നൈസായിട്ട് ഒന്ന് വില കൂട്ടിയിട്ടുണ്ട് കേട്ടോ; റോയൽ എൻഫീൽഡിൻ്റെ ഒരു കാര്യമേ

റോയൽ എൻഫീൽഡിൻ്റെ ഏറ്റവും വലിയ പോരാളിയാണ് സൂപ്പർ മീറ്റിയോർ 650. 2022 -ആരാധകർ ഏറെ കാത്തിരുന്ന മോഡൽ വിപണിയിലെത്തിയത്. ഇപ്പോൾ റോയൽ എൻഫീൽഡ് വാഹനത്തിൻ്റെ വില കൂട്ടിയിരിക്കുകയാണ്. മുൻപ് 3,48900 ആയിരുന്ന വാഹനത്തിൻ്റെ വില ഇപ്പോൾ 3,54,398 രൂപയായി. സ്റ്റാൻഡേർഡ് വേരിയന്റ് ആസ്ട്രൽ (ബ്ലാക്ക്, ബ്ലൂ, ഗ്രീൻ), ഇന്റർസ്റ്റെല്ലാർ (ഗ്രേ, ഗ്രീൻ) കളർ സ്കീമുകളിൽ വരുമെങ്കിലും, ടൂറർ പതിപ്പ് സെലസ്റ്റിയൽ (റെഡ്, ബ്ലൂ) കളർ ഓപ്ഷനുകളിൽ ലഭിക്കും.

വലിയ വിൻഡ്‌സ്‌ക്രീൻ, വലിയ പില്യൺ പെർച്ച്, ബാക്ക്‌റെസ്റ്റുകൾ തുടങ്ങിയ ഫീച്ചറുകൾ ടൂറർ വേരിയന്റിൽ മാത്രം ലഭ്യമാണ്. സ്റ്റാൻഡേർഡ് വേരിയന്റ് അടിസ്ഥാനപരമായി ഒരു ചെറിയ പില്യൺ സീറ്റ് ഫീച്ചർ ചെയ്യുന്ന മോട്ടോർസൈക്കിളിന്റെ ഒരു സ്ട്രിപ്പ്-ഡൗൺ പതിപ്പാണ്. റോയൽ എൻഫീൽഡിന്റെ 650 സിസി പ്ലാറ്റ്‌ഫോമിൽ രൂപകൽപ്പന ചെയ്യുന്ന ബ്രാൻഡിന്റെ മൂന്നാമത്തെ മോഡലായിരിക്കും റോയൽ എൻഫീൽഡ് മീറ്റിയോർ 650. എന്നിരുന്നാലും, മികച്ച റേക്ക് ആംഗിൾ വാഗ്ദാനം ചെയ്യുന്ന ഒരു പുതിയ ഷാസി വാഹനത്തിന് ലഭിക്കുന്നുണ്ട്.

650 സിസി ബൈക്കിന്റെ മൊത്തത്തിലുള്ള നീളവും വീതിയും ഉയരവും യഥാക്രമം 2260 mm, 890 mm (മിററുകളില്ലാതെ), 1155 mm എന്നിങ്ങനെയാണ്. 1500 mm വീൽബേസും 135 mm ഗ്രൗണ്ട് ക്ലിയറൻസും മോട്ടോർസൈക്കിളിനുണ്ട്. 740 mm സീറ്റ് ഹൈറ്റാണ് ക്രൂയിസർ വാഗ്ദാനം ചെയ്യുന്നത്. ഇത് 241 കിലോഗ്രാം ഭാരം വഹിക്കുന്നു (90 ശതമാനം ഫ്യുവലിനും ഓയിലിനുമൊപ്പം), കൂടാതെ 15.7 -ലിറ്റർ ഫ്യുവൽ ടാങ്ക് കപ്പാസിറ്റി വാഗ്ദാനം ചെയ്യുന്നു.

RE 650 ഇരട്ടകളിൽ അവതരിപ്പിച്ച 648 സിസി, എയർ ആൻഡ് ഓയിൽ കൂൾഡ്, പാരലൽ ട്വിൻ എഞ്ചിനാണ് ഇതിനും കരുത്ത് പകരുന്നത്. എന്നിരുന്നാലും, യൂണിറ്റിന് ബെസ്പോക്ക് മാപ്പിംഗും ഗിയറിംഗും ഉണ്ടെന്നും ഇത് 2,500 rpm -ൽ 80 ശതമാനം പീക്ക് torque വാഗ്ദാനം ചെയ്യുന്നുവെന്നും ബൈക്ക് നിർമ്മാതാക്കൾ പറയുന്നു. മോട്ടോർ 7,250 rpm -ൽ 47 bhp പരമാവധി കരുത്തും 5,650 rpm -ൽ 52 Nm torque ഉം പുറപ്പെടുവിക്കുന്നു. ആറ് സ്പീഡ് കോൺസ്റ്റന്റ് മെഷ് ഗിയർബോക്സാണ് ഇതിനുള്ളത്.

മോട്ടോർസൈക്കിളിന്റെ ചില പ്രധാന ഡിസൈൻ ഘടകങ്ങളിൽ വൃത്താകൃതിയിലുള്ള ഹെഡ്‌ലാമ്പും ടെയിൽലാമ്പുകളും, ടിയർ ഡ്രോപ്പ് ആകൃതിയിലുള്ള ഫ്യുവൽ ടാങ്ക്, എഞ്ചിൻ കേസിംഗുകളിലും ഹെഡിലും ബ്ലാക്ക് ഫിനിഷും ഉൾപ്പെടുന്നു. 19 ഇഞ്ച് ഫ്രണ്ട്, 16 ഇഞ്ച് റിയർ അലോയി വീലുകളും സിയറ്റ് സൂം ക്രൂസ് ടയറുകളും ഉപയോഗിച്ചാണ് ബൈക്ക് അസംബിൾ ചെയ്തിരിക്കുന്നത്.

ബാർ എൻഡ് മിററുകൾ, സോളോ ഫിനിഷർ, മെഷീൻഡ് വീലുകൾ, ഡീലക്‌സ് ഫുട്‌പെഗ്, എൽഇഡി ഇൻഡിക്കേറ്ററുകൾ, ടൂറിംഗ് വിൻഡ്‌സ്‌ക്രീൻ, ടൂറിംഗ് ഹാൻഡിൽബാർ എന്നിവയും അതിലേറെയും ഉൾപ്പെടെ നിരവധി ആക്‌സസറികളോടെയാണ് റോയൽ എൻഫീൽഡ് സൂപ്പർ മീറ്റിയോർ 650 ലഭ്യമാക്കുന്നത്.

റോയൽ എൻഫീൽഡ് ക്രൂയിസറിന്റെ ബ്രേക്കിംഗ് സിസ്റ്റത്തിൽ മുന്നിൽ സിംഗിൾ 320 ഡിസ്‌ക്കും പിന്നിൽ 300 mm ഡിസ്‌ക്കും ഉൾപ്പെടുന്നു. ഇതിന് ഡ്യുവൽ-ചാനൽ ABS (ആന്റി-ലോക്ക് ബ്രേക്കിംഗ് സിസ്റ്റം) ലഭിക്കുന്നു. - ഷോവ USD ഫോർക്കും ഫുൾ എൽഇഡി ഹെഡ്‌ലാമ്പുമായി വരുന്ന കമ്പനിയുടെ ആദ്യ മോഡലാണ് റോയൽ എൻഫീൽഡ് സൂപ്പർ മീറ്റിയോർ 650. ട്രിപ്പർ നാവിഗേഷൻ പോഡ് സ്റ്റാൻഡേർഡ് ഫിറ്റ്‌മെന്റായി ലഭിക്കുന്ന ആദ്യത്തെ RE കൂടിയാണിത്.