കാലം പോയ പോക്കെ! കാറുകൾക്ക് മാത്രമല്ല ബൈക്കിനും എത്തി ക്രാഷ് ടെസ്റ്റ്; തുടക്കം ബജാജിന്റെ CNG മോഡലിൽ

CNG -യ്ക്ക് ഈ അടുത്ത കാലത്തായി പ്രചാരം കൂടിവരികയാണ്. ഈ സന്ദർഭത്തിലാണ് ബജാജ് ഓട്ടോ, ഫ്രീഡം 125 -ൻ്റെ രൂപത്തിൽ ലോകത്തിലെ ആദ്യത്തെ CNG മോട്ടോർസൈക്കിളും പുറത്തിറക്കിയത്. വളരെ അത്ഭുതത്തോടും അതിശയത്തോടും ആകാംഷയോടുമാണ് ഇന്ത്യൻ വിപണി ഈ മോട്ടോർസൈക്കിളിനെ നോക്കി കാണുന്നത്. എന്നാൽ ഒരു CNG ബൈക്ക് എന്നത് നമ്മുടെ നാട്ടിൽ പലർക്കും ഇന്നും പെട്ടെന്ന് ഉൾക്കൊള്ളാൻ പറ്റാത്ത ഒന്നാണ് എന്ന് ഈ ബൈക്കുമായി CNG പമ്പിൽ എത്തിയ ഞങ്ങളുടെ സഹപ്രവർത്തകർക്കുണ്ടായ അനുഭവവും പൊതു പ്രതികരണവും വ്യക്തമാക്കുന്നു.

ഇതാദ്യമായാണ് ലോകത്തിൽ തന്നെ ഒരു ടു-വീലർ വാഹന നിർമ്മാതാക്കൾ CNG മോട്ടോർസൈക്കിൾ അവതരിപ്പിക്കുന്നത്. ഫ്രീഡം 125 CNG എന്ന മോഡൽ ഇത്തരത്തിലുള്ള ആദ്യത്തേതാണ്. CNG -യിലും പെട്രോളിലും അനായാസം ഇതിന് പ്രവർത്തിക്കാൻ കഴിയും. CNG -ക്കും പെട്രോളിനും ഇടയിൽ തടസ്സമില്ലാതെ മാറുന്നതിനായി ഇടത് സ്വിച്ച് ഗിയറിൽ ബജാജ് ഒരു ടോഗിൾ ബട്ടൺ നൽകിയിട്ടുണ്ട്.

ഇത് പരിസ്ഥിതിയേയും മലിനീകരണത്തേയും സംഭന്ധിച്ചിടത്തോളം വളരെ ക്ലീനായ ഒരു സവിശേഷതയാണ്, കൂടാതെ വാങ്ങുന്ന ഉപഭോക്താക്കൾക്ക് സൗകര്യവും അതോടൊപ്പം മികച്ച 'ഫ്രീഡവും' വാഗ്ദാനം ചെയ്യുന്നു. ബജാജ് ഫ്രീഡം റീഫിൽ ചെയ്യുന്ന കാര്യം വരുമ്പോൾ, CNG ഫില്ലിംഗ് സ്റ്റേഷനുകൾ നമ്മുടെ പരിസരങ്ങളിൽ ഇപ്പോഴും കുറവായതിനാൽ ഇതിനും ഒരല്പ്പം പരിശ്രമിക്കേണ്ടി വരും.

പല വലിയ നഗരങ്ങളിലും CNG വാഹനങ്ങളുടെ എണ്ണം കൂടുതലാണ്, എന്നാൽ ഇതിന് വിപരീതമായി കുറച്ച് CNG ഫില്ലിംഗ് സ്റ്റേഷനുകൾ മാത്രമാണുള്ളത് എന്നതാണ് വാസ്തവം. ഓട്ടോ റിക്ഷകൾ, ടാക്സികൾ, ഫ്ലീറ്റ് ഡ്രൈവർമാർ എന്നിവർ എല്ലാം ചേർന്ന് CNG സ്റ്റേഷനുകളിൽ വലിയ ക്യൂവും സ്വാഭാവികമാണ്.

ഫ്രീഡം 125 ആദ്യമായി റീഫിൽ ചെയ്യാൻ CNG സ്റ്റേഷനിലേക്ക് പോയി സംഭവം ചിത്രീകരിച്ച വീഡിയോയിൽ ആളുകളുടെ ആകാംഷ കാണാനാവും. ബജാജ് ഫ്രീഡം 125 -ൽ ഇന്ത്യ ഇപ്പോഴും ഒരു ഹണിമൂൺ ഘട്ടത്തിലായതിനാൽ, ഭാഗ്യവശാൽ നീണ്ട ക്യൂ മറികടക്കാൻ സഹായകമായി. ഫ്യുവൽ നിറയ്ക്കാൻ നിന്നവരുടെ എല്ലാം ശ്രദ്ധ CNG ബൈക്ക് ആകർഷിച്ചതിനാൽ ആരും ലൈൻ കട്ട് ചെയ്തത് പ്രതിഷേധിച്ചില്ല എന്ന് വീഡിയോയിൽ കാണാം.

എന്നാൽ കൗതുകം കെട്ടടങ്ങുന്നതോടെ ഭാവിയിൽ ഈ ആനുകൂല്യം ലഭിക്കാനിടയില്ല. റീഫിൽ പ്രകിയയിൽ യാതൊരു തടസ്സങ്ങളും നേരിടേണ്ടി വന്നില്ല, മാന്യമായ സമ്മർദ്ദത്തിൽ CNG സ്വീകരിച്ചുകൊണ്ട് പ്രക്രിയ സുഗമമായി നടന്നു എന്ന് വീഡിയോ വ്യക്തമാക്കുന്നു. എന്നിരുന്നാലും, CNG പമ്പിലെ ജീവനക്കാർ ആദ്യമായിട്ടാണ് OEM CNG ബൈക്ക് കണ്ടത്.

ലോകത്തിലെ ആദ്യത്തെ CNG ബൈക്ക് ആദ്യമായി ഇന്ധനം നിറച്ചതിൻ്റെ ആവേശത്തിലായിരുന്നു അവർ. അതിനാൽ തന്നെ വാഹനത്തിൽ നിന്നു മാറി നിൽക്കാൻ അവതാരകർക്കും കഴിഞ്ഞിച്ച, എന്നിരുന്നാലും CNG ഫിൽ ചെയ്യുന്ന സമയത്ത് വാഹനത്തിൽ നിന്ന് അല്പം മാറി നിൽക്കണം എന്നാണ് കമ്പനിയും ഉപദേശിക്കുന്നത്.

CNG ബൈക്ക് കണ്ട് ചുറ്റും കൂടിയവരോട് അവതാരകൻ ഒട്ടനവധി ചോദ്യങ്ങൾ ചോദിക്കുന്നത് നമുക്ക് കാണാം. ബൈക്ക് ഇഷ്ടപ്പെട്ടോ, സീറ്റിൽ എത്ര പേർക്ക് ഇരിക്കാനാവും എന്നാണ് തോന്നുന്നത് എന്നെല്ലാം വ്ലോഗർ ജനങ്ങളോട് ചോദിക്കുന്നു. കൂടാതെ ബൈക്കിന്റെ സീറ്റിനു അടിയിൽ വളരെ മനോഹരവും സുരക്ഷിതവുമായി പ്ലേസ് ചെയ്തിരിക്കുന്ന CNG ടാങ്കും, നോർമൽ പെട്രോൾ ടാങ്കും വ്ലോഗർ പരിചയപ്പെടുത്തുന്നു.

അതിനു ശേഷമാണ് ഇന്ത്യയിലെ ഏറ്റവും പ്രശസ്തമായ ചോദ്യം ഉയരുന്നത്...എത്ര തരും? എന്ത് മൈലേജ് കിട്ടും? പെട്രോളും CNG -ഉം ചേർത്ത് 330 കിലോമീറ്റർ ഫുൾ ടാങ്കിൽ കിട്ടും എന്നത് ജനങ്ങളെ വളരെ ആകൃഷ്ടരാക്കി. CNG ബൈക്ക് പതിയെ രാജ്യത്തെ എല്ലാ ഷോറൂമുകളിലും എത്തി തുടങ്ങുന്നതോടെ ബജാജിന് വലിയ നേട്ടങ്ങൾ കൊയ്യാനാവും എന്ന് പ്രതീക്ഷിക്കാം.