Click it and Unblock the Notifications
വരാനിരിക്കുന്നവരില് 'ബോംബറും' 'സിംഗറും'; ബജാജിന്റെ മനസ്സില് എന്താണാവോ?
വാഹന നിര്മാതാക്കള് തങ്ങള് പുറത്തിറക്കാന് പോകുന്ന ഉല്പ്പന്നങ്ങള്ക്ക് നല്കാനായി പേരുകള് മുമ്പേ ട്രേഡ്മാര്ക്ക് ഫയല് ചെയ്യാറുണ്ട്. അതില് ചില പേരുകള് പ്രൊഡക്ഷന് മോഡലുകള്ക്ക് ലഭിക്കും. ഇന്ത്യയിലെ ഏറ്റവും വലിയ ടൂവീലര് നിര്മാതാക്കളില് ഒന്നായ ബജാജ് ഓട്ടോ വരാനിരിക്കുന്ന ഉല്പ്പന്നങ്ങള്ക്കിടാന് ഒരുപിടി പേരുകളാണിപ്പോള് ട്രേഡ്മാര്ക്ക് ചെയ്തിരിക്കുന്നത്.
ബജാജ് സമീപകാലത്തായി നിരവധി പേരുകള്ക്ക് ട്രേഡ്മാര്ക്ക് നേടിയിരുന്നു. ഇവയെല്ലാം ഉല്പ്പങ്ങളിലേക്ക് വിവര്ത്തനം ചെയ്യപ്പെടണമെന്നില്ല. സിംഗര്, ബോംബര്, എലിക്സിര്, ഓറ എന്നീ പുതിയ പേരുകളാണ് ഏറ്റവും പുതുതായി ബജാജ് ട്രേഡ്മാര്ക്ക് ചെയ്താത്. ന്യൂറോണ്, ട്വിന്നര്, എലഗന്സ്, വിന്സെന്റ്, ഡാര്ക്ക്സ്റ്റാര്, റേസര്, ഹാമ്മര്, സ്വിംഗ്, ജെനി, ഫ്രീറൈഡര്, കാലിബര്, ട്വിന്നര്, പള്സര് എലാന്, പള്സര് എലഗന്സ്, ബ്ലേഡ്, ടെക്നിക്, ടെക്നിക്ക, ഫ്ലൂയര്, ഫ്ലൂര് എന്നിവയടക്കം ഒത്തിരി പേരുകള് ബജാജ് സമീപകാലത്ത് ട്രേഡ്മാര്ക്ക് ചെയ്തവയാണ്.
ബജാജിന്റെ മുന്കാലങ്ങളിലെ ട്രേഡ്മാര്ക്കുകള് പരിശോധിച്ചാല് ഈ പുതിയ പേരുകള് വളരെക്കാലം നിലനില്ക്കാന് സാധ്യതയുണ്ട്. ആറ് പുതിയ പള്സര് മോട്ടോര്സൈക്കിളുകള് ഈ സാമ്പത്തിക വര്ഷം അവസാനത്തോടെ അവതരിപ്പിക്കാന് പോകുന്നുവെന്ന് കമ്പനി എംഡി രാജീവ് ബജാജ് അടുത്തിടെ പ്രഖ്യാപിച്ചിരുന്നു. പള്സര് മോഡലുകള് നോക്കുമ്പോള് പൊതുവേ 'NS' 'P' എന്നിങ്ങനെ അക്ഷരങ്ങളും അക്കങ്ങളും ഉള്ള പ്രത്യയങ്ങള് ആണ് വരുന്നതിനാല് ഈ പേരുകള് വരാന് സാധ്യത കുറവാണ്.
പുതിയ പള്സറുകള്ക്കൊപ്പം ബജാജ് ചേതക് ഇലക്ട്രിക് സ്കൂട്ടറിന്റെ വില കുറഞ്ഞ പതിപ്പിലും 100 സിസി സിഎന്ജി മോട്ടോര്സൈക്കിളിലും പ്രവര്ത്തിക്കുന്നുണ്ട്. മാത്രമല്ല പുത്തന് പേരുകള് രജിസ്റ്റര് ചെയ്യുന്നതിനൊപ്പം ബോബര്, ക്രൂയിസര് ബൈക്കുകള്, അഡ്വഞ്ചര് മോട്ടോര് സൈക്കിള് തുടങ്ങിയ പുതിയ ബോഡി ഡിസൈനുകളില് പുത്തന് ഉല്പ്പന്നങ്ങളും ബജാജ് ഓട്ടോ നിര്മ്മിച്ചേക്കാം. കാരണം 125-200 സിസി ശ്രേണിയില് വിപണി വിഹിതം ഉയര്ത്താന് ബജാജ് ആഗ്രഹിക്കുന്നുണ്ട്.
അതിനാല് പുതിയ വാഹനങ്ങളില് ചിലത് ഈ റേഞ്ചില് വന്നേക്കും. ബജാജിന്റെ വരാന് പോകുന്ന ഉല്പ്പന്നങ്ങളില് 100 സിസി സിഎന്ജി മോട്ടോര്സൈക്കിളിലേക്കാണ് ഏവരും ഉറ്റുനോക്കുന്നത്. ബൈക്കിന്റെ സാങ്കേതികവിദ്യ എങ്ങനെ പ്രവര്ത്തിക്കുന്നുവെന്നറിയാനാണ് ഏവര്ക്കും ആകാംക്ഷ. സിഎന്ജി സാങ്കേതിക വിദ്യ ഉപയോഗിക്കുന്ന ഏറ്റവും വില കുറഞ്ഞ ബൈക്കുകളില് ഒന്നായിരിക്കും ഇത്.
ഇക്കഴിഞ്ഞ ജൂണില് ബജാജ് ഓട്ടോ ഇന്ത്യയില് സ്വിംഗര്, ജെനി എന്നീ പേരുകള് ട്രേഡ്മാര്ക്ക് ചെയ്തിരുന്നു. 2023 മെയ് മാസത്തിലാണ് ഈ പേരുകള് സര്ക്കാറിന്റെ പേറ്റന്റ് ഡിസൈനിലും ട്രേഡ്മാര്ക്ക് വെബ്സൈറ്റിലും രജിസ്റ്റര് ചെയ്തത്. എന്നാല് ഇവ ഏത് ബോഡിശൈലിയിലുള്ള വാഹനങ്ങളാണെന്ന് വ്യക്തമല്ല. എന്നാല് സ്വിംഗര്, ജെനി പേരുകള് പൂനെ ആസ്ഥാനമായി പ്രവര്ത്തിക്കുന്ന കമ്പനിയില് നിന്ന് വരുന്ന പുതിയ ഇലക്ട്രിക് വാഹനങ്ങള്ക്ക് വേണ്ടിയുള്ളതായിരിക്കുമെന്ന് റിപ്പോര്ട്ടുകളുണ്ട്.
ബജാജ് സ്വിംഗര്, ജെനി തുടങ്ങിയ പേരുകള് സമീപഭാവിയില് ചേതക്കിനൊപ്പം തങ്ങളുടെ ഇലക്ട്രിക് ടൂവീലര് പോര്ട്ഫോളിയോയില് എത്തുന്ന പുതിയ ഇലക്ട്രിക് സ്കൂട്ടറുകള്ക്ക് ഉപയോഗിക്കുമെന്നാണ് സൂചന. ബജാജ് ഭാവിയില് പുറത്തിറക്കാന് പോകുന്ന ഇലക്ട്രിക് ത്രീ-വീലറിന് പേര് നല്കിയേക്കുമെന്നും അഭ്യൂഹങ്ങളുണ്ട്. ഈ പുതിയ ഇലക്ട്രിക് ത്രീവീലര് സമീപകാലത്ത് പരീക്ഷണം നടത്തുന്നത് ശ്രദ്ധയില് പെട്ടിരുന്നു.
ട്രേഡ്മാര്ക്ക് രജിസ്റ്റര് ചെയ്തുവെന്ന് കരുതി അവ ഉല്പ്പന്നങ്ങള്ക്ക് നല്കുമെന്ന് യാതൊരു ഗ്യാരണ്ടിയും പറയാനാകില്ല. അത് കമ്പനിയുടെ തീരുമാനമാണ്. മുകളില് സൂചിപ്പിച്ച പോലെ ഓറ, ഹമര്, റേസര് തുടങ്ങിയ പേരുകള് ബജാജ് മുമ്പ് ട്രേഡ്മാര്ക്ക് ചെയ്തിരുന്നുവെങ്കിലും അത് ടൂവീലറുകള്ക്കോ ത്രീവീലറുകള്ക്കോ ഇതുവരെ നല്കിയിട്ടില്ല.അതിനാല് ഏറ്റവും പുതുതായി വരാന് പോകുന്ന മോഡലുകള്ക്ക് നിലവിലുള്ള പേരുകള് ഉപയോഗിക്കുമെന്നോ പുതിയവ നല്കുമെന്നോ ഉള്ള കാര്യത്തില് ഉറപ്പില്ല.
ബജാജ് ഇപ്പോള് ബ്രിട്ടീഷ് മോട്ടോര്സൈക്കിള് ബ്രാന്ഡായ ട്രയംഫുമായി കൈകോര്ത്ത് രണ്ട് മോഡലുകള് ഇന്ത്യന് വിപണിയില് എത്തിക്കുന്നുണ്ട്. ജൂലൈ അഞ്ചിനാണ് ബജാജ്-ട്രയംഫ് സഖ്യം സ്പീഡ് 400, സ്ക്രാംബ്ലര് 400X മോട്ടോര്സൈക്കിളുകള് രാജ്യത്ത് അവതരിപ്പിച്ചത്. ഇവ മികച്ച അഭിപ്രായം നേടിയിരുന്നു. വിപണി വിഹിതം ഇനിയും ഉയര്ത്താനായിട്ടാണ് കമ്പനി പള്സര് റേഞ്ച് ഇനിയും വലുതാക്കുന്നത്.
Continue with Google