Activa-യ്ക്ക് ഹൈബ്രിഡ് പതിപ്പ് സമ്മാനിക്കാനൊരുങ്ങി Honda; ടീസര്‍ പുറത്ത്

ബ്രാന്‍ഡിന്റെ വില്‍പ്പനയില്‍ പ്രധാന പങ്ക് വഹിക്കുന്ന ആക്ടിവയെ പല അവസരങ്ങളിലായി കമ്പനി നവീകരിക്കുകയും ചെയ്യുന്നു. ഇപ്പോഴിതാ ഹോണ്ട സോഷ്യല്‍ മീഡിയയില്‍ ഒരു പുതിയ ടീസര്‍ ഇറക്കിയിരിക്കുകയാണ്. ഇതനുസരിച്ച്, 2023 ജനുവരി 23-ന് ഒരു പുതിയ സാങ്കേതികവിദ്യ അവതരിപ്പിക്കാന്‍ ഹോണ്ട ഒരുങ്ങുകയാണ്. H-സ്മാര്‍ട്ട് എന്നതുപോലുള്ള വാക്കുകള്‍ ടീസറില്‍ ശ്രദ്ധ പിടിച്ചുപറ്റുന്നു.

വര്‍ഷങ്ങളായി, ഹോണ്ട അവരുടെ സ്‌കൂട്ടറുകളിലും മോട്ടോര്‍ സൈക്കിളുകളിലും HET സ്റ്റിക്കറുകള്‍ പതിച്ചിരുന്നു. ഹോണ്ട ഇക്കോ ടെക്‌നോളജി എന്നാണ് ഇതിന്റെ ചുരുക്കപ്പേരില്‍ അറിയപ്പെടുന്നത്. ബിഎസ് IV കാലഘട്ടത്തില്‍ ഹോണ്ട ഫാക്ടറിയില്‍ നിന്ന് പുറത്തുവന്ന മിക്കവാറും എല്ലാ ടൂ-വിലറുകളിലും ഈ സ്റ്റിക്കര്‍ ഉണ്ടായിരുന്നു. ഇപ്പോള്‍, അത് eSP ആണ്. ഘര്‍ഷണം കുറയ്ക്കുന്നതിനും ജ്വലനം മെച്ചപ്പെടുത്തുന്നതിനുമുള്ള ആഗോളതലത്തില്‍ തന്നെ അംഗീകരിക്കപ്പെട്ട സാങ്കേതികവിദ്യയാണ് eSP-യെന്ന് ഹോണ്ട പറയുന്നു.

ബിഎസ് VI-ന് ശേഷമുള്ള മിക്കവാറും എല്ലാ ഹോണ്ട ട്രാന്‍സിഷനിലും ഈ eSP സ്റ്റിക്കര്‍ പതിച്ചിരിക്കുന്നു. സോഷ്യല്‍ മീഡിയയിലെ ഹോണ്ടയുടെ പുതിയ ടീസറിനെ അടിസ്ഥാനമാക്കി, കമ്പനി പ്രവര്‍ത്തിക്കുന്ന ഒരു പുതിയ സാങ്കേതികവിദ്യ ഉണ്ടെന്ന് തോന്നുന്നുവെന്ന് വേണം പറയാന്‍.

ഈ ടീസര്‍ മനുഷ്യനും യന്ത്രവും തമ്മിലുള്ള ക്യുറേറ്റഡ് യോജിപ്പിനെ വ്യക്തമായി സൂചിപ്പിക്കുന്നു. കാര്യക്ഷമത മെച്ചപ്പെടുത്തുന്നതിനും കാര്‍ബണ്‍ കാല്‍പ്പാടുകള്‍ കുറയ്ക്കുന്നതിനും ഉടമകള്‍ക്ക് പ്രവര്‍ത്തനച്ചെലവ് കുറയ്ക്കുന്നതിനും ലക്ഷ്യമിട്ടുള്ള ഒരു പുതിയ തരം ഹൈബ്രിഡ് സിസ്റ്റം ഹോണ്ട വികസിപ്പിച്ചുകൊണ്ടിരിക്കുകയാണെന്ന് പേര് സൂചിപ്പിക്കുന്നു.

മുകളില്‍ നല്‍കിയിരിക്കുന്ന ടീസര്‍ ചിത്രം, ഹോണ്ട ഒരു പുതിയ സ്മാര്‍ട്ട്-ഹൈബ്രിഡ് സിസ്റ്റം വികസിപ്പിക്കുകയാണെന്ന് ഊഹിക്കാം, അത് ഒരു പ്രത്യേക ബാറ്ററിയുള്ളതും ഒരു ഇവിയില്‍ കാണുന്നതുപോലെ റീജനറേറ്റീവ് ടെക്‌നോളജി ഉപയോഗിച്ച് റീചാര്‍ജ് ചെയ്യപ്പെടുന്നതുമാണ്. ഉപയോക്തൃ റൈഡിംഗ് പാറ്റേണുകള്‍ നിരീക്ഷിക്കാനും റെക്കോര്‍ഡ് ചെയ്യാനും റീജനറേഷന്‍ വഴി ബാറ്ററികള്‍ റീചാര്‍ജ് ചെയ്യുന്നതിനുള്ള ഏറ്റവും മികച്ച രീതികള്‍ വിന്യസിക്കാനും ഹോണ്ട സെല്‍ഫ്-പഠന AI അല്‍ഗോരിതങ്ങള്‍ ഉപയോഗിക്കുന്നുണ്ടെന്ന് ഒരു മെഷീന്റെ കൈയും AI വാക്കുകളും സൂചിപ്പിക്കുന്നു.

സ്റ്റോപ്പ്/സ്റ്റാര്‍ട്ട് ഫീച്ചര്‍ വരാനിരിക്കുന്ന H-സ്മാര്‍ട്ട് സാങ്കേതികവിദ്യയുടെ ഭാഗമാകാം. ആക്ടിവ അവരുടെ ഏറ്റവും കൂടുതല്‍ വിറ്റഴിക്കപ്പെടുന്ന സ്‌കൂട്ടറാണ്, ഇത് 2023 ജനുവരി 23-ന് ഹോണ്ട ആക്ടിവ ഹൈബ്രിഡിന്റെ ലോഞ്ച് ആകാമെന്ന സൂചനയും നല്‍കുന്നു. യമഹ ഫസിനോ, റേ ZR എന്നിവയില്‍ സമാനമായ ചിലത് കാണപ്പെടുന്നു. ഇവയില്‍ 60 കിലോമീറ്റര്‍ ഇന്ധനക്ഷമത യമഹ അവകാശപ്പെടുന്നു. ഈ പുതിയ സാങ്കേതികവിദ്യയുള്ള എല്ലാ ഹോണ്ട മോട്ടോര്‍സൈക്കിളുകളിലും H-സ്മാര്‍ട്ട് ബ്രാന്‍ഡിംഗ് ലഭിക്കും.

ഹൈ-വോള്‍ട്ടേജ് സ്‌ട്രോംഗ് ഹൈബ്രിഡ് ആര്‍ക്കിടെക്ചറും ഹോണ്ട പ്രദര്‍ശിപ്പിക്കാനുള്ള സാധ്യതയുണ്ട്. ഏകദേശം 0.5 kWh ബാറ്ററിയും ഒരു സ്റ്റാര്‍ട്ടര്‍ മോട്ടോര്‍/ജനറേറ്ററും ഉള്ളതിനാല്‍, ഏകദേശം 40 km/h വേഗതയില്‍ ഏകദേശം 10 മുതല്‍ 15 കിലോമീറ്റര്‍ വരെ പ്യുവര്‍ ഇലക്ട്രിക് റേഞ്ച് ഹോണ്ടയ്ക്ക് വാഗ്ദാനം ചെയ്യാന്‍ കഴിയും. ദൈര്‍ഘ്യമേറിയ യാത്രകള്‍ക്കായി, ICE എപ്പോഴും ഉപയോക്താവിന്റെ പക്കലുണ്ട്. ഇത് ഒരു ഹാലോ ടെക് ആയിരിക്കും, അത് ഒരുപക്ഷേ ബജറ്റ് വാഹനങ്ങളില്‍ എത്തില്ല.

അത് എന്തുതന്നെയായാലും, ഇന്ധനക്ഷമത കണക്കുകള്‍ വര്‍ധിപ്പിക്കുന്നതിനായി ബജറ്റ് യാത്രക്കാര്‍ക്കും സ്‌കൂട്ടര്‍ ലൈനപ്പുകള്‍ക്കും ഒപ്പം ഓഫര്‍ ചെയ്യാന്‍ സാധ്യതയുണ്ട്. ഈ പുതിയ സാങ്കേതികവിദ്യയ്ക്കൊപ്പം വിലക്കയറ്റവും ഉണ്ടാകുമെന്നും പ്രതീക്ഷിക്കാം. ഇവികള്‍ അവതരിപ്പിക്കുന്നതിന് മുമ്പ്, അവരുടെ ടൂ-വീലര്‍ ലൈനപ്പിലേക്ക് ഹൈബ്രിഡ് സാങ്കേതികവിദ്യ കൊണ്ടുവരാന്‍ ഹോണ്ട താല്‍പ്പര്യപ്പെടുന്നതായും റിപ്പോര്‍്ട്ടുകളുണ്ട്. ടീസര്‍ സംബന്ധിച്ച കൂടുതല്‍ വിവരങ്ങള്‍ അധികം വൈകാതെ കമ്പനി വെളിപ്പെടുത്തുമെന്ന് വേണം പ്രതീക്ഷിക്കാന്‍.