കെടിഎം 390 ലൈനപ്പിന് 10 വര്‍ഷത്തെ ഫ്രീ വാറണ്ടി! ചെറിയൊരു ട്വിസ്റ്റുണ്ടേ...

മോഡേണ്‍ ബൈക്കുകള്‍ക്ക് മെക്കാനിക്കല്‍ അല്ലെങ്കില്‍ ഇലക്ട്രിക്കല്‍ തകരാറുകള്‍ വരാന്‍ സാധ്യതയുള്ളതിനാല്‍ എക്സ്റ്റന്‍ഡഡ് വാറണ്ടിയുണ്ടാകുന്നത് ഒരു ഉടമയെ സംബന്ധിച്ച് ആശ്വാസമാണ്. വാറണ്ടി റൈഡറുടെ മൊത്തത്തിലുള്ള സാമ്പത്തിക നില നിയന്ത്രണത്തില്‍ നിര്‍ത്താന്‍ സഹായിക്കുന്നു. ഇപ്പോള്‍ ഓസ്ട്രിയന്‍ ഇരുചക്ര വാഹന ബ്രാന്‍ഡ് ആയ കെടിഎം തങ്ങളുടെ 390 ശ്രേണിയിലുള്ള ബൈക്കുകള്‍ക്ക് 10 വര്‍ഷത്തെ സൗജന്യ വാറണ്ടി പ്രഖ്യാപിച്ചു. RC390, 390 എന്‍ഡ്യൂറോ R, 390 അഡ്വഞ്ചര്‍, 390 ഡ്യൂക്ക് എന്നിവ വാങ്ങാന്‍ പദ്ധതിയിടുന്ന റൈഡര്‍മാര്‍ക്ക് ഈ ഓഫര്‍ പ്രയോജനപ്പെടുത്താം.

ഓഗസ്റ്റ് 31 വരെ ഇന്ത്യയിലെ എല്ലാ കെടിഎം ഷോറൂമുകളില്‍ നിന്നും ഈ വാറണ്ടി ഓഫര്‍ ലഭ്യമാകും. 10 വര്‍ഷത്തെ വാറണ്ടി അടിസ്ഥാനപരമായി ബൈക്കിനൊപ്പം വരുന്ന മൂന്ന് വര്‍ഷത്തെ സ്റ്റാന്‍ഡേര്‍ഡ് വാറണ്ടിയാണ്. തുടര്‍ന്ന് 7 വര്‍ഷം അല്ലെങ്കില്‍ 1.25 ലക്ഷം കിലോമീറ്റര്‍ വിപുലീകൃത വാറണ്ടിയുണ്ട്. മോട്ടോര്‍സൈക്കിളിന്റെ വില്‍പ്പന വര്‍ദ്ധിപ്പിക്കുന്നതിനായാണ് ഈ വാറണ്ടി ഓഫര്‍ അവതരിപ്പിച്ചിരിക്കുന്നത്.

കെടിഎമ്മിന്റെ 390 സീരീസിനുള്ള 10 വര്‍ഷത്തെ വാറണ്ടി കവറേജ് രണ്ട് ഘട്ടങ്ങളായി തിരിച്ചിരിക്കുന്നു. ആദ്യത്തെ അഞ്ച് വര്‍ഷം സ്റ്റാന്‍ഡേര്‍ഡ് വാറണ്ടിയില്‍ വരും, അടുത്ത അഞ്ച് വര്‍ഷം ഈ പ്രമോഷണല്‍ കാലയളവില്‍ വാങ്ങിയ മോട്ടോര്‍സൈക്കിളുകള്‍ക്ക് മാത്രമായി വിപുലീകൃത പാക്കേജായി ഉള്‍പ്പെടുത്തിയിട്ടുണ്ട്. എക്സ്റ്റന്‍ഡഡ് വാറണ്ടി ഒറിജിനല്‍ ഉടമയ്ക്ക് മാത്രമേ ബാധകമാകൂ എന്ന കാര്യം പ്രത്യേകം ശ്രദ്ധിക്കുക.

390 സീരീസ് മോട്ടോര്‍സൈക്കിള്‍ വിറ്റാല്‍ അധിക കവറേജ് അവസാനിക്കും. എക്സ്റ്റന്‍ഡഡ് വാറണ്ടി സാധുവായി തുടരുന്നതിന് ഉടമസ്ഥാവകാശവും രജിസ്‌ട്രേഷന്‍ വിശദാംശങ്ങളും യഥാര്‍ത്ഥ ഉടമയുമായി പൊരുത്തപ്പെടണം. 10 വര്‍ഷത്തെ വിപുലീകൃത വാറണ്ടി ഓഫറിന് കീഴില്‍ വരുന്ന 390 സീരീസ് ബൈക്കുകളുടെ എല്ലാ ക്ലെയിമുകളും അറ്റകുറ്റപ്പണികളും അംഗീകൃത കെടിഎം വര്‍ക്ക്ഷോപ്പുകള്‍ വഴിയാണ് പ്രോസസ് ചെയ്യേണ്ടത്.

എല്ലാ ജോലികള്‍ക്കും ഒറിജിനല്‍ പാര്‍ട്‌സുകള്‍ ഉപയോഗിക്കുന്നുണ്ടെന്നും വാറണ്ടി കാലയളവിലുടനീളം അംഗീകൃത സര്‍വീസ് മാനദണ്ഡങ്ങള്‍ പാലിക്കേണ്ടതുമുണ്ട്. വാറണ്ടിക്ക് യോഗ്യരാകാന്‍ ഉപഭോക്താക്കള്‍ ഓഗസ്റ്റ് 31-നകം പര്‍ച്ചേസ് പൂര്‍ത്തിയാക്കി ഇന്‍വോയ്സ് ജനറേറ്റ് ചെയ്യണം. ബുക്കിംഗുകള്‍ കൊണ്ട് മാത്രം വാറണ്ടി ലഭിക്കില്ല. വിപുലീകൃത വാറണ്ടി കവറേജ് ആക്റ്റിവേറ്റ് ആക്കുന്നതിന് സമയപരിധിക്ക് മുമ്പ് മോട്ടോര്‍സൈക്കിള്‍ ഡെലിവറി ചെയ്ത് ബില്‍ ചെയ്യണം.

വ്യത്യസ്ത റൈഡിംഗ് ആവശ്യങ്ങള്‍ക്കായി കെടിഎം 390 ശ്രേണിയില്‍ വൈവിധ്യമാര്‍ന്ന ഓപ്ഷനുകള്‍ ഉള്‍പ്പെടുന്നു. ഡ്യൂക്ക് സ്ട്രീറ്റ് റൈഡര്‍മാരെ ആകര്‍ഷിക്കുമ്പോള്‍ ആര്‍സി ട്രാക്ക് ഓറിയന്റഡ് ആണ്. അതേസമയം അഡ്വഞ്ചര്‍, അഡ്വഞ്ചര്‍ X എന്നിവ ടൂറിംഗിന് അനുയോജ്യമാണ്. ഓഫ്-റോഡ് ശേഷി ആഗ്രഹിക്കുന്ന റൈഡര്‍മാരെയാണ് എന്‍ഡ്യൂറോ R ലക്ഷ്യമിടുന്നത്.

390 സീരീസ് മോട്ടോര്‍സൈക്കിളുകള്‍ക്കുള്ള കെടിഎമ്മിന്റെ ഈ എക്സ്റ്റന്‍ഡഡ് വാറണ്ടി ഓഫര്‍ അതിന്റെ സെഗ്മെന്റിലെ ഏറ്റവും ദൈര്‍ഘ്യമേറിയ കവറേജ് പീരിയഡുകളില്‍ ഒന്നാണ്. കെടിഎം 390 നിരയില്‍ നിന്നുള്ള മോട്ടോര്‍സൈക്കിളുകള്‍ വാങ്ങുന്നവര്‍ക്ക് ദീര്‍ഘകാല ഉടമസ്ഥാവകാശത്തിന് ഇത് ഒരു അധിക ഉറപ്പ് നല്‍കുന്നു. പ്രത്യേകിച്ച്, സാധാരണ വാറണ്ടി വിന്‍ഡോയ്ക്ക് പുറത്ത് മോട്ടോര്‍സൈക്കിളുകള്‍ സൂക്ഷിക്കാനും ഉപയോഗിക്കാനും പദ്ധതിയിടുന്ന റൈഡേഴ്സിന് ഇത് ഉപകാരപ്രദമായിരിക്കും.

ഡ്രൈവ്സ്പാർക്ക് മലയാളം വെബ്‌സൈറ്റ് വാഹന സംബന്ധിയായ വാർത്തകൾ തത്സമയം നിങ്ങളുടെ വിരൽത്തുമ്പിൽ ലഭ്യമാക്കുന്നു. സോഷ്യൽ മീഡിയയിലൂടെ ഞങ്ങൾ വാർത്തകൾ വായനക്കാരുമായി തൽക്ഷണം പങ്കിടുന്നു. ഏറ്റവും പുതിയ കാർ, ബൈക്ക് വാർത്തകൾ, ടെസ്റ്റ് ഡ്രൈവ് റിപ്പോർട്ടുകൾ, വീഡിയോകൾ എന്നിവ ലഭിക്കാൻ ഡ്രൈവ്സ്പാർക്ക് മലയാളത്തിന്റെ ഫെയ്‌സ്ബുക്ക്, ഇൻസ്റ്റഗ്രാം, ടെലഗ്രാം, യൂട്യൂബ് ചാനൽ എന്നിവ മറക്കാതെ ഫോളോ ചെയ്യാം. ഞങ്ങളുടെ ഏതെങ്കിലും വാർത്ത ഇഷ്ടപ്പെട്ടാൽ ലൈക്ക് ചെയ്യാനും കമൻറ് ചെയ്യാനും മറക്കല്ലേ.