Click it and Unblock the Notifications
പ്രായമായവര്ക്കും ഭിന്നശേഷിക്കാര്ക്കുമായി NTorq 125-ല് റെട്രോ ഫിറ്റ്മെന്റ് കിറ്റ് അവതരിപ്പിച്ച് TVS
ആഭ്യന്തര നിര്മാതാക്കളായ ടിവിഎസ് നിരയില് നിന്നുള്ള ജനപ്രീയ സ്കൂട്ടറുകളില് ഒന്നാണ് എന്ടോര്ഖ് 125. വിപണിയില് എത്തിയ നാള് മുതല് മോഡലിന് മികച്ച സ്വീകാര്യതയാണ് ലഭിച്ചുകൊണ്ടിരിക്കുന്നതും.
ഇപ്പോഴിതാ, മുതിര്ന്ന പൗരന്മാര്ക്കും ഭിന്നശേഷികാര്ക്കും യാത്ര ചെയ്യുന്നത് എളുപ്പമാക്കുന്നതിനായി എന്ടോര്ഖ് 125-ന് ഔദ്യോഗിക റെട്രോ ഫിറ്റ്മെന്റ് കിറ്റ് അവതരിപ്പിച്ചിരിക്കുകയാണ് ടിവിഎസ്. 11,249 രൂപ വിലയുള്ള ഇതില് ഒരു ജോടി സെല്ഫ് ബാലന്സിംഗ് സപ്പോര്ട്ട് വീലുകളാണ് കമ്പനി ഉള്പ്പെടുത്തിയിരിക്കുന്നത്.
ഇതുവഴി ഇവരുടെ സവാരി എളുപ്പമുള്ളതാകുമെന്നും കമ്പനി അവകാശപ്പെടുന്നു. എളുപ്പത്തില് അസംബ്ലി ചെയ്യുന്നതിനും നീക്കം ചെയ്യുന്നതിനുമായി കിറ്റില് ആറ് മൗണ്ടിംഗ് പോയിന്റുകള് അടങ്ങിയിരിക്കുന്നു. ദുര്ഘടമായ റോഡിലൂടെയുള്ള യാത്ര സുഗമമാക്കാന് സപ്പോര്ട്ട് വീലുകള് സ്വതന്ത്ര സ്പ്രിംഗുകള് വാഗ്ദാനം ചെയ്യുന്നു.
മുകളില് പറഞ്ഞ വിലയില് 10 ശതമാനം കിഴിവ് ഉള്പ്പെടുത്തിയിട്ടുണ്ടെന്നാണ് കമ്പനി വ്യക്തമാക്കുന്നത്. ബ്രാന്ഡ് നിരയില് നിന്നുള്ള പെപ് പ്ലസ്, സെറ്റ്, XL100 തുടങ്ങിയ മറ്റ് സ്കൂട്ടറുകള്ക്കും മോപ്പഡുകള്ക്കുമൊപ്പം കിറ്റ് ലഭ്യമാണ്.
ടിവിഎസ് എന്ടോര്ഖ് 125-ന്റെ വില 75,455 രൂപയില് (ഡ്രം) ആരംഭിക്കുകയും 87,550 രൂപ (റേസ് XP) (എക്സ്ഷോറൂം ഡല്ഹി) വരെ ഉയരുകയും ചെയ്യുന്നു. വാഹനം വിപണിയില് ഹിറ്റായതോടെ നിരവധി വ്യത്യസ്ത പതിപ്പുകളും, സ്പെഷ്യല് എഡിഷന് മോഡലുകളും വിവിധ ഘട്ടങ്ങളില് കമ്പനി അവതരിപ്പിക്കുകയും ചെയ്തിട്ടുണ്ട്.
2018-ലാണ് കമ്പനി ആദ്യമായി എന്ടോര്ഖ് 125 സ്കൂട്ടര് പുറത്തിറക്കിയത്. ഡിസൈന്, കണക്റ്റുചെയ്ത സവിശേഷതകള്, മികച്ച എക്സ്ഹോസ്റ്റ് നോട്ട് എന്നിവ കാരണം സ്കൂട്ടറിന് വിപണിയില് നല്ല സ്വീകാര്യത ലഭിക്കുകയും ചെയ്തു.
വര്ഷങ്ങളായി, എന്ടോര്ഖ് 125 വില്പ്പന ദക്ഷിണേഷ്യ, ലാറ്റിന് അമേരിക്ക, മിഡില് ഈസ്റ്റ്, ASEAN വിപണികള് ഉള്പ്പെടെ 19 രാജ്യങ്ങളിലേക്ക് വ്യാപിപ്പിക്കുകയും ചെയ്തു.
എയര് കൂള്ഡ്, സിംഗിള് സിലിണ്ടര്, റേസ്-ട്യൂണ്ഡ് ഫ്യൂവല് ഇഞ്ചക്ഷന് (RT-Fi) 124 സിസി എഞ്ചിനാണ് എന്ടോര്ഖ് 125 സ്കൂട്ടറിന് കരുത്തേകുന്നത്. ഇത് 7,000 rpm-ല് പരമാവധി 9.1 bhp കരുത്തും 5,500 rpm-ല് 10.5 Nm പീക്ക് ടോര്ക്കും ഉല്പ്പാദിപ്പിക്കും.
അതേസമയം പെര്ഫോമെന്സ് പതിപ്പായ എന്ടോര്ഖ് 125 റേസ് XP -യില് ഈ 124 സിസി സിംഗിള് സിലിണ്ടര് ഫ്യുവല്-ഇഞ്ചക്റ്റഡ് എഞ്ചിന് 7,000 rpm -ല് 10.2 bhp കരുത്തും 5,500 rpm -ല് 10.8 Nm torque ഉം ആണ് ഉത്പാദിപ്പിക്കുന്നു.
ഇതിന് റേസ്, സ്ട്രീറ്റ് എന്നിങ്ങനെ രണ്ട് റൈഡ് മോഡുകളും ലഭിക്കുന്നു, ഒരു സ്വിച്ചില് തന്നെ ഇവ ക്രമീകരിക്കാന് കഴിയുമെന്നും കമ്പനി വ്യക്തമാക്കുന്നു. നിരവധി ഫീച്ചറുകളും സ്കൂട്ടറിന്റെ വില്പ്പനയില് ഒരു പ്രധാന പങ്ക് വഹിക്കുന്നുവെന്ന് വേണം പറയാന്.
എന്ടോര്ഖ് 125-ന് ബ്രാന്ഡിന്റെ SmartXonnect കണക്റ്റഡ് സാങ്കേതികവിദ്യയെ പിന്തുണയ്ക്കുന്ന ഒരു പൂര്ണ്ണ ഡിജിറ്റല് ഇന്സ്ട്രുമെന്റ് കണ്സോള് ഫീച്ചര് ചെയ്യുന്നു. നിരവധി ഫീച്ചറുകള് പ്രവര്ത്തനക്ഷമമാക്കാന് ബ്ലൂടൂത്ത് വഴി സ്കൂട്ടറുമായി സ്മാര്ട്ട്ഫോണ് ജോടിയാക്കാന് SmartXonnect അനുവദിക്കുകയും ചെയ്യുന്നു.
നാവിഗേഷന് അസിസ്റ്റ്, ടോപ്പ് സ്പീഡ് റെക്കോര്ഡര്, ഇന്-ബില്റ്റ് ലാപ്-ടൈമര്, ഫോണ്-ബാറ്ററി സ്ട്രെങ്ത് ഡിസ്പ്ലേ, അവസാനം പാര്ക്ക് ചെയ്ത ലൊക്കേഷന് അസിസ്റ്റ്, സര്വീസ് റിമൈന്ഡര്, ട്രിപ്പ് മീറ്റര്, സ്ട്രീറ്റ്, സ്പോര്ട്ട് പോലുള്ള മള്ട്ടി-റൈഡ് സ്റ്റാറ്റിസ്റ്റിക് മോഡുകള് എന്നിവ ഇതില് ഉള്പ്പെടുന്നു.
എന്ടോര്ഖിലെ മറ്റ് സവിശേഷതകളില് എക്സ്റ്റീരിയര് ഫ്യൂവല് ഫില്ലര് ക്യാപ്, എഞ്ചിന് കില് സ്വിച്ച്, എല്ഇഡി ലൈറ്റിംഗ്, 5.8 ലിറ്റര് ഫ്യുവല് ടാങ്ക് എന്നിവ ഉള്പ്പെടുന്നു. സ്കൂട്ടറില് എക്സ്ഹോസ്റ്റ് നോട്ട് ആകര്ഷകമായ ഘടകമായി തുടരുകയും ചെയ്യുന്നു.
വേരിയന്റിനെ ആശ്രയിച്ച് നിരവധി കളര് സ്കീമുകളില് സ്കൂട്ടര് വാഗ്ദാനം ചെയ്യുന്നു. ഇതില് മാറ്റ് റെഡ്, മെറ്റാലിക് ഗ്രേ, മെറ്റാലിക് റെഡ്, മെറ്റാലിക് ബ്ലൂ എന്നിവ ഉള്പ്പെടുന്നു. റെഡ്-ബ്ലാക്ക്, യെല്ലോ-ബ്ലാക്ക് എന്നീ നിറങ്ങളില് റേസ് എഡിഷന് ലഭ്യമാണ്.
രാജ്യത്ത് വിറ്റഴിക്കപ്പെടുന്ന ജനപ്രിയ 125 സ്കൂട്ടറുകളില് ഒന്നാണ് ടിവിഎസ് എന്ടോര്ഖ് 125. രൂപകല്പ്പനയും സവിശേഷതകളും എക്സ്ഹോസ്റ്റ് നോട്ടും ആഭ്യന്തര, അന്തര്ദേശീയ വിപണികളിലെ ചെറുപ്പക്കാരെ ആകര്ഷിക്കുകയും ചെയ്യുന്നു.
ഹോണ്ട ആക്ടിവ 125, യമഹ റേ-ZR125, അപ്രീലിയ 125, സുസുക്കി അവെനിസ് 125 എന്നിവയ്ക്കെതിരെയാണ്ണ് ടിവിഎസ് എന്ടോര്ഖ് 125 മത്സരിക്കുന്നത്.
Continue with Google