Just In
- 10 hrs ago കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ
- 12 hrs ago ഇനി വെറും 10 നാൾ കൂടി; പൾസർ നിരയിലെ വല്യേട്ടൻ എൻഫീൽഡിന്റെ കച്ചോടം പൂട്ടിക്കുമോ?
- 13 hrs ago റിസ്ത മാത്രമല്ല, ഫാമിലികള്ക്ക് പറ്റിയ മറ്റൊരു ഇവി കൂടി വരുന്നുണ്ട്! അരങ്ങേറ്റത്തിന് ഇനി ദിവസങ്ങള് മാത്രം
- 13 hrs ago 69,999 രൂപയുടെ ഇലക്ട്രിക് സ്കൂട്ടർ ബുക്ക് ചെയ്തവരുണ്ടോ? വണ്ടി അടുത്തമാസം തരാമെന്ന് കമ്പനി
Don't Miss
- News ലോക്സഭ തിരഞ്ഞെടുപ്പ് പോര്; ഇന്ന് കൊട്ടിക്കലാശം, വെള്ളിയാഴ്ച വോട്ടെടുപ്പ്
- Sports IPL 2024: 2 ഓവറില് 11ന് 1, പിന്നെ ദീപക്കിന് ഓവറില്ല! കാരണം ധോണി? മത്സരത്തിനിടെ ദേഷ്യപ്പെട്ടു
- Movies റിലേഷൻഷിപ്പിനോ വിവാഹത്തിനോ പറ്റില്ല; ജാസ്മിനോട് ഗബ്രി; എനിക്ക് വേണ്ട ഉത്തരം കിട്ടിയെന്ന് ജാസ്മിൻ!
- Lifestyle വേനല്ക്കാലത്ത് പൂന്തോട്ടം കളര്ഫുള്ളാക്കാന് ഇതാ ചില വഴികള്
- Technology ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ്
- Finance അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ
- Travel വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
2022 RC 390-യുടെ വില വര്ധിപ്പിച്ച് KTM; പുതുക്കിയ വില വിവരങ്ങള് അറിയാം
ജൂണ് മാസത്തിന്റെ തുടക്കത്തിലാണ് നിര്മാതാക്കളായ കെടിഎം, RC390-യുടെ ഏറ്റവും പുതിയ പതിപ്പിനെ ഇന്ത്യയില് അവതരിപ്പിക്കുന്നത്. പഴയ പതിപ്പില് നിന്നും നിരവധി മാറ്റങ്ങളോടെയാണ് പുതിയ പതിപ്പ് എത്തിയിരിക്കുന്നത്.
3.14 ലക്ഷം രൂപ എക്സ്ഷോറൂം വിലയിലാണ് പുതിയ തലമുറ RC 390 എത്തുന്നത്. അതിന്റെ മുന്ഗാമിയേക്കാള് 36,000 രൂപ കൂടുതലായിരുന്നുവെന്ന് വേണം പറയാന്. ഈ പണത്തിനുള്ള ഫീച്ചറുകളും നവീകരണങ്ങളും മോട്ടോര്സൈക്കിളില് വരുത്തിയിട്ടുണ്ടെന്നാണ് കമ്പനി പറയുന്നത്.
എന്നിരുന്നാലും, ഇപ്പോള് ഔദ്യോഗികമായി അവതരിപ്പിച്ച് ഏതാനും ആഴ്ചകള് പിന്നിടുമ്പോള്, നാമമാത്രമായെങ്കിലും RC 390 ന് അതിന്റെ ആദ്യ വില വര്ദ്ധന ലഭിച്ചിരിക്കുകയാണ്. 2022 കെടിഎം RC 390-ന്റെ പുതിയതും പഴയതുമായ വിലകള് തമ്മില് ഒന്ന് പരിശോധിക്കുകയാണ് ഇവിടെ ചെയ്യുന്നത്.
വിപണിയില് അവതരിപ്പിക്കുമ്പോള് 3.14 ലക്ഷം രൂപയായിരുന്നു ഈ മോട്ടോര്സൈക്കിളിന്റെ എക്സ്ഷോറൂം വില. എന്നാല് ഇപ്പോള് അത് 3.16 ലക്ഷം രൂപയായി വര്ദ്ധിപ്പിച്ചിരിക്കുകയാണ്. ഏകദേശം 2,148 രൂപയുടെ വര്ദ്ധനവാണ് വിലയില് ഉണ്ടായിരിക്കുന്നതെന്ന് വേണം പറയാന്.
വില വര്ധിപ്പിച്ചു എന്നതൊഴിച്ചാല് ഫീച്ചറുകളിലോ, എഞ്ചിനിലോ മറ്റ് മാറ്റങ്ങള് ഒന്നും തന്നെ കമ്പനി വരുത്തിയിട്ടില്ല. കെടിഎം ഐക്കണിക്ക് 390 ലൈനപ്പിലെ ഫെയര്ഡ് ബൈക്കാണ് കെടിഎം RC390, കെടിഎം ഇന്ത്യ ലൈനപ്പിലെ മറ്റെല്ലാ ബൈക്കുകളും പോലെ മഹാരാഷ്ട്രയിലെ ബജാജിന്റെ ചകന് പ്ലാന്റിലാണ് ഇത് നിര്മ്മിക്കുന്നത്.
പുതിയ 2022 RC 390 അതിന്റെ മുന്ഗാമിയായ ട്വിന് പോഡ് ഹെഡ്ലാമ്പ് ഒരു വലിയ സിംഗിള് എല്ഇഡി യൂണിറ്റിനായി ഒഴിവാക്കിയ ബൈക്കിന്റെ മുന്വശത്ത് തന്നെ ഏറ്റവും വലിയ മാറ്റങ്ങള് കാണാന് കഴിയും.
ഫെയറിംഗിനെ കുറിച്ച് പറയുകയാണെങ്കില്, RC 390-ന്റെ മുന് പതിപ്പിനെ അപേക്ഷിച്ച് ഇത് പരിഷ്ക്കരിച്ചിരിക്കുന്നുവെന്ന് വേണം പറയാന്. പുതിയ ഫെയറിംഗിന് ഇപ്പോള് കൂടുതല് മികച്ച രീതിയില് വായുവിലൂടെ കടന്നുപോകാന് കഴിയും. 13.7 ലീറ്റര് ശേഷിയുള്ള വലിയ ഇന്ധന ടാങ്കും ബൈക്കിനുണ്ട്.
പുതിയ RC 390 പുതിയ TFT റൈഡേഴ്സ് ഡിസ്പ്ലേയും ഉള്ക്കൊള്ളുന്നു. ഡിസ്പ്ലേയ്ക്ക് ഒരു ആംബിയന്റ് ലൈറ്റ് സെന്സറും ലഭിക്കുന്നു, ഇത് എക്സ്റ്റീരിയര് ലൈറ്റിംഗ് അവസ്ഥയെ ആശ്രയിച്ച് സ്ക്രീനിന്റെ തെളിച്ചം സ്വയമേവ മാറ്റുന്നു. ബ്ലൂടൂത്ത് കണക്റ്റിവിറ്റിയും ഡിസ്പ്ലേയില് ഉണ്ട്.
പുതിയ കെടിഎം RC 390-ല് എല്ലാ മാറ്റങ്ങളും കോസ്മെറ്റിക് അല്ല. പുതിയ RC 390 ഇപ്പോള് ബോള്ട്ട്-ഓണ് സബ്ഫ്രെയിമിനൊപ്പം ഭാരം കുറഞ്ഞ ട്രെല്ലിസ് ഫ്രെയിം ഷാസിയും കമ്പനി അവതരിപ്പിക്കുന്നു. ഫെയര്ഡ് 390 സീരീസ് ബൈക്കിന്റെ മുന് ആവര്ത്തനവുമായി താരതമ്യപ്പെടുത്തുമ്പോള് ഇത് 1.5 കിലോഗ്രാം കുറയ്ക്കാന് സഹായിക്കുന്നുവെന്നാണ് കമ്പനി പറയുന്നത്.
373 സിസി സിംഗിള് സിലിണ്ടര് ഫ്യുവല് ഇഞ്ചക്റ്റഡ് എഞ്ചിനിലേക്ക് എയര് നല്കുന്നതിന് 40 ശതമാനം വലിയ എയര്ബോക്സാണ് പുതിയ RC 390 അവതരിപ്പിക്കുന്നത്. പുതിയ RC 390-ന്റെ എഞ്ചിന് മാപ്പിംഗില് മാറ്റം വരുത്തിയതായി കെടിഎം അവകാശപ്പെടുന്നു, എന്നിരുന്നാലും പീക്ക് പവറും ടോര്ക്കും കണക്കുകള് മാറ്റമില്ലാതെ തുടരുന്നു.
2022 കെടിഎം RC 390-ന്റെ എഞ്ചിന് 9,000 rpm-ല് 43 bhp കരുത്തും 7,000 rpm-ല് 37 Nm പീക്ക് ടോര്ക്കും പുറപ്പെടുവിക്കുന്നു. സ്ലിപ്പര് ക്ലച്ചിന്റെ സഹായത്തോടെയുള്ള 6-സ്പീഡ് മാനുവല് ട്രാന്സ്മിഷന് വഴിയാണ് പുതിയ RC 390 പിന് ചക്രത്തിലേക്ക് പവര് അയക്കുന്നത്.
പുതിയ RC 390-ന്റെ എര്ഗണോമിക്സില് നിര്മാതാക്കള് മാറ്റം വരുത്തിയിട്ടുണ്ട്. പിന്വശത്തെ ഫുട് പെഗുകളും ആര്ക്കിടെക്ച്ചറുള്ള ഫ്യുവല് ടാങ്കും സീറ്റിംഗ് പൊസിഷന് ഇപ്പോഴും വളരെ പ്രതിബദ്ധതയുള്ളതാണെന്ന് ഉറപ്പാക്കുമ്പോള്, ക്രമീകരിക്കാവുന്ന ഉയര്ത്തിയ ക്ലിപ്പ്-ഓണ് ഹാന്ഡില്ബാറുകള് ഇപ്പോള് മുന് പതിപ്പിനെ അപേക്ഷിച്ച് 15 mm ഉയരത്തിലാണ് നല്കിയിരിക്കുന്നത്.
തങ്ങളുടെ ബൈക്കുകള് ട്രാക്ക് ചെയ്യാന് ആഗ്രഹിക്കുന്നവര്ക്ക് പുതിയ ക്ലിപ്പ്-ഓണ് ഹാന്ഡില്ബാറുകള് 10 mm കുറയ്ക്കാന് തിരഞ്ഞെടുക്കാം. 835 mm ആണ് കെടിഎം RC390-ന്റെ സീറ്റ് ഉയരം.
പുതിയ കെടിഎം RC390-ലെ സസ്പെന്ഷന് സജ്ജീകരണത്തില് 120 mm ട്രാവല് അനുവദിക്കുന്ന 43 mm WP അപെക്സ് ഫ്രണ്ട് ഫോര്ക്ക് ഉള്പ്പെടുന്നു. പിന് സസ്പെന്ഷന് സജ്ജീകരണത്തില് 10-സ്റ്റെപ്പ് പ്രീലോഡ് അഡ്ജസ്റ്റ് ചെയ്യാവുന്ന WP അപെക്സ് മോണോ ഷോക്ക് അടങ്ങിയിരിക്കുന്നു, ഇത് 150 mm ട്രാവല് അനുവദിക്കുന്നു.
പുതിയ കെടിഎം RC390-ലെ ബ്രേക്കിംഗിനായി മുന്വശത്ത് 320 mm ഡിസ്ക്കും പിന്നില് 230 mm ഡിസ്ക്കും ഘടിപ്പിച്ചിട്ടുണ്ട്. ബോഷ്-സോഴ്സ്ഡ് ഡ്യുവല്-ചാനല് എബിഎസ് സിസ്റ്റമാണ് ബ്രേക്കുകളെ സഹായിക്കുന്നത്.
പുതിയ കെടിഎം RC 390 മുന് തലമുറ മോഡലിനേക്കാള് അല്പ്പം ചെലവേറിയതാണ്, എന്നാല് അത് കൊണ്ടുവരുന്ന മാറ്റങ്ങള് വളരെ പ്രാധാന്യമര്ഹിക്കുന്നതാണെന്ന് വേണം പറയാന്.