എതിരാളികളെ ഞെട്ടിച്ച് Ola; 2022-ലെ വില്‍പ്പന കണക്കുകള്‍ ഇങ്ങനെ, ഫ്യൂച്ചര്‍ പദ്ധതികള്‍ വെളിപ്പെടുത്തി

ഉപഭോക്താക്കള്‍ക്കായുള്ള MoveOS 3 അവതരിപ്പിച്ചതിന് ശേഷം, ഓല ഇലക്ട്രിക് തങ്ങളുടെ ഫ്യൂച്ചറിലേക്കുള്ള പദ്ധതികള്‍ പ്രഖ്യാപിച്ചിരിക്കുകയാണ്. കുറഞ്ഞ രൂപയ്ക്ക് S1 എയര്‍ എന്ന പുതിയ ഇലക്ട്രിക് സ്‌കൂട്ടര്‍ അടുത്തിടെ കമ്പനി പുറത്തിറക്കി. 80,000 ആമുഖ വിലയിലാണ് ഈ ഇലക്ട്രിക് സ്‌കൂട്ടര്‍ അവതരിപ്പിച്ചിരിക്കുന്നത്. ഇതുവഴി, കൂടുതല്‍ ആളുകളിലേക്ക് ഇലക്ട്രിക് സ്‌കൂട്ടറുകള്‍ എത്തിക്കാന്‍ ഓല ഒരുങ്ങുകയാണ്.

സസ്പെന്‍ഷന്‍ പരാജയം, സോഫ്റ്റ്‌വെയര്‍ പിശകുകള്‍ തുടങ്ങിയ തിരിച്ചടികള്‍ക്കിടയിലും ഓല ഈ സെഗ്മെന്റില്‍ മികച്ച മുന്നേറ്റം നടത്തുന്ന കാഴ്ചയാണ് കാണാന്‍ സാധിത്തുന്നത്. വില്‍പ്പന കണക്കുകളും ഇത് തന്നെയാണ് തെളിയിക്കുന്നത്. നിലവില്‍ ഇന്ത്യയില്‍ ഏറ്റവുമധികം വിറ്റഴിക്കപ്പെടുന്ന ഇലക്ട്രിക് ടൂ-വീലര്‍ ബ്രാന്‍ഡാണ് ഓല. കഴിഞ്ഞ മാസം അതിന്റെ പേരില്‍ 16,000 യൂണിറ്റുകള്‍ വിറ്റു. ഓല സിഇഒ ഭവിഷ് അഗര്‍വാള്‍ ഒരു ബ്ലോഗ് പോസ്റ്റിലാണ് ഇക്കാര്യം വെളിപ്പെടുത്തിയത്.

വെറും ഒരു വര്‍ഷത്തിനുള്ളില്‍, ടൂ-വീലര്‍ ഇവികളുടെ നുഴഞ്ഞുകയറ്റം 1 ശതമാനത്തില്‍ നിന്ന് 6 ശതമാനമായി ഉയര്‍ന്നു. 2022-ല്‍ ഏകദേശം 1,50,000 ഇലക്ട്രിക് സ്‌കൂട്ടറുകള്‍ വിറ്റതായി ഓല ഇലക്ട്രിക് വെളിപ്പെടുത്തി. ഈ കണക്കുകള്‍ തന്നെ പറയുന്നത് ഇലക്ട്രിക് സ്‌കൂട്ടറിന്റെ ജനപ്രീതിയാണ്. ബുക്കിംഗ് ആരംഭിച്ച ഘട്ടത്തില്‍ തന്നെ ഓല ഇലക്ട്രിക് സ്‌കൂട്ടറുകള്‍ വാര്‍ത്തകളില്‍ ഇടംപിടിച്ചിരുന്നു. ഈ എണ്ണം 2023-ല്‍ വര്‍ദ്ധിക്കുമെന്നാണ് കമ്പനി പ്രതീക്ഷിക്കുന്നത്.

അതേ ബ്ലോഗ് പോസ്റ്റില്‍ തന്നെ ടൂ-വീലര്‍, ഫോര്‍ വീലര്‍ മേഖലകളിലും രാജ്യങ്ങളിലും വാഹനങ്ങള്‍ ഉള്‍പ്പെടുന്ന ഓലയുടെ ഭാവി റോഡ്മാപ്പ് വലിയ തോതില്‍ വെളിപ്പെടുത്തിയിട്ടുണ്ട്. ബഹുജന വിപണിയും പ്രീമിയം വിഭാഗങ്ങളുമാണ് ഇതുവഴി ലക്ഷ്യമിടുന്നതെന്നും റിപ്പോര്‍ട്ടില്‍ വെളിപ്പെടുത്തുന്നു. 'ICE കാലഘട്ടത്തിന്റെ അവസാനം' എന്ന് സൂചിപ്പിക്കാനുള്ള അവസരം അഗര്‍വാള്‍ ഒരിക്കലും ഉപേക്ഷിച്ചില്ല, ഈ ബ്ലോഗ് പോസ്റ്റിലും അത് പ്രതിഫലിച്ചു. ഓലയുടെ മിഷന്‍ ഇലക്ട്രിക് 2025 ഓടെ എല്ലാ ടൂ-വീലറും ഇലക്ട്രിക് ടൂ-വീലറും 2030-ഓടെ എല്ലാ പാസഞ്ചര്‍ വാഹനങ്ങളും ഇലക്ട്രിക് പാസഞ്ചര്‍ വാഹനങ്ങള്‍ ഉപയോഗിച്ച് മാറ്റിസ്ഥാപിക്കുമെന്നും അദ്ദേഹം അറിയിച്ചു.

ഇന്ത്യ പോലുള്ള വികസ്വര വിപണികളില്‍ ഇത് പൂര്‍ണ്ണമായും സാധ്യമല്ലെങ്കിലും, പ്രതീക്ഷയുണ്ടെന്നും അദ്ദേഹം പോസ്റ്റില്‍ പറയുന്നു. അധികം വൈകാതെ തന്നെ കൊമേഴ്‌സ്യല്‍ വിഭാഗത്തിലും ഇലക്ട്രിക് വാഹനങ്ങള്‍ എത്തിക്കുമെന്ന് ഓല വ്യക്തമാക്കുകയും ചെയ്തിട്ടുണ്ട്. ACC PLI സ്‌കീമിന് കീഴില്‍, ഇന്ത്യന്‍ ഗവണ്‍മെന്റ് 20 GWh വരെ ശേഷിയുള്ള ബാറ്ററികള്‍ നിര്‍മ്മിക്കാന്‍ ഓല അനുവദിച്ചിരിക്കുന്നു. ഇവികള്‍ ജനങ്ങള്‍ക്ക് ലഭ്യമാക്കുന്നതിനുള്ള ഓലയുടെ ആദ്യ ചുവടുവെയ്പ്പാണിത്. തദ്ദേശീയമായി രൂപകല്‍പ്പന ചെയ്തതും വികസിപ്പിച്ചതുമായ ബാറ്ററികളും കനത്ത പ്രാദേശികവല്‍ക്കരണവും ഉപയോഗിച്ച്, ബാറ്ററി വില കുറയുകയും ഒരു ഇവിയുടെ മൊത്തത്തിലുള്ള ചിലവ് കുറയ്ക്കുകയും ചെയ്യും.

ബ്ലോഗ് പോസ്റ്റില്‍, ഭാവിയിലെ 6 ഓല ഉല്‍പ്പന്നങ്ങള്‍ വ്യത്യസ്ത സെഗ്മെന്റുകളിലും വ്യത്യസ്ത വില പോയിന്റുകളിലും വരുന്നതായി പ്രദര്‍ശിപ്പിച്ചിരിക്കുന്നു. കാര്യങ്ങള്‍ ആരംഭിക്കുന്നതിന്, 2023-ല്‍ ഓല ഒരു മാസ്-മാര്‍ക്കറ്റ് ഇലക്ട്രിക് സ്‌കൂട്ടര്‍ വാഗ്ദാനം ചെയ്യാന്‍ ഒരുങ്ങുകയാണ്. ഇത് 110 സിസി വരെ ഡിസ്പ്ലേസ്മെന്റ് ഉള്ള ICE സ്‌കൂട്ടറുകളെയാണ് ലക്ഷ്യമിടുന്നത്, അവയുടെ പൊതുവില ഏകദേശം 70,000 രൂപ വരെയാണ്. ഇലക്ട്രിക് മോട്ടോര്‍സൈക്കിളുകളിലേക്കുള്ള ഓലയുടെ ചുവടുവെപ്പിനെ 2024 അടയാളപ്പെടുത്തും.

പ്രീമിയം കമ്മ്യൂട്ടര്‍ വാങ്ങുന്നവര്‍ക്കായി ഒരു മാസ് മാര്‍ക്കറ്റ് ഇലക്ട്രിക് മോട്ടോര്‍സൈക്കിളും പിന്നീട് ഒരു പ്രീമിയം മോട്ടോര്‍സൈക്കിളും അവതരിപ്പിക്കാന്‍ കമ്പനി ഒരുങ്ങുകയാണ്. 2025-ല്‍ ഓല ഒരു പ്രീമിയം ഇലക്ട്രിക് കാറും പിന്നീട് ഒരു പ്രീമിയം ഇലക്ട്രിക് എസ്‌യുവിയും അവതരിപ്പിക്കും. അവസാനമായി, 2026-ല്‍ ഓലയുടെ മാസ്-മാര്‍ക്കറ്റ് ഇലക്ട്രിക് കാര്‍ സെഗ്മെന്റിലേക്കുള്ള പ്രവേശനം അടയാളപ്പെടുത്തും, അത് നിലവില്‍ ഉള്ളതിനേക്കാള്‍ കൂടുതല്‍ വ്യാപകമാകും. നിലവില്‍, ടാറ്റ മോട്ടോര്‍സ് ഇന്ത്യയിലെ ഇലക്ട്രിക് കാര്‍ വിഭാഗത്തില്‍ ആധിപത്യം പുലര്‍ത്തുന്നു. ഭാവിയില്‍ ഓലയുടെ റോഡ്മാപ്പ് എങ്ങനെ യാഥാര്‍ത്ഥ്യമാകുമെന്ന് കണ്ടറിയണം.

2023-ലെ ആദ്യ ലോഞ്ച് ഒരു മാസ് മാര്‍ക്കറ്റ് സ്‌കൂട്ടറായിരിക്കും, ഇവിടെ പരാമര്‍ശിച്ചിരിക്കുന്ന സ്‌കൂട്ടര്‍ ഓല S1 എയര്‍ ആണോ അതോ തികച്ചും വ്യത്യസ്തമായ മോഡലാണോ എന്ന് വ്യക്തമല്ല. ക്രൂയിസര്‍, അഡ്വെഞ്ചര്‍ ബൈക്ക്, സ്പോര്‍ട്ബൈക്ക് തുടങ്ങി വിവിധ ബോഡി സ്റ്റൈലുകളില്‍ ഒന്നിലധികം പ്രീമിയം ഓഫറുകളുമായി ഓല ഇലക്ട്രിക് ബൈക്ക് സെഗ്മെന്റിലേക്ക് കടക്കും. അതുപോലെ, ഈ ബൈക്കുകള്‍ അള്‍ട്രാവയലറ്റ് F77, ടോര്‍ക്ക് ക്രാറ്റോസ് R, ഒബെന്‍ റോര്‍, റിവോള്‍ട്ട് RV400 എന്നിവയ്ക്കെതിരെ വിപണിയില്‍ മത്സരിക്കുകയും ചെയ്യും. എന്നിരുന്നാലും, ഓല ഇലക്ട്രിക് ബൈക്കുകള്‍ 2024-ല്‍ മാത്രമേ രംഗത്തേക്ക് വരികയുള്ളൂ, അതുവരെ സ്‌കൂട്ടറുകളാണ് പ്രധാനമായും ശ്രദ്ധ കേന്ദ്രീകരിക്കുന്നത്.