Click it and Unblock the Notifications
Aerox 155 മോട്ടോ GP എഡിഷന് അവതരിപ്പിച്ച് Yamaha; വില 1.41 ലക്ഷം രൂപ
ഏകദേശം രണ്ട് മാസം മുന്നെയാണ് R15M, MT 15 V2.0, റേ ZR 125 ഹൈബ്രിഡ് എന്നിവയ്ക്കായി 2022 മോണ്സ്റ്റര് എനര്ജി മോട്ടോ GP പതിപ്പുകളെ നിര്മാതാക്കളായ യമഹ ഇന്ത്യയില് അവതരിപ്പിക്കുന്നത്. പരിമിതമായ സംഖ്യകളില് മാത്രമാണ് ഈ മോഡലുകള് ലഭ്യമായിരുന്നതും.
ഈ പതിപ്പുകള്ക്കൊപ്പം കമ്പനി എയ്റോക്സ് 155-ന്റെ മോട്ടോ GP പതിപ്പും അവതരിപ്പിച്ചിരുന്നു. എന്നിരുന്നാലും അതിന്റെ വില ആ ഘട്ടത്തില് നിര്മാതാക്കള് പ്രഖ്യാപിച്ചിരുന്നു. പിന്നീട് പ്രഖ്യാപിക്കുമെന്ന് അറിയിച്ചിരുന്നു. ഇപ്പോഴിതാ ഈ മോഡലിന്റെയും വില യമഹ വെളിപ്പെടുത്തിയിരിക്കുകയാണ്.
എയ്റോക്സ് 155-ന്റെ പുതിയ മോണ്സ്റ്റര് എനര്ജി യമഹ മോട്ടോ GP പതിപ്പ് പുറത്തിറക്കിയതോടെ യമഹ മോട്ടോര് ഇന്ത്യ 2022 മോണ്സ്റ്റര് എനര്ജി യമഹ മോട്ടോ GP എഡിഷന് ലൈനപ്പ് വിപുലീകരിച്ചിരിക്കുകയാണ്. കമ്പനിയുടെ 'ദി കോള് ഓഫ് ദ ബ്ലൂ' ബ്രാന്ഡ് ക്യാമ്പെയ്നിന് കീഴിലാണ് പുതിയ ലോഞ്ച് പ്രഖ്യാപിച്ചിരിക്കുന്നത്.
പുതിയ ലിമിറ്റഡ് എഡിഷന് സ്കൂട്ടറിന്റെ വില 1,41,300 രൂപയാണ് (എക്സ്ഷോറൂം, ഡല്ഹി). കമ്പനിയുടെ ഇന്ത്യയിലെ പ്രീമിയം ബ്ലൂ സ്ക്വയര് ഔട്ട്ലെറ്റുകള് വഴിയാണ് ഇത് വില്ക്കുന്നതെന്നും നിര്മാതാക്കള് അറിയിച്ചു. സെഗ്മെന്റില് കൂടുതല് ആളുകളെ ആകര്ഷിക്കാന് ലക്ഷ്യമിട്ടാണ് യമഹ ഇത്തരത്തിലൊരു നീക്കം നടത്തിയിരിക്കുന്നത്.
കമ്പനിയുടെ മോണ്സ്റ്റര് എനര്ജി യമഹ മോട്ടോ GP M1 മോട്ടോര്സൈക്കിളില് നിന്ന് പ്രചോദനം ഉള്ക്കൊണ്ടാണ് പുതുതായി പ്രഖ്യാപിച്ച സ്കൂട്ടര്. വൈസര്, ഫ്രണ്ട് ആപ്രോണ്, ഫ്രണ്ട് മഡ്ഗാര്ഡ്, സൈഡ് പാനലുകള്, പിന് പാനലുകള്, 'X' സെന്റര് മോട്ടിഫ് എന്നിവയില് കാണാവുന്ന യമഹ മോട്ടോ GP ബ്രാന്ഡിംഗിനൊപ്പം ഓള്-ബ്ലാക്ക് കളര് ട്രീറ്റ്മെന്റും ഇതിന് ലഭിക്കുന്നു.
ഈ കോസ്മെറ്റിക് അപ്ഡേറ്റുകള്ക്കായി ഒഴിച്ച് നിര്ത്തിയാല്, സ്കൂട്ടറിന്റെ ബാക്കി ഭാഗങ്ങള് മാറ്റമില്ലാതെ തുടരുന്നു. എഞ്ചിന് സവിശേഷതകളിലേക്ക് വന്നാല് കമ്പനിയുടെ വേരിയബിള് വാല്വ് ആക്ച്വേഷന് (VVA) സജ്ജീകരിച്ചിരിക്കുന്ന ഒരു പുതിയ തലമുറ 155 സിസി ലിക്വിഡ്-കൂള്ഡ്, 4-സ്ട്രോക്ക്, SOHC, 4-വാല്വ് ബ്ലൂ കോര് എഞ്ചിനാണ് ലഭിക്കുന്നത്.
ഇത് ഒരു CVT ട്രാന്സ്മിഷനുമായാണ് വരുന്നത്. ഈ യൂണിറ്റ് 8,000 rpm-ല് 15 bhp പവര് ഔട്ട്പുട്ടും 6,500 rpm-ല് 13.9 Nm പീക്ക് ടോര്ക്കും ഉല്പ്പാദിപ്പിക്കും.
സിംഗിള് ചാനല് എബിഎസ്, ലിക്വിഡ് കൂളിംഗ്, വീതിയേറിയ 140 mm പിന് ടയറുള്ള 14 ഇഞ്ച് വീലുകള്, എല്ഇഡി ഹെഡാലൈറ്റ് / എല്ഇഡി ടെയില്ലൈറ്റ്, ബ്ലൂടൂത്ത് എനേബിള്ഡ് വൈ-കണക്ട് ആപ്പ് 24.5 ലിറ്റര്, ഒരു ഫ്യുവല് ഇന്ധന ലിഡ്, സീറ്റിനടിയില് സ്റ്റോറേജ് എന്നിവയും യമഹയുടെ സ്പോര്ട്ടി സ്കൂട്ടറിലെ ചില പ്രധാന സവിശേഷതകളില് ഉള്പ്പെടുന്നു.
'യമഹയുടെ ഉല്പ്പന്ന ശ്രേണി യമഹ റേസിംഗിന്റെ ആഗോള സ്പിരിറ്റിനൊപ്പം നല്കുന്ന ഇരുചക്രവാഹനങ്ങള് വാഗ്ദാനം ചെയ്യുന്നതിനുള്ള യമഹയുടെ പ്രതിബദ്ധതയെ സാക്ഷ്യപ്പെടുത്തുന്നു.
വികാരാധീനരായ മോട്ടോ GP ആരാധകര്ക്കും ഉപഭോക്താക്കള്ക്കുമിടയില് അതിന്റെ ബന്ധം കൂടുതല് ശക്തമാക്കുന്നതിന്, യമഹ ഭാവിയില് മോട്ടോ GP-പ്രചോദിത പതിപ്പുകള് വാഗ്ദാനം ചെയ്യുന്നത് തുടരുമെന്നും കമ്പനി ഔദ്യോഗിക പ്രസ്താവനയില് അറിയിച്ചു.
യമഹ എയ്റോക്സ് 155 എന്നത് 'എല്ലാം ചെയ്യൂ' എന്ന വിഭാഗത്തിന് കീഴില് വരുന്ന ഒരു സ്കൂട്ടറാണ്. സുസുക്കി ബര്ഗ്മാന് സ്ട്രീറ്റ്, അപ്രീലിയ SXR160 പോലുള്ള മാക്സി-സ്റ്റൈല് സ്കൂട്ടറുകളാണ് പ്രധാന എതിരാളികള്. അവരുടെ പേരുകള് സൂചിപ്പിക്കുന്നത് പോലെ, അപ്രീലിയയ്ക്ക് 160.03 സിസി എഞ്ചിന് ലഭിക്കുന്നു, അതേസമയം യമഹയ്ക്ക് 155 സിസി എഞ്ചിനാണ് ലഭിക്കുന്നത്.
യാന്ത്രികമായി, ഈ യമഹ എയ്റോക്സ് മോണ്സ്റ്റര് എനര്ജി മോട്ടോ GP എഡിഷന് പൂര്ണ്ണമായും ഏറ്റെടുത്തിരിക്കുന്നുവെന്ന് വേണം പറയാന്. സൈക്കിള് ഭാഗങ്ങളെക്കുറിച്ച് പറയുകയാണെങ്കില്, മുന്നില് ടെലിസ്കോപ്പിക് സസ്പെന്ഷനും, പിന്നില് മോണോ-ഷോക്ക് സസ്പെന്ഷന്, സുരക്ഷയ്ക്കായി മുന്നില് 230 mm ഡിസ്ക് ബ്രേക്കും പിന്നില് ഡ്രം ബ്രേക്കുമാണ് ലഭിക്കുന്നത്. സ്റ്റാന്ഡേര്ഡായി സിംഗിള്-ചാനല് എബിഎസും ഓഫറില് ലഭ്യമാണ്.
790 mm സീറ്റ് ഉയരവും താരതമ്യേന കുറഞ്ഞ 126 കിലോഗ്രാം കെര്ബ് ഭാരവുമുള്ള എയ്റോക്സ് 155 എളുപ്പത്തില് കൈകാര്യം ചെയ്യാവുന്ന മോഡലാണ്. പ്രത്യേകിച്ചും അത് പായ്ക്ക് ചെയ്യുന്ന പ്രകടനവും ഉപകരണങ്ങളും കണക്കിലെടുക്കുമ്പോള്.
വലിയ 24.5 ലിറ്റര് ബൂട്ടും ബ്ലൂടൂത്ത് കണക്റ്റിവിറ്റിയും ഉള്പ്പെടുന്നു മോഡലിന്റെ സ്റ്റാന്ഡേര്ഡ് വേരിയന്റിന് 1,39,300 രൂപയും ഏറ്റവും ടോപ്പ-എന്ഡ് വേരിയന്റായ എയ്റോക്സ് മോണ്സ്റ്റര് എനര്ജി മോട്ടോ GP എഡിഷന് 1,41,300 രൂപയുമാണ് എക്സ്ഷോറൂം വില. സ്റ്റാന്ഡേര്ഡ് വേരിയന്റില് നിന്നും 2,000 രൂപയുടെ വര്ദ്ധനവാണ് പുതിയ ടോപ്പ്-എന്ഡ് വേരിയന്റില് ഉണ്ടായിരിക്കുന്നത്.
Continue with Google