അണിയറയിൽ ഒരുങ്ങുന്ന പുത്തൻ Pulsar 125 -ൽ എന്തെല്ലാം മാറ്റങ്ങൾ പ്രതീക്ഷിക്കാം?

റിപ്പോർട്ടുകൾ പ്രകാരം, ഈ ടെസ്റ്റ് ബൈക്ക് അടുത്ത തലമുറ ബജാജ് പൾസർ 125 ആണെന്ന് തോന്നുന്നു. പുതിയ മോഡലിനെ കുറിച്ചുള്ള ധാരാളം ഊഹാപോഹങ്ങൾ ഇതിനകം ഓൺലൈനിൽ പ്രചരിക്കുന്നുണ്ട്.

വരാനിരിക്കുന്ന പുതിയ തലമുറ ബജാജ് പൾസർ 125 -ൽ നിന്ന് ഞങ്ങൾ പ്രതീക്ഷിക്കുന്ന മികച്ച അഞ്ച് കാര്യങ്ങളാണ് ഞങ്ങൾ ഈ ലേഖനത്തിൽ ലിസ്റ്റ് ചെയ്തിരിക്കുന്നത്.

ഡിസൈനും സ്റ്റൈലിംഗും

പുതിയ തലമുറ പൾസർ 125 -ന് കാര്യമായ എക്സ്റ്റീരിയർ ഡിസൈൻ മാറ്റങ്ങൾ ലഭിച്ചേക്കാം. ബൈക്കിന് പുതിയ ഹെഡ്‌ലാമ്പ് കൗൾ, ഷോർട്ട് വൈസർ, സ്‌പോർട്ടി ടാങ്ക് എക്സ്റ്റൻഷനുകളുള്ള വിശാലമായ ഫ്യുവൽ ടാങ്ക്, സ്ലിക്ക് സ്ലം ഗാർഡ്, സിംഗിൾ പീസ് സീറ്റ്, സ്ലീക്ക് ടെയിൽ സെക്ഷൻ, സിംഗിൾ പീസ് പില്യൺ ഗ്രാബ് ഹാൻഡിൽ തുടങ്ങിയ മാറ്റങ്ങൾ ലഭിച്ചേക്കാം എന്ന് ഞങ്ങൾ കരുതുന്നു. ഇവയ്ക്കൊപ്പം പുത്തൻ കളർ സ്കീമുകളും ബജാജ് കുട്ടി പൾസറിന്റെ അപ്പ്ഡേറ്റിൽ അവതരിപ്പിച്ചേക്കാം.

പുതിയ അണ്ടർ പിന്നിംഗുകൾ

ഊഹാപോഹങ്ങൾ അനുസരിച്ച്, സ്പൈ ചിത്രത്തിലെ ടെസ്റ്റ് മ്യൂൾ തികച്ചും പുതിയ പ്ലാറ്റ്‌ഫോമിനെ അടിസ്ഥാനമാക്കിയുള്ളതാണ്, ഇത് വരാനിരിക്കുന്ന മറ്റ് നെക്സ്റ്റ് ജെൻ പൾസർ മോഡലുകൾക്കും അടിവരയിടും. ഇതിനെ കുറിച്ചുള്ള സാങ്കേതിക സവിശേഷതകൾ ഇപ്പോൾ ഒരു നിഗൂഢതയാണ്.

എന്നാൽ ടെസ്റ്റ് മോഡലിന് പിൻ മോണോഷോക്കിനൊപ്പം ഡ്യുവൽ കൺവെൻഷണൽ ടെലിസ്കോപ്പിക് ഫ്രണ്ട് ഫോർക്കുകളും ലഭിക്കുന്നത് നമുക്ക് കാണാം. മികച്ച പെർഫോമെൻസിനും ഹാൻഡ്‌ലിംഗിനുമായി ഭാരം കുറഞ്ഞ നൂതന ഫ്രെയിമാവും ബൈക്കിൽ വരുന്നത്.

മെച്ചപ്പെട്ട എക്യുപ്മെന്റുകൾ

അടുത്ത തലമുറ പൾസർ 125 -ന് എൽഇഡി DRL-കളുള്ള പ്രൊജക്ടർ ഹെഡ്‌ലാമ്പും എൽഇഡി ടെയിൽലൈറ്റും ലഭിക്കും. ഹാൻഡിൽബാർ ഒരു പെയർ ക്ലിപ്പ് ഓൺ യൂണിറ്റിന് പകരം ഒരു സിംഗിൾ പീസ് യൂണിറ്റാവും.

പൾസർ 250 ഇരട്ടകൾക്ക് സമാനമായ സെമി ഡിജിറ്റൽ ഇൻസ്ട്രുമെന്റ് ക്ലസ്റ്ററും ഇതിന് ലഭിക്കും. സ്വിച്ച് ഗിയർ പുതിയതും നിലവിലുള്ള പൾസർ 125 നേക്കാൾ മികച്ച നിലവാരമുള്ളതുമാകുമെന്ന് ഞങ്ങൾ പ്രതീക്ഷിക്കുന്നു.

പ്രതീക്ഷിക്കുന്ന പവർട്രെയിൻ

സ്പൈ ചിത്രത്തിൽ, എഞ്ചിൻ ഒരു എയർ-കൂൾഡ് യൂണിറ്റ് ആണെന്ന് തോന്നുന്നു. പൾസർ 125, പൾസർ NS 125 എന്നിവയ്ക്ക് കരുത്തേകുന്നത് എയർ കൂൾഡ് 125 സിസി എഞ്ചിനുകളാണ്.

പൾസർ 125 -ന്റെ പവർപ്ലാന്റ് 11.8 PS പവറും 10.8 Nm torque ഉം സൃഷ്ടിക്കാൻ മികച്ചതാണ്, NS 125 -ന്റെ മോട്ടോർ ബെൽറ്റുകൾ 11.99 PS പവറും 11 Nm torque ഉം നൽകുന്നു. രണ്ടിലും അഞ്ച് സ്പീഡ് മാനുവൽ യൂണിറ്റാണ് ട്രാൻസ്മിഷൻ ചുമതലകൾ കൈകാര്യം ചെയ്യുന്നത്. അടുത്ത തലമുറ മോഡൽ ഈ രണ്ട് പവർപ്ലാന്റുകളിൽ ഒന്ന് ഉപയോഗിക്കും.

പ്രതീക്ഷിക്കുന്ന ലോഞ്ചിംഗ് സമയം

പുതിയ തലമുറ ബജാജ് പൾസർ 125 ഈ വർഷാവസാനം വിൽപ്പനയ്‌ക്കെത്തും എന്ന് പ്രതീക്ഷിക്കുന്നു. സ്പൈ ചിത്രങ്ങളിൽ കണ്ട മോഡൽ പ്രൊഡക്ഷൻ റെഡി എന്നത് പോലെ തോന്നുന്നു. നിർമ്മാതാക്കൾ ഇതിനോടകം ഇന്ത്യയിൽ പൾസർ എലാൻ, പൾസർ എലഗൻസ് എന്നിങ്ങനെ രണ്ട് പുതിയ പേരുകൾ ട്രേഡ്മാർക്ക് ചെയ്തിട്ടുണ്ട്. ഈ നെയിംപ്ലേറ്റുകൾ അടുത്ത തലമുറ മോഡലിന് ഉപയോഗിക്കാം.

പുതിയ പേരുകൾക്കായുള്ള ട്രേഡ്മാർക്ക് ഫയലിംഗുകൾ 2022 മാർച്ചിലാണ് നടന്നത്. പുതിയ രേഖകൾ അനുസരിച്ച്, ബജാജ് ഓട്ടോയിൽ നിന്ന് വരാനിരിക്കുന്ന രണ്ട് പുതിയ മോട്ടോർസൈക്കിളുകൾ പൾസർ മോഡൽ ശ്രേണിയുടെ ഭാഗമാകുമെന്നാണ് മനസിലാക്കാൻ കഴിയുന്നത്.

നിലവിൽ കമ്പനിക്ക് റെട്രോ തീം മോട്ടോർസൈക്കിളുകൾ ഇല്ലാത്തതിനാലും ഇന്ത്യയിൽ റെട്രോ തീം മോഡലുകളുടെ മാർക്കറ്റ് സ്ഥിരതയാർന്ന വളർച്ച കൈവരിക്കുന്നതിനാലും വരാനിരിക്കുന്ന ബജാജ് പൾസർ എലാൻ, പൾസർ എലഗൻസ് മോഡലുകൾ ഒരു റെട്രോ സ്റ്റൈൽ ലുക്ക് വാഗ്ദാനം ചെയ്തേക്കാം എന്നും ഊഹാപോഹങ്ങൾ ഉയരുന്നുണ്ട്.

ഈ മോട്ടോർസൈക്കിളുകളിലൊന്ന് ചിലപ്പോൾ 200 സിസി അല്ലെങ്കിൽ 250 സിസി പവർട്രെയിൻ ഉപയോഗികുമെന്ന് ഞങ്ങൾ പ്രതീക്ഷിക്കുന്നു, അതേസമയം രണ്ടാം മോഡൽ ചെറിയ 125 സിസി, 150 സിസി അല്ലെങ്കിൽ 180 സിസി യൂണിറ്റ് ഫീച്ചർ ചെയ്യാൻ സാധ്യതയുണ്ട്.

Representative Images