യുവാക്കളുടെ ഹരം കൂട്ടാൻ ഫ്രഷ് ഐറ്റവുമായി ബജാജ്...94,707 രൂപയ്ക്ക് പൾസർ N125 എത്തിപോയി

യുവാക്കളുടെ ചോരത്തിളപ്പ് കൂട്ടുന്നതിൽ ഏറ്റവും കൂടുതൽ പങ്കുവഹിച്ച വാഹനമേതാണെന്ന് ചോദിച്ചാൽ അത് ബജാജിൻ്റെ പൾസർ മോഡലായിരിക്കും. പുതിയ ബജാജ് പൾസർ N125 ഇന്ത്യയിൽ 94,707 രൂപ എക്‌സ്‌ഷോറൂം വിലയിൽ അവതരിപ്പിച്ചിരിക്കുകയാണ്. പുതിയ ബൈക്ക് രണ്ട് വേരിയൻ്റുകളിൽ ലഭ്യമാണ്, മുൻനിര വേരിയൻ്റിന് 4,000 രൂപ അധികം മുടക്കേണ്ടി വരും. ലോഞ്ച് ചെയ്ത മോഡലിൻ്റെ എഞ്ചിൻ മുതൽ ഡിസൈനും ഷാസിയും വരെ പുതുപുത്തനാണ്. നമ്മൾ മുൻപ് കണ്ടിട്ടുള്ള മറ്റ് ബജാജ് പൾസറുകളിൽ നിന്നുള്ള വളരെ വ്യത്യസ്തമായ സ്റ്റൈലിംഗ് ആണ്പുതിയ മോഡലിന് നൽകിയിരിക്കുന്നത്.

മറ്റ് മോഡലുകളുമായി താരതമ്യപ്പെടുത്തുമ്പോൾ നിരവധി ഫ്ലോട്ടിംഗ് പാനലുകളും ഉണ്ട്. മുൻവശത്ത് ധാരാളം വിഷ്വൽ മാസ്സ് ഉണ്ട്, എന്നാൽ മുൻഭാഗവുമായി താരതമ്യപ്പെടുത്തുമ്പോൾ ടെയിൽ ഭാഗം വളരെ മിനുസമാർന്നതാണ്. എൽഇഡി ഡിസ്‌ക്, എൽഇഡി ഡിസ്‌ക് ബിടി എന്നീ രണ്ട് വേരിയൻ്റുകളിൽ ബജാജ് ബൈക്ക് വാഗ്ദാനം ചെയ്യുന്നുണ്ട്. അടിസ്ഥാന വേരിയൻ്റിന് മെലിഞ്ഞ പിൻ ടയർ, ചെറിയ എൽസിഡി, പരമ്പരാഗത സെൽഫ് സ്റ്റാർട്ടർ എന്നിവ ലഭിക്കുന്നുണ്ട്.

ടോപ്പ് സ്‌പെക്ക് ബൈക്കിന് ബോൾഡർ നിറങ്ങൾ, ബ്ലൂടൂത്ത് കണക്റ്റിവിറ്റിയുള്ള വലിയ എൽസിഡി, വിശാലമായ പിൻ ടയർ, നിശബ്ദ തുടക്കത്തിനായി ഇൻ്റഗ്രേറ്റഡ് സ്റ്റാർട്ടർ ജനറേറ്റർ അല്ലെങ്കിൽ ISG എന്നിവയുണ്ട്. കഴിയുന്നത്ര ഇന്ധനക്ഷമത എക്‌സ്‌ട്രാക്‌റ്റുചെയ്യുന്നതിന് സ്വിച്ചുചെയ്യാവുന്ന ഓട്ടോ സ്റ്റാർട്ട്/സ്റ്റോപ്പും ഇതിന് ലഭിക്കുന്നു എന്നതാണ് ഗുണം. ടെലിസ്‌കോപ്പിക് ഫോർക്കും പ്രീലോഡ് അഡ്ജസ്റ്റ് ചെയ്യാവുന്ന മോണോഷോക്കും ഉപയോഗിച്ചാണ് ഇത് സസ്പെൻഡ് ചെയ്തിരിക്കുന്നത്.

17 ഇഞ്ച് വീലാണ് ബൈക്കിന് ലഭിക്കുന്നത്, ബ്രേക്കിങ്ങിൻ്റെ കാര്യത്തിലേക്ക് നോക്കിയാൽ മുൻവശത്ത് ഒരു ഡിസ്ക് ബ്രേക്കും പിന്നിൽ ഡ്രം ബ്രേക്കുമാണ്. CBS അല്ലെങ്കിൽ സംയുക്ത ബ്രേക്കിംഗ് സിസ്റ്റം സ്റ്റാൻഡേർഡ് ആണ്. പൾസർ എൻ125-ൽ ബജാജ് പുതിയ എഞ്ചിൻ ആണ് അവതരിപ്പിച്ചിരിക്കുന്നത്. ഈ 124.58 സിസി, എയർ കൂൾഡ്, സിംഗിൾ സിലിണ്ടർ എഞ്ചിൻ 8,500 ആർപിഎമ്മിൽ 12 bhp പരമാവധി പവറും 6,000 ആർപിഎമ്മിൽ 11 nm ടോർക്കും നൽകുന്നു. ഫൈവ് സ്പീഡ് ഗിയർബോക്സുമായിട്ടാണ് ഇത് ജോടിയാക്കിയിരിക്കുന്നത്.

ബജാജ് പൾസർ N125-ൻ്റെ ബുക്കിംഗ് ആരംഭിച്ചിട്ടുണ്ട്, ഡെലിവറിയും ഉടൻ തന്നെ ആരംഭിക്കും എന്നാണ് റിപ്പോർട്ടുകൾ. എതിരാളികളുടെ കാര്യത്തിൽ,പുതിയ പൾസർ N125 ടിവിഎസ് റൈഡർ 125, ഹീറോ എക്‌സ്ട്രീം 125 എന്നീ മോഡലുകളാണ് എതിരാളികൾ. സാധാരണ പാരമ്പര്യത്തിൽ നിന്ന് വ്യത്യസ്‌തമായി, ബജാജ് കുഞ്ഞൻ പൾസർ N125 -നെ കണ്ണഞ്ചിപ്പിക്കുന്ന ആറ് ഷേഡുകളിലാണ് പുറത്തിറക്കിയത്. അവയിൽ ഏറ്റവും രസകരമായത് പർപ്പിൾ ഫ്യൂറി എന്ന കളർ ഓപ്ഷനാണ്.

കോക്ക്‌ടെയിൽ വൈൻ റെഡ്, സിട്രസ് റഷ്, എബണി ബ്ലാക്ക്, കരീബിയൻ ബ്ലൂ, പേൾ മെറ്റാലിക് വൈറ്റ് എന്നിവയാണ് മറ്റ് ഷേഡുകൾ. ഇവയിൽ ഓരോന്നിനും അതിൻ്റേതായ ഒരു ലുക്കും സ്റ്റൈലുമുണ്ട് എന്ന് നിസംശയം പറയാം. പൾസർ N125 ഇപ്പോൾ LED ഡിസ്ക്, LED ഡിസ്ക് BT എന്നിങ്ങനെ രണ്ട് വേരിയന്റുകളിൽ ലഭ്യമാണ്. BT പതിപ്പിന് N150, N160 പൾസറുകളിൽ നിന്നുമുള്ള അതേ ഫുൾ ഡിജിറ്റൽ നെഗറ്റീവ് എൽസിഡി കൺസോൾ ലഭിക്കും.

ഈ കൺസോളിന് ടേൺ-ബൈ-ടേൺ നാവിഗേഷൻ സജ്ജീകരണം നഷ്‌ടമാകും, എന്നിരുന്നാലും SMS ഉം കോൾ അലേർട്ടുകളും റൈഡർക്ക് റിലേ ചെയ്യും. അതോടൊപ്പം യുഎസ്ബി ചാർജറും ഉണ്ടാകും. ABS ഉം ഇതിൽ വാഗ്ദാനം ചെയ്യുന്നില്ല. എന്തായാലും ബജാജിൻ്റെ ഈ കുട്ടി പൾസർ യുവാക്കളുടെ മനം കവരുമെന്ന കാര്യത്തിൽ ഒരു സംശയവും വേണ്ട.

ഡ്രൈവ്സ്പാർക്ക് മലയാളം വെബ്‌സൈറ്റ് വാഹന സംബന്ധിയായ വാർത്തകൾ തത്സമയം നിങ്ങളുടെ വിരൽത്തുമ്പിൽ ലഭ്യമാക്കുന്നു. സോഷ്യൽ മീഡിയയിലൂടെ ഞങ്ങൾ വാർത്തകൾ വായനക്കാരുമായി തൽക്ഷണം പങ്കിടുന്നു.ഏറ്റവും പുതിയ കാർ, ബൈക്ക് വാർത്തകൾ, ടെസ്റ്റ് ഡ്രൈവ് റിപ്പോർട്ടുകൾ, വീഡിയോകൾ എന്നിവ ലഭിക്കാൻ ഡ്രൈവ്സ്പാർക്ക് മലയാളത്തിന്റെ ഫെയ്‌സ്ബുക്ക്, ഇൻസ്റ്റഗ്രാം, ടെലിഗ്രാം, യൂട്യൂബ് ചാനൽ എന്നിവ മറക്കാതെ ഫോളോ ചെയ്യാം. ഞങ്ങളുടെ ഏതെങ്കിലും വാർത്ത ഇഷ്ടപ്പെട്ടാൽ ലൈക്ക് ചെയ്യാനും കമൻ്റ് ചെയ്യാനും മറക്കല്ലേ.