Click it and Unblock the Notifications
പുതിയ ടീസര് ചിത്രവുമായി Suzuki; V-Strom 250 അഡ്വഞ്ചറോ എന്ന് വാഹനലോകം
സുസുക്കി V-സ്ട്രോം 250 അഡ്വഞ്ചര് ബൈക്കിന്റെ ഇന്ത്യയിലെ അരങ്ങേറ്റത്തെ ചുറ്റിപ്പറ്റിയുള്ള ഊഹാപോഹങ്ങള് വളരെക്കാലമായി നിലവിലുണ്ട്. ജിക്സര് 250 നേക്കഡ്, ജിക്സര് SF250 ഫെയേര്ഡ് സൂപ്പര്സ്പോര്ട്ടിന്റെ ലോഞ്ച് ഇതിനെ കൂടുതല് ഊര്ജ്ജിതമാക്കിയെന്ന് വേണം പറയാന്.
ജാപ്പനീസ് ടൂ-വീലര് ഇന്ത്യയില് ആക്സസ് 125, അടുത്തിടെ പുറത്തിറക്കിയ അവെനിസ് 125, ബര്ഗ്മാന് സ്ട്രീറ്റ് 125, ഹൈ-എന്ഡ് മോട്ടോര്സൈക്കിളുകള് ഹയബൂസ, വി-സ്ട്രോം 650XT തുടങ്ങിയ മോഡലുകളാണ് നിലവില് വില്ക്കുന്നത്.
കമ്മ്യൂട്ടര് സെഗ്മെന്റില് ബ്രാന്ഡിന് വലിയ പദ്ധതികള് ഇല്ലെങ്കിലും പുതിയ മോഡലുകള് ചേര്ത്ത് ബ്രാന്ഡ് അതിന്റെ പ്രീമിയം പോര്ട്ട്ഫോളിയോ വിപുലീകരിക്കുമെന്നാണ് പ്രതീക്ഷിക്കുന്നത്. രാജ്യത്തുടനീളമുള്ള തങ്ങളുടെ എക്സ്ക്ലൂസീവ് മോട്ടോര്സൈക്കിള് ഡീലര്ഷിപ്പുകളുടെ ശ്യംഖല വിപുലീകരിക്കുമെന്ന് കമ്പനി വ്യക്തമാക്കിയിട്ടുണ്ട്.
കൂടാതെ, ഹരിയാനയിലെ ഗുരുഗ്രാമിലെ ഒരു ദശലക്ഷത്തിലധികം യൂണിറ്റുകളുടെ ശേഷിയുള്ള ഉല്പ്പാദന പ്ലാന്റ് 125-300 സിസി ശ്രേണിയിലുള്ള ചെറിയ ശേഷിയുള്ള മോഡലുകളുടെ ആഗോള ഉല്പ്പാദന കേന്ദ്രമായി ഉപയോഗിക്കും.
സുസുക്കി നിരവധി മാസങ്ങളായി ബര്ഗ്മാന് സ്ട്രീറ്റ് 125 അടിസ്ഥാനമാക്കിയുള്ള ഒരു ഇലക്ട്രിക് സ്കൂട്ടര് നിരത്തുകളില് പരീക്ഷിച്ച് വരികയാണ്. ഈ മോഡല് ഈ വര്ഷം അവസാനം വില്പ്പനയ്ക്കെത്തുമെന്നാണ് പ്രതീക്ഷിക്കുന്നതും.
2021 നവംബറില്, അവെനിസ് 125-ന്റെ വരവോടെ സുസുക്കി അതിന്റെ 125 സിസി സ്കൂട്ടര് ശ്രേണി വിപുലീകരിച്ചു, ഇതിന് ഉപഭോക്താക്കള്ക്കിടയില് മികച്ച സ്വീകാര്യത ലഭിക്കുകയും ചെയ്തു. കമ്പനി ഉടന് തന്നെ മറ്റൊരു മോട്ടോര്സൈക്കിളിനെ അതിന്റെ നിരയിലേക്ക് ചേര്ക്കുമെന്നാണ് പുതിയ റിപ്പോര്ട്ടുകള് വ്യക്തമാക്കുന്നത്.
സുസുക്കിയുടെ ഔദ്യോഗിക സോഷ്യല് മീഡിയ പ്ലാറ്റ്ഫോമുകളില് പങ്കുവെച്ചിരിക്കുന്ന പുതിയ ടീസര് ചിത്രങ്ങള് കൂടുതല് വെളിപ്പെടുത്തുന്നില്ലെങ്കിലും മോട്ടോര്സൈക്കിള് ഒരു അഡ്വഞ്ചര് മോട്ടോര്സൈക്കിള് ആകാനുള്ള സാധ്യതയും തീര്ച്ചയായും ഉയര്ന്നതാണ്.
'മാസ്റ്ററിനൊപ്പം പുതിയ ബാക്ക്ഡ്രോപ്പുകള് കണ്ടെത്തുക', 'മാസ്റ്ററിനൊപ്പം തണുപ്പിക്കാന് പുതിയ സ്ഥലങ്ങള് കണ്ടെത്തുക', 'മാസ്റ്ററിനൊപ്പം പുതിയ പ്ലോ സ്ഥലങ്ങള് കണ്ടെത്തുക' തുടങ്ങിയ പ്രൊമോ ലൈനുകള്ക്കൊപ്പം ഒരു പുതിയ V-സ്ട്രോം വരുന്നു എന്ന് സൂചനയും ഇത് നല്കുന്നുവെന്ന് വേണമെങ്കില് പറയാം.
അന്താരാഷ്ട്ര വിപണികളില്, V-സ്ട്രോം ഉല്പ്പന്നത്തിനൊപ്പം സുസുക്കി പലപ്പോഴും 'മാസ്റ്റര്' വാക്ക് ഉപയോഗിക്കുന്നു. 'ഞങ്ങള് വളരെക്കാലം കാത്തിരുന്നു' എന്ന് വിളിക്കുകയും 'സാഹസികത' ഊന്നിപ്പറയുകയും ചെയ്യുന്നത് ഇത് ക്വാര്ട്ടര് ലിറ്റര് V-സ്ട്രോം 250 ആയിരിക്കുമെന്നാണ് റിപ്പോര്ട്ടുകള് സൂചന നല്കുന്നത്.
നിലവിലുള്ള 250 സിസി പ്ലാറ്റ്ഫോമിനെ അടിസ്ഥാനമാക്കി സുസുക്കി ഒരു അഡ്വഞ്ചര് മോട്ടോര്സൈക്കിള് വികസിപ്പിക്കുമെന്ന് റിപ്പോര്ട്ടുകള് മുമ്പ് സൂചിപ്പിച്ചിരുന്നു.
ജിക്സര് 250, SF 250 എന്നിവയ്ക്ക് അടിവരയിടുന്ന അതേ പ്ലാറ്റ്ഫോം തന്നെയാകും ഇതും ഉപയോഗിക്കുക. വ്യത്യസ്തമായ സസ്പെന്ഷന് സജ്ജീകരണവും സബ്ഫ്രെയിമും ഉള്ളതിനാല്, സുസുക്കി V-സ്ട്രോം 250-ന് 249 സിസി സിംഗിള്-സിലിണ്ടര് ഓയില്-കൂള്ഡ് ഫ്യുവല്-ഇഞ്ചക്റ്റഡ് എഞ്ചിന് ഉപയോഗിക്കും.
ഈ യൂണിറ്റ് 26.13 bhp കരുത്തും 22.2 Nm torque ഉം വികസിപ്പിച്ചെടുക്കാന് സാധ്യതയുണ്ട്, കൂടാതെ ഇത് 6 സ്പീഡ് ഗിയര്ബോക്സിനൊപ്പം ജോടിയാക്കാം. ഇത് വി-സ്ട്രോം 250 ആയി മാറുകയാണെങ്കില്, ഇത് കെടിഎം 250 അഡ്വഞ്ചറിനോടാകും പ്രധാനമായും മത്സരിക്കുക.
കൂടാതെ വില പരിധി ഏകദേശം 2.5 ലക്ഷം രൂപ വരെ എക്സ്ഷോറൂം വില ഉയരും. ഇല്ലെങ്കില്, അത് ഒരു ലിറ്റര് ക്ലാസ് V-സ്ട്രോം 1050 അല്ലെങ്കില് അപ്ഡേറ്റ് ചെയ്ത 650 ആകാനുള്ള സാധ്യതയും വളരെ കൂടുതലാണ്.
അതേസമയം 2022 നവംബര് മാസത്തിന്റെ അവസാനത്തിലാണ് കമ്പനി V-സ്ട്രോമിന്റെ ബിഎസ് VI പതിപ്പിനെ വിപണിയില് അവതരിപ്പിക്കുന്നത്. 8.84 ലക്ഷം രൂപയായിരുന്നു ഈ പതിപ്പിന്റെ എക്സ്ഷോറൂം വില. പേള് വൈറ്റ്, ചാമ്പ്യന് യെല്ലോ എന്നീ രണ്ട് കളര് ഓപ്ഷനിലാണ് V-സ്ട്രോം 650 XT വിപണിയില് ലഭിക്കുന്നത്.
എഞ്ചിന് സവിശേഷതകളിലേക്ക് വരുമ്പോള്, 8,800 rpm-ല് 70 bhp കരുത്തും 6,500 rpm-ല് 62 Nm പീക്ക് ടോര്ക്കും നല്കുന്ന 645 സിസി, ലിക്വിഡ് കൂള്ഡ്, വി-ട്വിന് മോട്ടോറാണ് കരുത്ത് നല്കുന്നത്. ഈ യൂണിറ്റ് ആറ് സ്പീഡ് ട്രാന്സ്മിഷനുമായി ജോടിയാക്കുകയും ചെയ്തിട്ടുണ്ട്. ബ്രാന്ഡ് നിരയില് നിന്നുള്ള V-സ്ട്രോം 1000 മോഡലില് നിന്ന് പ്രചോദനം ഉള്ക്കൊണ്ട ഡിസൈന് ശൈലിയാണ് V-സ്ട്രോം 650 XT -യ്ക്ക് ലഭിക്കുന്നത്.
Continue with Google