Click it and Unblock the Notifications
Aerox 155-യുടെ നവീകരിച്ച പതിപ്പിനെ അവതരിപ്പിച്ച് Yamaha; മാറ്റങ്ങള് ഇങ്ങനെ
എയ്റോക്സ് 155 മോട്ടോസ്കൂട്ടറിന്റെ പരിഷ്കരിച്ച പതിപ്പ് പുറത്തിറക്കി നിര്മാതാക്കളായ യമഹ. ഇന്തോനേഷ്യന് വിപണിയിലാണ് പുതുക്കിയ മോഡലിനെ കമ്പനി വിപണിയില് അവതരിപ്പിച്ചിരിക്കുന്നത്.
നവീകരിച്ച ഈ പതിപ്പ് സമീപഭാവിയില് തന്നെ ഇന്ത്യയിലേക്കും എത്തിയേക്കുമെന്നും കമ്പനി വ്യക്തമാക്കിയിട്ടുണ്ട്. ജാപ്പനീസ് നിര്മാതാവ് 2022 എയ്റോക്സ് 155-നൊപ്പം ആറ് പുതിയ കളര് സ്കീമുകളാണ് അവതരിപ്പിച്ചിരിക്കുന്നത്.
ABS വേരിയന്റ് മാറ്റ് ബ്ലാക്ക് ഗോള്ഡ്, മാറ്റ് വൈറ്റ് ഗോള്ഡ് എന്നിവയില് വരുമ്പോള്, കണക്റ്റഡ് പതിപ്പ് നാല് പുതിയ കളര് ഓപ്ഷനുകളും കമ്പനി അവതരിപ്പിക്കുന്നു. ബ്ലാക്ക് സിയാന്, ഡാര്ക്ക് ഗ്രേ യെല്ലോ, റെഡ് ആക്സന്റോടുകൂടിയ ബ്ലാക്ക്, കോണ്ട്രാസ്റ്റ് ബ്ലാക്ക് പെയിന്റ് ചെയ്ത ബോഡി പാനലുകളുള്ള റെഡ് എന്നിവയാണ് പുതിയ കളര് ഓപ്ഷനുകള്.
പുതിയ കളര് ഓപ്ഷനുകള് ഒഴികെ, എയറോക്സ് 155 അതിന്റെ രൂപത്തിലും അളവുകളിലും മെക്കാനിക്കലുകളിലും മാറ്റമില്ലാതെ തുടരുന്നുവെന്ന് വേണം പറയാന്. ഇന്തോനേഷ്യയിലെ ഏറ്റവും പുതിയ അപ്ഡേറ്റ് വഴി, യമഹ പലപ്പോഴും ചെയ്യുന്നതുപോലെ നിലവിലുള്ള തലമുറയുടെ വില്പ്പന വര്ധിപ്പിക്കുകയാണ് ലക്ഷ്യമിടുന്നത്.
ഏതാനും മാസങ്ങള്ക്ക് മുമ്പാണ് യമഹ എയ്റോക്സ് 155 എന്ന മോഡലിനെ ഇന്ത്യയ്ക്കായി അവതരിപ്പിക്കുന്നത്. ഈ മോഡലിന്റെ വില അടുത്തിടെ കമ്പനി പരിഷ്ക്കരിക്കുകയും ചെയ്തിരുന്നു. സ്പോര്ട്ടി സ്കൂട്ടറിന് ഇപ്പോള് 2,000 രൂപ വരെയാണ് വില വര്ധനവ് ഉണ്ടായിരിക്കുന്നത്.
ഏറ്റവും പുതിയ വില വര്ധനയെത്തുടര്ന്ന്, മോഡലിന്റെ മോണ്സ്റ്റര് എനര്ജി പതിപ്പിന് 1,30,500 രൂപ മുതലാണ് എക്സ്ഷോറൂം വില. അതേസമയം മെറ്റാലിക് ബ്ലാക്ക്, ഗ്രേ വെര്മില്യണ് പെയിന്റ് സ്കീമുകള്ക്ക് ഇപ്പോള് 1,31,000 രൂപയാണ് വില. യമഹ വാഗ്ദാനം ചെയ്യുന്ന മുന്നിര സ്കൂട്ടറാണ് എയ്റോക്സ് 155. ഇത് അപ്രീലിയ SR160, SXR 160 എന്നിവയ്ക്കെതിരെ മത്സരിക്കുന്നു, എന്നിരുന്നാലും ഇവ രണ്ടിനെക്കാളും ശക്തമാണ്.
പെര്ഫോമന്സ് ഡെലിവറി, ഹാന്ഡ്ലിംഗ് സവിശേഷതകള് എന്നിവ താരതമ്യം ചെയ്യുമ്പോള് അതിന്റെ എതിരാളികളേക്കാള് വളരെ മികച്ചതാണ് എയ്റോക്സ് 155. അതുപോലെ തന്നെ വില്പ്പനയിലുള്ള ഒരേയൊരു യഥാര്ത്ഥ സ്പോര്ട്ടി സ്കൂട്ടര് എന്ന് ഇതിനെ വിളിക്കാം.
155 സിസി സിംഗിള്-സിലിണ്ടര് SOHC ലിക്വിഡ്-കൂള്ഡ് ഫ്യൂവല്-ഇഞ്ചക്റ്റഡ് എഞ്ചിന് VVA (വേരിയബിള് വാല്വ് ആക്ച്വേഷന്) സാങ്കേതികവിദ്യയുള്ള യമഹ R15 V4-ലും കാണാവുന്നതാണ്.
പവര്ട്രെയിന് പരമാവധി 14.79 bhp പവര് ഔട്ട്പുട്ടും 13.9 Nm പീക്ക് ടോര്ക്കും പുറപ്പെടുവിക്കുന്നു, കൂടാതെ CVT ഓട്ടോമാറ്റിക് ട്രാന്സ്മിഷനുമായി ജോടിയാക്കുകയും ചെയ്തിട്ടുണ്ട്. മുന്നിലും പിന്നിലും 14 ഇഞ്ച് വീലുകളിലുള്ള ഏറ്റവും ശക്തമായ സ്കൂട്ടര്, ബ്ലൂടൂത്ത് കണക്റ്റിവിറ്റിയുള്ള എല്സിഡി ഇന്സ്ട്രുമെന്റ് ക്ലസ്റ്റര് ഉള്പ്പെടെ നിരവധി പ്രീമിയം സവിശേഷതകളും സ്കൂട്ടറില് കമ്പനി വാഗ്ദാനം ചെയ്യുന്നു.
R സീരീസ് മോഡലില് നിന്നുള്ള എല്ഇഡി ഹെഡ്ലാമ്പ്, എല്ഇഡി ടെയില് ലാമ്പ്, സിംഗിള്-ചാനല് എബിഎസ് സിസ്റ്റം, സൈഡ് സ്റ്റാന്ഡ് എഞ്ചിന് കട്ട് ഓഫ് ഫംഗ്ഷന്, അലോയ് വീലുകള് എന്നിവയാണ് മറ്റ് ഹൈലൈറ്റുകള്. ഇന്ത്യയില്, എയ്റോക്സ് 155 മോട്ടോജിപി, ബ്ലാക്ക്, ബ്രൗണ്, ബ്ലൂ നിറങ്ങളിലാണ് വില്പ്പനയ്ക്കെത്തുന്നത്.
ഇന്ത്യന് വിപണിയില് കമ്പനി അടുത്തിടെ, ബ്രാന്ഡ് നിരയിലെ 250 സിസി സ്ട്രീറ്റ്ഫൈറ്റര് ശ്രേണിയില് രണ്ട് പുതിയ കളര് ഓപ്ഷനുകള് കൂടി അവതരിപ്പിച്ചിരുന്നു. നിലവില് FZ 25, FZS 25 എന്നീ രണ്ട് വേരിയന്റുകളില് മോട്ടോര്സൈക്കിള് ലഭ്യമാണ്.
സ്റ്റാന്ഡേര്ഡ് FZ 25-ന് 1.39 ലക്ഷം രൂപയാണ് വില, അതേസമയം സ്പോര്ട്ടിയര് FZS 25 വേരിയന്റിന് 1.43 ലക്ഷം രൂപയാണ് എക്സ്ഷോറൂം വില. രണ്ട് FZ മോഡലുകള്ക്കും അവരുടെ വ്യക്തിഗത കളര് സ്കീമുകള് ഉണ്ടായിരിക്കും, FZ 25 റേസിംഗ് ബ്ലൂ, മെറ്റാലിക് ബ്ലാക്ക് എന്നിവയില് വില്ക്കുന്നത് തുടരും.
അതേസമയം FZS 25 ന് മാറ്റ് കോപ്പര്, മാറ്റ് ബ്ലാക്ക് എന്നിവയുടെ പുതിയ നിറങ്ങളും ഇനി മുതല് വിപണിയില് ലഭ്യമാകും. പുതിയ നിറങ്ങള് ചേര്ക്കുന്നതല്ലാതെ, മറ്റ് ഫീച്ചറുകളോ എഞ്ചിന് അപ്ഡേറ്റുകളോ കമ്പനി അവതരിപ്പിച്ചിട്ടില്ല.
കമ്പനിയുടെ 'ദ കോള് ഓഫ് ദി ബ്ലൂ' എന്ന തന്ത്രത്തിന് കീഴില് പുറത്തിറക്കിയ യമഹ FZ 250 സിസി മോട്ടോര്സൈക്കിളുകള് കുറച്ച് വര്ഷങ്ങളായി ഇന്ത്യയില് വില്പ്പനയ്ക്കെത്തിക്കുന്നു. എന്നാല് 150 സിസി FZ ശ്രേണിയില് നിന്ന് വ്യത്യസ്തമായി, 250 സിസി ശ്രേണി ഇതുവരെ സമാനമായ വില്പ്പന വിജയം കണ്ടിട്ടില്ല.
ഇതിനൊരു പരിഹാരം കൂടിയാണ് കമ്പനി ഇതുവഴി ലക്ഷ്യമിടുന്നത്. പുതിയ കളര് സ്കീമുകള് ചേര്ത്താല്, യുവാക്കളും കൂടുതല് അഡ്വഞ്ചര് സെഗ്മെന്റില് നിന്ന് മോട്ടോര്സൈക്കിള് വാങ്ങുന്നവരില് നിന്ന് കൂടുതല് ശ്രദ്ധ നേടുമെന്നാണ് യമഹ പ്രതീക്ഷിക്കുന്നത്.
പുതിയ കളര് ഓപ്ഷനുകള് കൊണ്ടുവന്നു എന്നതൊഴിച്ചാല്, എഞ്ചിനില് മാറ്റങ്ങള് ഒന്നും തന്നെ വരുത്തിയിട്ടില്ല. യമഹ FZ 25, FZS 25 എന്നിവ ഒരേ 249 സിസി, സിംഗിള് സിലിണ്ടര്, എയര് കൂള്ഡ്, SOHC, ഫ്യുവല് ഇഞ്ചക്റ്റഡ് എഞ്ചിനാണ് കരുത്ത് നല്കുന്നത്.
എഞ്ചിന് 8,000 rpm-ല് 20.5 bhp പവറും 6,000 rpm-ല് 20.1 Nm പീക്ക് ടോര്ക്കും നല്കുന്നു. 5 സ്പീഡ് ഗിയര്ബോക്സുമായിട്ടാണ് എഞ്ചിന് ബന്ധിപ്പിച്ചിരിക്കുന്നത്. മുന്വശത്ത് ടെലിസ്കോപ്പിക് ഫോര്ക്കുകളും പിന്നില് 7 സ്റ്റെപ്പ് ക്രമീകരിക്കാവുന്ന മോണോ-ഷോക്ക് അബ്സോര്ബറും ലഭിക്കുന്നു. മുന്നില് 282 mm ഡിസ്ക്കും, പിന്നില് 220 mm ഡിസ്ക് വഴിയാണ് ബ്രേക്കിംഗ് സജ്ജീകരണം, ഡ്യുവല് ചാനല് എബിഎസ് സ്റ്റാന്ഡേര്ഡായി വാഗ്ദാനം ചെയ്യുന്നു.
Continue with Google