Click it and Unblock the Notifications
യമഹയുടെ ലീനിംഗ് മള്ടിവീലര് 2014ല് എത്തും
യമഹയില് നിന്നുള്ള ആദ്യത്തെ ലീനിംഗ് മള്ടി വീലര് (എല്എംഡബ്ല്യു) 2014ല് പുറത്തിറങ്ങും. മൂന്ന് വീലുകളാണ് ഈ വാഹനത്തിനുണ്ടാവുക.
2007 ടോക്കിയോ മോട്ടോര്ഷോയില് നാല് ചക്രങ്ങളുള്ള ഒരു മോഡല് അവതരിപ്പിച്ചിരുന്നു, ടെസ്സെറാക്ട് എന്ന പേരില്. വലിയ തോതില് ജനശ്രദ്ധ പിടിച്ചുപറ്റിയ ഈ മോഡല് പക്ഷെ ഉല്പാദന മോഡലായി വിപണിയിലെത്തില്ല എന്നാണ് മനസ്സിലാക്കുന്നത്. മൂന്ന് ചക്രങ്ങളുള്ള ലീനിംഗ് മള്ടി വീലറുകള് നേരത്തെയും വിപണിയിലെത്തിയിട്ടുണ്ട്. പ്യാജിയോയുടെ എംപി3 മോഡല് ഇത്തരമൊരു വാഹനമാണ്.
ചിത്രത്തില് കാണുന്നത് പ്യാജിയോ എംപി3 സ്കൂട്ടറാണ്.
വളവുകളില് ആയാസരഹിതമായും നിര്ഭയമായും ചെരിച്ചെടുക്കുവാന് കഴിയും എന്നതാണ് അധികമായി വരുന്ന മുന് ചക്രം കൊണ്ടുള്ള ഗുണം. ഈ വാഹനം ഇപ്പോഴും നിരവധി വിപണികളിലുണ്ട്.
യമഹ എല്എംഡബ്ല്യു ടെസ്റ്റ് ചെയ്യുന്നതിന്റെ ചിത്രമാണിത്. മൂന്ന് ചക്രങ്ങളാണ് വാഹനത്തിനുള്ളത്.
നാല് ചക്രങ്ങളോടെ അവതരിപ്പിക്കപ്പെട്ട ടെസ്സെറാക്ട് കണ്സെപ്റ്റ് വിപണിയിലെത്തില്ല എന്നാണ് മനസ്സിലാക്കുന്നത്. എന്നിരിക്കിലും ടെസ്സെറാക്ടില് ഉപയോഗിച്ചതിന് സമാനമായ സാങ്കേതികതയാണ് ഈ വാഹനത്തിലും ഉപയോഗിച്ചിരിക്കുന്നത്.
ടെസ്സെറാക്ടില് ഉപയോഗിച്ചിരിക്കുന്ന സവിശേഷതമായ സസ്പെന്ഷന് സംവിധാനം യമഹയുടെ മുച്ചക്ര ബൈക്കിലും ഘടിപ്പിക്കും. ഈ സസ്പെന്ഷന് സന്നാഹമാണ് വാഹനത്തെ ചെരിയുവാന് സഹായിക്കുന്നത്.
ടൂ വീലര് ബൈക്കുകളെക്കാള് സ്ഥിരത ഈ മുച്ചക്ര ബൈക്കിനുണ്ടായിരിക്കും. മൊബിലിറ്റിയുടെ കാര്യത്തില് വ്യത്യാസമൊന്നും വരുന്നില്ലതാനും.
നാല് ചക്രത്തില് വാഹനം പുറത്തിറക്കിയാല് അതിനെ മോട്ടോര്സൈക്കിള് വിഭാഗത്തില് പെടുത്തുവാന് മിക്ക വിപണികളിലും സാധിക്കില്ല. ഇക്കാരണത്താലാവാം മൂന്ന് ചക്രത്തിലേക്ക് യമഹ മാറിയത്.
Continue with Google