Royal Enfield -ന് മുട്ടൻ പണിയുമായി K-Lite ക്രൂയിസർ അവതരിപ്പിക്കാനൊരുങ്ങി Keeway

കീവേയുടെ ഉത്ഭവം ഹംഗറിയിലാണെങ്കിലും, ബ്രാൻഡ് ഇപ്പോൾ ചൈനീസ് വാഹന ഭീമനായ ക്വിയാൻജിയാങ് (QJ) ഗ്രൂപ്പിന്റെ ഉടമസ്ഥതയിലാണ്. ഈ ചൈനിസ് ഗ്രൂപ്പിന്റെ കീഴിലാണ് ഇറ്റാലിയൻ മോട്ടോർസൈക്കിൾ ബ്രാൻഡായ ബെനെല്ലിയും എന്നത് ശ്രദ്ധേയമാണ്.

അടുത്ത കാലത്തായി, QJ -യും ബെനെല്ലിയും ഒരു പുതിയ പവർട്രെയിനുകൾ വികസിപ്പിച്ചെടുത്തതിന്റെ റിപ്പോർട്ടുകൾ ഓൺലൈനിൽ ഉയർന്നുവന്നിട്ടുണ്ടായിരുന്നു. കെടിഎമ്മിന്റെ യൂണിറ്റുകളിൽ നിന്ന് പ്രചോദനം ഉൾക്കൊണ്ട് നിരവധി പുതിയ എഞ്ചിനുകൾക്കും മോട്ടോർസൈക്കിളുകൾക്കും QJ പേറ്റന്റ് നേടിയിട്ടുണ്ടെന്ന് ഈ റിപ്പോർട്ടുകൾ വെളിപ്പെടുത്തി.

ചെറിയ ക്രൂയിസറുകൾ, സ്‌കൂട്ടറുകൾ, നേക്കഡ് സ്ട്രീറ്റ് ബൈക്കുകൾ, അഡ്വഞ്ചർ ടൂററുകൾ എന്നിവയുടെ നിർമ്മാണത്തിൽ കീവേ വളരെ പ്രസിദ്ധരാണ്.

ഹംഗേറിയൻ ബ്രാൻഡിൽ നിന്നുള്ളവ താരതമ്യപ്പെടുത്തുമ്പോൾ വളരെ ചെറുതാണെങ്കിലും അതിന്റെ ക്രൂയിസറുകളുടെ ഡിസൈനുകൾ ഹാർലി ഡേവിഡ്‌സണിൽ നിന്നുള്ള റോഡ്‌സ്റ്ററുകളിൽ നിന്ന് പ്രചോദനം ഉൾക്കൊണ്ടതാണ്. ഐക്കണിക് അമേരിക്കൻ ബ്രാൻഡ് അതിന്റെ റെട്രോ-സ്റ്റൈൽ ക്രൂയിസറുകൾക്കും ബോബറുകൾക്കും ലോകമെമ്പാടും പ്രശസ്തമാണ്.

K-ലൈറ്റ് ക്രൂയിസറാണെന്ന് സ്ഥിരീകരിക്കുന്ന ഒരു ബൈക്കിന്റെ പിൻഭാഗത്തിന്റെ ഒരു ചെറിയ രേഖാചിത്രം അവതരിപ്പിക്കുന്ന ഇൻവൈറ്റ് നിർമ്മാതാക്കൾ ഷെയർ ചെയ്തിരുന്നു.

എന്നിരുന്നാലും, ഇത് ട്വിൻ-ബാരൽ എക്‌സ്‌ഹോസ്റ്റിനെ ടീസ് ചെയ്യുന്നതിനാൽ, ഈ ബൈക്കിൽ 125 സിസി എഞ്ചിൻ ഫീച്ചർ ചെയ്യില്ലെന്നാണ് റിപ്പോർട്ടുകൾ സൂചിപ്പിക്കുന്നത്. അതിന് പകരം, ബെനെല്ലി 502c -ൽ ഡ്യൂട്ടി നിർവഹിക്കുന്ന വലിയ 500 സിസി, ട്വിൻ-സിലിണ്ടർ, ലിക്വിഡ്-കൂൾഡ് എഞ്ചിൻ ഇതിന് കരുത്തേകും.

ഈ എഞ്ചിൻ ബെനെല്ലിയിൽ 47 bhp കരുത്തും 46 Nm torque ഉം ഉത്പാദിപ്പിക്കുന്നു. കീവേയിൽ നിന്നുള്ള വരാനിരിക്കുന്ന ക്രൂയിസറിൽ, ബെനെല്ലിയിൽ വാഗ്ദാനം ചെയ്യുന്നതിനെ അപേക്ഷിച്ച് ഈ എഞ്ചിൻ അല്പം വ്യത്യസ്തമായി ട്യൂൺ ചെയ്യാനാകും.

ബെനെല്ലി ഇംപെരിയാലെ 400 -ൽ കാണപ്പെടുന്ന 374cc, സിംഗിൾ-സിലിണ്ടർ മോട്ടോർ കീവേ ഉപയോഗിക്കാനുള്ള മറ്റൊരു സാധ്യതയുണ്ട്. ഈ മോട്ടോർ 20.7 bhp പവറും 29 Nm പീക്ക് torque ഉം ഉത്പാദിപ്പിക്കുന്നു.

ബൈക്കിന്റെ രൂപകൽപ്പനയിലേക്ക് കടക്കുകയാണെങ്കിൽ, വരാനിരിക്കുന്ന കീവേ ക്രൂയിസർ, കീവേ K-ലൈറ്റ് സീരീസിൽ നിന്ന് പ്രചോദനം ഉൾക്കൊണ്ട്, വലിയ 500 സിസി പാരലൽ-ട്വിൻ എഞ്ചിൻ ആണെങ്കിലും സമാനമായ സ്റ്റൈലിംഗുമായി വരാം.

സിംഗിൾ പീസ് സീറ്റ് സംവിധാനമുള്ള ഒരു പരമ്പരാഗത ലോ-സ്ലംഗ് ക്രൂയിസർ സ്റ്റാൻസ് ഇതിന് ലഭിക്കുന്നു. മോട്ടോർസൈക്കിളിൽ ഇരുവശത്തും ഒരു പാനലിൽ അവസാനിക്കുന്ന മെലിഞ്ഞ ഇന്ധന ടാങ്കും ഒരു ചെറിയ മഡ്ഗാർഡും ഫീച്ചർ ചെയ്യുന്നു.

ഹാർലിയുടെ റെട്രോ സ്റ്റൈലിംഗിനെ പിന്തുടർന്ന്, K-ലൈറ്റിന് ഒരു റൗണ്ട് ഹെഡ്‌ലൈറ്റും രണ്ട് അറ്റത്തും വൃത്താകൃതിയിലുള്ള ടേൺ ഇൻഡിക്കേറ്ററുകളും ലഭിക്കുന്നു. സ്പ്ലിറ്റ് ഗ്രാബ് റെയിലുകളും റിയർ ടയർ ഹഗ്ഗറുമുള്ള ഫ്ലാറ്റ് ടെയിൽ സെക്ഷനാണ് ടീസറിന് ലഭിക്കുന്നതെന്ന് അതിലെ സ്കെച്ച് വെളിപ്പെടുത്തുന്നു. ഇത് ഒരു ഫ്ലാറ്റ് ഹാൻഡിൽബാറും മിഡ് സെറ്റ് ഫൂട്ട്പെഗുകളും കൊണ്ട് സജ്ജീകരിച്ചേക്കാം, അത് സുഖപ്രദമായ റൈഡിംഗ് എർഗണോമിക്സ് വാഗ്ദാനം ചെയ്യുന്നു.

നിലവിൽ, മോട്ടോർസൈക്കിൾ ഇന്ത്യയിൽ നിർമ്മിക്കുമോ അതോ CKD കിറ്റുകൾ വഴി രാജ്യത്ത് അസംബിൾ ചെയ്യുമോ എന്ന് വ്യക്തമല്ല. കീവേ രാജ്യത്ത് ഉൽപ്പാദന കേന്ദ്രം സ്ഥാപിക്കുന്നതായി റിപ്പോർട്ടുകളൊന്നും ലഭിച്ചിട്ടില്ലാത്തതിനാൽ, മുഴുവൻ ബൈക്കും CBU റൂട്ടിൽ പൂർണമായും ഇറക്കുമതി ചെയ്യുന്ന സാഹചര്യവുമാകാം. സെഗ്‌മെന്റ് ലീഡർ റോയൽ എൻഫീൽഡിനെതിരെ മികച്ച പോരാട്ടം കാഴ്ച്ചവെക്കാൻ കീവേയ്ക്ക് കോംപറ്റീറ്റീവ് വിലനിർണ്ണയം വളരെ പ്രധാനമാണ്.