KTM 390-യിൽ മാത്രമല്ല കേട്ടോ! കാശ് കൂടുതൽ തന്നാൽ TFT ഡിസ്പ്ലേ തരാമെന്ന് ഓസ്ട്രിയൻ ബ്രാൻഡ്

കെടിഎം തങ്ങളുടെ ജനപ്രിയ 160 ഡ്യൂക്ക് മോഡലിൽ പുതിയൊരു വേരിയൻ്റ് അവതരിപ്പിച്ചിരിക്കുകയാണ്. 5 ഇഞ്ച് കളർ TFT ഡിസ്‌പ്ലേയോടുകൂടിയ ഈ വേരിൻ്റിൽ, എൻട്രി ലെവൽ പെർഫോമൻസ് വിഭാഗത്തിൽ കൂടുതൽ ടെക്നോളജി സൗകര്യങ്ങൾ ലഭ്യമാക്കുന്നുണ്ട്. സ്റ്റാൻഡേർഡ് LCD ഘടിപ്പിച്ച ബേസ് പതിപ്പും വിപണിയിൽ ലഭ്യമാണ് കേട്ടോ. പുതിയ TFT ഡിസ്‌പ്ലേ പതിപ്പിന് 1,78,536 രൂപയും ബേസ് മോഡലിന് 1,70,545 രൂപയുമാണ് എക്സ്-ഷോറൂം വില. പുതിയ ടെക്നോളജി അവതരിപ്പിച്ചപ്പോഴേക്കും വാഹനത്തിൻ്റെ വിലയിലും വ്യത്യാസം വരുത്തിയിട്ടുണ്ട്.

പുതുതായി ചേർത്ത 5 ഇഞ്ച് കളർ TFT ഡിസ്‌പ്ലേ, Gen-3 KTM 390 ഡ്യൂക്കിൽ നിന്നാണ് കടമെടുത്തിരിക്കുന്നത്. ബോണ്ടഡ് ഗ്ലാസ് ഘടനയുള്ള ഇത്, സാധാരണ LCD ക്ലസ്റ്ററിനെ അപേക്ഷിച്ച് മികച്ച ദൃശ്യപരതയും ആകർഷകമായ ഇന്റർഫേസും നൽകുന്നു. ഫോർ-വേ മെനു നിയന്ത്രണങ്ങളോടുകൂടിയ പുതിയ സ്വിച്ച് ക്യൂബ് ഇതിനൊപ്പം വരുന്നു. ഇത് ഓടിക്കുമ്പോൾ തന്നെ വാഹനത്തിന്റെ പ്രവർത്തനങ്ങൾ, ക്രമീകരണങ്ങൾ, സ്മാർട്ട്ഫോൺ കണക്റ്റിവിറ്റി എന്നിവ എളുപ്പത്തിൽ നിയന്ത്രിക്കാൻ സഹായിക്കും.

KTM My-Ride ആപ്പുമായി ബ്ലൂടൂത്ത് വഴി കണക്ട് ചെയ്യുമ്പോൾ, TFT ഡിസ്‌പ്ലേ ടേൺ-ബൈ-ടേൺ നാവിഗേഷൻ വഴി റൂട്ട് നിർദ്ദേശങ്ങൾ നേരിട്ട് സ്ക്രീനിൽ കാണിക്കും. KTM കണക്റ്റ് ആപ്പ്, ബൈക്കിനും റൈഡറുടെ സ്മാർട്ട്ഫോണിനും ഇടയിലുള്ള ഫീച്ചറാണ്. റൈഡ് ഡാറ്റ, യാത്രാ വിവരങ്ങൾ, മറ്റ് മോട്ടോർസൈക്കിൾ സംബന്ധിയായ കാര്യങ്ങൾ എന്നിവയെല്ലാം ഇതിലൂടെ ലഭ്യമാകും. ദൈനംദിന, ദീർഘയാത്രകളിൽ ഇത് TFT ഡിസ്‌പ്ലേയെ ഒരു പ്രധാന ആശയവിനിമയ കേന്ദ്രമാക്കുന്നു.

ബ്ലൂടൂത്ത് വഴി ഇൻകമിംഗ് കോൾ അലർട്ടുകൾ TFT സ്ക്രീനിൽ കാണാം. മോഡ് സ്വിച്ച് വഴി കോളുകൾ സ്വീകരിക്കാനോ നിരസിക്കാനോ റൈഡർക്ക് കഴിയും. സുരക്ഷ മുൻനിർത്തി, ഓടിക്കുമ്പോൾ ഔട്ട്ഗോയിംഗ് കോളുകളും അഡ്രസ് ബുക്ക് ആക്സസ്സും പ്രവർത്തനരഹിതമാകും. ബ്ലൂടൂത്ത് ഹെൽമെറ്റ് ഹെഡ്സെറ്റ് കണക്ട് ചെയ്യുമ്പോൾ, സംഗീതം നിയന്ത്രിക്കാനും ട്രാക്കുകളും വോളിയവും ക്രമീകരിക്കാനും വിവരങ്ങൾ കാണാനും സാധിക്കും.

TFT ഡിസ്‌പ്ലേയിലൂടെ സൂപ്പർമോട്ടോ ABS മോഡും ലഭ്യമാണ്. ഇത് പിൻ ചക്രത്തിലെ ABS ബ്രേക്കിംഗ് പ്രവർത്തനരഹിതമാക്കുന്നു. ട്രാക്കുകളിലെ നിയന്ത്രിത സ്ലൈഡിംഗ് പോലുള്ള പ്രത്യേക റൈഡിംഗ് സാഹചര്യങ്ങൾക്കും സൂപ്പർമോട്ടോ ശൈലിയിലുള്ള ഓട്ടത്തിനും വേണ്ടിയാണിത്.

റൈഡർമാർക്ക് ഷിഫ്റ്റ് RPM, ലിമിറ്റ് RPM ക്രമീകരണങ്ങൾ കസ്റ്റമൈസ് ചെയ്യാൻ സാധിക്കും. ഇത് ഡിസ്പ്ലേ തീമുകൾ ഇരുണ്ടതും ഓറഞ്ചും നിറങ്ങളിലേക്ക് മാറുന്നത് കാണാൻ സാധിക്കും. സ്ക്രീൻ ലേഔട്ട്, മെനു ഷോർട്ട്കട്ടുകൾ, ഇൻഫർമേഷൻ പാനലുകൾ എന്നിവയും റൈഡറുടെ താൽപര്യത്തിനനുസരിച്ച് മാറ്റിയെടുക്കാനുളള സംവിധാനവും ബൈക്കിൽ നിങ്ങൾക്ക് ലഭിക്കും.

കരുത്തുറ്റ പവർ-ടു-വെയ്റ്റ് അനുപാതവും ആക്രമണാത്മകമായ സ്റ്റൈലിംഗുമായി KTM 160 ഡ്യൂക്ക് യുവതലമുറയെ ലക്ഷ്യമിടുന്ന ഒരു സ്ട്രീറ്റ് മോട്ടോർസൈക്കിളായി തുടരുകയാണ്. TFT ഡിസ്‌പ്ലേയുടെ കൂട്ടിച്ചേർക്കൽ, ഈ വിഭാഗത്തിലെ അതിന്റെ ടെക്നോളജി പായ്ക്കിനെ കൂടുതൽ ഉയർത്താൻ സഹായിക്കുന്നുണ്ട്. പുതിയ TFT ഡിസ്‌പ്ലേയിലൂടെ KTM 160 ഡ്യൂക്ക് കൂടുതൽ അവബോധജന്യവും ആസ്വാദ്യകരവുമായ ഒരു റൈഡിംഗ് അനുഭവം നൽകുന്നു.

ഡ്രൈവ്സ്പാർക്ക് മലയാളം വെബ്‌സൈറ്റ് വാഹന സംബന്ധിയായ വാർത്തകൾ തത്സമയം നിങ്ങളുടെ വിരൽത്തുമ്പിൽ ലഭ്യമാക്കുന്നു. സോഷ്യൽ മീഡിയയിലൂടെ ഞങ്ങൾ വാർത്തകൾ വായനക്കാരുമായി തൽക്ഷണം പങ്കിടുന്നു.ഏറ്റവും പുതിയ കാർ, ബൈക്ക് വാർത്തകൾ, ടെസ്റ്റ് ഡ്രൈവ് റിപ്പോർട്ടുകൾ, വീഡിയോകൾ എന്നിവ ലഭിക്കാൻ ഡ്രൈവ്സ്പാർക്ക് മലയാളത്തിന്റെ ഫെയ്‌സ്ബുക്ക്, ഇൻസ്റ്റഗ്രാം, ടെലിഗ്രാം, യൂട്യൂബ് ചാനൽ എന്നിവ മറക്കാതെ ഫോളോ ചെയ്യാം. ഞങ്ങളുടെ ഏതെങ്കിലും വാർത്ത ഇഷ്ടപ്പെട്ടാൽ ലൈക്ക് ചെയ്യാനും കമൻ്റ് ചെയ്യാനും മറക്കല്ലേ.