Click it and Unblock the Notifications
എന്ത്, ഇലക്ട്രിക് സ്കൂട്ടറിലും ADAS! ഓലയുടെ പുതിയ പ്ലാറ്റ്ഫോം 'സീന് മാറ്റും'
ഭാവി ഇലക്ട്രിക് സ്കൂട്ടറുകള്ക്ക് അടിവരയിടുന്ന പുതിയ തലമുറ പ്ലാറ്റ്ഫോമിന്റെ (Ola Gen 3 Platform) ടീസര് വീഡിയോ ഓല ഇലക്ട്രിക് പുറത്തുവിട്ടു. ജെന് 2 പ്ലാറ്റ്ഫോമിന്റെ വിജയത്തിന് ശേഷം മൂന്നാം തലമുറ പ്ലാറ്റ്ഫോം കൊണ്ടുവരുന്നതിലൂടെ ഇന്ത്യന് ഇലക്ട്രിക് ടൂവീലര് മാര്ക്കറ്റിലെ അനിഷേധ്യനായ നേതാവെന്ന സ്ഥാനം അരക്കിട്ടുറപ്പിക്കാനാണ് ഓലയുടെ പ്ലാന്. നൂതനമായ രൂപകല്പ്പനയും സവിശേഷതകളും ഇത് വാഗ്ദാനം ചെയ്യുന്നു. ഇലക്ട്രിക് മോട്ടോര്, ബാറ്ററി, ഇലക്ട്രോണിക്സ് എന്നിവയുടെ ഏകീകൃത സംവിധാനത്തിലേക്ക് സംയോജിപ്പിക്കുന്നത് വരാനിരിക്കുന്ന മോഡലുകളുടെ ഒരു മികച്ച സവിശേഷതയായിരിക്കുമെന്ന് പ്രതീക്ഷിക്കുന്നു.
ബ്രാന്ഡിന്റെ 'ഇന്സൈഡ് ദി ബോക്സ്' ഡിസൈന് ഫിലോസഫിയില് കേന്ദ്രീകരിച്ചായിരിക്കും ഈ പുതിയ പ്ലാറ്റ്ഫോം. ഇവിയെ ശക്തിപ്പെടുത്തുകയും അതിന്റെ സമഗ്രത വര്ധിപ്പിക്കുകയും ചെയ്യുന്ന ബാറ്ററി പായ്ക്ക് ആയിരിക്കും ഇതില് ഘടിപ്പിക്കുക. ഇതിന് അലുമിനിയം-കാസ്റ്റഡ് ഫ്രണ്ട്, റിയര് ഫ്രെയിം സബ് അസംബ്ലികള് ലഭിക്കുന്നു. ഇവ ബാറ്ററി ബോക്സുമായി തടസ്സമില്ലാതെ ലയിപ്പിച്ചിരിക്കുന്നു.
തദ്ദേശീയമായി നിര്മ്മിച്ച 4680 സെല്ലുകള് ഉള്ക്കൊള്ളുന്ന ഒരു പുതിയ ജെന് 3 ബാറ്ററിയും ഓല ഇലക്ട്രിക് അവതരിപ്പിച്ചു. ഈ സെല്ലുകള്ക്ക് നിലവില് ഉപയോഗിക്കുന്ന 2170 ബാറ്ററി സെല് പതിപ്പുകളേക്കാള് 10 ശതമാനം കൂടുതല് ഊര്ജ്ജസാന്ദ്രതയുണ്ട്. അവര് മെച്ചപ്പെട്ട ഷോക്ക് പ്രതിരോധം, തെര്മല് എഫിഷ്യന്സി, ശക്തി എന്നിവ വാഗ്ദാനം ചെയ്യുന്നു.
ബാറ്ററിക്ക് പുറമേ, അടുത്ത തലമുറ മാഗ്നെറ്റ്ലെസ് മോട്ടോറും ഓല ഇലക്ട്രിക് അവതരിപ്പിച്ചു. ഈ മോട്ടോര് പെര്മെനന്റ് മാഗ്നറ്റുകള്ക്ക് മാഗ്ന്െറ്റെസ്സ് ഇലക്ട്രിക്കല് കോയിലുകള് ഉപയോഗിക്കുന്നു. ഇത് കൂടുതല് കാര്യക്ഷമമായി ഉയര്ന്ന ടോര്ക്ക് സൃഷ്ടിക്കുന്നതിന് കാരണമാകുന്നു. ഈ മോട്ടോറിനുള്ള എല്ലാ സാമഗ്രികളും തദ്ദേശീയമായി തന്നെ ലഭ്യമാക്കും.
ബാറ്ററി മാനേജ്മെന്റ് സിസ്റ്റം (ബിഎംഎസ്), മോട്ടോര് കണ്ട്രോള് യൂണിറ്റ് (എംസിയു) എന്നിവ പോലുള്ള കോര് ഫംഗ്ഷനുകള് ഒരൊറ്റ ഹൈ പെര്ഫോമന്സ് മള്ട്ടി-കോര് പ്രോസസറിലേക്ക് സംയോജിപ്പിച്ച് ജെന് 3 പ്ലാറ്റ്ഫോം ഇലക്ട്രോണിക് ഘടനയെ ലളിതമാക്കുന്നു. ഈ പുതുക്കിയ ആര്ക്കിടെക്ചര് വയറിംഗ് സങ്കീര്ണത കുറയ്ക്കുന്ന്തിനാല് ഇവിയുടെ വിശ്വാസ്യത മെച്ചപ്പെടുത്തും. മാത്രമല്ല വയര്ലെസ് ഡാറ്റ കമ്മ്യൂണിക്കേഷന് പിന്തുണയ്ക്കുന്നു.
ഓല ഇലക്ട്രിക്കിന്റെ പുതിയ സെന്ട്രല് കമ്പ്യൂട്ട് ബോര്ഡ് എല്ലാ പ്രധാന ഇസിയുകളും ഉള്ക്കൊള്ളുന്നു. നിലവില് വിപണിയില് ലഭ്യമായ എല്ലാ ടൂവീലര് ഇലക്ട്രോണിക്സ് ബോര്ഡിനെയും ഇത് കവച്ച്വെക്കുന്നു. ഈ മെച്ചപ്പെടുത്തല് നിലവിലെ പ്രവര്ത്തനക്ഷമത നവീകരിക്കുക മാത്രമല്ല, ഭാവിയില് അഡ്വാന്സ്ഡ് ഡ്രൈവര് അസിസ്റ്റന്സ് സിസ്റ്റം (ADAS) ഉള്പ്പെടെയുള്ള നൂതന സുരക്ഷാ സവിശേഷതകള് ഉള്ക്കൊള്ളാന് പ്ലാറ്റ്ഫോമിനെ തയാറാക്കുകയും ചെയ്യുന്നു.
പുതിയ ഇവി സാങ്കേതിക വിദ്യ വികസിപ്പിച്ചെടുക്കാനുള്ള ഓല ഇലക്ട്രിക്കിന്റെ പ്രതിബദ്ധതയെ അടയാളപ്പെടുത്തുന്നതാണ് ഈ നവീകരണങ്ങള്. അത്യാധുനിക ഘടകങ്ങളെ സമന്വയിപ്പിച്ച് സുസ്ഥിരതയില് ശ്രദ്ധ കേന്ദ്രീകരിച്ചുകൊണ്ട് ഇലക്ട്രിക് സ്കൂട്ടര് വിപണിയില് പുതിയ മാനദണ്ഡങ്ങള് സ്ഥാപിക്കാനാണ് ഓല ഇലക്ട്രിക് ലക്ഷ്യമിടുന്നത്. വിവിധ ഘടകങ്ങളെ ഒരു ഏകീകൃത യൂണിറ്റിലേക്ക് തടസ്സങ്ങളില്ലാതെ സംയോജിപ്പിക്കുന്നത് നവീകരണത്തിനും കാര്യക്ഷമതയ്ക്കും വേണ്ടിയുള്ള അവരുടെ സമര്പ്പണത്തെ എടുത്തുകാണിക്കുന്നു.
ഈ മുന്നേറ്റങ്ങള്ക്കൊപ്പം, പാരിസ്ഥിതിക സുസ്ഥിരതയ്ക്ക് സംഭാവന നല്കിക്കൊണ്ട് ഉപഭോക്താക്കള്ക്ക് മെച്ചപ്പെട്ട റൈഡിംഗ് അനുഭവം സാധ്യമാക്കാന് ഓല ഇലക്ട്രിക് ഒരുങ്ങുകയാണ്. തദ്ദേശീയ ഉല്പ്പാദനത്തില് ശ്രദ്ധ കേന്ദ്രീകരിക്കുന്നത് ഇറക്കുമതി ചെയ്യുന്ന വസ്തുക്കളെ ആശ്രയിക്കുന്നത് കുറയ്ക്കുന്നതിനുള്ള അവരുടെ പ്രതിബദ്ധതയ്ക്കും അടിവരയിടുന്നു. ന്യൂ ജനറേഷന് പ്ലാറ്റ്ഫോമിന് കീഴില് വൈവിധ്യമാര്ന്ന ഇ-സ്കൂട്ടറുകള് അവതരിപ്പിക്കാനാണ് ഓലയുടെ പ്ലാന്. ഇലക്ട്രിക്. കമ്മ്യൂട്ടര് വാഹനങ്ങള്, സ്പോര്ട്ടി ലുക്ക് വാഹനങ്ങള്, ടൂറിംഗ് മോഡലുകള് എന്നിവയെ പിന്തുണയ്ക്കുന്നതാകും ഈ പുതിയ പ്ലാറ്റ്ഫോം.
ഡ്രൈവ്സ്പാർക്ക് മലയാളം വെബ്സൈറ്റ് വാഹന സംബന്ധിയായ വാർത്തകൾ തത്സമയം നിങ്ങളുടെ വിരൽത്തുമ്പിൽ ലഭ്യമാക്കുന്നു. സോഷ്യൽ മീഡിയയിലൂടെ ഞങ്ങൾ വാർത്തകൾ വായനക്കാരുമായി തൽക്ഷണം പങ്കിടുന്നു. ഏറ്റവും പുതിയ കാർ, ബൈക്ക് വാർത്തകൾ, ടെസ്റ്റ് ഡ്രൈവ് റിപ്പോർട്ടുകൾ, വീഡിയോകൾ എന്നിവ ലഭിക്കാൻ ഡ്രൈവ്സ്പാർക്ക് മലയാളത്തിന്റെ ഫെയ്സ്ബുക്ക്, ഇൻസ്റ്റഗ്രാം, ടെലഗ്രാം, യൂട്യൂബ് ചാനൽ എന്നിവ മറക്കാതെ ഫോളോ ചെയ്യാം. ഞങ്ങളുടെ ഏതെങ്കിലും വാർത്ത ഇഷ്ടപ്പെട്ടാൽ ലൈക്ക് ചെയ്യാനും കമൻറ് ചെയ്യാനും മറക്കല്ലേ.
Continue with Google