അണ്ണനും തമ്പിയും തമ്മിലുള്ള മാറ്റങ്ങൾ ഇങ്ങനെ! Super Meteor vs Meteor 350

റോയൽ എൻഫീൽഡ് സൂപ്പർ മീറ്റിയോർ 650, മീറ്റിയോർ 350 -യുടെ വലുതും ശക്തവുമായ പതിപ്പായതിനാൽ, അതിന്റെ ചെറു സഹോദരനിൽ നിന്ന് ഇത് എങ്ങനെ വ്യത്യാസപ്പെട്ടിരിക്കുന്നുവെന്ന് നമുക്ക് ഒന്നു താരതമ്യം ചെയ്യാം.

എഞ്ചിൻ & പവർ

പ്രധാന വ്യത്യാസം എഞ്ചിൻ ശേഷിയാണ്. റോയൽ എൻഫീൽഡ് സൂപ്പർ മീറ്റിയോർ 650 -ൽ 648 സിസി, എയർ/ഓയിൽ കൂൾഡ്, പാരലൽ ട്വിൻ എഞ്ചിൻ ഉപയോഗിക്കുന്നു, ഇത് 47 bhp പവറും 52 Nm torque ഉം പുറപ്പെടുവിക്കാൻ പര്യാപ്തമാണ്.

RE 650 സിസി ഇരട്ടകൾക്ക് ശക്തി പകരുന്നതും ഇതേ യൂണിറ്റാണ്. എന്നിരുന്നാലും, സൂപ്പർ മീറ്റിയോർ 650 -ൽ കമ്പനി ബെസ്‌പോക്ക് മാപ്പിംഗും ഗിയറിംഗും ഉപയോഗിക്കുന്നു, അത് കാരണം വെറും 2,500 rpm -ൽ 80 ശതമാനം പീക്ക് torque മോട്ടോർസൈക്കിൾ പുറപ്പെടുവിക്കുന്നു.

റോയൽ എൻഫീൽഡ് മീറ്റിയോർ 350 -ൽ 349 സിസി, സിംഗിൾ സിലിണ്ടർ, ഫ്യുവൽ ഇഞ്ചക്‌റ്റഡ് എഞ്ചിനാണ് വരുന്നത്. ഇത് 20.2 bhp പവറും 27 Nm torque ഉം സൃഷ്ടിക്കുന്നു. എയർ-കൂൾഡ് മോട്ടോറിന് വലിയ തോതിൽ വൈബ്രേഷനുകൾ കുറയ്ക്കാൻ ഒരു ബാലൻസർ ഷാഫ്റ്റും മികച്ച കൂളിംഗിനായി ടു-വാൽവ് ഹെഡിൽ ഒരു ഓയിൽ സർക്യൂട്ടും ഉണ്ട്.

വേരിയന്റുകൾ & കളർ ഓപ്ഷനുകൾ

സ്റ്റാൻഡേർഡ്, ടൂറർ എന്നിങ്ങനെ രണ്ട് വേരിയന്റുകളിൽ പുതിയ RE സൂപ്പർ മീറ്റിയോർ 650 ലഭ്യമാകും. ആദ്യത്തേതിന് ആസ്ട്രൽ, ഇന്റർസെറ്റ്ലർ കളർ സ്കീമുകൾ ലഭിക്കുമ്പോൾ രണ്ടാമത്തേത് സെലസ്റ്റിയൽ കളർവേകളിൽ വരും.

ഫയർബോൾ, സ്റ്റെല്ലാർ, സൂപ്പർനോവ എന്നിങ്ങനെ മൂന്ന് വേരിയന്റുകളിൽ RE മീറ്റിയോർ 350 വാഗ്ദാനം ചെയ്യുന്നു. ഫയർബോൾ യെല്ലോ, ഫയർബോൾ റെഡ്, ബ്ലൂ മെറ്റാലിക്, ബ്ലാക്ക് മാറ്റ്, റെഡ് മെറ്റാലിക്, ബ്രൗൺ, ബ്ലൂ ഡ്യുവൽ ടോൺ, ഫയർബോൾ ബ്ലൂ, ഫയർബോൾ മാറ്റ് ഗ്രീൻ, സൂപ്പർനോവ റെഡ് എന്നിങ്ങനെ 10 കളർ സ്കീമുകളിൽ ഇത് ലഭിക്കും.

അളവുകൾ & ഫ്യുവൽ ടാങ്ക് കപ്പാസിറ്റി

റോയൽ എൻഫീൽഡ് സൂപ്പർ മീറ്റിയോർ 650 -ക്ക് 2260 mm നീളവും 890 mm വീതിയും 1155 mm ഉയരവും 1500 mm വീൽബേസുമുണ്ട്. ക്രൂയിസറിന് 740 mm സീറ്റ് ഹൈറ്റും 241 കിലോഗ്രാം കെർബ് വെയിറ്റും 15.7 ലിറ്റർ ഫ്യുവൽ ടാങ്ക് ശേഷിയുമുണ്ട്.

അതേ സമയം RE മീറ്റിയോർ 350 -യുടെ മൊത്തത്തിലുള്ള നീളവും വീതിയും ഉയരവും യഥാക്രമം 2140 mm, 845 mm, 1140 mm-1310 mm എന്നിങ്ങനെയാണ്. ഇതിന് 1500 mm വീൽബേസ് ഉണ്ട്. 765 mm സീറ്റ് ഹൈറ്റും 191 കിലോഗ്രാം ഭാരവുമാണ് ബൈക്കിനുള്ളത്. ഇതിന്റെ ഫ്യുവൽ ടാങ്ക് കപ്പാസിറ്റി 15 ലിറ്ററാണ്. ചെറിയ മീറ്റിയോറുമായി താരതമ്യപ്പെടുത്തുമ്പോൾ, RE സൂപ്പർ മീറ്റിയോർ 650 -ക്ക് 25 mm കുറഞ്ഞ സീറ്റ് ഹൈറ്റാണ് വരുന്നത് എന്നാൽ ഇതിന് 39 കിലോഗ്രാം ഭാരം കൂടുതലാണ്.

സസ്പെൻഷൻ, ബ്രേക്കുകൾ & ടയറുകൾ

പുതിയ റോയൽ എൻഫീൽഡ് 650 സിസി ക്രൂയിസർ, 120 mm സസ്‌പെൻഷൻ ട്രാവൽ സഹിതം 43 mm USD ഫോർക്ക് ലഭിക്കുന്ന ആദ്യത്തെ RE ബൈക്കാണ്. ഇത് മീറ്റിയോർ 350 -യുടെ പരമ്പരാഗത ടെലിസ്കോപ്പിക് ഫോർക്ക് യൂണിറ്റിനേക്കാൾ 10 mm കുറവാണ്.

ചെറിയ മീറ്റിയോറിന് മുന്നിൽ 300 mm ഡിസ്‌ക്കും പിന്നിൽ 270 mm ഡിസ്‌ക് ബ്രേക്കും ഉണ്ടെങ്കിൽ, RE സൂപ്പർ മീറ്റിയോർ 650 -ക്ക് 320 mm ഫ്രണ്ട് ബ്രേക്കും 300 mm റിയർ ഡിസ്‌ക് ബ്രേക്കും ഉണ്ട്. രണ്ട് ബൈക്കുകൾക്കും ഡ്യുവൽ ചാനൽ ABS (ആന്റി ലോക്ക് ബ്രേക്കിംഗ് സിസ്റ്റം) ലഭിക്കും.

650 സിസി ക്രൂയിസറിൽ 19 ഇഞ്ച് ഫ്രണ്ട് വീലുകളും 16 ഇഞ്ച് പിൻ വീലുകളും സിയറ്റ് സൂം ക്രൂസ് ടയറുകളും സജ്ജീകരിച്ചിരിക്കുന്നു. 19 ഇഞ്ച് ഫ്രണ്ട് ടയറും 17 ഇഞ്ച് പിൻ ടയറുമായാണ് RE മീറ്റിയോർ 350 വരുന്നത്.

രൂപകൽപ്പന & സവിശേഷതകൾ

സ്റ്റാൻഡേർഡ് എൽഇഡി ഹെഡ്‌ലാമ്പുമായി വരുന്ന ബ്രാൻഡിന്റെ ആദ്യ ബൈക്കാണ് റോയൽ എൻഫീൽഡ് സൂപ്പർ മീറ്റിയോർ 650. ഓക്സിലറി ലൈറ്റുകൾ ആദ്യമായി ഇതിൽ ആക്‌സസറികളായി വാഗ്ദാനം ചെയ്തിട്ടുണ്ട്. കാസ്റ്റ് അലുമിനിയം സ്വിച്ച് ഗിയർ മോട്ടോർസൈക്കിളിന് പ്രീമിയം ടച്ച് നൽകുന്നു.

ഡീകളറൈസേഷൻ തടയുന്ന ആനോഡൈസ്ഡ് എഞ്ചിൻ കാസ്റ്റിംഗും ക്രൂയിസറിൽ ഉണ്ട്. മീറ്റിയോർ 350 -ക്ക് സമാനമായി, പുതിയ 650 സിസി ക്രൂയിസറിന് സെമി-ഡിജിറ്റൽ കൺസോൾ ലഭിക്കുന്നു. എന്നിരുന്നാലും, 650 മോഡൽ ഒരു ട്രിപ്പർ നാവിഗേഷൻ പോഡ് ഒരു ആക്സസറിക്ക് പകരം സ്റ്റാൻഡേർഡായി വാഗ്ദാനം ചെയ്യുന്നു.