Click it and Unblock the Notifications
ലിറ്ററിന് 100 കിലോമീറ്റര് മൈലേജ് തരുന്ന ബൈക്ക്! ലോകത്തെ ഞെട്ടിച്ച ഇന്ത്യന് ഉല്പ്പന്നത്തിന് പഴയ ഡിമാന്റില്ല?
ഇന്ത്യന് വിപണിയിലെ ഏറ്റവും മികച്ച മൈലേജ് വാഗ്ദാനം ചെയ്യുന്ന ഇരുചക്രവാഹനങ്ങളില് ഒന്നായ ബജാജ് പ്ലാറ്റിനയുടെ വില്പനയില് കഴിഞ്ഞ മാസം ഇടിവ് രേഖപ്പെടുത്തി. 2024 നവംബറിനെ അപേക്ഷിച്ച് 2025 നവംബറില് വില്പന 28.13 ശതമാനമാണ് ഇടിഞ്ഞത്. റഷ്ലെയ്ന് പുറത്തുവിട്ട ഏറ്റവും പുതിയ റിപ്പോര്ട്ടുകള് പ്രകാരം കമ്മ്യൂട്ടര് ബൈക്ക് സെഗ്മെന്റില് ബജാജിന് നേരിട്ട ഈ തിരിച്ചടി വിപണിയില് വലിയ ചര്ച്ചയായിട്ടുണ്ട്. 2024 നവംബറില് 44,578 യൂണിറ്റ് പ്ലാറ്റിന ബൈക്കുകള് വിറ്റഴിച്ച സ്ഥാനത്ത്, 2025 നവംബറില് ഇത് 32,040 യൂണിറ്റുകളായി ചുരുങ്ങി. മുന് വര്ഷത്തെ അപേക്ഷിച്ച് 12,538 യൂണിറ്റുകളുടെ കുറവാണ് വില്പനയില് ദൃശ്യമാകുന്നത്.
വില്പനയിലെ ഈ കുറവ് കാരണം ഇന്ത്യയില് ഏറ്റവുമധികം വില്ക്കപ്പെടുന്ന മികച്ച 10 മോട്ടോര്സൈക്കിളുകളുടെ പട്ടികയില് പ്ലാറ്റിന ഒമ്പതാം സ്ഥാനത്തേക്ക് പിന്തള്ളപ്പെട്ടു. 2025 നവംബര് മാസത്തെ വില്പന കണക്കുകളില് ആദ്യ എട്ട് സ്ഥാനങ്ങളില് യഥാക്രമം ഹീറോ സ്പ്ലെന്ഡര്, ഹോണ്ട ഷൈന്, ബജാജ് പള്സര്, ഹീറോ HF ഡീലക്സ്, ടിവിഎസ് അപ്പാച്ചെ, റോയല് എന്ഫീല്ഡ് ക്ലാസിക് 350, ഹോണ്ട CB യൂനിക്കോണ് 150, ടിവിഎസ് റൈഡര് എന്നിവയാണ് ഇടംപിടിച്ചത്.
കടുത്ത മത്സരം നിറഞ്ഞ 100-110 സിസി വിഭാഗത്തില് മാറ്റുരയ്ക്കുന്ന പ്ലാറ്റിനയ്ക്ക് ഇത്തവണ ഒന്പതാം സ്ഥാനം കൊണ്ട് തൃപ്തിപ്പെടേണ്ടി വന്നു. വില്പനയില് ഇടിവ് നേരിട്ടെങ്കിലും വരും മാസങ്ങളില് മോഡല് ശക്തമായി തിരിച്ചുവരുമെന്ന് പ്രതീക്ഷിക്കാം. ഇന്ത്യന് ഉപഭോക്താക്കള്ക്കിടയില് പ്ലാറ്റിനയുടെ ജനപ്രീതിക്ക് പിന്നിലെ പ്രധാന ഘടകം അതിന്റെ അസാമാന്യമായ മൈലേജാണ്. ലിറ്ററിന് 90 മുതല് 100 കിലോമീറ്റര് വരെ മൈലേജ് ലഭിക്കുന്ന വാഹനമായി പല ഉപഭോക്താക്കളും പ്ലാറ്റിനയെ വിശേഷിപ്പിക്കുന്നു.
എഞ്ചിന്, റോഡ് കണ്ടീഷന്, ഡ്രൈവിംഗ് ശൈലി എന്നിവയെ ആശ്രയിച്ച് മൈലേജില് മാറ്റങ്ങള് വരാമെങ്കിലും ഇന്ധനക്ഷമതയുടെ കാര്യത്തില് പ്ലാറ്റിന ഇപ്പോഴും മുന്പന്തിയിലാണ്. നിലവില് 100 സിസി, 110 സിസി എന്നിങ്ങനെ രണ്ട് വേരിയന്റുകളിലാണ് പ്ലാറ്റിന വിപണിയിലുള്ളത്. ഇതില് 100 സിസി എഞ്ചിന് 7.9 PS പവറും 8.3 Nm ടോര്ക്കും ഉത്പാദിപ്പിക്കുന്നു. കൂടുതല് ഫീച്ചറുകളുള്ള 110 സിസി മോഡല് 8.6 PS പവറും 9.81 Nm ടോര്ക്കും നല്കുന്നു. പവറും ഇന്ധനക്ഷമതയും മികച്ച രീതിയില് സമന്വയിപ്പിക്കുന്ന തരത്തിലാണ് രണ്ട് എഞ്ചിനുകളും ബജാജ് രൂപകല്പ്പന ചെയ്തിരിക്കുന്നത്.
പ്ലാറ്റിനയുടെ 'കംഫര്ട്ടെക്' (Comfortec) സാങ്കേതികവിദ്യ ദീര്ഘദൂര യാത്രകളില് റൈഡര്ക്ക് മികച്ച കംഫര്ട്ട് നല്കുന്നു. നീളമേറിയ സീറ്റുകള്, മികച്ച സസ്പെന്ഷന് എന്നിവ ഇതിന്റെ പ്രത്യേകതയാണ്. 110 സിസി വേരിയന്റില് ഡിജിറ്റല് ഇന്സ്ട്രുമെന്റ് ക്ലസ്റ്ററും എബിഎസ് (ABS) സുരക്ഷാ സംവിധാനവും ബജാജ് ഒരുക്കിയിട്ടുണ്ട്. സാധാരണക്കാരായ യാത്രക്കാര്ക്ക് താങ്ങാനാവുന്ന വിലയും കുറഞ്ഞ മെയിന്റനന്സ് ചെലവുമാണ് ഇതിന്റെ മറ്റ് ആകര്ഷണങ്ങള്.
ബജാജ് പ്ലാറ്റിനയുടെ വില്പനയിലെ ഈ ഇടിവ് താത്കാലികമാണെന്നാണ് വിപണി വിദഗ്ധരുടെ വിലയിരുത്തല്. ഉത്സവ സീസണിന് ശേഷമുള്ള വിപണിയിലെ സ്വാഭാവികമായ മാറ്റങ്ങളോ അല്ലെങ്കില് ഉപഭോക്താക്കള് ബജാജിന്റെ തന്നെ മറ്റ് മോഡലുകളിലേക്ക് ഉദാഹരണത്തിന് പള്സര് ശ്രേണിയിലേക്ക് ശ്രദ്ധ കേന്ദ്രീകരിക്കുന്നതോ ആകാം ഈ ഇടിവിന് കാരണം. വരും മാസങ്ങളില് പുതിയ അപ്ഡേറ്റുകളിലൂടെ വിപണി തിരിച്ചുപിടിക്കാനാണ് ബജാജ് ലക്ഷ്യമിടുന്നത്.
ഇന്ത്യന് നിര്മ്മിത വാഹനമെന്ന നിലയില് ആഗോളതലത്തില് തന്നെ ശ്രദ്ധിക്കപ്പെട്ട മോഡലാണ് പ്ലാറ്റിന. നവംബറിലെ വില്പന റിപ്പോര്ട്ട് ഒരു തിരിച്ചടിയാണെങ്കിലും, രാജ്യത്തെ ഏറ്റവും ഇന്ധനക്ഷമതയുള്ള ബൈക്ക് എന്ന ഖ്യാതി പ്ലാറ്റിനയെ വരും മാസങ്ങളിലും വിപണിയില് സജീവമായി നിലനിര്ത്താന് സഹായിക്കും. വിപണിയിലെ കടുത്ത മത്സരം കണക്കിലെടുത്ത് വരും മാസങ്ങളില് കമ്പനി പുതിയ സ്കീമുകളോ അപ്ഡേറ്റുകളോ പ്രഖ്യാപിക്കുമോ എന്നാണ് വാഹന പ്രേമികള് ഉറ്റുനോക്കുന്നത്.
ഡ്രൈവ്സ്പാർക്ക് മലയാളം വെബ്സൈറ്റ് വാഹന സംബന്ധിയായ വാർത്തകൾ തത്സമയം നിങ്ങളുടെ വിരൽത്തുമ്പിൽ ലഭ്യമാക്കുന്നു. സോഷ്യൽ മീഡിയയിലൂടെ ഞങ്ങൾ വാർത്തകൾ വായനക്കാരുമായി തൽക്ഷണം പങ്കിടുന്നു. ഏറ്റവും പുതിയ കാർ, ബൈക്ക് വാർത്തകൾ, ടെസ്റ്റ് ഡ്രൈവ് റിപ്പോർട്ടുകൾ, വീഡിയോകൾ എന്നിവ ലഭിക്കാൻ ഡ്രൈവ്സ്പാർക്ക് മലയാളത്തിന്റെ ഫെയ്സ്ബുക്ക്, ഇൻസ്റ്റഗ്രാം, ടെലഗ്രാം, യൂട്യൂബ് ചാനൽ എന്നിവ മറക്കാതെ ഫോളോ ചെയ്യാം. ഞങ്ങളുടെ ഏതെങ്കിലും വാർത്ത ഇഷ്ടപ്പെട്ടാൽ ലൈക്ക് ചെയ്യാനും കമൻറ് ചെയ്യാനും മറക്കല്ലേ.
Continue with Google