ഇവികളിലേക്ക് പെർഫോമെൻസ് നിറയ്ക്കാൻ വരുന്നു KTM ഇലക്ട്രിക് മോട്ടോർസൈക്കിൾ; E-Duke അണിയറയിൽ

ബാറ്ററിയിൽ പ്രവർത്തിക്കുന്ന ഈ മോട്ടോർസൈക്കിൾ കെടിഎം ബ്രാൻഡിന് കീഴിൽ റീട്ടെയിൽ ചെയ്യും, കൂടാതെ അതിന്റെ ഇന്റേണലുകളും റണ്ണിംഗ് ഗിയറുകളും സ്വീഡിഷ് സഹോദരങ്ങളുമായി പങ്കിടുമെന്ന് പ്രതീക്ഷിക്കുന്നു.

കെടിഎമ്മിൽ നിന്നുള്ള നേക്കഡ് സ്ട്രീറ്റ് ഫൈറ്റർ ബൈക്കുകളുടെ ഡ്യൂക്ക് ശ്രേണിയെ അടിസ്ഥാനമാക്കിയാണ് വരാനിരിക്കുന്ന ബാറ്ററിയിൽ പ്രവർത്തിക്കുന്ന മോട്ടോർസൈക്കിൾ ഒരുങ്ങുക.

കഴിഞ്ഞ വർഷം പ്രീ-പ്രൊഡക്ഷൻ കൺസെപ്‌റ്റായി അരങ്ങേറ്റം കുറിച്ച ഹസ്‌ഖ്‌വർണ E-പിലനുമായി ഈ ബൈക്ക് അണ്ടർപിന്നിംഗുകളും പവർട്രെയിനും പങ്കിടും. ഈ ഡെവലപ്മെന്റിന്റെ വിശദാംശങ്ങൾ അടുത്തിടെ പിയറർ മൊബിലിറ്റി സ്ഥിരീകരിച്ചു.

2021 ബിസിനസ് വർഷത്തേക്കുള്ള പ്രാഥമിക റെവന്യുവിന്റെയും വരുമാനത്തിന്റെയും പ്രെസന്റേഷനിലൂടെയാണ് ഈ ഏറ്റവും പുതിയ വികസനം വെളിച്ചത്ത് വന്നത്. അങ്ങനെ ഒരു E-ഡ്യൂക്ക് കമ്പനിയുടെ അണിയറയിൽ ഒരുങ്ങുന്നുണ്ട് എന്ന് ഇവ സ്ഥിരീകരിക്കുന്നു.

ബ്രാൻഡിന്റെ സ്വീഡിഷ് സഹോദരങ്ങളുടെ E-പിലനെ അടിസ്ഥാനമാക്കിയായിരിക്കും ഇത് എന്നതിനപ്പുറം ഇപ്പോൾ കൂടുതൽ വെളിപ്പെടുത്തലുകൾ ഒന്നും നിർമ്മാതാക്കൾ പുറത്തുവിട്ടിട്ടില്ല. എന്നാൽ ഒരു ഫിക്സഡ് 5.5 kWh ബാറ്ററി പായ്ക്ക് ഫീച്ചർ ചെയ്യുന്ന പൂർണ്ണമായ ഇലക്ട്രിക് പവർട്രെയിനാവും ഇതിൽ ഉൾപ്പെടുന്നത്.

ഈ ബാറ്ററി പായ്ക്ക് 10 kW (13.4 bhp) നാമമാത്രമായ പവർ ഔട്ട്പുട്ടുള്ള ഒരു ഇലക്ട്രിക് മോട്ടോറിലേക്ക് ഊർജ്ജം നൽകും. E-ഡ്യൂക്കിന്റെ പെർഫോമെൻസ് കണക്കുകൾ ബ്രാൻഡിന്റെ എൻട്രി ലെവൽ ഡ്യൂക്ക് 125 -മായി താരതമ്യപ്പെടുത്താവുന്നതാണ്.

ഔദ്യോഗികമായി ഇതുവരെ സ്ഥിരീകരിച്ചിട്ടില്ലെങ്കിലും, ഒറ്റ ചാർജിൽ ഏകദേശം 100 കിലോമീറ്റർ റേഞ്ച് കെടിഎം പ്രതീക്ഷിക്കുന്നു. ഇത് തന്നെയാണ് E-പിലനായി ഹസ്‌ഖ്‌വർണയും അവകാശപ്പെടുന്നത്.

പ്രകടനത്തെ സംബന്ധിച്ചിടത്തോളം കെടിഎം ഒരു യാഥാസ്ഥിതിക സമീപനമാണ് സ്വീകരിക്കുന്നതെന്ന് വാദിക്കാം, എന്നാൽ ഇത് ഇലക്ട്രിക് മൊബിലിറ്റിയുടെ അജ്ഞാത പ്രദേശങ്ങളിലേക്ക് കടക്കുന്നതിനാൽ ബ്രാൻഡിന് ഇതൊരു നല്ല വഴിത്തിരിവായിരിക്കും.

പെർഫോമെൻസും വിലയും പരിധിക്കുള്ളിൽ നിലനിർത്തുന്നതിലൂടെ, ഓസ്ട്രിയൻ മോട്ടോർസൈക്കിൾ ബ്രാൻഡിന് മിക്ക വിപണികളിലെയും ഉപഭോക്താക്കളുടെ വിശാലമായ വിഭാഗത്തെ ലക്ഷ്യം വയ്ക്കാൻ കഴിഞ്ഞേക്കും.

ബൈക്കിന്റെ ഡിസൈനിലേക്ക് വരുമ്പോൾ, ഇലക്ട്രിക് ഡ്യൂക്ക് അല്ലെങ്കിൽ E-ഡ്യൂക്ക്, സ്വീഡിഷ് കസിനെ പോലെ സമാനമായ ഫ്രെയിമും പിൻ സസ്‌പെൻഷനും അവതരിപ്പിക്കുന്നു, എന്നാൽ കെടിഎമ്മിന്റെ സിഗ്നേച്ചർ ഡിസൈനിന് അനുയോജ്യമായ ഷാർപ്പും കൂടുതൽ അഗ്രസ്സീവുമായ സ്റ്റൈലിംഗ് കാണിക്കുന്നു.

ഇവിടെ പ്രദർശിപ്പിച്ചിരിക്കുന്ന ചിത്രം E-ഡ്യൂക്കിന്റെ രേഖാചിത്രത്തിന് പകരം ഒരു യഥാർത്ഥ പ്രോട്ടോടൈപ്പിന്റെ ഫോട്ടോയായിരിക്കാം, കാരണം അത് ഒരു സൈഡ് സ്റ്റാൻഡിൽ നിൽക്കുന്നതായി കാണുന്നു.

E-പിലൻ, E-ഡ്യൂക്ക് എന്നിവയ്ക്ക് പുറമെ, കെടിഎം E10, ഫ്രീറൈഡ് E LV എന്നീ രണ്ട് ഇലക്ട്രിക് മോട്ടോർസൈക്കിളുകളുടേയും വികസനം പിയറർ മൊബിലിറ്റി സ്ഥിരീകരിച്ചിട്ടുണ്ട്. ആദ്യത്തേത് അമേച്വർ റൈഡർമാർക്കുള്ള ഒരു യൂത്ത് ഡേർട്ട് ബൈക്കാണ്, രണ്ടാമത്തേത് ഒരു സ്ക്രാമ്പ്ലറായി കാണപ്പെടുന്നു.

സമീപഭാവിയിൽ E-പിലൻ, E-ഡ്യൂക്ക് എന്നിവ ഇന്ത്യൻ തീരങ്ങളിൽ എത്തിക്കാൻ പിയറർ മൊബിലിറ്റി തീരുമാനിക്കുമോയെന്നത് കണ്ടറിയണം. എന്നിരുന്നാലും, പിയറർ ഇതേക്കുറിച്ച് ഇതുവരെ പ്രതികരിച്ചിട്ടില്ല.

എത്തിക്കാൻ തീരുമാനിക്കുകയാണെങ്കിൽ, മഹാരാഷ്ട്രയിലെ അകുർദിയിലുള്ള കമ്പനിയുടെ ഉൽപ്പാദന കേന്ദ്രത്തിനായി പുതുതായി നിയുക്തമാക്കിയ സൈറ്റിൽ ബജാജ് ഓട്ടോയ്ക്ക് ബൈക്കുകൾ നിർമ്മിക്കാനാകും.

ഇലക്ട്രിക് വാഹനങ്ങളുടെ നിർമ്മാണത്തിനായി മാത്രം സമർപ്പിച്ചിരിക്കുന്ന ഈ നിർമ്മാണ കേന്ദ്രത്തിനായി ഇന്ത്യൻ ബൈക്ക് നിർമ്മാതാക്കൾ 300 കോടി രൂപ നിക്ഷേപിച്ചിട്ടുണ്ട്.