അപ്പ്ഡേറ്റഡ് 2022 Kawasaki Versys 650 -യുടെ പ്രധാന ഹൈലൈറ്റുകൾ

അപ്‌ഡേറ്റ് ചെയ്ത വെർസിസ് 650 -യെ കുറിച്ച് നിങ്ങൾ അറിഞ്ഞിരിക്കേണ്ട അഞ്ച് പ്രധാന പോയിന്റുകളാണ് ഞങ്ങൾ ഈ ലേഖനത്തിൽ രേഖപ്പെടുത്തുന്നത്.

1. ഷാർപ്പ് സ്റ്റൈലിംഗ്

കവസാക്കി വെർസിസ് 650 -ക്ക് കൂടുതൽ ഷാർപ്പ് സ്റ്റൈലിംഗാണ് ഇപ്പോൾ ബ്രാൻഡ് നൽകിയിരിക്കുന്നത്, വലിയ വെർസിസ് 1000 -ന് അനുസൃതമായി ഇത് കൊണ്ടുവന്നിരിക്കുന്നത്.

ഫെയറിംഗ് ഇപ്പോൾ കൂടുതൽ കോണാകൃതിയുള്ളതും പുതിയ എൽഇഡി ഹെഡ്‌ലൈറ്റുകളും ഉൾക്കൊള്ളുന്നതുമാണ്. കൂടാതെ പുതിയ ഫോർ-വേ അഡ്ജസ്റ്റ് ചെയ്യാവുന്ന വിൻഡ്‌സ്‌ക്രീൻ വിൻഡ് പ്രൊട്ടക്ഷൻ വർധിപ്പിക്കുന്നു.

ജാപ്പനീസ് ബ്രാൻഡ് അഡ്വഞ്ചർ ടൂററിന് പുതിയ ഗ്രാഫിക്സും നൽകിയിട്ടുണ്ട്, ഇത് ലൈം ഗ്രീൻ, മെറ്റാലിക് ഫാന്റം സിൽവർ എന്നിങ്ങനെ രണ്ട് നിറങ്ങളിൽ വാഗ്ദാനം ചെയ്യുന്നു.

2. പുതിയ TFT ഡിസ്പ്ലേയും ട്രാക്ഷൻ കൺട്രോളും

2022 -ൽ, കവസാക്കി ചില പുതിയ ഫീച്ചറുകളോടെ വെർസിസ് 650 സജ്ജീകരിച്ചിട്ടുണ്ട്. ഔട്ട്‌ഗോയിംഗ് ബൈക്കിലെ DG അനലോഗ് ഇൻസ്ട്രുമെന്റ് ക്ലസ്റ്ററിന് പകരം, അപ്‌ഡേറ്റ് ചെയ്ത വെർസിസ് 650 -ക്ക് ബ്ലൂടൂത്ത് കണക്റ്റിവിറ്റി ഫീച്ചർ ചെയ്യുന്ന പുതിയ 4.3 ഇഞ്ച് TFT കളർ ഡിസ്‌പ്ലേ ലഭിക്കുന്നു.

കവസാക്കി ട്രാക്ഷൻ കൺട്രോൾ (KTRC) സിസ്റ്റം ഉൾപ്പെടുത്തിയതാണ് അപ്‌ഡേറ്റ് ചെയ്ത വെർസിസ് 650 -ലെ പ്രധാന ചർച്ചാ വിഷയം. ഇത് രണ്ട് മോഡുകളുമായാണ് വരുന്നത്.

ഇതിൽ മോഡ് 1 -ൽ ഫീഡ്ബാക്ക് അല്പം കുറവാണ്, എന്നാൽ മോഡ് 2 ലോ ഗ്രിപ്പ് സാഹചര്യങ്ങളിൽ നേരത്തെയുള്ള ഇന്റർവെൻഷൻ വാഗ്ദാനം ചെയ്യുന്നു. ഈ സംവിധാനം പൂർണ്ണമായും ഓഫ് ചെയ്യാനും കഴിയും. മറ്റ് അഡീഷനുകളിൽ, വെർസിസ് 650 -ക്ക് ഒരു പുതിയ USB പോർട്ടും ലഭിക്കുന്നു.

3. എഞ്ചിൻ മാറ്റമില്ലാതെ തുടരുന്നു

പുതുക്കിയ കവാസാക്കി വെർസിസ് 650, ഔട്ട്‌ഗോയിംഗ് ബൈക്കിൽ നിന്ന് മെക്കാനിക്കലി മാറ്റമില്ലാതെ തുടരുന്നു. 8,500 rpm -ൽ 66 bhp പവറും 7,000 rpm -ൽ 61 Nm പീക്ക് torque ഉം ഉൽപ്പാദിപ്പിക്കുന്ന 649 സിസി, ലിക്വിഡ് കൂൾഡ്, പാരലൽ ട്വിൻ സിലിണ്ടർ എഞ്ചിൻ ഉപയോഗിച്ചാണ് ഇത് വിൽപ്പനയിൽ തുടരുന്നത്. അതേസമയം, ഗിയർബോക്‌സ് ആറ് സ്പീഡ് യൂണിറ്റാണ്.

4. അതേ അണ്ടർ പിന്നിംഗുകൾ

വെർസിസ് 650 -യുടെ ഡയമണ്ട് ഫ്രെയിം, സസ്‌പെൻഷൻ, ബ്രേക്കിംഗ് ഹാർഡ്‌വെയർ എന്നിവയിൽ കവാസാക്കി മാറ്റങ്ങളൊന്നും വരുത്തിയിട്ടില്ല. അതുപോലെ, ഇത് ഫ്രണ്ടിൽ ക്രമീകരിക്കാവുന്ന, 41 mm ഷോവ അപ്‌സൈഡ് ഡൌൺ ഫോർക്കും പിന്നിൽ പ്രീലോഡ്-അഡ്ജസ്റ്റ് ചെയ്യാവുന്ന ഷോവ മോണോഷോക്കുമായി തുടരുന്നു.

അതേസമയം, ബ്രേക്കുകൾ മുൻവശത്ത് ഡ്യുവൽ 300 mm ഡിസ്‌കുകളും പിന്നിൽ ഒരു സിംഗിൾ 220 mm ഡിസ്‌ക്കുമാണ്. 2022 വെർസിസ് 650 -ക്ക് 170 mm ഗ്രൗണ്ട് ക്ലിയറൻസും 845 mm സീറ്റ് ഹൈറ്റും 21 ലിറ്റർ ഇന്ധന ശേഷിയും 219 കിലോഗ്രാം ഭാരവുമുണ്ട്.

5. മുമ്പത്തേതിനേക്കാൾ 21,000 രൂപ എക്ട്ര

7.36 ലക്ഷം രൂപ വിലയുള്ള, പുതുക്കിയ വെർസിസ് 650 -ക്ക് അതിന്റെ മുൻഗാമിയേക്കാൾ 21,000 രൂപ കൂടുതലാണ്. ഈ അധിക ചെലവിനായി, നിങ്ങൾക്ക് ഒരു ട്രാക്ഷൻ കൺട്രോൾ സിസ്റ്റം, ഒരു പുതിയ TFT ഡിസ്‌പ്ലേ, എൽഇഡി ഹെഡ്‌ലൈറ്റുകൾ എന്നിവയും അതിലേറെയും ലഭിക്കുന്നു, ഇത് വളരെ ശ്രദ്ധേയമായ ഒരു ഡീലാക്കി മാറ്റുന്നു.

പരിഷ്കരിച്ച വെർസിസ് 650 അതിന്റെ എതിരാളികളായ ട്രയംഫ് ടൈഗർ സ്പോർട്ട് 660 (വില 8.95 ലക്ഷം മുതൽ), സുസുക്കി V-സ്ട്രോം 650XT (8.85 ലക്ഷം രൂപ) എന്നിവയെ വൻ മാർജിനിൽ, ഏകദേശം ഒന്നര ലക്ഷം രൂപയ്ക്ക് അണ്ടർകട്ട് ചെയ്യുന്നു എന്നത് നിങ്ങൾ പരിഗണിക്കുമ്പോൾ മാത്രമേ ഈ ഡീൽ കൂടുതൽ മധുരമുള്ളതാകൂ.