇ-ബൈക്ക് നിർമ്മിച്ചിരിക്കുന്നത്. ഇപ്പോൾ, eFTR ഹൂളിഗൻ പൂർണ്ണമായും ഇലക്‌ട്രിക് അല്ല, കൂടാതെ വെർസെറ്റാലിറ്റിയ്ക്കായി പെഡലുകളും ഉണ്ട്.

നീക്കം ചെയ്യാവുന്ന, 960 kWh ബാറ്ററി ഉപയോഗിച്ച്, ഇ-ബൈക്ക് പെഡൽ-അസിസ്റ്റ് മോഡിൽ 120 കിലോമീറ്റർ റേഞ്ച് വാഗ്ദാനം ചെയ്യും എന്ന് കമ്പനി അവകാശപ്പെടുന്നു. എന്നിരുന്നാലും, ത്രോട്ടിൽ പിൻ ചെയ്‌താൽ, eFTR ഹൂളിഗന് മണിക്കൂറിൽ 64 കിലോമീറ്റർ പരമാനവധി വേഗത വരെ കൈവരിക്കാൻ കഴിയും.

ആവശ്യമുള്ളപ്പോഴെല്ലാം കുറച്ച് റേഞ്ച് സംരക്ഷിക്കാൻ സഹായിക്കുന്ന മൂന്ന് മോഡുകളുമായാണ് ഇത് വരുന്നത്. ക്ലാസ് 1 മോഡിൽ, ഇന്ത്യൻ eFTR ഹൂളിഗൻ പെഡൽ അസിസ്റ്റ് ഉപയോഗിച്ച് വേഗത മണിക്കൂറിൽ 32 കിലോമീറ്ററായി പരിമിതപ്പെടുത്തുന്നു.

ക്ലാസ് 2 മോഡിൽ, ത്രോട്ടിൽ പ്രവർത്തനക്ഷമമാക്കിയിട്ടുണ്ടെങ്കിലും വേഗത മണിക്കൂറിൽ 32 കിലോമീറ്ററായി പരിമിതപ്പെടുത്തിയിരിക്കുന്നു. അതേസമയം, ക്ലാസ് 3 മോഡിൽ ഇ-ബൈക്ക് പരമാവധി 45 കിലോമീറ്റർ വേഗത വാഗ്ദാനം ചെയ്യുന്നു.

അത് മാത്രമല്ല, മണിക്കൂറിൽ 45 കിലോമീറ്ററിൽ കൂടുതൽ വേഗത വാഗ്ദാനം ചെയ്യുന്ന, 2000 വാട്ടിലേക്ക് പവർ വർധിപ്പിക്കുന്ന ഒരു ഓഫ്-റോഡ് മോഡും ഇന്ത്യൻ വാഗ്ദാനം ചെയ്യുന്നു.

ഇന്ത്യൻ eFTR ഹൂളിഗൻ 1.2 സൂപ്പർ 73 S2-നെ അടിസ്ഥാനമാക്കിയുള്ളതാണ്, എന്നിരുന്നാലും ചില ഘടകങ്ങൾ ഇ-ബൈക്കിനെ വേറിട്ടു നിർത്തുന്നു. അതിനാൽ, ഇതിന് ഇൻവേർട്ടഡ് ഫ്രണ്ട് ഫോർക്കുകളും FTR -ന്റെ പോലുള്ള ഹെഡ്‌ലാമ്പും ഫ്ലൈസ്‌ക്രീനും ലഭിക്കുന്നു.

കൂടാതെ, ഇത് റോളണ്ട് സാൻഡ്സ് ഡിസൈൻ പതിപ്പിൽ നിന്ന് പ്രചോദനം ഉൾക്കൊണ്ട്, അതിന്റെ CG കുറയ്ക്കുന്നതിന് എക്സ്റ്റെന്റഡ് ബെഞ്ച് സീറ്റ്, മിഡ്-മൗണ്ടഡ് ബാറ്ററി പാക്ക് എന്നിവയും ഉൾക്കൊള്ളുന്നു. മുന്നിലും പിന്നിലും ഫെൻഡറുകൾ ഒഴിവാക്കി കട്ടിയുള്ള സെമി-നോബി ടയറുകൾ പ്രദർശിപ്പിക്കാനും ഇന്ത്യൻ ഈ മോട്ടോർസൈക്കിളിൽ താൽപ്പര്യപ്പെടുന്നു.

അടുത്തിടെ ഇ-ബൈക്ക് റേസിലേക്ക് പ്രവേശിച്ച പ്രധാന മോട്ടോർസൈക്കിൾ നിർമ്മാതാക്കൾ ഇന്ത്യൻ മാത്രമല്ല. ഹാർലിയുടെ സീരിയൽ 1 ബൈക്കുകൾ, യമഹയുടെ YDX Torc-e MTB, ഏറ്റവും പുതിയ ഡ്യുക്കാട്ടി ഫൂട്ടാ റോഡ് ഇ-ബൈക്ക് എന്നിവയും ഉണ്ട്.

കൂടാതെ, വരും വർഷത്തിൽ ഈ ബ്രാൻഡുകൾ എല്ലാം തന്നെ കൂടുതൽ ഇ-ബൈക്കുകൾ അവതരിപ്പിക്കപ്പെടുമെന്ന് നമുക്ക് പ്രതീക്ഷിക്കാം. എന്നിരുന്നാലും, ഇന്ത്യൻ വിപണിയിൽ ഇവ എപ്പോൾ ലഭ്യമാകുമെന്ന് നിലവിൽ വ്യക്തമായ ഒരു ടൈംലൈൻ നമുക്ക് പ്രവചിക്കാൻ സാധിക്കില്ല.