ഇ-സ്‌കൂട്ടറുകളിലെ എസ്‌യുവി 22500 രൂപ ഓഫറില്‍ സ്വന്തമാക്കാം! വേഗമാകട്ടെ, ഏതാനും ദിവസങ്ങള്‍ കൂടി മാത്രം

പുതുവര്‍ഷം പിറക്കാന്‍ ഇനി ഏതാനും ദിവസങ്ങള്‍ കൂടി മാത്രമേ ബാക്കിയുള്ള. ഡിസംബര്‍ അവസാനം ഒരു ഇലക്ട്രിക് സ്‌കൂട്ടര്‍ വാങ്ങുന്നവര്‍ക്ക് ഇപ്പോള്‍ ഒരു സന്തോഷവാര്‍ത്തയുണ്ട്. രാജ്യത്തെ പ്രമുഖ ഇലക്ട്രിക് ഇരുചക്ര വാഹന നിര്‍മാതാക്കളായ റിവര്‍ മൊബിലിറ്റി അവരുടെ റിവര്‍ ഇന്‍ഡി ഇലക്ട്രിക് സ്‌കൂട്ടറിന് ഇയര്‍ എന്‍ഡ് ഓഫറുകള്‍ പ്രഖ്യാപിച്ചു. 2025 ഡിസംബര്‍ 31 വരെ പ്രാബല്യത്തിലുള്ള ഈ ഇയര്‍ എന്‍ഡ് ഓഫറുകള്‍ സ്‌കൂട്ടിന്റെ വില്‍പ്പന വര്‍ധിപ്പിക്കാന്‍ സഹായിക്കുമെന്ന് കമ്പനി പ്രതീക്ഷിക്കുന്നു. താങ്ങാവുന്ന വിലയില്‍ ഇലക്ട്രിക് സ്‌കൂട്ടറുകള്‍ വാങ്ങാന്‍ ആഗ്രഹിക്കുന്ന ഉപഭോക്താക്കള്‍ക്കായി പ്രത്യേകം രൂപകല്‍പ്പന ചെയ്ത മോഡലാണ് റിവര്‍ ഇന്‍ഡി.

കുറഞ്ഞ ഡൗണ്‍ പേയ്‌മെന്റുകള്‍, ക്യാഷ്ബാക്ക്, ഈസി ഇഎംഐ ഓപ്ഷനുകള്‍ ഉള്‍പ്പെടെ ഈ വര്‍ഷാവസാന ഓഫറുകള്‍ ഇലക്ട്രിക് സ്‌കൂട്ടറുകള്‍ക്കിടയിലെ എസ്‌യുവി എന്ന് അറിയപ്പെടുന്ന റിവര്‍ ഇന്‍ഡിയെ മുമ്പത്തേക്കാള്‍ താങ്ങാനാവുന്നതാക്കുന്നു. കൂടുതല്‍ ഉപഭോക്താക്കള്‍ക്ക് ഇലക്ട്രിക് മൊബിലിറ്റി പ്രാപ്യമാക്കാനും ഇതിനുള്ള സാമ്പത്തിക ഭാരം കുറയ്ക്കാനും ലക്ഷ്യമിട്ടാണ് കമ്പനി ഈ ഓഫറുകള്‍ കൊണ്ടുവന്നിരിക്കുന്നത്.

റിവര്‍ ഇന്‍ഡി വാങ്ങാന്‍ പദ്ധതിയിടുന്നവര്‍ ഈ മാസം 7,500 രൂപ വരെ ക്യാഷ്ബാക്ക് ലഭിക്കും. ഈ ക്യാഷ്ബാക്ക് കമ്പനിയുടെ ഉടമസ്ഥതയില്‍ പ്രവര്‍ത്തിക്കുന്ന കമ്പനി ഓണ്‍ഡ് ആന്‍ഡ് ഓപറേറ്റഡ് സ്റ്റോറുകളില്‍ ലഭ്യമാകും. HDFC, ICICI, ബാങ്ക് ഓഫ് ബറോഡ, കൊട്ടക്, വണ്‍ കാര്‍ഡ് എന്നിവയുള്‍പ്പെടെ തിരഞ്ഞെടുത്ത ബാങ്ക് ക്രെഡിറ്റ് കാര്‍ഡുകള്‍ക്ക് മാത്രമേ ഈ ക്യാഷ്ബാക്ക് ഓഫര്‍ ലഭ്യമാകൂ. ഈ കാര്‍ഡ് ഉപയോക്താക്കള്‍ക്ക് അധിക ആനുകൂല്യങ്ങള്‍ നല്‍കും.

മാത്രമല്ല ഇപ്പോള്‍ വെറും 14,999 രൂപ ഡൗണ്‍ പേയ്‌മെന്റില്‍ റിവര്‍ ഇന്‍ഡി സ്വന്തമാക്കാനുള്ള അവസരവും ഉപഭോക്താക്കള്‍ക്ക് ലഭിക്കുന്നു. ഓട്ടോകാര്‍ പ്രഫഷനലില്‍ വന്ന റിപ്പോര്‍ട്ട് അനുസരിച്ച് IDFC, ഇവ്ഫിനുമായി സഹകരിച്ചാണ് ആകര്‍ഷകമായ ഈ ഫിനാന്‍സിംഗ് സ്‌കീം മുന്നോട്ട് വെക്കുന്നത്. കൂടാതെ, കമ്പനി സ്‌കൂട്ടര്‍ ആക്‌സസറികള്‍ക്കായി ഇഎംഐ ഓപ്ഷനുകളും വാഗ്ദാനം ചെയ്യുന്നു. ഉപഭോക്താക്കള്‍ക്ക് മാസതവണ വ്യവസ്തയില്‍ 14,000 വരെ വിലയുള്ള ആക്‌സസറികള്‍ വാങ്ങാം.

ഏതാനും ദിവസങ്ങള്‍ക്ക് മുമ്പാണ് റിവര്‍ ഇന്‍ഡ് 20000 യൂണിറ്റ് ഉത്പാദന നാഴികക്കല്ല് പിന്നിട്ടത്. കര്‍ണാടകയിലെ ഹോസ്‌കോട്ടിലുള്ള നിര്‍മ്മാണശാലയില്‍ നിന്ന് 20000-ാമത്തെ റിവര്‍ ഇന്‍ഡി പുറത്തിറക്കിയാണ് കമ്പനി നേട്ടം കൈവരിച്ചത്. ലോഞ്ച് ചെയ്ത് വെറും രണ്ട് വര്‍ഷത്തിനുള്ളിലാണ് ഈ മികച്ച മുന്നേറ്റം സാധ്യമാക്കിയത്. ആറ് മാസം മുമ്പാണ് റിവര്‍ ഇന്‍ഡിയുടെ വില്‍പ്പന 10,000 യൂണിറ്റ് നാഴികക്കല്ല് പിന്നിട്ടത്.

ഇന്ത്യയിലെ റിവര്‍ ഇന്‍ഡി ഇലക്ട്രിക് സ്‌കൂട്ടറിന്റെ എക്‌സ്-ഷോറൂം വില ഏകദേശം 1.25 ലക്ഷം രൂപയാണ്. നഗര യാത്രകള്‍ക്കും ചെറിയ വാരാന്ത്യ യാത്രകള്‍ക്കും വേണ്ടി രൂപകല്‍പ്പന ചെയ്തിരിക്കുന്ന ഇവിക്ക് 4 kWh NMC ബാറ്ററി പായ്ക്കാണ് ലഭിക്കുന്നത്. ഒറ്റത്തവണ ചാര്‍ജ് ചെയ്താല്‍ ഇന്‍ഡി 163 കിലോമീറ്റര്‍ ഓടുമെന്ന് റിവര്‍ മൊബിലിറ്റി അവകാശപ്പെടുന്നു. ബാറ്ററി 0-80% ചാര്‍ജ് അഞ്ച് മണിക്കൂര്‍ എടുക്കും.

റിവര്‍ ഇന്‍ഡി സ്‌കൂട്ടര്‍ 6.7 kW (9hp) പീക്ക് പവറും 26 Nm ടോര്‍ക്കും വികസിപ്പിക്കുന്നു. പൂജ്യത്തില്‍ നിന്ന് മണിക്കൂറില്‍ 40 കിലോമീറ്റര്‍ വേഗത കൈവരിക്കാന്‍ 3.7 സെക്കന്‍ഡ് മതി. പരമാവധി വേഗത മണിക്കൂറില്‍ 90 കിലോമീറ്ററാണ്. 55 ലിറ്റര്‍ ലോക്ക് ചെയ്യാവുന്ന സംഭരണശേഷി, മുന്‍വശത്തെ ഫുട്പെഗുകള്‍, റൈഡിംഗ് സുഖവും റൈഡിംഗ് സുഖവും മെച്ചപ്പെടുത്തുന്നതിനായി 14 ഇഞ്ച് വീലുകള്‍ എന്നിവയാണ് മറ്റ് ഹൈലൈറ്റുകള്‍.

ഇക്കോ, റൈഡ്, റഷ് എന്നീ മൂന്ന് റൈഡിംഗ് മോഡുകളും ഇന്‍ഡിയില്‍ ലഭ്യമാണ്. നിലവില്‍ രാജ്യത്തിന്റെ വിവധ ഭാഗങ്ങളിലായി റിവര്‍ മൊബിലിറ്റിക്ക് ഏകദേശം 40 സ്റ്റോറുകളുണ്ട്. ദക്ഷിണേന്ത്യന്‍ നഗരങ്ങളായ ബെംഗളൂരു, ചെന്നൈ, ഹൈദരാബാദ്, കൊച്ചി, കോയമ്പത്തൂര്‍ എന്നിവിടങ്ങളില്‍ ഇതിനോടകം തന്നെ ശക്തമായ സാന്നിധ്യമാകാന്‍ റിവര്‍ മൊബിലിറ്റിക്ക് സാധിച്ചു. കൊച്ചി കൂടാതെ തിരുവനന്തപുരം, കോഴിക്കോട്, കൊല്ലം, കോട്ടയം, മലപ്പുറം, പാലക്കാട്, തൃശൂര്‍ എന്നീ നഗരങ്ങളിലും റിവറിന് ഷോറൂമുകളുണ്ട്.