ഡ്യൂക്ക് ആര്‍സി390 ചിത്രങ്ങള്‍ ലീക്കായി

എയ്‌റോഡൈനമിക് ഫെയറിംഗ് കൂട്ടിച്ചേര്‍ത്തതു തന്നെയാണ് കെടിഎം ഡ്യൂക്ക് 390യില്‍ നിന്ന് ആര്‍സി390ക്ക് വന്നിട്ടുള്ള ഡിസൈനിലെ പ്രധാന മാറ്റം. ക്ലിപ്-ഓണ്‍ ഹാന്‍ഡില്‍ബാറുകളാണ് ആര്‍സി90ക്കുള്ളത്.

പിന്‍വശത്തിന് കൂടുതല്‍ ഷാര്‍പ്പായ ഡിസൈന്‍ നല്‍കിയിരിക്കുന്നു.

മുമ്പില്‍ ഹെഡ്‌ലാമ്പ് വലിയ തോതില്‍ വ്യത്യാസപ്പെട്ടിരിക്കുന്നു.

ഇന്‍ട്രുമെന്റ് പാനലിന്റെ ചിത്രം പുറത്തുവന്നിട്ടില്ല. ഇതും വ്യത്യസ്തമായിരിക്കുമെന്നാണ് പ്രതീക്ഷ.

എന്‍ജിന്‍

1 സിലിണ്ടര്‍ 4 സ്‌ട്രോക്ക് വാട്ടര്‍കൂള്‍ഡ് 373.2 സിസി ശേഷിയുള്ള എന്‍ജിനാണ് വാഹനത്തിനുള്ളത്. 43 പിഎസ് കരുത്ത് ഉല്‍പാദിപ്പിക്കാന്‍ ഈ എന്‍ജിന് സാധിക്കും.

6 സ്പീഡ് ട്രാന്‍സ്മിഷനാണ് ഡ്യൂക്ക് ആര്‍സി390ക്ക് ഘടിപ്പിച്ചിരിക്കുന്നത്.

ഫ്രണ്ടില്‍ നാല് തുളയുള്ള ബ്രേക് കാലിപ്പറോടെയുള്ള ഡിസ്‌ക് ബ്രേക്കുകളാണ് വാഹനത്തിന്. പിന്‍വശത്ത് സിംഗിള്‍ പോട്ട് കാലിപ്പറോടെയുള്ള ഡിസ്‌ക് ബ്രേക്കാണുള്ളത്.

178.5 എംഎം ഗ്രൗണ്ട് ക്ലിയറന്‍സുണ്ട് ആര്‍സി390ക്ക്. ഇന്ധനമൊഴിക്കാത്ത നിലയില്‍ 147 കിലോഗ്രാം ഭാരം വാഹനത്തിന് വരും.