Raider 125 ബംഗ്ലാദേശിലും വില്‍പ്പനയ്ക്ക് എത്തിച്ച് TVS

ഇന്ത്യ ഉള്‍പ്പെടെയുള്ള മറ്റ് വിപണികളില്‍ വില്‍പ്പനയ്ക്ക് എത്തിക്കുന്ന അതേ സ്‌പെസിഫിക്കേഷനുകളില്‍ തന്നെയാകും റൈഡര്‍ 125-സിസി ബംഗ്ലാദേശിലും വാഗ്ദാനം ചെയ്യുകയെന്ന് ടിവിഎസ് പ്രഖ്യാപിച്ചു. 125 സിസി വിഭാഗത്തിലേക്ക് വലിയൊരു തിരിച്ചുവരവാണ് പ്രധാനമായും റൈഡറിലൂടെ കമ്പനി ലക്ഷ്യമിട്ടിരിക്കുന്നത്.

ബംഗ്ലാദേശിലെ അതിവേഗം വികസിച്ചുകൊണ്ടിരിക്കുന്ന ഇരുചക്ര വാഹന വിപണിയില്‍ 125 സിസി ടിവിഎസ് റൈഡര്‍ അവതരിപ്പിക്കുന്നതില്‍ സന്തോഷമുണ്ടെന്ന് ടിവിഎസ് മോട്ടോര്‍ കമ്പനി ഇന്റര്‍നാഷണല്‍ ബിസിനസ് വൈസ് പ്രസിഡന്റ് H.G രാഹുല്‍ നായക് പറഞ്ഞു.

രാജ്യത്ത് അഭിലാഷപരമായ വ്യക്തിഗത മൊബിലിറ്റി ഓപ്ഷനുകള്‍ക്ക് വര്‍ധിച്ചുവരുന്ന ഡിമാന്‍ഡ് ഉണ്ട്. തങ്ങളുടെ സഹസ്രാബ്ദവും ഡിജിറ്റല്‍ സ്വദേശിയുമായ Gen Z ഉപഭോക്താക്കള്‍ക്കായി, മികച്ച ഇന്‍-ക്ലാസ് ഫീച്ചറുകളും മികച്ച സാങ്കേതികവിദ്യയും ഉള്ള ഉല്‍പ്പന്നങ്ങള്‍ തങ്ങള്‍ സ്ഥിരമായി അവതരിപ്പിച്ചിട്ടുണ്ട്. ബംഗ്ലാദേശിലെ യുവ ഉപഭോക്താക്കള്‍ ടിവിഎസ് റൈഡറിന്റെ സവിശേഷമായ റൈഡ് സ്വഭാവത്തെ അഭിനന്ദിക്കുമെന്ന് തനിക്ക് ഉറപ്പുണ്ടെന്നും രാഹുല്‍ നായക് കൂട്ടിച്ചേര്‍ത്തു.

ടിവിഎസ് മോട്ടോറിന്റെ മികച്ച ഇന്‍-ക്ലാസ് ഓഫറുകളോട് ബംഗ്ലാദേശിലെ ഉപഭോക്താക്കള്‍ എപ്പോഴും ക്രിയാത്മകമായി പ്രതികരിച്ചു, ടിവിഎസ് റൈഡറും ഒരു അപവാദമാകില്ലെന്ന് തനിക്ക് ഉറപ്പുണ്ട്. ടിവിഎസ് മോട്ടോറിന്റെ പവര്‍-പാക്ക്ഡ്, സ്‌റ്റൈലിഷ്, യഥാര്‍ത്ഥ 'വിക്കഡ് റൈഡ്' - ടിവിഎസ് റൈഡറിന് ബംഗ്ലാദേശിന്റെ Gen Z തയ്യാറാണെന്ന് ടിവിഎസ് ഓട്ടോ ബംഗ്ലാദേശ് ലിമിറ്റഡിന്റെ മാനേജിംഗ് ഡയറക്ടര്‍ ജെ എക്റാം ഹുസൈന്‍ പറഞ്ഞു.

ടിവിഎസ് റൈഡറിന് 124.8 സിസി എയ ഓയില്‍-കൂള്‍ഡ് 3V എഞ്ചിനാണ് കരുത്ത് നല്‍കുന്നത്. ഈ യൂണിറ്റ് 8,000 rpm-ല്‍ 12.9 bhp പരമാവധി കരുത്തും 6,500 rpm-ല്‍ 11.5 Nm പീക്ക് ടോര്‍ക്കും പുറപ്പെടുവിക്കും.

5.7 സെക്കന്‍ഡിനുള്ളില്‍ മണിക്കൂറില്‍ 0-60 കിലോമീറ്റര്‍ വേഗത കൈവരിക്കാന്‍ ബൈക്കിന് കഴിയുമെന്ന് കമ്പനി അവകാശപ്പെടുന്നു. ഉപഭോക്താക്കള്‍ക്കിടയില്‍ ജനപ്രിയമായ തെരഞ്ഞെടുപ്പായി മാറുന്ന നിരവധി സെഗ്മെന്റ് ഫസ്റ്റ് ഫീച്ചറുകളുമായാണ് ടിവിഎസ് റൈഡര്‍ വരുന്നത്.

എല്‍സിഡി ഡിജിറ്റല്‍ സ്പീഡോമീറ്റര്‍, 3V i-ടച്ച് സ്റ്റാര്‍ട്ട്, അനിമലിസ്റ്റിക് എല്‍ഇഡി ഹെഡ്‌ലാമ്പ്, ഫസ്റ്റ്-ഇന്‍-സെഗ്മെന്റ് അണ്ടര്‍-സീറ്റ് സ്റ്റോറേജ് തുടങ്ങിയ ഫസ്റ്റ്-ഇന്‍-ക്ലാസ് ഫീച്ചറുകള്‍ ഇതിന് ലഭിക്കുന്നു.

ഗ്യാസ് ചാര്‍ജ്ജ് ചെയ്ത 5-സ്റ്റെപ്പ് ക്രമീകരിക്കാവുന്ന മോണോ-ഷോക്ക് സസ്‌പെന്‍ഷന്‍, ലോ ഫ്രിക്ഷന്‍ ഫ്രണ്ട് സസ്‌പെന്‍ഷന്‍, സ്പ്ലിറ്റ് സീറ്റ്, 5-സ്പീഡ് ഗിയര്‍ബോക്‌സ്, 17-ഇഞ്ച് അലോയ് ചങ്കി വൈഡ് ടയറുകള്‍ എന്നിവയും മോട്ടോര്‍സൈക്കിളില്‍ വാഗ്ദാനം ചെയ്യുന്നു.

സ്ട്രൈക്കിംഗ് റെഡ്, ബ്ലേസിംഗ് ബ്ലൂ, വിക്കഡ് ബ്ലാക്ക്, ഫിയറി യെല്ലോ എന്നിവയുള്‍പ്പെടെ വിവിധ കളര്‍ ഓപ്ഷനുകളില്‍ ടിവിഎസ് റൈഡര്‍ ലഭ്യമാക്കിയിട്ടുണ്ട്. ഇന്ത്യയില്‍, ബജാജ് പള്‍സര്‍ 125, ഹോണ്ട ഷൈന്‍ SP മോട്ടോര്‍സൈക്കിളുകള്‍ എന്നിവയുമായി ഇത് നേരിട്ട് മത്സരിക്കുന്നു.

അതേസമയം 2022 ഫെബ്രുവരിയിലെ ബ്രാന്‍ഡിന്റെ വില്‍പ്പന കണക്കുകള്‍ പരിശോധിച്ചാല്‍, 2021 ഫെബ്രുവരിയില്‍ വിറ്റ 297,747 യൂണിറ്റുകളില്‍ നിന്ന് കമ്പനിയുടെ മൊത്തം വില്‍പ്പന (ഇരുചക്ര വാഹനങ്ങളും മുച്ചക്ര വാഹനങ്ങളും ഉള്‍പ്പെടെ) 281,714 യൂണിറ്റായി, 5.69 ശതമാനം ഇടിവാണ് രേഖപ്പെടുത്തിയിരിക്കുന്നത്.

കമ്പനിയുടെ മൊത്തം ഇരുചക്രവാഹന വില്‍പ്പന 2022 ഫെബ്രുവരിയില്‍ 267,625 യൂണിറ്റായിരുന്നു, മുന്‍ വര്‍ഷം ഇതേ കാലയളവിലെ 284,581 യൂണിറ്റുകളില്‍ നിന്ന് 6 ശതമാനം ഇടിവാണ് ഉണ്ടായത്.

അതേസമയം, ടിവിഎസിന്റെ ആഭ്യന്തര ഇരുചക്രവാഹന വില്‍പ്പന 2021 ഫെബ്രുവരിയിലെ 195,145 യൂണിറ്റില്‍ നിന്ന് 2022 ഫെബ്രുവരിയില്‍ 11 ശതമാനം ഇടിഞ്ഞ് 173,198 യൂണിറ്റിലെത്തി.

മോട്ടോര്‍സൈക്കിള്‍ വില്‍പ്പന 5 ശതമാനം വര്‍ധിച്ച് 143,523 യൂണിറ്റിലെത്തി, കഴിഞ്ഞ വര്‍ഷം ഇതേ മാസത്തെ 137,259 യൂണിറ്റുകളില്‍ നിന്ന് കഴിഞ്ഞ മാസം 5 ശതമാനം മെച്ചപ്പെട്ടതായി ടിവിഎസ് റിപ്പോര്‍ട്ട് ചെയ്തു.

കഴിഞ്ഞ മാസം 86,616 യൂണിറ്റുകള്‍ വിറ്റഴിച്ച സ്‌കൂട്ടറുകളുമായി താരതമ്യം ചെയ്യുമ്പോള്‍ വലിയ സംഭാവന നല്‍കിയതും മോട്ടോര്‍സൈക്കിളുകള്‍ തന്നെയായിരുന്നു. കഴിഞ്ഞ വര്‍ഷം ഫെബ്രുവരിയില്‍ 95,525 യൂണിറ്റുകള്‍ വിറ്റഴിച്ചപ്പോള്‍ സ്‌കൂട്ടര്‍ വില്‍പ്പനയില്‍ 10.29 ശതമാനം ഇടിവുണ്ടായി.

സെമികണ്ടക്ടർ ചിപ്പുകളുടെ വിതരണത്തിലെ കുറവ് തങ്ങളുടെ പോര്‍ട്ട്ഫോളിയോയിലെ പ്രീമിയം ഇരുചക്രവാഹനങ്ങളുടെ ഉല്‍പാദനത്തെയും വില്‍പ്പനയെയും ബാധിച്ചതായി നിര്‍മാതാക്കള്‍ പറഞ്ഞു. എന്നിരുന്നാലും, വരും മാസങ്ങളില്‍ വിതരണം മെച്ചപ്പെടുമെന്നതില്‍ ശുഭാപ്തി വിശ്വാസമുണ്ടെന്ന് ടിവിഎസ് വ്യക്തമാക്കി.

കയറ്റുമതിയുമായി ബന്ധപ്പെട്ട് നോക്കിയാല്‍, 2021 ഫെബ്രുവരിയില്‍ കയറ്റുമതി ചെയ്ത 101,789 യൂണിറ്റുമായി താരതമ്യപ്പെടുത്തുമ്പോള്‍, കഴിഞ്ഞ മാസം ടിവിഎസ് 107,574 യൂണിറ്റുകള്‍ കയറ്റി അയച്ചു, ഇത് 6 ശതമാനം വളര്‍ച്ചയാണ് രേഖപ്പെടുത്തിയിരിക്കുന്നത്.

അവസാനമായി, മുച്ചക്ര വാഹന വില്‍പ്പന 7 ശതമാനം വര്‍ധിച്ച് 14,089 യൂണിറ്റിലെത്തി, മുന്‍ വര്‍ഷം 13,166 യൂണിറ്റായിരുന്നു. കൊവിഡ് സമയത്ത് ഏറ്റവും കൂടുതല്‍ ബാധിച്ച മേഖലകളിലൊന്നായ ത്രീ വീലര്‍ മേഖല വീണ്ടെടുക്കലിന്റെ അടയാളമായി വില്‍പ്പനയിലെ പുരോഗതി ഉയര്‍ന്നുവരുകയും ചെയ്യുന്നു.