പുതിയ നിറങ്ങളും വലിയ സീറ്റും; Ather 450X ഇലക്ട്രിക് സ്‌കൂട്ടറിന്റെ സുപ്രധാന വിവരങ്ങള്‍ ചോര്‍ന്നു

പ്രീമിയം ഇലക്ട്രിക് സ്‌കൂട്ടര്‍ വാങ്ങാന്‍ ഉദ്ദേശിക്കുന്നവരുടെ ആദ്യ ചോയ്‌സായിരുന്നു മുമ്പ് ഏഥര്‍ എനര്‍ജി. എന്നാല്‍ ഓല ഇലക്ട്രിക് വന്ന് ആ സ്ഥാനം ഒരു പരിധിവരെ അപഹരിച്ചിട്ടുണ്ട്. ടിവിഎസ്, ചേതക്, വരാനിരിക്കുന്ന സിമ്പിള്‍ എനര്‍ജി എന്നിവയും ഏഥറിന് വലിയ വെല്ലുവിളിയാണ്.

മാര്‍ക്കറ്റില്‍ പ്രസക്തരായി നിലനില്‍ക്കുന്നതിന്, പുതിയ ഫീച്ചറുകള്‍, വലിയ ബാറ്ററി മുതലായവ ഉപയോഗിച്ച് തങ്ങളുടെ ഇലക്ട്രിക് സ്‌കൂട്ടറുകള്‍ അപ്ഡേറ്റ് ചെയ്യുകയാണ് ഏഥര്‍ ഇപ്പോള്‍. അവര്‍ വീണ്ടും ഒരു അപ്ഡേറ്റ് അവതരിപ്പിക്കാന്‍ തയ്യാറെടുക്കുകയാണ ഏഥര്‍.

പുതിയ കളര്‍ ഓപ്ഷന്‍സ്

ജനുവരി 7-ന് അവര്‍ ഒരു കമ്മ്യൂണിറ്റി ഡേ സംഘടിപ്പിച്ചതായി ഈ ആഴ്ചയുടെ തുടക്കത്തില്‍ ഏഥര്‍ പ്രഖ്യാപിച്ചിരുന്നു. തങ്ങളുടെ ഉപഭോക്താക്കളെയും ആരാധകരെയും കാണുന്നതിന് പുറമെ, വരാനിരിക്കുന്ന ഇലക്ട്രിക് മോട്ടോര്‍സൈക്കിളുകള്‍, സ്‌കൂട്ടറുകള്‍ മുതലായവയെ കുറിച്ചുള്ള അവരുടെ ഭാവി പ്ലാനുകളും ഏഥര്‍ വെളിപ്പെടുത്തുമെന്ന് പ്രതീക്ഷിക്കുന്നു. കൂടാതെ, നിലവിലുള്ള 450x ഇലക്ട്രിക് സ്‌കൂട്ടറുകള്‍ക്കായി അവര്‍ പുതിയ നിറങ്ങള്‍ അവതരിപ്പിക്കും.

എന്നാല്‍ ഇപ്പോള്‍ ഏഥര്‍ 450x ഇലക്ട്രിക് സ്‌കൂട്ടറിന്റെ പുതിയ കളര്‍ ഓപ്ഷനുകളെ കുറിച്ചുള്ള വിശദാംശങ്ങള്‍ ഇപ്പോള്‍ ചോര്‍ന്നു. അവ കോസ്മിക് ബ്ലാക്ക്, ലൂണാര്‍ ഗ്രേ, സാള്‍ട്ട് ഗ്രീന്‍, ഒപ്പം ഒരു റെഡ് ഷേഡുമാണ്. 450X-ല്‍ വാഗ്ദാനം ചെയ്യുന്ന വൈറ്റ്, സ്‌പേസ് ഗ്രേ, മിന്റ് ഗ്രീന്‍ എന്നിവയില്‍ നിന്ന് വ്യത്യസ്തമാണ് ഇവ.

എഞ്ചിന്‍ സ്‌പെസിഫിക്കേഷനുകള്‍ പഴയതുപോലെ തന്നെ തുടരുന്നു. ഏഥര്‍ 450X ജെന്‍ 3-ന് 3.66 kWh ബാറ്ററി പായ്ക്ക് ലഭിക്കുന്നു, ഇത് ഏഥര്‍ 450X ജെന്‍ 2-ന്റെ 2.23 kWh ബാറ്ററി പാക്കിനെക്കാള്‍ 1.33 kWh വലുതാണ്. 450X ജെന്‍ 2 നേക്കാള്‍ 1 kW കൂടുതല്‍ പീക്ക് പവര്‍ നല്‍കുന്ന 3-ഫേസ് പെര്‍മനന്റ് മാഗ്‌നറ്റ് സിന്‍ക്രണസ് മോട്ടോറും ജെന്‍ 3-ന് ലഭിക്കുന്നു.

വലിയ സീറ്റ്

പുതിയ നിറങ്ങള്‍ കൂടാതെ, ചോര്‍ന്ന ചിത്രങ്ങളില്‍ ഏഥര്‍ ഇലക്ട്രിക് സ്‌കൂട്ടറിന്റെ സീറ്റും പരിഷ്‌കരിച്ചതായി കാണാം. ഏഥര്‍ ഇലക്ട്രിക് സ്‌കൂട്ടര്‍ സീറ്റിന്റെ നീളവും വീതിയും കൂട്ടിയതിനൊപ്പം മികച്ച രൂപകല്‍പ്പനയും നല്‍കിയതായി ചിത്രങ്ങള്‍ സൂചിപ്പിക്കുന്നു. റൈഡര്‍ക്കും പിന്‍സീറ്റ് യാത്രക്കാരനും മെച്ചപ്പെട്ട സുഖസൗകര്യങ്ങള്‍ നല്‍കാന്‍ രൂപകല്‍പ്പന ചെയ്തിരിക്കുന്നു.

ഈ വര്‍ഷാവസാനം, കമ്പനി ലൈനപ്പില്‍ 450x, 450 പ്ലസ് എന്നിവയ്ക്ക് താഴെയുള്ള കൂടുതല്‍ താങ്ങാനാവുന്ന ഒരു ഇലക്ട്രിക് സ്‌കൂട്ടര്‍ ഏഥര്‍ പുറത്തിറക്കുമെന്നാണ് ഞങ്ങള്‍ പ്രതീക്ഷിക്കുന്നത്. 80,000 രൂപ മുതല്‍ വിലയുള്ള ഒരു ഇലക്ട്രിക് സ്‌കൂട്ടറായിരിക്കും ഒരുപക്ഷേ ഇത്. ഓലയുടെ ഏറ്റവും താങ്ങാനാവുന്ന ഓഫറായ ഓല S1 എയറിനെ എതിരിടാനാകും ഇത്. വരാനിരിക്കുന്ന ഈ ബജറ്റ് ഇലക്ട്രിക് സ്‌കൂട്ടറിനൊപ്പം, ചെറിയ ബാറ്ററി, കാസ്റ്റ് അയേണ്‍ അല്ലെങ്കില്‍ സ്റ്റീല്‍ സ്പേസ് ഫ്രെയിം ഷാസി, കുറഞ്ഞ റേഞ്ച്, കുറഞ്ഞ പെര്‍ഫോമന്‍സ്, 450 പ്ലസിനേക്കാള്‍ കുറഞ്ഞ ഫീച്ചറുകള്‍ എന്നിവ ഏഥര്‍ വാഗ്ദാനം ചെയ്‌തേക്കാം.

ഓലS1 എയറിന്റെ വിലനിര്‍ണ്ണയ തന്ത്രവുമായി പൊരുത്തപ്പെടാനുള്ള ശ്രമവും ഉണ്ടാകും. ഓല S1 എയര്‍ ലോഞ്ച് ചെയ്തപ്പോള്‍ വില 80000 രൂപയായിരുന്നു. എന്നാല്‍ ഇപ്പോള്‍ വില 85000 ആയി. വരും വര്‍ഷങ്ങളില്‍ സര്‍ക്കാര്‍ സബ്സിഡികള്‍ അവസാനിക്കാനിരിക്കെ ഇവികള്‍ കൂടുതല്‍ ജനകീയമാക്കാന്‍ ഇവി നിര്‍മ്മാതാക്കള്‍ വില കുറഞ്ഞ താങ്ങാനാകുന്ന വാഹനങ്ങള്‍ നിര്‍മ്മിക്കന്‍ തുടങ്ങേണ്ടതുണ്ട്. കൂടുതല്‍ വിശദാംശങ്ങള്‍ ഏഥര്‍ ശനിയാഴ്ച നടക്കുന്ന ഏഥറിന്റെ കമ്മ്യൂണിറ്റി ഡേയില്‍ വെളിപ്പെടുത്തും.

2022 ഡിസംബറിലെ ഇലക്ട്രിക് സ്‌കൂട്ടര്‍ വില്‍പ്പന 9,187 യൂണിറ്റാണെന്ന് ഏഥര്‍ എനര്‍ജി റിപ്പോര്‍ട്ട് ചെയ്തു. മുന്‍ വര്‍ഷവുമായി താരതമ്യം ചെയ്യുമ്പോള്‍ അതിശയകരമായ വളര്‍ച്ചയാണ്. 1,878 യൂണിറ്റില്‍ നിന്നാണ് ഇപ്പോള്‍ പ്രതിമാസം 10000 യൂണിറ്റിനടുത്ത് വില്‍പ്പന നടത്തുന്നത്. വോളിയം വളര്‍ച്ച 7,309 യൂണിറ്റായി. മുന്‍ മാസവുമായി തട്ടിച്ച് നോക്കുമ്പോള്‍ വില്‍പ്പന 7,234 യൂണിറ്റില്‍ നിന്ന് 27 ശതമാനം മെച്ചപ്പെട്ടു. വോളിയം നേട്ടം 1,953 യൂണിറ്റായി.

Source: Rushlane