MT-15 നവീകരിച്ച പതിപ്പുകള്‍ ഡീലര്‍ഷിപ്പില്‍ എത്തി; ഡെലിവറി ഉടനെന്ന് Yamaha

പുതുതായി അവതരിപ്പിച്ച മോട്ടോര്‍സൈക്കിളിന് 1,59,900 രൂപ (എക്‌സ്‌ഷോറൂം) കൂടാതെ സിയാന്‍ സ്റ്റോം, റേസിംഗ് ബ്ലൂ എന്നിവയുടെ കളര്‍ ഓപ്ഷനുകളിലും ഐസ് ഫ്‌ലൂ-വെര്‍മില്യണ്‍, മെറ്റാലിക് ബ്ലാക്ക് കളര്‍ സ്‌കീമുകളുടെ പഴയ കളര്‍ സ്‌കീമുകളിലുമാണ് അവതരിപ്പിച്ചിരിക്കുന്നത്.

പുതിയ 2.0 പതിപ്പ്, കമ്പനിയുടെ 'ദി കോള്‍ ഓഫ് ദി ബ്ലൂ' തന്ത്രത്തിന്റെ ഭാഗമാണ്, കൂടാതെ നിരവധി സവിശേഷതകളും ഇതില്‍ കമ്പനി കൊണ്ടുവരുകയും ചെയ്യുന്നു. അവയില്‍ ചിലത് യമഹയുടെ പേറ്റന്റ് ഡെല്‍റ്റാബോക്സ് ഫ്രെയിമിനൊപ്പം മോട്ടോജിപി പ്രചോദനം ഉള്‍ക്കൊണ്ടതാണ്, ഇത് മികച്ച കൈകാര്യം ചെയ്യലുമായി ബന്ധപ്പെട്ടതാണ്.

പുതിയ യമഹ MT15-ന്റെ ആദ്യ ബാച്ച് ഇന്ത്യയിലുടനീളമുള്ള ഡീലര്‍ ഷോറൂമുകളില്‍ എത്തിത്തുടങ്ങിയതായിട്ടാണ് റിപ്പോര്‍ട്ട്. ഇതിന്റെ ചിത്രങ്ങള്‍ പുറത്തുവരികയും ചെയ്തിട്ടുണ്ട്. നേരത്തെ തന്നെ ബുക്കിംഗ് ആരംഭിച്ചതുകൊണ്ട് വൈകാതെ ഡെലിവറി ആരംഭിക്കുമെന്നാണ് ഡീലര്‍ വൃത്തങ്ങളും വെളിപ്പെടുത്തുന്നത്.

യമഹ 2022 MT-15: ഫീച്ചറുകള്‍

2022 യമഹ MT-15 V2 നേക്കഡ് സ്ട്രീറ്റ് ഫൈറ്റര്‍ 2021 സെപ്റ്റംബറില്‍ പുറത്തിറക്കിയ ഫുള്‍ ഫെയര്‍ഡ് സ്പോര്‍ട്സ് ബൈക്കായ യമഹ R15 V4-നെ അടിസ്ഥാനമാക്കിയുള്ളതാണ്. എല്‍ഇഡി ഡിആര്‍എല്ലുകള്‍ക്കൊപ്പം എല്‍ഇഡി പ്രൊജക്ടര്‍ ഹെഡ്, ടെയില്‍ ലാമ്പുകളും ഇതിന് ലഭിക്കുന്നു. അതേസമയം ടേണ്‍ ഇന്‍ഡിക്കേറ്ററുകള്‍ ഹാലൊജനാണ്.

പുതിയ MT-15-ന് പുനര്‍രൂപകല്‍പ്പന ചെയ്ത ഒരു പൂര്‍ണ്ണ ഡിജിറ്റല്‍ ഇന്‍സ്ട്രുമെന്റ് കണ്‍സോളും ലഭിക്കുന്നു. ഇത് ഇപ്പോള്‍ കോളിംഗ്, എസ്എംഎസ്, ഇമെയില്‍ അലേര്‍ട്ടുകള്‍ എന്നിവയ്ക്കായി ബ്ലൂടൂത്ത് കണക്റ്റിവിറ്റിയെ പിന്തുണയ്ക്കുകയും ചെയ്യുന്നുവെന്ന് വേണം പറയാന്‍.

എഞ്ചിന്‍ കട്ട് ഓഫ് സ്വിച്ച് ഉള്ള ഒരു സൈഡ് സ്റ്റാന്‍ഡോടെയും ബൈക്ക് കാണാം. യമഹയുടെ Y-കണക്ട് ആപ്പ്, പതിപ്പ് 2.0-ലും കാണാം, റൈഡറുടെ സ്മാര്‍ട്ട്ഫോണില്‍ റിമോട്ട് ആക്സസിനൊപ്പം വിപുലമായ കണക്റ്റിവിറ്റി ഓപ്ഷനുകളും ഇത് വാഗ്ദാനം ചെയ്യുന്നു.

മസ്‌കുലര്‍ ബോഡി വര്‍ക്കിനും ഉയര്‍ത്തിയ ടെയില്‍ സെക്ഷനും സഹിതം നൂതനമായ പുതിയ ബാഡ്ജിംഗും ഇതിന് ലഭിക്കുന്നു. 100/80 ഫ്രണ്ട്, 140/70 പിന്‍ ട്യൂബ്‌ലെസ് ടയര്‍ ഘടിപ്പിച്ച യമഹ MT-15, മുന്നിലും പിന്നിലും 17 ഇഞ്ച് വീലുകളിലാണ് എത്തുന്നതെന്ന് ചിത്രങ്ങളില്‍ കാണാന്‍ സാധിക്കും.

2022 MT-15 പതിപ്പ് 2.0 139 കിലോഗ്രാം ആണ്. ഇതിന് യമഹയുടെ പേറ്റന്റ് ഡെല്‍റ്റ ബോക്സ് ഫ്രെയിം ലഭിക്കുന്നു, ഇത് ഇപ്പോള്‍ VVA - വേരിയബിള്‍ വാല്‍വ് ആക്ച്വേഷന്‍ സ്പോര്‍ട്സ് ചെയ്യുമ്പോള്‍ മികച്ച ഹാന്‍ഡ്ലിംഗ് കഴിവുകള്‍ നല്‍കുന്നുവെന്നും കമ്പനി അവകാശപ്പെടുന്നു. സീറ്റ് സിംഗിള്‍ പീസ് ആണ്.

യമഹ MT-15: സവിശേഷതകള്‍

155 സിസി, ലിക്വിഡ് കൂള്‍ഡ്, 4 സ്‌ട്രോക്ക്, SOHC, 4 വാല്‍വ് എഞ്ചിനാണ് യമഹ MT-15 പതിപ്പ് 2.0 ന് കരുത്തേകുന്നത്. ഈ എഞ്ചിന്‍ 10,000 rpm-ല്‍ 18.4 bhp കരുത്തും 7,500 rpm-ല്‍ 14.1 Nm പീക്ക് ടോര്‍ക്കും ഉല്‍പ്പാദിപ്പിക്കുന്നു.

6 സ്പീഡ് ഗിയര്‍ബോക്‌സുമായിട്ടാണ് എഞ്ചിന്‍ ജോടിയാക്കിയിരിക്കുന്നത്. സിംഗിള്‍ ചാനല്‍ എബിഎസ്, മുന്നില്‍ 282 mm ഡിസ്‌ക്കും, പിന്നില്‍ 220 mm ഡിസ്‌ക് ബ്രേക്കുകള്‍ എന്നിവയ്ക്കൊപ്പം ലൈറ്റര്‍ ആക്‌ച്വേഷനായി അസിസ്റ്റ്, സ്ലിപ്പ് ക്ലച്ച് എന്നിവയും കമ്പനി ലഭ്യമാക്കിയിട്ടുണ്ട്.

സസ്പെന്‍ഷന്‍ നവീകരണങ്ങളില്‍ 2022 യമഹ R15 V4-ല്‍ കണ്ടതിന് സമാനമായി മുന്‍വശത്ത് 37 mm അപ്സൈഡ് ഡൗണ്‍ ഫോര്‍ക്കും പിന്നില്‍ പ്രീ-ലോഡ് ക്രമീകരിക്കാവുന്ന മോണോ ഷോക്കും ഉള്‍പ്പെടുന്നു.

ഫീച്ചര്‍ അപ്ഡേറ്റുകളില്‍ പരമ്പരാഗത ടെലിസ്‌കോപ്പിക് ഫോര്‍ക്കിന്റെ സ്ഥാനത്ത് ഒരു പുതിയ അപ്സൈഡ് ഡൗണ്‍ ഫോര്‍ക്കും ഉള്‍പ്പെടുന്നു. ഇത് ഗോള്‍ഡ് നിറത്തിലാണ് പൂര്‍ത്തിയാക്കിയിരിക്കുന്നത്. അതുകൊണ്ട് തന്നെ അതിന്റെ സൗന്ദര്യാത്മക ആകര്‍ഷണം വര്‍ദ്ധിപ്പിക്കാന്‍ സാധിച്ചിട്ടുണ്ടെന്നും കമ്പനി പറയുന്നു.

യമഹ MT-15-ന്‍ വില പരിശോധിച്ചാല്‍ 1.60 ലക്ഷം രൂപയാണ് എക്‌സ്‌ഷോറൂം വില. ഇത് 1.46 ലക്ഷം രൂപയ്ക്ക് ലഭ്യമായിരുന്ന പഴയ മോഡലിനേക്കാള്‍ 14,000 രൂപ കൂടുതലാണ്.

കെടിഎം ഡ്യൂക്ക് 125, ബജാജ് പള്‍സര്‍, ഹോണ്ട ഹോര്‍നെറ്റ്, ടിവിഎസ് അപ്പാച്ചെ RTR160 4V എന്നിവയുമായാണ് ഇൗ മോട്ടോര്‍സൈക്കിള്‍ വിപണിയില്‍ മത്സരിക്കുക. പുതിയ മോഡൽ ബ്രാൻഡിൻ്റെ വിൽപ്പനയെ എങ്ങനെ സഹായിക്കുമെന്ന് വരും മാസങ്ങളിലെ വിൽപ്പന കണക്കുകളിൽ നിന്ന് മാത്രമേ മനസ്സിലാകൂ.

Source: Rushlane