ഡാറ്റ്സൺ തൊള്ളായിരത്തോളം റെഡി-ഗോ തിരിച്ചുവിളിക്കുന്നു

Written By:

തകരാറിനെ തുടർന്നുള്ള തിരിച്ചുവിളിക്കലുകൾ ഇപ്പോൾ സർവസാധാരണമായി കൊണ്ടിരിക്കുകയാണ്. അടുത്തിടെയായി അത്തരത്തിലുള്ള തിരിച്ചുവിളികളുടെ എണ്ണവും വർധിച്ചിട്ടുണ്ട്. ഡാറ്റ്സൺ അടുത്തിടെ ലോഞ്ച് ചെയ്ത റെഡി-ഗോയാണ് ഇപ്പോൾ തിരിച്ചു വിളിക്കലിന് വിധേയമായിരിക്കുന്നത്.

ഫ്യുവൽ സിസ്റ്റത്തിലുള്ള തകരാറിനെ തുടർന്ന് റെഡി-ഗോയുടെ 932 യൂണിറ്റുകളാണ് തിരിച്ചുവിളിക്കുന്നത്. മെയ് 18 വരെ നിർമിക്കപ്പെട്ടിട്ടുള്ള മോഡലുകളായിരിക്കുമിത്.

തകരാറിലായ ഫ്യുവൽ സിസ്റ്റം സൗജന്യമായിട്ടുതന്നെ മാറ്റി നൽകുമെന്നാണ് കമ്പനി അറിയിച്ചിരിക്കുന്നത്. ഇതിനു വേണ്ട പരിശോധനയും നടത്തികൊടുക്കുമെന്ന് പ്രഖ്യാപിച്ചിരിക്കുകയാണ്.

ദില്ലി എക്സ്ഷോറും 2.38ലക്ഷത്തിന് ഈ വർഷം ജൂണിലായിരുന്നു റെഡി-ഗോ വിപണിയിലവതരിച്ചത്. ഏപ്രിലായിയിരുന്നു ഈ വാഹനത്തിന്റെ ആദ്യ പ്രദർശനവും നടന്നത്.

53ബിഎച്ച്പിയും 72എൻഎം ടോർക്കും നൽകുന്ന 799സിസി ത്രീസിലിണ്ടർ പെട്രോൾ എൻജിനാണ് റെഡി-ഗോയ്ക്ക് കരുത്തേകുന്നത്.

പവർ ചക്രങ്ങളിലേക്ക് എത്തിക്കുന്നതിനായി 5 സ്പീഡ് മാനുവൽ ഗിയർബോക്സാണ് എൻജിനിൽ ഘടിപ്പിച്ചിട്ടുള്ളത്.

ലിറ്ററിന് 25.17 കിലോമീറ്റർ മൈലേജ് വാഗ്ദാനം ചെയ്യുന്ന റെഡി-ഗോയ്ക്ക് മണിക്കൂറിൽ 140 കിലോമീറ്റർ വേഗതയാണുള്ളത്.

15.9 സെക്കന്റ് എടുത്താണ് ഈ വാഹനം പൂജ്യത്തിൽ നിന്ന് നൂറ് കിലോമീറ്റർ വേഗത കൈവരിക്കുന്നത്.

മറ്റ് സ്റ്റാൻന്റേഡ് സുരക്ഷാ ഫീച്ചറുകൾക്കൊപ്പം ടോപ് വേരിയന്റിൽ എയർബാഗും ഉൾപ്പെടുത്തിയിട്ടുണ്ട്.

 

Click to compare, buy, and renew Car Insurance online

Buy InsuranceBuy Now

കൂടുതല്‍... #ഡാറ്റ്സൻ #datsun
English summary
After Renault, Datsun Announces A Recall For The redi-GO
Please Wait while comments are loading...