മിഡില്‍വെയ്റ്റ് സെഗ്‌മെന്റിലേക്ക് ബെനലിയുടെ ചുണക്കുട്ടന്‍ വരുന്നു; 752S ഓട്ടോ എക്‌സ്‌പോയില്‍ പ്രദര്‍ശിപ്പിച്ചു

ഉത്തര്‍പ്രദേശിലെ ഗ്രേറ്റര്‍ നോയിഡയില്‍ നടന്ന് കൊണ്ടിരിക്കുന്ന ഓട്ടോ എക്‌സ്‌പോയില്‍ സാന്നിധ്യം അറിയിക്കുന്ന പ്രമുഖ ഇരുചക്ര വാഹന ബ്രാന്‍ഡാണ് ബെനലി. മേളയുടെ രണ്ടാം ദിനമായ ബുധനാഴ്ച പുതിയ ബെനലി 752S മോട്ടോര്‍സൈക്കിള്‍ ഇന്ത്യന്‍ മാര്‍ക്കറ്റിന് പരിചയപ്പെടുത്തി.

2023 ഓട്ടോ എക്സ്പോയില്‍ പ്രദര്‍ശിപ്പിക്കുന്ന ലിയോണ്‍സിനോ 800-ന് കരുത്തേകുന്ന 754 സിസി പാരലല്‍-ട്വിന്‍ എഞ്ചിനാണ് ഈ സ്പോര്‍ട് നേക്കഡ് മോട്ടോര്‍സൈക്കിൡും തുടിപ്പേകുന്നത്. ആധുനികവും ആകര്‍ഷകവുമായ ഒരു ഡിസൈന്‍ ബെനെല്ലി 752S-ന് ബെനലി നല്‍കിയിരിക്കുന്നു. സ്പ്ലിറ്റ് യൂനിറ്റ് എല്‍ഇഡി ഹെഡ്‌ലൈറ്റ് എക്സ്പോസ്ഡ് ഫ്രെയിമോടുകൂടിയ നേക്കഡ് ബൈക്കിനെ ആകര്‍ഷകമാക്കുന്നു. ചെറിയ മെഗാഫോണ്‍ എക്‌സ്‌ഹോസ്റ്റാണ് ബെനെലി 752S-ന്റെ മറ്റൊരു ഹൈലൈറ്റ്. എല്ലാ ഇന്‍സ്ട്രുമെന്റേഷന്‍ ആവശ്യകതകള്‍ക്കും 752S-ല്‍ ഒരു ഫുള്‍ കളര്‍ TFT ഡിസ്‌പ്ലേ ഉണ്ട്.

റൈഡര്‍ക്ക് സുഖപ്രദവും രസകരവുമായ യാത്ര വാഗ്ദാനം ചെയ്യുന്ന ഹൈ-സ്‌പെക് സസ്‌പെന്‍ഷനും ടയറുകളും ഈ മോട്ടോര്‍സൈക്കിളിന് ലഭിക്കുന്നു. 754 സിസി, വാട്ടര്‍-കൂള്‍ഡ്, പാരലല്‍-ട്വിന്‍ DOHC എഞ്ചിനാണ് ബെനെല്ലി 752S-ന് കരുത്ത് പകരുന്നത്. അത് 8,500 rpm-ല്‍ 75 bhp പവറും 6,500 rpm-ല്‍ 67 Nm പീക്ക് ടോര്‍ക്കും ഉത്പാദിപ്പിക്കുന്നു. ഈ പാരലല്‍-ട്വിന്‍ എഞ്ചിന്‍ 6-സ്പീഡ് ഗിയര്‍ബോക്‌സുമായി ജോടിയാക്കിയിരിക്കുന്നു. ബെനെല്ലി 752S-ന്റെ അളവുകള്‍ നോക്കിയാല്‍ ഇതിന് 2,130 എംഎം നീളവും 810 എംഎം വീതിയും 1,100 എംഎം ഉയരവുമുണ്ട്.

1,460 എംഎം ആണ് 752S-ന്റെ വീല്‍ബേസ്. ഒപ്പം തന്നെ 180 എംഎം ഗ്രൗണ്ട് ക്ലിയറന്‍സും ലഭിക്കുന്നു. 226 കിലോഗ്രാം ആണ് ബെനെല്ലി 752S-ന്റെ ഭാരം. ഇതിന് 14.5 ലിറ്റര്‍ ഇന്ധന ടാങ്ക് ശേഷിയുമുണ്ട്. സ്പോര്‍ട്സ് നേക്കഡ് 752S-ന് 810 എംഎം സീറ്റ് ഉയരമുണ്ട്. ബെനെല്ലി 752S-ന് 50 എംഎം അപ്‌സൈഡ് ഡൗണ്‍ മര്‍സോച്ചി ഫ്രണ്ട് ഫോര്‍ക്കുകളുള്ള ട്രെസ്റ്റില്‍ സ്റ്റീല്‍ ട്യൂബ് ഫ്രെയിം ലഭിക്കുന്നു.

പിന്നില്‍ അഡ്ജസ്റ്റബിള്‍ പ്രീലോഡ് കെവൈബി മോണോഷോക്കും സ്വിംഗാര്‍മും ഉണ്ട്. ബെനെല്ലി 752S സ്പോര്‍ട്സിന് ഇരട്ട ഡിസ്‌ക് ബ്രേക്കുകള്‍ ലഭിക്കുന്നു. 4 പിസ്റ്റണ്‍ കാലിപ്പറുകളുള്ള 320 എംഎം ഡിസ്‌കുകളാണ് മുന്‍വശത്ത്. പിന്നില്‍ സിംഗിള്‍ പിസ്റ്റണ്‍ കാലിപ്പര്‍ ഉപയോഗിച്ച് ഘടിപ്പിച്ച ഒരു സിംഗിള്‍ 260 എംഎം ഡിസ്‌ക്കും സജ്ജീകരിച്ചിരിക്കുന്നു. ഡ്യുവല്‍-ചാനല്‍ എബിഎസ് ബ്രേക്കുകളെ പിന്തുണക്കുന്നു. മുന്‍വശത്ത് 120/70 ടയറുകളും പിന്‍വശത്ത് 180/55 ടയറുകളുമാണ് നല്‍കിയിരിക്കുന്നത്.

17 ഇഞ്ച് അലുമിനിയം അലോയ് വീലുകളിലാണ് ബെനെല്ലി 752S റൈഡ് ചെയ്യുന്നത്. 2023 ഓട്ടോ എക്സ്പോയില്‍ പ്രദര്‍ശിപ്പിച്ച ഇറ്റാലിയന്‍ ബ്രാന്‍ഡില്‍ നിന്നുള്ള മറ്റൊരു നേക്കഡ് മിഡില്‍വെയ്റ്റ് ബൈക്കായ ബെനെലി 752S സമീപഭാവിയില്‍ ഇന്ത്യന്‍ വിപണിയിലേക്കെത്തും. ബെനലി 752S-നൊപ്പം ബെനലി ലിയോണ്‍സിനോ 800 മോട്ടോര്‍സൈക്കിളും ഓട്ടോ എക്‌സ്‌പോയില്‍ പ്രദര്‍ശിപ്പിച്ചു. ലിയോണ്‍സിനോ 500 മോട്ടോര്‍സൈക്കിള്‍ ഇതിനോടകം ബെനലി വിപണിയില്‍ എത്തിക്കുന്നുണ്ട്. മസ്‌കുലര്‍ ഡിസൈന്‍ ഫീച്ചര്‍ ചെയ്യുന്ന ലിയോണ്‍സിനോ 800 ഒരു മിഡില്‍ വെയ്റ്റ് സ്‌പോര്‍ട്‌സ് ബൈക്കാണ്.

754 സിസി ട്വിന്‍ സിലിണ്ടര്‍ വാട്ടര്‍ കൂള്‍ഡ് എഞ്ചിനാണ് ബെനലി ലിയോണ്‍സിനോ 800-ന് കരുത്തേകുന്നത്. ഈ എഞ്ചിന്‍ 8,500 rpm-ല്‍ 75 bhp പവറും 6,500 rpm-ല്‍ 67 Nm പീക്ക് ടോര്‍ക്കും ഉല്‍പ്പാദിപ്പിക്കുന്നു. 6-സ്പീഡ് ഗിയര്‍ബോക്സുമായാണ് എഞ്ചിന്‍ ജോടിയാക്കിയിരിക്കുന്നത്. മസ്‌കുലര്‍ ഡിസൈനും ശക്തമായ പാരലല്‍ ട്വിന്‍ എഞ്ചിനും ഉള്ള നേക്കഡ് സ്‌പോര്‍ട്‌സ് ബൈക്ക് ഇന്ത്യന്‍ വിപണിയില്‍ ക്ലിക്കാകാനുള്ള സാധ്യത കണ്ടാണ് ബെനലി ഓട്ടോ എക്‌സ്‌പോയില്‍ പ്രദര്‍ശിപ്പിച്ചത്. 2018-ല്‍ മിലാനില്‍ നടന്ന EICMA ഷോയില്‍ ബെനലി ലിയോണ്‍സിനോ 800 പ്രദര്‍ശിപ്പിച്ചിരുന്നു.