RE Hunter-നെ വേട്ടയാടാന്‍ അവന്‍ വരുന്നു; പുതിയ CL300 അവതരിപ്പിച്ച് Honda

കഴിഞ്ഞ വര്‍ഷം നടന്ന EICMA-യില്‍ ഹോണ്ട CL500 സ്‌ക്രാംബ്ലര്‍ പ്രദര്‍ശിപ്പിച്ചിരുന്നു. ഇപ്പോള്‍ അതിന്റെ ഒരു ചെറിയ സഹോദരനെ അവതരിപ്പിച്ചിരിക്കുകയാണ് ഹോണ്ട. ഒരു ചൈന എക്‌സ്‌ക്ലൂസീവ് മോട്ടോര്‍സൈക്കിളായാണ് CL300 ആഗോളതലത്തില്‍ അരങ്ങേറ്റം കുറിച്ചത്. പുതിയ ഹോണ്ട 300 സിസി സ്‌ക്രാംബ്ലര്‍ ഈ വര്‍ഷം അവസാനം ചൈനയില്‍ ലോഞ്ച് ചെയ്യും.

സുന്‍ഡിറോ ഹോണ്ടയായിരിക്കും ഇത് നിര്‍മ്മിക്കുക. സമീപഭാവിയില്‍, ഇന്ത്യ ഉള്‍പ്പെടെയുള്ള മറ്റ് അന്താരാഷ്ട്ര വിപണികളിലും ഹോണ്ട CL300 അവതരിപ്പിക്കാന്‍ കഴിയും. ഇന്ത്യയില്‍ ലോഞ്ച് ചെയ്യുമ്പോള്‍, ഇത് റോയല്‍ എന്‍ഫീല്‍ഡ് ഹണ്ടര്‍ 350, യെസ്ഡി സ്‌ക്രാമ്പ്ളര്‍ തുടങ്ങിയ മോഡലുകള്‍ക്കെതിരെയാണ് മത്സരിക്കുക. തായ്ലന്‍ഡ്, ന്യൂസിലാന്‍ഡ്, ഓസ്ട്രേലിയ തുടങ്ങിയ മറ്റ് രാജ്യങ്ങളില്‍ ഹോണ്ട ഇതിനകം തന്നെ CL300 ട്രേഡ് മാര്‍ക്ക് ചെയ്തിട്ടുണ്ട്. പിന്നാലെ യൂറോപ്യന്‍ വിപണികളിലേക്കും ഈ ബൈക്ക് എത്തിക്കും.

മോട്ടോര്‍സൈക്കിന്റെ ഡിസൈന്‍ വശങ്ങള്‍ പരിശോധിച്ചാല്‍, വൃത്താകൃതിയിലുള്ള ഹെഡ്ലാമ്പുകളും റിയര്‍ വ്യൂ മിററുകളും സഹിതം ബെയര്‍ ബോണ്‍ ഡിസൈനാണ് ഹോണ്ട CL300 ന് നല്‍കിയിരിക്കുന്നത്. ഓള്‍-എല്‍ഇഡി സജ്ജീകരണം, ഫോര്‍ക്ക് ഗെയ്റ്ററുകള്‍, വൃത്താകൃതിയിലുള്ള ഫുള്‍ ഡിജിറ്റല്‍ ഇന്‍സ്ട്രുമെന്റ് പോഡ്, ഗ്രിപ്പ് പാഡുകളോട് കൂടിയ ഫ്യൂവല്‍ ടാങ്ക്, ക്വില്‍റ്റഡ് പാറ്റേണിലുള്ള ഫ്‌ലാറ്റ് സീറ്റ് എന്നിവയാണ് മറ്റ് പ്രധാന ഹൈലൈറ്റുകള്‍. മെറ്റാലിക് ഫിനിഷില്‍ ഹീറ്റ് ഷീല്‍ഡ് കവറുള്ള ഹൈ മൗണ്ടഡ് എക്സ്ഹോസ്റ്റാണ് ഏറ്റവും വ്യതിരിക്തമായ സവിശേഷത.

സെന്‍ട്രലി സ്ഥാപിച്ചിരിക്കുന്ന ഫുട്പെഗുകളും പുള്‍ഡ് ബാക്ക് ഹാന്‍ഡില്‍ബാറും ഉപയോഗിച്ച് റൈഡിംഗ് സ്റ്റാന്‍സ് തികച്ചും സുഖകരമാണ്. ബൈക്കിന്റെ ഡിസൈന്‍ റൈഡിംഗ് സ്റ്റാന്‍ഡിംഗ്-അപ്പ് പിന്തുണയ്ക്കുന്നു. ഈ ബൈക്കിന്റെ സീറ്റ് ഹൈറ്റ് 790 എംഎം ആണ്. സീറ്റ് ഹൈറ്റ് കുറവായതിനാല്‍ തന്നെ ഉയരം കുറഞ്ഞ യാത്രക്കാര്‍ക്ക് പോലും ഈ ബൈക്ക് എളുപ്പം ഹാന്‍ഡില്‍ ചെയ്യാം. 165 മില്ലിമീറ്റര്‍ ഗ്രൗണ്ട് ക്ലിയറന്‍സുള്ളതിനാല്‍ മൈല്‍ഡ് ഓഫ്-റോഡുകള്‍ കൈകാര്യം ചെയ്യുന്നത് രസകരമായിരിക്കും.

ലൈറ്റ്‌വെയിറ്റ് ബോഡിയാണ് മറ്റൊരു പ്രയോജനകരമായ ഘടകം. 172 കിലോഗ്രാം ആണ് ഭാരം. ഇത് ഹോണ്ട റെബല്‍ 300-നേക്കാള്‍ 19 കിലോ കുറവാണ്.സ്റ്റാന്‍ഡേര്‍ഡ്, പ്രീമിയം എന്നിങ്ങനെ രണ്ട് വേരിയന്റുകളില്‍ CL300 വാഗ്ദാനം ചെയ്യുന്നു. രണ്ടാമത്തേതിന് ചില അധിക സവിശേഷതകള്‍ ലഭിക്കുന്നു. അത് അവരുടെ റൈഡുകള്‍ കൂടുതല്‍ മികവും ആറ്റിറ്റിയൂഡും വഹിക്കാന്‍ ആഗ്രഹിക്കുന്ന ആളുകളെ ആകര്‍ഷിക്കും. കോംപാക്റ്റ് ബോഡി-കളേര്‍ഡ് വിന്‍ഡ്സ്‌ക്രീന്‍, ഉയര്‍ത്തിയ ഫ്രണ്ട് ബീക്ക്, ബോഡി-നിറമുള്ള നക്കിള്‍ ഗാര്‍ഡുകള്‍, സൈഡ് മൗണ്ടഡ് ട്രാക്കര്‍ നമ്പര്‍ പ്ലേറ്റ്, ടാന്‍ ലെതര്‍ സീറ്റ് തുടങ്ങിയ സവിശേഷതകള്‍ ഹോണ്ട CL300 പ്രീമിയം വേരിയന്റിന് ലഭിക്കുന്നു.

ഹോണ്ട CL300-ന്റെ കളര്‍ ഓപ്ഷനുകളില്‍ ബ്ലാക്ക്, വൈറ്റ്്, ലൈറ്റ് ഗ്രേ എന്നിവ ഉള്‍പ്പെടുന്നു. സ്റ്റാന്‍ഡേര്‍ഡ് വേരിയന്റിന്റെ കാര്യത്തില്‍ അതാത് നിറം ഇന്ധന ടാങ്കില്‍ മാത്രം നല്‍കിയിരിക്കുന്നത് മാത്രമാണ് അടിസ്ഥാനപരമായ വ്യത്യാസം. ബാക്കിയുള്ള ബൈക്കിന് വലിയതോതില്‍ ബ്ലാക്ക്-ഔട്ട് പ്രൊഫൈലുണ്ട്. ഹെഡ്ലാമ്പ് കേസിംഗ്, ഫ്രണ്ട് സസ്‌പെന്‍ഷന്‍, എക്സ്ഹോസ്റ്റ് ഹീറ്റ് ഷീല്‍ഡ് എന്നിവയില്‍ ദൃശ്യമായ മെറ്റാലിക് ഫിനിഷ് കാണാം. റിബല്‍ 300-ല്‍ നിന്ന് 286 സിസി, സിംഗിള്‍ സിലിണ്ടര്‍ മോട്ടോര്‍ ഹോണ്ട CL 300 കടമെടുക്കുന്നു.

ഈ യൂണിറ്റ് ഹോണ്ട CB300R-ലും ഉപയോഗത്തിലുണ്ട്. എന്നിരുന്നാലും, CL 300ല്‍, പവര്‍ ഔട്ട്പുട്ട് 25.7 bhp ആണ്. CB300R നെ അപേക്ഷിച്ച് 5 bhp കുറവാണ്. 6-സ്പീഡ് ഗിയര്‍ബോക്സുമായി എഞ്ചിന്‍ ജോടിയാക്കിയിരിക്കുന്നു. CL300-ന്റെ പ്രധാന ചേസിസ് റിബലിന് സമാനമാണ്. എന്നാല്‍ ഇതിന് ഉയരമുള്ള മറ്റൊരു പിന്‍ സബ്‌ഫ്രെയിം ലഭിക്കുന്നു. CL300ന്റെ ഫ്‌ലാറ്റ് സിംഗിള്‍-പീസ് സീറ്റ് ഉള്‍ക്കൊള്ളാന്‍ ഈ മാറ്റം ആവശ്യമായിരുന്നു. ഹോണ്ട CL300-ല്‍ സസ്‌പെന്‍ഷന്‍ ചുമതലകള്‍ നിര്‍വഹിക്കുന്നത് മുന്‍വശത്ത് ടെലിസ്‌കോപ്പിക് ഫോര്‍ക്കുകളും പിന്നില്‍ ഒരു മോണോഷോക്ക് യൂണിറ്റുമാണ്.

ഇരുവശത്തും സിംഗിള്‍ ഡിസ്‌ക് ബ്രേക്കുകളാണ് ബൈക്കിനുള്ളത്. ഇത് ഡ്യുവല്‍-ചാനല്‍ എബിഎസുമായി സംയോജിപ്പിച്ചിരിക്കുന്നു. 16 ഇഞ്ച് വീലുകളുള്ള റെബലിനെ അപേക്ഷിച്ച്, ഹോണ്ട CL300-ന് 19 ഇഞ്ച് മുന്‍ ചക്രങ്ങളും 17 ഇഞ്ച് പിന്‍ ചക്രങ്ങളുമുണ്ട്. ഡ്യുവല്‍-പര്‍പ്പസ് ടയറുകള്‍ ഉപയോഗിച്ചാണ് ഇവ നിര്‍മ്മിച്ചിരിക്കുന്നത്. മെച്ചപ്പെടുത്തിയ ട്രാക്ഷനായി പിന്നില്‍ ഒരു ഫാറ്റര്‍ യൂണിറ്റ് ഉണ്ട്.