Click it and Unblock the Notifications
SR125 റെട്രോ മോട്ടോര്സൈക്കിള് അവതരിപ്പിച്ച് Keeway; വില, എഞ്ചിന്, ഫീച്ചറുകള്, ബുക്കിംഗ് വിവരങ്ങള് അറിയാം
റെട്രോ ക്ലാസിക് മോഡലായ SR125 രാജ്യത്ത് അവതരിപ്പിച്ച് ഹംഗേറിയന് ഇരുചക്ര വാഹന നിര്മാതാക്കളായ കീവേ. ഒരു എന്ട്രി ലെവല് മോട്ടോര്സൈക്കിളായിട്ടാണ് മോഡലിനെ രാജ്യത്ത് അവതരിപ്പിച്ചിരിക്കുന്നത്.
കഴിഞ്ഞ 5 മാസത്തിനുള്ളില് കീവേയുടെ ഏഴാമത്തെ ഉല്പ്പന്നമാണ് പുതിയ SR125. ഇത് ഇന്ത്യന് വിപണിയിലെ അതിന്റെ അഭിലാഷ പദ്ധതികളെ സൂചിപ്പിക്കുന്നു. ആകര്ഷണീയമായ വിലയോടൊപ്പം പവര്, പെര്ഫോമന്സ്, ടൈംലെസ് ഡിസൈന് എന്നിവയുടെ ഒപ്റ്റിമല് മിശ്രിതമാണ് മോട്ടോര്സൈക്കിളെന്നും കമ്പനി വ്യക്തമാക്കി.
അധികം വൈകാതെ തന്നെ SR250 എന്നൊരു മോഡലും ഇന്ത്യയില് അവതരിപ്പിക്കുമെന്ന് കമ്പനി വ്യക്തമാക്കിയിട്ടുണ്ട്. 1.19 ലക്ഷം രൂപ എക്സ്ഷോറൂം വിലയിലാണ് SR125 മോട്ടോര്സൈക്കിള് വിപണിയില് ലഭിക്കുന്നത്. വിപണിയില് നേരിട്ടുള്ള എതിരാളികള് ഇല്ലെങ്കിലും ഈ വില പരിധിയില് വരുന്ന നിരവധി കമ്മ്യൂട്ടര് മോട്ടോര്സൈക്കിളുകള് SR125-ന് എതിരാളികളാകും.
| KEEWAY SR125 Price | |
| Glossy White | ₹1,19,000 |
| Glossy Black | ₹1,19,000 |
| Glossy Red | ₹1,19,000 |
ടിവിഎസ് റൈഡര്, ഹോണ്ട SP 125, ബജാജ് പള്സര് NS125 എന്നിവരും ഈ പുതിയ മോഡലിന്റെ വിപണിയിലെ എതിരാളികള്. SR125-നായുള്ള ബുക്കിംഗ് ഇന്ന് മുതല് ആരംഭിക്കുകയും ചെയ്തിട്ടുണ്ട്. ആവശ്യക്കാര്ക്ക് ബെനലിയുടെയോ, കിവേയുടെയോ ഡീലര്ഷിപ്പ് വഴിയോ, വെബ്സൈറ്റ് വഴിയോ 1,000 രൂപ ടോക്കണ് തുക നല്കി ബുക്ക് ചെയ്യാം.
വൈറ്റ്, ബ്ലാക്ക്, റെഡ് എന്നീ മൂന്ന് നിറങ്ങളില് മോട്ടോര്സൈക്കിള് വിപണിയില് ലഭ്യമാകുകയും ചെയ്യും. ഇതിനോടകം തന്നെ ഏതാനും മോഡലുകളെ കീവേ രാജ്യത്ത് വില്പ്പനയ്ക്ക് എത്തിക്കുകയും ചെയ്തിട്ടുണ്ട്.
ഡിസൈന് ഭാഷയുടെ കാര്യത്തില്, SR125 ഒരു സ്ക്രാംബ്ലര് പോലെയാണ് കാണപ്പെടുന്നത്. ബ്ലോക്ക്-പാറ്റേണ് ടയറുകള്, റിബഡ് സീറ്റ്, ചെറിയ വൃത്താകൃതിയിലുള്ള ഹെഡ്ലാമ്പ്, റെട്രോ-ലുക്ക് ഫ്യൂവല് ടാങ്ക് എന്നിവയെല്ലാം ഡിസൈന് ഹൈലൈറ്റുകളാണ്.
സ്പോക്ക്ഡ് റിമ്മുകള്, വൃത്താകൃതിയിലുള്ള ടെയില് ലാമ്പ്, ടേണ് ഇന്ഡിക്കേറ്ററുകള് എന്നിവയും റെട്രോ ലുക്ക് നല്കുന്നതില് പ്രധാന പങ്ക് വഹിക്കുന്നു.
കീവേ SR125-ന്റെ ഫീച്ചര് ലിസ്റ്റ് വളരെ ചെറുതാണ്. ഡിജിറ്റല് ഇന്സ്ട്രുമെന്റ് ക്ലസ്റ്റര്, എല്ഇഡി ഡേടൈം റണ്ണിംഗ് ലാമ്പ്, ബില്റ്റ്-ഇന് എഞ്ചിന് കട്ട് ഓഫ് സ്വിച്ച് ഉള്ള സൈഡ് സ്റ്റാന്ഡ്, കോമ്പി ബ്രേക്കിംഗ് സിസ്റ്റം, ഹസാര്ഡ് സ്വിച്ച് എന്നിവയൊക്കെയാണ് ഫീച്ചര് ലിസ്റ്റില് ഉള്ളത്.
SR125-ലെ സസ്പെന്ഷന് ചുമതലകള് നിര്വഹിക്കുന്നത് 128 mm ട്രാവലുള്ള ടെലിസ്കോപ്പിക് ഫോര്ക്കുകളാണ്. പിന്നില് 29 mm ട്രാവല് ഉള്ള ടെലിസ്കോപ്പിക് കോയില് സ്പ്രിംഗുകളാണ് പിന് സസ്പെന്ഷന് കൈകാര്യം ചെയ്യുന്നത്. 5-ഘട്ട അഡ്ജസ്റ്റബിലിറ്റിയും ഉണ്ട്.
സുരക്ഷയ്ക്കായി മുന്വശത്ത് 300 mm ഡിസ്ക്കും പിന്നില് 210 mm ഡിസ്ക്കും ബ്രേക്കിംഗ് ചുമതലകള് കൈകാര്യം ചെയ്യുന്നു. മുന്നിലും പിന്നിലും 17 ഇഞ്ച് സ്പോക്ക് വീലുകളാണ് കീവേ ഉപയോഗിക്കുന്നത്. ടയര് വലുപ്പം 110/70, 130/70 എന്നിങ്ങനെയാണ്.
ഫ്യുവല് ഇഞ്ചക്ഷന് ലഭിക്കുന്ന 125 സിസി എയര് കൂള്ഡ് എഞ്ചിനാണ് കീവേ ഉപയോഗിക്കുന്നത്. ഇത് 9,000 rpm-ല് 9.7 bhp പരമാവധി കരുത്തും 7,500 rpm-ല് 8.2 Nm പീക്ക് ടോര്ക്കും ഉത്പാദിപ്പിക്കുന്നു. ഇത് 5-സ്പീഡ് ട്രാന്സ്മിഷനുമായി ജോടിയാക്കുകയും പിന് ചക്രത്തിലേക്ക് പവര് കൈമാറാന് ഒരു ചെയിന് ഡ്രൈവ് ഉപയോഗിക്കുകയും ചെയ്യുന്നു.
Continue with Google