ലീനിങ്ങ് ട്രൈക്കിൻ്റെ പ്രീ ബുക്കിങ്ങ് ആരംഭിച്ച് iGO; ഫുൾ ചാർജിൽ 140 കിലോമീറ്റർ

വളർന്നു കൊണ്ടിരിക്കുന്ന ഇലക്ട്രിക് മൊബിലിറ്റിയിൽ പുതിയ പുതിയ ബ്രാൻഡുകൾ രംഗത്ത് എത്തുന്നുണ്ട്. എല്ലാ റൈഡർമാർക്കും പുതിയ ഫീച്ചറുകളും, സുരക്ഷ, പെർഫോമൻസ്, എന്നിവയെല്ലാം സംയോജിപ്പിച്ച് കൊണ്ട് രൂപകൽപ്പന ചെയ്‌തിരിക്കുന്ന നഗര മൊബിലിറ്റിയിലെ ഒരു വഴിത്തിരിവായി വിപ്ലവകരമായ സ്മാർട്ട് ഇലക്ട്രിക് ലീനിംഗ് ട്രൈക്കുകൾക്കായി പരിമിതമായ റീട്ടെയിൽ പ്രീ-ബുക്കിംഗുകൾ ഐഗോ ആരംഭിച്ചിരിക്കുകയാണ്. 100 ശതമാനവും തദ്ദേശീയ ഗവേഷണ വികസനത്തിൽ നിർമ്മിച്ചതും "മേക്ക് ഇൻ ഇന്ത്യ, ഫോർ ദി വേൾഡ്" എന്ന കാഴ്ചപ്പാടിന് കീഴിൽ വികസിപ്പിച്ചെടുത്ത iGo
ട്രൈക്കുകൾ ആന്റി-ടോപ്പിൾ സ്വിവലിംഗ്, ലെവൽ-2 സെൽഫ്-ബാലൻസിങ് സാങ്കേതികവിദ്യകൾ എന്നിവയാൽ വിപണിയിൽ വേറിട്ടുനിൽക്കുന്നവയാണ്.

ഇന്ത്യ എന്നത് ഇന്ത്യയിലെ ഏറ്റവും വലിയ ത്രീ-വീലർ വിപണിയാണ്. ഒരു ട്രൈക്ക് എന്തായിരിക്കണമെന്ന് പുനർനിർവചിക്കുക, അത് ദൈനംദിന യാത്രക്കാർക്ക് അഭിലാഷപൂർണ്ണവും, കരുത്തുറ്റതും, സുരക്ഷിതവുമാക്കുക എന്നതാണ് ഞങ്ങളുടെ ദൗത്യമെന്നും തദ്ദേശീയ ഗവേഷണ വികസനത്തിലും, ശക്തമായ ഒരു വിതരണ ശൃംഖലയിലും ശക്തമായ ഊന്നൽ നൽകിക്കൊണ്ട്, ഇന്ത്യയിൽ നിർമ്മിച്ച ഒരു ലോകോത്തര ഉൽപ്പന്നം അവതരിപ്പിക്കുന്നതിൽ ഞങ്ങൾ അഭിമാനിക്കുന്നു എന്നാണ് സിഇഒ ശ്രാവൺ കുമാർ അപ്പാന അഭിപ്രായപ്പെട്ടത്.

ഇരട്ട-ചക്ര ട്രൈക്ക് കുഴികളുള്ള റോഡുകളിലൂടേയും സമ്മർദ്ദമില്ലാതെ സ്ലൈഡ് ചെയ്യാൻ സാധിക്കുന്നവയാണ്. അതിനൊപ്പം തന്നെ ഇരട്ട-ചക്ര ടോർക്ക് ഉപയോഗിച്ച് കുത്തനെയുള്ള ചരിവുകളിലൂടെ എളുപ്പത്തിൽ യാത്ര ചെയ്യാൻ സാധിക്കുന്നുണ്ട്. ആദ്യത്തെ ട്രിപ്പിൾ-ഡിസ്ക് ആന്റി-സ്കിഡ് CBS ഉപയോഗിച്ച് ധൈര്യമായി ബ്രേക്ക് ചെയ്യാൻ നിങ്ങൾക്ക് ആത്മവിശ്വാസം നൽകുന്നു.

ട്രൈക്കിൻ്റെ മറ്റ് സവിശേഷതകളിലേക്ക് നോക്കിയാൽ മണിക്കൂറിൽ 70 കിലോമീറ്ററാണ് പരമാവധി വേഗത. മൂന്ന് ബാറ്ററി ഓപ്ഷനുകളിലാണ് വാഹനം ലഭിക്കുന്നത്. 70,100,140 കിലോമീറ്റർ വേഗത ലഭിക്കും. 100 മിനിറ്റ് കൊണ്ട് 80 ശതമാനം ചാർജിങ്ങ് സാധ്യമാകുന്നു. ഉയർന്ന വോൾട്ടേജ് 72V ആർക്കിടെക്ചർ ഉപയോഗിച്ച്, iGo's വീട്ടിൽ തന്നെ 90 മിനിറ്റിനുള്ളിൽ ബേസ് മോഡൽ പൂർണ്ണ ശേഷിയിലേക്ക് ചാർജ് ചെയ്യാം.എളുപ്പത്തിലുള്ള സർവീസിംഗിനായി ഡിസൈൻ ചെയ്തിരിക്കുന്നവയാണ് ഇത്.

ഇലക്ട്രിക് സ്കൂട്ടറെന്നാണ് പേരെങ്കിലും സംഭവം ഒരു മുചക്ര വാഹനമാണ്. തീപിടുത്തത്തിൽ നിന്നും മുക്തമാവാനായി ഫയർ-റെസിസ്റ്റൻ്റ് LifePO4 ബാറ്ററി പായ്ക്കാണ് ഉപയോഗിച്ചിരിക്കുന്നത്. 60 ലിറ്റർ ബൂട്ട് സ്‌പേസ് ഉള്ള ഇലക്ട്രിക് സ്‌കൂട്ടറിന് ഇൻബിൽറ്റ് പില്യൺ ഫുട്‌റെസ്റ്റ്, വിശാലമായ ഫ്ലാറ്റ് ഫ്ലോർ ലെഗ്റൂം, ട്രിപ്പിൾ ഡിസ്‌ക് ആന്റി സ്‌കിഡ് ബ്രേക്കിംഗ് സിസ്റ്റം എന്നീ സവിശേഷതകളും ലഭിക്കുന്നുവെന്നാണ് കമ്പനി അവകാശപ്പെടുന്നത്.

കാറിന്റെ സൗകര്യവും സുരക്ഷയും, ഇരുചക്ര വാഹനങ്ങളുടെ സൗകര്യവും പാർക്കിംഗ് ബുദ്ധിമുട്ടും തമ്മിലുള്ള വിടവ് നികത്തുന്നതിനാണ് ബെയ്‌ഗോ X4 ഡിസൈൻ ചെയ്‌തിരിക്കുന്നതും. ബെംഗളൂരുവിലെ വൈറ്റ്ഫീൽഡിൽ നിർമാണ സൗകര്യമുള്ള ഐഗോ മൊബിലിറ്റി സ്റ്റാർട്ടപ്പിന് പ്രതിവർഷം 30,000 യൂണിറ്റുകളുടെ ഉത്പാദന ശേഷിയാണുള്ളത് എന്നാണ് റിപ്പോർട്ടുകൾ വ്യക്തമാക്കുന്നത്.

വ്യക്തിഗത ഉപയോഗങ്ങൾക്ക് അല്ലെങ്കിൽ പോലും ഡെലിവറി സാധ്യതകൾക്കായി വാഹനത്തെ ഉപയോഗിക്കപ്പെടുമെന്നാണ് വിലയിരുത്തൽ. എങ്കിലും ഒരു എസ്‌യുവിയുടെ സ്ഥലവും സുരക്ഷയും സൗകര്യവും വിലമതിക്കുന്ന ഇന്ത്യൻ കുടുംബങ്ങളെ ലക്ഷ്യമിട്ടാണ് ഈ ഇ-ബൈക്ക് നിർമിച്ചിരിക്കുന്നതെന്നാണ് കമ്പനി പറയുന്നത്. ഇതിന് 6 ഇഞ്ച് ഇന്റഗ്രേറ്റഡ് സ്‌മാർട്ട് ഡിസ്‌പ്ലേയും സെൻസിബിൾ സ്മാർട്ട് ചാർജിംഗ് ഫീച്ചറുകൾ വരെും ബ്രാൻഡ് നൽകിയിട്ടുണ്ടെന്നതും ശ്രദ്ധേയമാണ്.

ഡ്രൈവ്സ്പാർക്ക് മലയാളം വെബ്‌സൈറ്റ് വാഹന സംബന്ധിയായ വാർത്തകൾ തത്സമയം നിങ്ങളുടെ വിരൽത്തുമ്പിൽ ലഭ്യമാക്കുന്നു. സോഷ്യൽ മീഡിയയിലൂടെ ഞങ്ങൾ വാർത്തകൾ വായനക്കാരുമായി തൽക്ഷണം പങ്കിടുന്നു.ഏറ്റവും പുതിയ കാർ, ബൈക്ക് വാർത്തകൾ, ടെസ്റ്റ് ഡ്രൈവ് റിപ്പോർട്ടുകൾ, വീഡിയോകൾ എന്നിവ ലഭിക്കാൻ ഡ്രൈവ്സ്പാർക്ക് മലയാളത്തിന്റെ ഫെയ്‌സ്ബുക്ക്, ഇൻസ്റ്റഗ്രാം, ടെലിഗ്രാം, യൂട്യൂബ് ചാനൽ എന്നിവ മറക്കാതെ ഫോളോ ചെയ്യാം. ഞങ്ങളുടെ ഏതെങ്കിലും വാർത്ത ഇഷ്ടപ്പെട്ടാൽ ലൈക്ക് ചെയ്യാനും കമൻ്റ് ചെയ്യാനും മറക്കല്ലേ.