ക്വാട്ടർ ലിറ്റർ സെഗ്മെന്റിൽ കേമനാര്? Pulsar 250 vs Ronin 225 vs Dominar 250

അവതരണത്തിന് മുമ്പ് പുറത്തുവന്ന ടിവിഎസിന്റെ വേഡ് പസിൽ ടീസർ സൂചിപ്പിക്കുന്നത് പോലെ ഇതിന് സെപ്പെലിൻ അല്ലെങ്കിൽ റെട്രോൺ എന്ന് പേരിടുമെന്ന് നേരത്തെ പല ഊഹാപോഹങ്ങളും ഉണ്ടായിരുന്നു. എന്നാൽ പസിലിൽ ഇല്ലാത്ത ഒരു പേരാണ് ടിവിഎസ് പുത്തൻ മോഡലിന് ഉപയോഗിച്ചത്.

മൾട്ടിപ്പിൾ മോട്ടോർസൈക്കിൾ വിഭാഗങ്ങളുടെ മിശ്രിതം ഒരു ബൈക്കിൽ ലയിപ്പിച്ച സ്‌ക്രാംബ്ലർ ശൈലിയിലുള്ള മോട്ടോർസൈക്കിളാണിത്. പക്ഷേ, ഇത് എവിടെയാണ് ഫിറ്റാകുന്നത്? നാം ഇതിനെ എന്തുമായി താരതമ്യം ചെയ്യണം?

എല്ലാ ട്രേഡുകളുടെയും അധിപനാകാൻ റോണിൻ കഠിനമായി ശ്രമിക്കുന്നു. പക്ഷേ റോണിനെ നോക്കുമ്പോൾ അത് പൂർണ്ണമായും ഒന്നിന്റേയും മാസ്റ്ററല്ലെന്ന് മനസിലാക്കാം.

ഈ മോട്ടോർസൈക്കിളിന് ഒരുപാട് കാര്യങ്ങൾ ആകാമായിരുന്നു. നിറം മങ്ങിയ ഈ വിഭാഗത്തെ കളറിലേക്ക് തിരികെ കൊണ്ടുവന്ന ഒരു ശരിയായ ക്രൂയിസർ, അല്ലെങ്കിൽ എല്ലാവർക്കും ആവശ്യമുള്ള ഒരു ADV അല്ലെങ്കിൽ ഒരു സ്ട്രീറ്റ് ബൈക്ക് അതും അല്ലെങ്കിൽ ഒരു പ്രോപ്പർ സ്ക്രാമ്പ്ലർ മോഡൽ. എന്നാൽ യുണീക്ക്നെസ് തേടി, ടിവിഎസ് റോണിൻ ഒരു സോളിഡ് ക്യാരക്ടർ നഷ്ടപ്പെടുത്തുമോ എന്ന് ഞങ്ങൾ ഭയപ്പെടുന്നു.

വിലയുടെ കാര്യത്തിൽ, ഇത് ബജാജിന്റെ ജനപ്രിയ പൾസർ F250, N250 എന്നിവയുടെ ബ്രാക്കറ്റിലാണ്. അതോടൊപ്പം ബജാജ് ഡോമിനാർ 250 -ഉം യോജിക്കുന്നു. പൾസർ F250, N250 എന്നിവയ്ക്ക് 249 സിസി സിംഗിൾ സിലിണ്ടർ എഞ്ചിൻ കരുത്തേകുന്നു.

ട്വിൻ വാൽവ് മോട്ടോർ 8750 rpm -ൽ 24.1 bhp പവറും 6500 rpm -ൽ 21.5 Nm torque ഉം പുറപ്പെടുവിക്കുന്നും. ഈ എഞ്ചിൻ റോണിൻ പോലെ അഞ്ച് സ്പീഡ് ഗിയർബോക്സുമായി കണക്ട് ചെയ്തിരിക്കുന്നു, എന്നാൽ കൂടുതൽ പവറും, torque ഉം ഇതിനുണ്ട്.

ഇനി ഡോമിനറിൽ പ്രവർത്തിക്കുന്ന കെടിഎമ്മിന്റെ 248.8 സിസി എഞ്ചിനാണ് നമ്മൾ പിച്ചറിലേക്ക് കൊണ്ടുവരുന്നതെങ്കിൽ, അത് ടിവിഎസ് റോണിനേക്കാൾ വളരെ ശക്തമാണ്. നാല് വാൽവുള്ള ഈ സിംഗിൾ സിലിണ്ടർ എഞ്ചിൻ 8500 rpm-ൽ 26.63 bhp പവറും 6500 rpm-ൽ 23.5 Nm torque ഉം ഉത്പാദിപ്പിക്കുകയും ആറ് സ്പീഡ് ഗിയർബോക്‌സുമായി ഇണചേരുകയും ചെയ്യുന്നു.

ലോ-സ്പീഡ് റൈഡബിലിറ്റിയും ലോ-എൻഡ് torque ഉം ഡെവലപ്മെന്റിലാണ് എന്ന് റോണിന്റെ കീ നോട്ടിൽ ടിവിഎസ് ഊന്നിപ്പറഞ്ഞു. റോണിൻ വെറും 3750 rpm -ൽ 20 Nm പരമാവധി torque ഉണ്ടാക്കുന്നു.

ഈ എഞ്ചിന്റെ പീക്ക് പവർ ഉണ്ടാക്കുന്ന വേഗതയുടെ പകുതിയോളമാണ് ഈ കണക്കുകൾ. ബജാജ് പൾസർ 250 അതിന്റെ ഏറ്റവും ഉയർന്ന torque 8750 rpm -ലും ഡോമിനാർ 250 അത് 6500 rpm -ലും സൃഷ്ടിക്കുന്നു. അതിനാൽ, ടിവിഎസിന് ഒരു മേൽക്കൈയുണ്ട്.

മൊത്തത്തിൽ, അഡ്ജസ്റ്റ് ചെയ്യാവുന്ന ലിവറുകൾ, ഒരു ഇന്റഗ്രേറ്റഡ് സ്റ്റാർട്ടർ ജനറേറ്റർ, 41 mm USD ഫോർക്കുകൾ, റൈഡിംഗ് മോഡുകൾ, ടേൺ-ബൈ-ടേൺ നാവിഗേഷൻ തുടങ്ങിയവ മറ്റ് കോംപറ്റീഷനുകളിൽ നിന്ന് വ്യത്യസ്തമായി ഇത് നൽകുന്നു.

വാഗ്ദാനം ചെയ്യുന്ന ഫീച്ചറുകൾക്ക് ടിവിഎസ് റോണിന്റെ വില അല്പം കുറഞ്ഞതായി തോന്നുന്നു. 1.70 ലക്ഷം രൂപയാണ് റോണിൻ ടോപ്പ് സ്പെക്ക് TD -യുടെ എക്സ്-ഷോൂം വില. ഇത് വരാനിരിക്കുന്ന റോയൽ എൻഫീൽഡിന്റെ ഹണ്ടർ 350 -ന് അപകടകരമാംവിധം അടുത്തായിരിക്കാം.

റോണിനെ പേപ്പറിൽ നോക്കുമ്പോൾ, ശക്തമായ അപ്പാച്ചെ 200 4V അടിസ്ഥാനമാക്കിയുള്ള ഒരു ADV മോഡലാക്കി ടിവിഎസിനെ അവതരിപ്പിക്കാമായിരുന്നു. അങ്ങനെയെങ്കിൽ ഹീറോ എക്സ്-പൾസ് 200 4V, സുസുക്കി V-സ്ട്രോം SX 250 എന്നിവയ്‌ക്കുമിടയിൽ സ്ലോട്ടുചെയ്യുകയും ചെയ്യുമായിരുന്നു.