ഡ്യൂബൈക്ക്: മടക്കിവെക്കാവുന്ന യാത്രകള്‍

Published: Friday, May 24, 2013, 17:30 [IST]

മടക്കിവെക്കാവുന്ന എന്തും നമുക്ക് ഇഷ്ടമാകാന്‍ തുടങ്ങിയത് ഈയടുത്ത കാലത്താണ്. സ്ഥലസൗകര്യം കുറഞ്ഞുവരുന്ന നഗര സാഹചര്യങ്ങളാണ് ഈ ഇഷ്ടത്തിന് കാരണം. ആവശ്യം കഴിഞ്ഞാല്‍ മടക്കിവെക്കാവുന്ന ഒരു വാഹനം തീര്‍ച്ചയായും ഇക്കൂട്ടത്തില്‍ ചേരേണ്ടതുണ്ട്; വീട് വരെ മടക്കിവെക്കാന്‍ ആഗ്രഹിക്കുന്ന നമ്മുടെ കാലത്ത്.

ഡ്യൂബൈക്ക് ഫോള്‍ഡിംഗ് ബൈസിക്കിള്‍ മടക്കിവെക്കാവുന്ന സൈക്കിള്‍ എന്ന നമ്മുടെ ആവശ്യത്തെ വളരെ മനോഹരമായി തൃപ്തിപ്പെടുത്തുന്നു. ട്രക്കിംഗ് ഭ്രാന്തുള്ളവര്‍ക്ക് തീര്‍ച്ചയായും ഉപകാരപ്രദമാണ് ഈ വാഹനം. ദുര്‍ഘടമായ പാതകളില്‍ സൈക്കിള്‍ മടക്കി കൈയില്‍ പിടിക്കാന്‍ കഴിയും. നഗരങ്ങളില്‍ സ്ഥലസൗകര്യം വലിയൊരു പ്രശ്നമാണ്. ഡ്യൂബൈക്ക് ഫോള്‍ഡിംഗ് സൈക്കിള്‍ ഇവിടെയും ഉപകാരം ചെയ്യും.