Click it and Unblock the Notifications
ഈ വിലയ്ക്ക് ഇ-സ്കൂട്ടര് കിട്ടുമെല്ലോ... പ്രീമിയം ഹെല്മെറ്റ് വിപണിയില് തരംഗമാകാന് KYT R1R
പ്രീമിയം ഹെല്മെറ്റ് വിപണിയില് പുതിയ വിപ്ലവവുമായി KYT തങ്ങളുടെ ഏറ്റവും പുതിയ R1R ഫുള്-ഫേസ് റേസിംഗ് ഹെല്മെറ്റ് ഇന്ത്യയില് അവതരിപ്പിച്ചു. 39,000 രൂപ പ്രാരംഭ വിലയില് പുറത്തിറങ്ങിയ ഈ ഹെല്മെറ്റ്, ഹോസ് ഓഫ് മെഷീന്സ് (House Of Machines) വഴിയാണ് വിപണിയിലെത്തിക്കുന്നത്. കഴിഞ്ഞ വര്ഷം ഇന്ത്യ ബൈക്ക് വീക്കില് ആദ്യമായി പ്രദര്ശിപ്പിച്ച ഈ ഹെല്മെറ്റ് ഇപ്പോള് രാജ്യത്തുടനീളമുള്ള അംഗീകൃത ഡീലര്ഷിപ്പുകളില് ലഭ്യമാണ്. റേസിംഗ് പ്രേമികള്ക്കും പ്രീമിയം റൈഡിംഗ് ഗിയറുകള് ഇഷ്ടപ്പെടുന്നവര്ക്കുമായി റേസിംഗ് മികവും സുരക്ഷയും ഒത്തിണങ്ങിയ ഉല്പ്പന്നമായാണ് ഇത് അവതരിപ്പിച്ചിരിക്കുന്നത്. KYT R1R ഹെല്മെറ്റ് മൂന്ന് വ്യത്യസ്ത വേരിയന്റുകളിലായാണ് വിപണിയില് എത്തിയിരിക്കുന്നത്.
കളര് ഗ്രാഫിക്സ് റേഞ്ച് 39,000 രൂപയും, കാര്ബണ് ഗ്രാഫിക്സ്, റെപ്ലിക്ക റേഞ്ച് എന്നിവയ്ക്ക് 43,500 രൂപയുമാണ് വില. കമ്പനിയുടെ ഇന്ത്യന് നിരയില് NZ റേസ്, ഫ്ലാഗ്ഷിപ്പ് KX-1 റേസ് GP എന്നിവയ്ക്ക് ഇടയിലായാണ് KYT R1R സ്ഥാനം പിടിച്ചിരിക്കുന്നത്. വൈവിധ്യമാര്ന്ന ഗ്രാഫിക്സുകള് ഉപഭോക്താക്കള്ക്ക് കൂടുതല് ചോയിസുകള് നല്കുന്നു. ഗുണനിലവാരത്തിലും രൂപകല്പ്പനയിലും മികച്ച നിലവാരമാണ് കമ്പനി പുലര്ത്തുന്നത്.
കാര്ബണ് ഫൈബര്, അരാമിഡ് ഫൈബര്, ഫൈബര്ഗ്ലാസ് എന്നിവ ചേര്ന്ന ട്രൈകോംപോസിറ്റ് ഷെല്ലാണ് ഈ ഹെല്മെറ്റ് നിര്മിക്കാന് ഉപയോഗിച്ചിരിക്കുന്നത്. S, M, L എന്നീ മൂന്ന് സൈസുകളില് ഇത് ലഭ്യമാണ്. M സൈസ് ഹെല്മെറ്റിന് 1,550 ഗ്രാം ഭാരമാണുള്ളത്. മള്ട്ടി-ഡെന്സിറ്റി EPS ലൈനര് അപകടഘട്ടങ്ങളില് ഊര്ജ്ജം ആഗിരണം ചെയ്ത് തലയ്ക്ക് മികച്ച സംരക്ഷണം ഉറപ്പാക്കുന്നു. ഏറ്റവും പുതിയ യൂറോപ്യന് സുരക്ഷാ മാനദണ്ഡമായ EVE 22.06 ഹോമോലോഗേഷനും ISI സര്ട്ടിഫിക്കേഷനും ഇതിനുണ്ട്.
ഇറ്റലിയിലെ KYT-യുടെ വിന്ഡ് ടണലുകളില് മൂന്ന് വര്ഷം നീണ്ട പരീക്ഷണങ്ങള്ക്ക് ശേഷമാണ് ഹെല്മെറ്റിന്റെ രൂപകല്പ്പന പൂര്ത്തിയാക്കിയത്. താടി, നെറ്റി, ഹെല്മെറ്റിന്റെ മുകള്ഭാഗം എന്നിവിടങ്ങളില് എയര് ഇന്ടേക്ക് വെന്റുകളുണ്ട്. പിന്നിലെ പാസീവ് വെന്റും വെഞ്ച്വറി-എഫക്ട് സിസ്റ്റവും എയര്ഫേ്ലാ മികച്ചതാക്കുന്നു. ഉള്ളിലെ ലൈനിംഗിനായി ഹൈഡ്രോകൂള് ടെക്നിക്കല് ഫാബ്രിക് ഉപയോഗിച്ചിരിക്കുന്നതിനാല് ചൂട് കുറയ്ക്കാനും വിയര്പ്പ് ഒഴിവാക്കാനും സഹായിക്കുന്നു. ദീര്ഘദൂര യാത്രകളില് ഇത് റൈഡര്മാര്ക്ക് വലിയ ആശ്വാസമാണ്.
ഇതിന്റെ വൈസറിന് 210-ഡിഗ്രി ഹൊറിസോണ്ടല് 90-ഡിഗ്രി വെര്ട്ടിക്കല് ഫീല്ഡ് ഓഫ് വ്യൂ ആണുള്ളത്. ഒപ്റ്റിക്കല് ക്ലാസ് 1 വ്യക്തതയുള്ള വൈസര് സുരക്ഷിതമായ യാത്ര ഉറപ്പാക്കുന്നു. വൈസര് അടയ്ക്കുമ്പോള് മികച്ച സീലിംഗ് ലഭിക്കാനായി റോട്രാന്സ്ലേഷന് മെക്കാനിസം ഉപയോഗിക്കുന്നു. മോട്ടോജിപി (MotoGP) പാഡോക്കില് നിന്ന് കടമെടുത്ത മെറ്റല് അലോയ് റേസിംഗ് ലോക്ക് സിസ്റ്റം ഉയര്ന്ന വേഗതയിലും വൈസര് ഭദ്രമായി നിലനിര്ത്തുന്നു. പിന്ലോക്ക് സൗകര്യമുള്ള വൈസറില് ആവശ്യമെങ്കില് ടിന്റഡ് ഓപ്ഷനുകളും ലഭ്യമാണ്.
KYT-യുടെ റേസിംഗ് ഡിഎന്എയും സുരക്ഷയും ഒത്തിണങ്ങിയ ഉല്പ്പന്നമാണ് ആര്1ആര് എന്ന് ഹോസ് ഓഫ് മെഷീന്സ് ഡയറക്ടര് അജിത് ഭരദ്വാജ് പറഞ്ഞു. ട്രാക്കിലും നിരത്തിലും ഒരുപോലെ മികച്ച പ്രകടനം ആഗ്രഹിക്കുന്ന ഇന്ത്യന് റൈഡര്മാര്ക്ക് ഇതൊരു മികച്ച അവസരമാണ്. ഇന്ത്യയിലെ പ്രീമിയം റൈഡിംഗ് ഗിയര് വിപണിയില് കെവൈടിയുടെ സ്ഥാനം ഉറപ്പിക്കാന് ഈ ഹെല്മെറ്റ് സഹായിക്കുമെന്ന് അദ്ദേഹം വ്യക്തമാക്കി.
സുരക്ഷയ്ക്ക് പ്രാധാന്യം നല്കുന്ന റൈഡര്മാര്ക്ക് ഈ ഹെല്മെറ്റ് മുതല്ക്കൂട്ടായിരിക്കും. ഒരു ലോ സ്പീഡ് ഇലക്ട്രിക് സ്കൂട്ടറിനേക്കാള് വിലയുണ്ടെങ്കിലും, ലോകോത്തര നിലവാരത്തിലുള്ള സാങ്കേതികവിദ്യയാണ് ഇതില് ഉപയോഗിച്ചിരിക്കുന്നത്. ലോകോത്തര നിലവാരമുള്ള റൈഡിംഗ് ഗിയറുകള് ഇന്ത്യയില് ലഭ്യമാക്കുന്നത് വഴി റൈഡര്മാരുടെ സുരക്ഷ മെച്ചപ്പെടുത്താന് സാധിക്കും. കെവൈടിയുടെ ഈ മുന്നേറ്റം മറ്റ് ബ്രാന്ഡുകള്ക്ക് വലിയ വെല്ലുവിളിയാണ്.
രൂപകല്പ്പനയിലും സുരക്ഷയിലും വിട്ടുവീഴ്ചയില്ലാത്ത KYT-യുടെ സമീപനം ഈ ഹെല്മെറ്റില് പ്രകടമാണ്. R1R മോഡലിലെ ഓരോ ഫീച്ചറുകളും റൈഡറുടെ സൗകര്യങ്ങളും പെര്ഫോമന്സും മുന്നിര്ത്തിയാണ് ഒരുക്കിയിരിക്കുന്നത്. ഇന്ത്യയിലെ റേസിംഗ് ട്രാക്കുകളിലും ഹൈവേകളിലും ഈ ഹെല്മെറ്റ് ഉടന് തന്നെ ട്രെന്ഡായി മാറുമെന്നാണ് പ്രതീക്ഷിക്കുന്നത്. പ്രീമിയം ഹെല്മെറ്റുകള് തേടുന്നവര്ക്ക് മികച്ച ഓപ്ഷനാണ് KYT നല്കുന്നത്. വരും നാളുകളില് ഈ ഹെല്മെറ്റിന്റെ ഡിമാന്ഡ് കൂടുമെന്ന് വിപണി വിദഗ്ധര് വിലയിരുത്തുന്നു.
Continue with Google