ഒന്നും രണ്ടുമല്ല 2.99 ലക്ഷം; Sixties & Vieste മോഡലുകളുടെ വിലകൾ വെളിപ്പെടുത്തി Keeway

കീവേ ബ്രാൻഡിന് ആഗോള സാന്നിധ്യമുണ്ട്, കൂടാതെ കമ്മ്യൂട്ടർ മോഡലുകൾക്കും സ്കൂട്ടറുകൾക്കും യൂറോപ്പിൽ വളരെ ജനപ്രിയവുമാണ്. യൂറോപ്പിലെ ഹാർലി-ഡേവിഡ്‌സൺ പ്രചോദിത ക്രൂയിസർ മോട്ടോർസൈക്കിളുകൾക്കും ബ്രാൻഡ് അറിയപ്പെടുന്നു.

കീവേ അടുത്തിടെ സിക്‌റ്റീസ് 300i റെട്രോ-സ്റ്റൈൽ സ്‌കൂട്ടർ, വിയെസ്റ്റെ 300 മാക്‌സി സ്‌കൂട്ടർ, K-ലൈറ്റ് 250 V ക്രൂയിസർ മോട്ടോർസൈക്കിൾ എന്നിവയടങ്ങുന്ന മൂന്ന് പ്രൊഡക്ടുകളുമായി ഇന്ത്യയിൽ അരങ്ങേറ്റം കുറിച്ചു.

മൂന്നെണ്ണത്തിൽ നിന്ന്, കമ്പനി സിക്‌റ്റീസ് 300i, വിയെസ്റ്റെ 300 സ്‌കൂട്ടറുകൾ ഇന്ത്യയിൽ 2.99 ലക്ഷം രൂപ എക്സ്-ഷോറൂം വിലയ്ക്ക് ലോഞ്ച് ചെയ്തിരിക്കുകയാണ്. QJ മോട്ടോർസ് ഇതിനകം സ്ഥാപിച്ചിട്ടുള്ള ബെനെല്ലി ഡീലർഷിപ്പുകൾ വഴി കീവേ ഉൽപ്പന്നങ്ങൾ വിൽക്കുമെന്ന് പ്രതീക്ഷിക്കുന്നു.

ബെനെല്ലി കീവേ സ്കൂട്ടർ - സിക്‌സ്റ്റീസ് 300i

സിക്‌റ്റീസ് 300i എന്നത് പേര് സൂചിപ്പിക്കുന്നത് പോലെ, 1960 -കളിലെ ഉജ്ജ്വലമായ യൂറോപ്യൻ സ്‌കൂട്ടറുകളിൽ നിന്ന് പ്രചോദനം ഉൾക്കൊണ്ടതാണ്. വൃത്താകൃതിയിലുള്ള ഹെഡ്‌ലാമ്പുകൾ, വൃത്താകൃതിയിലുള്ള മിററുകൾ, ക്ലാസിക് ലുക്കിംഗ് ബാഡ്‌ജിംഗ്, റെട്രോ ഗ്രാബ് ഹാൻഡിലുകൾ, 1960 -കളിലെ ഫ്ലെയറുള്ള വലിയ സ്‌പ്ലിറ്റ് സീറ്റുകൾ എന്നിവയ്‌ക്കൊപ്പം ക്ലാസിക് ഡിസൈൻ ശൈലിയും ഇതിന് ലഭിക്കുന്നു.

ക്ലാസിക് രൂപകൽപ്പനയ്‌ക്കൊപ്പം, മാറ്റ് ലൈറ്റ് ബ്ലൂ, മാറ്റ് ഗ്രേ, മാറ്റ് വൈറ്റ് എന്നീ മൂന്ന് പുതിയ ക്ലാസിക് കളർ സ്കീമുകൾ ഇതിന് ലഭിക്കുന്നു. മൂന്ന് നിറങ്ങൾക്കും വ്യത്യസ്തമായ പ്ലാസ്റ്റിക് ട്രിമ്മുകളും സീറ്റ് കവറുകളും ലഭിക്കും. മാറ്റ് ലൈറ്റ് ബ്ലൂ ഏറ്റവും റെട്രോ-ലുക്കിംഗ് ആണ്, കൂടാതെ ക്രീം നിറമുള്ള പ്ലാസ്റ്റിക് ട്രിമ്മുകളും വൈറ്റ് വോളുകളുള്ള ടയറുകളും ടാൻ നിറമുള്ള സീറ്റ് കവറുകളും ഇതിന് ലഭിക്കുന്നു.

മാറ്റ് ഗ്രേയ്ക്ക് ടാൻ നിറമുള്ള പ്ലാസ്റ്റിക് ട്രിമ്മുകൾ, ബ്ലാക്ക് ക്രോം, റെഡ് ലെറ്ററിംഗ്, ബ്ലാക്ക് സീറ്റ് കവറുകൾ എന്നിവ ലഭിക്കുന്നു. മാറ്റ് വൈറ്റിന് വൈറ്റ് പ്ലാസ്റ്റിക് ട്രിമ്മുകൾ, ബ്ലാക്ക് ക്രോം, റെഡ് ലെറ്ററിംഗ്, റെഡ് നിറത്തിലുള്ള സീറ്റ് കവറുകൾ എന്നിവ ലഭിക്കുന്നു.

വിവിധ റീഡൗട്ടുകൾക്കായി ഒരു ചെറിയ എൽസിഡി പാനലോടുകൂടിയ അനലോഗ് സ്പീഡോമീറ്റർ ഇതിന് ലഭിക്കുന്നു. സിക്‌സ്റ്റീസ് 300i -ൽ ഫ്ലോർബോർഡിൽ 10 ലിറ്റർ ശേഷിയുള്ള ഫ്യുവൽ ടാങ്കും ഘടിപ്പിച്ചിരിക്കുന്നു. 1985 mm നീളവും 720 mm വീതിയും 1170 mm ഉയരവും 1390 mm വീൽബേസും 790 mm സീറ്റ് ഹൈറ്റും 140 mm ഗ്രൗണ്ട് ക്ലിയറൻസും സ്കൂട്ടറിനുണ്ട്.

സിക്‌സ്റ്റീസ് 300i -ക്ക് എൽഇഡി ഹെഡ്‌ലൈറ്റുകളും വെർട്ടിക്കലായി നിരത്തിയ ടെയിൽ ലൈറ്റുകളും ലഭിക്കുന്നു. 146 കിലോഗ്രാം ഭാരമുള്ള ഇതിന് ഇരുവശത്തും 12 ഇഞ്ച് വീലുകളിൽ പൊതിഞ്ഞ 120/70 ട്യൂബ്‌ലെസ് റബ്ബറുമായിട്ടാണ് വരുന്നത്.

ബെനെല്ലി കീവേ സ്കൂട്ടർ - വിയെസ്റ്റെ 300

വിയെസ്റ്റെ 300 എന്നത് ഒരു മാക്സി-സ്കൂട്ടറാണ്, അത് റൈഡർക്ക് വളരെയധികം സൗകര്യങ്ങൾ വാഗ്ദാനം ചെയ്യുന്നു. അതിന്റെ സഹോദര മോഡലായ സിക്സ്റ്റീസ് 300i -ൽ നിന്ന് വ്യത്യസ്തമായി, വിയെസ്റ്റെ 300 ആധുനികവും ഫ്യൂച്ചറിസ്റ്റിക്കുമായി കാണപ്പെടുന്നു.

ഉയർന്ന വേഗതയിൽ റൈഡർക്ക് ബോഡി മതിയായ വിൻഡ് പ്രൊട്ടക്ഷൻ നൽകുന്നു. വിയെസ്റ്റെ 300 -ന് മാറ്റ് ബ്ലൂ, മാറ്റ് ബ്ലാക്ക്, മാറ്റ് വൈറ്റ് എന്നിങ്ങനെ കീവേ മൂന്ന് നിറങ്ങൾ വാഗ്ദാനം ചെയ്യുന്നു.

എൽഇഡി ഡിആർഎല്ലുകൾക്കൊപ്പം ധാരാളം പ്രകാശത്തിനും ലൈറ്റ് ത്രോയ്‌ക്കുമായി 4 പ്രൊജക്ടറുകളുള്ള എൽഇഡി ഹെഡ്‌ലൈറ്റുകൾ ഇതിന് ലഭിക്കുന്നു. പിൻഭാഗത്ത്, എൽഇഡി ടെയിൽ ലൈറ്റുകളും ടേൺ ഇൻഡിക്കേറ്ററുകളും മാക്സി-സ്കൂട്ടറിന്റെ എയറോഡൈനാമിക് ബോഡിയുമായി ഫ്ലഷ് ചെയ്യുന്നു.

സിക്സ്റ്റീസ് 300i-യുമായി താരതമ്യപ്പെടുത്തുമ്പോൾ, വിയെസ്റ്റെ 300 ഇൻസ്ട്രുമെന്റേഷന്റെ കാര്യത്തിൽ ഫ്യൂച്ചറിസ്റ്റിക് ആയി തോന്നുന്നു. വിവിധ റീഡ്ഔട്ടുകൾക്കായി ഒരു വലിയ എൽസിഡി സ്ക്രീനും സ്ക്രീനിന്റെ ഇരുവശത്തും റൗണ്ട് അനലോഗ് സ്പീഡോയും ടാക്കോയും ലഭിക്കുന്നു.

വിയെസ്റ്റെ 300 -ന് 1920 mm നീളവും 800 mm വീതിയും 1130 mm ഉയരവും 1390 mm വീൽബേസും 770 mm സീറ്റ് ഹൈറ്റും 135 mm ഗ്രൗണ്ട് ക്ലിയറൻസുമുണ്ട്. മാക്സി-സ്കൂട്ടറിന് 147 കിലോഗ്രാം ഭാരമുണ്ട്, മുൻവശത്ത് 110/70 ടയറും പിന്നിൽ 130/70 ടയറുമാണ്. ഈ ടയറുകൾ ഇരുവശത്തും 13 ഇഞ്ച് വീലുകളിൽ പൊതിഞ്ഞിരിക്കുന്നു. ടൂറിംഗ് ക്രെഡൻഷ്യലുകൾ കാരണം ഇതിന് വലിയ 12 ലിറ്റർ ഫ്യുവൽ ടാങ്ക് ലഭിക്കുന്നു.

വിലനിർണ്ണയവും സമാരംഭവും

QJ മോട്ടോർസ് രണ്ട് സ്‌കൂട്ടറുകൾക്കും 2.99 ലക്ഷം രൂപ മുതൽ വില നിശ്ചയിച്ചിട്ടുണ്ട്. ഈ വിലയ്ക്ക്, രണ്ട് സ്കൂട്ടറുകൾക്കും സിംഗിൾ-സിലിണ്ടർ ഫോർ സ്ട്രോക്ക്, ഫോർ വാൽവ് 278.2 സിസി എഞ്ചിൻ ലഭിക്കുന്നു. ഇത് 6500 rpm -ൽ 18.7 bhp പവറും 6000 rpm -ൽ 22 Nm torque ഉം നൽകുന്നു.

രണ്ട് സ്കൂട്ടറുകൾക്കും ഡ്യുവൽ-ചാനൽ ABS സംവിധാനമുള്ള ഡിസ്ക് ബ്രേക്കുകളും ലഭിക്കും. വില, എഞ്ചിൻ ശേഷി, ഫോം ഫാക്ടർ എന്നിവയിൽ ഒരു മത്സരവുമില്ലാത്തതിനാൽ ഈ രണ്ട് സ്കൂട്ടറുകളും വിപണിയിൽ തങ്ങൾക്കൊരു സ്ഥാനം സ്വയം സൃഷ്ടിച്ചിരിക്കുകയാണ്.

വെസ്പയിൽ നിന്നുള്ള 150 സിസി സ്‌കൂട്ടറുകൾക്ക് ശേഷം ഏറ്റവും ചെലവേറിയ റെട്രോ തീം സ്‌കൂട്ടറാണ് സിക്‌സ്റ്റീസ് 300i. എന്നിരുന്നാലും, വിയെസ്റ്റെ 300, യമഹ ഏയ്റോക്സ് 155 -ക്കും BMW C 400 GT -ക്കും ഇടയിലായിരിക്കും.