ഹാര്‍ലി-ഡേവിഡ്‌സണ്‍ സ്ട്രീറ്റ് ബോബ് 117 പുറത്തിറങ്ങി! ഇതേ വിലയ്ക്ക് ക്രെറ്റ കിട്ടുമല്ലോ...

അമേരിക്കന്‍ ഇരുചക്ര വാഹന നിര്‍മാതാക്കളായ ഹാര്‍ലി ഡേവിഡ്സണ്‍ സ്ട്രീറ്റ് ബോബ് 117 ( Harley-Davidson Street Bob 117) ഇന്ത്യന്‍ വിപണിയില്‍ അവതരിപ്പിച്ചു. വലിയ മില്‍വാക്കി-എയിറ്റ് 117 (1,923 സിസി) വി-ട്വിന്‍ എഞ്ചിനോടുകൂടിയ ക്ലാസിക് ബോബര്‍ മോഡലിന്റെ തിരിച്ചുവരവില്‍ 18.77 ലക്ഷം രൂപയാണ് കമ്പനി എക്‌സ്‌ഷോറൂം വില നിശ്ചയിച്ചിരിക്കുന്നത്. ഈ വിലയില്‍, 117 എഞ്ചിന്‍ ഉള്‍ക്കൊള്ളുന്ന ഏറ്റവും താങ്ങാനാവുന്ന ഹാര്‍ലി മോഡലായി ഇത് മാറുന്നു. ഹാര്‍ലിയുടെ പാരമ്പര്യം പേറുന്ന രൂപകല്‍പ്പനക്കൊപ്പം മികച്ച പ്രകടനവും ഇത് വാഗ്ദാനം ചെയ്യുന്നു.

രസകരമായ വസ്തുത എന്തെന്നാല്‍ ഹാര്‍ലി ഡേവിഡ്‌സണ്‍ സ്ട്രീറ്റ് ബോബ് 117 വാങ്ങുന്ന പൈസയ്ക്ക് ഇന്ത്യയിലെ ഏറ്റവും ജനപ്രിയമായ എസ്യുവിയായ ഹ്യുണ്ടയി ക്രെറ്റയുടെ ഉയര്‍ന്ന വേരിയന്റ് വാങ്ങാമെന്നതാണ്. ഏകദേശം 19 ലക്ഷം രൂപ മുടക്കി ഒരു സ്ട്രിപ്പ്ഡ്-ഡൗണ്‍ ക്രൂയിസര്‍ വാങ്ങണോ അതോ ഫീച്ചര്‍ സമ്പന്നമായ ഒരു കോംപാക്ട് എസ്യുവി വാങ്ങണോ എന്ന ചോദ്യമായിരിക്കും സാധാരണക്കാരന്റെ മനസ്സില്‍ ഉയരുന്നത്.

അതിന് നാം ആദ്യം ഈ മോട്ടോര്‍സൈക്കിളിനെ കുറിച്ച് അറിയണം. ഹാര്‍ലി ഡേവിഡ്‌സണിന്റെ ബിഗ്-ട്വിന്‍ റേഞ്ചിലേക്കുള്ള എന്‍ട്രി സ്ട്രീറ്റ് ബോബ് 117 എന്ന മോഡലിലൂടെയാണ്. 1,923 സിസി വി-ട്വിന്‍ എഞ്ചിന്‍ 91 hp പവറും 156 Nm പീക്ക് ടോര്‍ക്കും ഉത്പാദിപ്പിക്കുന്നു. ആറ് സ്പീഡ് ഗിയര്‍ബോക്‌സാണ് ഇതിനുള്ളത്. മൂന്ന് റൈഡ് മോഡുകള്‍, ക്രൂയിസ് കണ്‍ട്രോള്‍, കോര്‍ണറിംഗ് എബിഎസ്, ട്രാക്ഷന്‍ കണ്‍ട്രോള്‍, സ്ലിപ്പ് കണ്‍ട്രോള്‍ എന്നിവയും ഇതിലുണ്ട്.

ഹാര്‍ലി-ഡേവിഡ്സണ്‍ സ്ട്രീറ്റ് ബോബ് 117-ല്‍ മുന്നില്‍ 49mm ടെലിസ്‌കോപ്പിക് ഫോര്‍ക്കില്‍ നിന്ന് സസ്പെന്‍ഡ് ചെയ്ത ഒരു ട്യൂബുലാര്‍ ഫ്രെയിമും പിന്നില്‍ പ്രീലോഡ് ക്രമീകരിക്കാവുന്ന മോണോഷോക്കും ഉണ്ട്. സ്ട്രീറ്റ് ബോബ് 117-ലെ ബ്രേക്കിംഗ് ഡ്യൂട്ടികള്‍ ഇരുവശത്തും കാസ്റ്റ് അലുമിനിയം ഡിസ്‌ക് ബ്രേക്കുകള്‍ കൈകാര്യം ചെയ്യുന്നു, മുന്‍വശത്ത് 4-പിസ്റ്റണ്‍ ഫിക്‌സഡ്, പിന്‍വശത്ത് 2-പിസ്റ്റണ്‍ ഫ്‌ലോട്ടിംഗ് കാലിപ്പറുകള്‍ എന്നിവയുണ്ട്.

സ്ട്രീറ്റ് ബോബ് 117-ല്‍ 19 ഇഞ്ച് ഫ്രണ്ട് വീലും 16 ഇഞ്ച് റിയര്‍ വീലും ഉണ്ട്. സ്റ്റാന്‍ഡേര്‍ഡായി, ഈ വീലുകള്‍ സ്റ്റാന്‍ഡേര്‍ഡായി കാസ്റ്റ് അലോയ് വീലുകളാണ്. 87,000 രൂപ അധിക വിലയ്ക്ക്, ഹാര്‍ലി-ഡേവിഡ്സോ ക്രോസ്-സ്പോക്ക്ഡ് വീലുകളുള്ള സ്ട്രീറ്റ് ബോബ് വാഗ്ദാനം ചെയ്യുന്നു. 93 കിലോഗ്രാം ഭാരവും 680 എംഎം സീറ്റ് ഹൈറ്റും ഇതിനുണ്ട്.

ബോബര്‍-പ്രചോദിതമായ രൂപകല്‍പ്പനയാണ് ഈ ബൈക്കിന്റെ പ്രധാന ആകര്‍ഷണം. മിനി എപ്-ഹാങ്ങര്‍ ഹാന്‍ഡില്‍ബാറുകള്‍, ഒരു സിംഗിള്‍ സീറ്റ്, എക്‌സ്‌പോസ്ഡ് സസ്‌പെന്‍ഷന്‍ എന്നിവയെല്ലാം ഇതിനെ വേറിട്ടുനിര്‍ത്തുന്നു. ഹാന്‍ഡില്‍ബാറില്‍ ഘടിപ്പിച്ച ഡിജിറ്റല്‍-അനലോഗ് ഡിസ്പ്ലേ ആധുനിക സൗകര്യങ്ങള്‍ നല്‍കുന്നു. വിവിഡ് ബ്ലാക്ക്, ബില്യാര്‍ഡ് ഗ്രേ, സെന്റര്‍ലൈന്‍, അയണ്‍ ഹോഴ്സ് മെറ്റാലിക്, പര്‍പ്പിള്‍ അബിസ് ഡെനിം എന്നിങ്ങനെ അഞ്ച് സ്റ്റാന്‍ഡേര്‍ഡ് പെയിന്റ് ഓപ്ഷനുകള്‍ ഹാര്‍ലി-ഡേവിഡ്സണ്‍ വാഗ്ദാനം ചെയ്യുന്നു. പ്രീമിയം നിറങ്ങള്‍ക്ക് അധിക ചിലവ് വരും.

ഒരേ വിലനിലവാരത്തില്‍ ഹ്യുണ്ടായി ക്രെറ്റയുടെ ഉയര്‍ന്ന വേരിയന്റുകളായ SX ടെക്, നൈറ്റ് എഡിഷന്‍ എന്നിവ പെട്രോള്‍, ഡീസല്‍ ട്രിമ്മുകളില്‍ ലഭ്യമാണ്. ഏകദേശം 18.7-18.8 ലക്ഷം രൂപ (എക്‌സ്-ഷോറൂം) വിലയുള്ള ഈ കോംപാക്ട് എസ്‌യുവിയില്‍ വെന്റിലേറ്റഡ് സീറ്റുകള്‍, ടച്ച്സ്‌ക്രീന്‍ ഇന്‍ഫോടെയ്ന്‍മെന്റ്, ഡിജിറ്റല്‍ ക്ലസ്റ്റര്‍, കണക്റ്റഡ് കാര്‍ സാങ്കേതികവിദ്യ എന്നിവയുണ്ട്. ടോപ്പ്-സ്‌പെക്ക് വേരിയന്റുകളില്‍ ADAS സുരക്ഷാ ഫീച്ചറും ഉള്‍പ്പെടുത്തിയിട്ടുണ്ട്.

ജീവിതശൈലിയെ ആശ്രയിച്ചിരിക്കും ഒരാള്‍ സ്ട്രീറ്റ് ബോബ് 117 മോട്ടോര്‍സൈക്കിളോ ഹ്യുണ്ടായി ക്രെറ്റയോ തിരഞ്ഞെടുക്കുന്നത്. സ്ട്രീറ്റ് ബോബ് 117, ഹാര്‍ലി ബാഡ്ജിന്റെ പ്രകടനത്തിനും സ്വഭാവത്തിനും പ്രാധാന്യം നല്‍കുന്ന മോട്ടോര്‍സൈക്കിള്‍ പ്രേമികളെ ലക്ഷ്യം വെച്ചുള്ളതാണ്. മറുവശത്ത്, ഹ്യുണ്ടായി ക്രെറ്റ വിശാലമായ ഇന്റീരിയറും, നൂതന ഫീച്ചറുകളും, ദൈനംദിന ഉപയോഗത്തിന് പറ്റുന്ന സൗകര്യങ്ങളും വാഗ്ദാനം ചെയ്യുന്നു.

ഒന്ന് അഭിനിവേശത്തെയും മറ്റൊന്ന് പ്രായോഗികതയേയും പ്രതിനിധീകരിക്കുന്നു. ഏത് വശമാണ് തങ്ങളെ കൂടുതല്‍ സ്വാധീനിക്കുന്നതെന്ന് ഉപഭോക്താക്കള്‍ ശ്രദ്ധാപൂര്‍വ്വം ചിന്തിക്കണം. റെട്രോ സൗന്ദര്യശാസ്ത്രത്തിന്റെയും സമകാലിക റൈഡര്‍ എയ്ഡുകളുടെയും മിശ്രിതമാണ് സ്ട്രീറ്റ് ബോബിനെ ആകര്‍ഷകമായ ഒരു ഓപ്ഷനാക്കി മാറ്റുന്നത്. ഇന്ത്യയിലുടനീളമുള്ള ഹാര്‍ലി-ഡേവിഡ്സണ്‍ ഡീലര്‍ഷിപ്പുകളില്‍ പുതിയ ഫാറ്റ് ബോബ് 117 ന്റെ ബുക്കിംഗ് ഇപ്പോള്‍ തുറന്നിരിക്കുന്നു. ഡെലിവറികള്‍ ഉടന്‍ ആരംഭിക്കുമെന്ന് പ്രതീക്ഷിക്കുന്നു.